رواية في ظلمة بيجاد الفصل السادس 6 بقلم كنزي حمزة
 |
| رواية في ظلمة بيجاد الفصل السادس 6 بقلم كنزي حمزة |
رواية في ظلمة بيجاد الفصل السادس 6 بقلم كنزي حمزة
دق بابه وفتحه بهدوء تام وجده ممدداً في فراشه يعبث في هاتفه ولكنه انتبه له حين رأه
بمنتهي الروعنه وقف امامه وتأهب لمشاجرته الكلاميه وتوبيخه المستمر له
اهلا هو حضرتك شرفت وطبعا رجالتك اشتكولك مني كالعاده وجاي تحقق معايا وتطلع كل عقدك عليا
وأنا بقي المفروض اني احط وشي في الارض واسكت وابين اني خايف ومكسوف منك مش كده يا بيجاد باشا
اغلق الباب من خلفه ووقف امامه وهو مازل محتفظ بهدوءه اللعين هذا
لاء مش كده يا زياد بيه انا اذا كنت هتخانق واطلع عقدي عليك فداه بس عشان خاطر ابني اللي انت عمه
مش عايزه يطلع شايل نفس عقد ابوه ويكره عمه زي
كل ده عشان انفعلت شوية يامن مش هايكرني عشان زعقتله مره لمجرد بس اني عمه انا مش مهران يا بيجاد عشان تشبهني بيه
ولا هاسمحلك اصلاً انك حتي تفكر تبقي زيه في اي حاجه
من ساعة ما خرجت من الملجأ واخدتك من عنده وانا بعَاملك علي انك ابني مش اخويا
لكن انت عارفني كويس اوي لما بقلب على الوش التاني بلاش تضطرني اعَاملك معاملة انت عارفها كويس اوي زياد
حاضر يا بيجاد وانا اسف ليك ولابنك يا سيدي ها مبسوط كده ولا تحب انزل ابوس ايد يامن باشا قبل ما ابوه ولي نعمتي يقلب عليا وينفذ تهديده ليا
كاد ان يصفعه علي وجهه وهو ثائر جداً ولكنه توقف وصاح فيه
انت مجنون يلا
ايه ناوي تضربني يا بيجاد اضرب مستني ايه ولا اقولك هات كرباج عمك واجلدني بيه وبعده اامر رجالتك يخدوني ويحبسوني معاه في المخزن تحت
قسماً بربي يا زياد لعملها لو مابعدتش عن بنت عدلي العزيزي
والرجاله اللي انت كل شويه بتخترع ليهم مشكله وتتخانق معاهم عشان يبعدو عنك ويبطلوا يحرسوك
ورحمة ابوك وامك لخليهم هما بنفسهم يوروك الحبس هيبقي شكله ايه يااخويا
زجه من امامه بقوه ليقع علي الارض ويتخطاه بدوره ليرحل من غرفته في هدوء
//////////////////////////
وبعد الغداء صعد ابنه الي غرفته بينما اتجهه هو الي غرفة مكتبه ليجلس وحيداً في الظلام كعادته يتذكر اسوء ايام حياته
ليعود به الزمن خمسة عشر عاماً اثناء وجوده في اول لياليه في دار الايتام
حضرت اليه والدته معها حبيبته الصغيره واخيه المدلل
بيجاد حبيبي عامل ايه؟
هاعمل ايه يعني ياماما بحاول اقلم نفسي اني يتيم زيي زي اطفال الملجأ لأ وواحد منهم كمان
لاء ياحبيبي انت مش زي حد هنا انت احسن منهم كلهم انت بيجاد مراد الالفي
مات يا ماما مراد الالفي مات وسابنا لأخوه عشان يعرفنا معني اليتم بجد
وقفت صغيرته بجانبه واحتضنته بدورها وهي تبكي بشده
معلش يابيجاد متزعلش انا وزياد هانجيلك كل يوم ونقعد معاك
ضمها اليه بأخوه وحب واجلسها بجواره وهو يلتفت الي والدته
ابقي هاتيهم يقعدو معايا يا ماما وانتي جايه كل يوم عشان مش يوحشوني
ما كان منها الا انها ضمته اليها بحنان وهي تجهش ببكاء حارق واَنين مكتوم
اندهش من تصرفها هذا ونظر اليها بحيرة
مالك يا ماما بتعيطي ليه
انا مش هاقدر اجي الملجأ كل يوم زي زمان يا بيجاد عمك خلاني اتنزلتله عن ادارته عشان يرضي يسحب المحضر ومش يخدوك علي الاصلاحية
ابتسم لها والتفت لينظر امامه
كنت متوقع منه الاسوء كنت عارف انه بيعمل كده عشان يجبرك تتنزلي ليه علي املاكنا لكن ادارة الملجأبس متوقعتش منه كده
زاد انينها وصوت بكائها بحرارة ليلتفت اليها مره ثانيه
الله ماما اوعي تكوني عملتيها اتنزلتي ليه عن املاكنا
كنت فاكره اني بكده هارجعك لحضني تاني لكن خدعني وغشني يا بني وبدل مايرجعك البيت امر انك تقعد هنا وكمان حرمني من اني اجي هنا عشان اشوفك احنا جينا من وراه لما خرج
صمت الطفل العنيد والالم يشمل جسده بلكامل ليس الم ارهاق اووجع بل هو الم الفراق والتفكير في القادم والانتقام ايضاً
نظر الي اخيه الصغير وانحني اليه بهدوء وهمس له
زياد مش عايزك تخاف منه ولاتزعل من حاجه مش عايزك توقف قصاده ماتقولش غير حاضر ونعم وبس لحد ماخرج من هنا انت هاتبقي عيني هناك
انا خايف يا بيجاد ده اكيد هايعمل فيا زيك
لأ لو سمعت كلامي وقولت حاضر ونعم هايفتكرك عيل طيب وغلبان ولحد ماخرج من هنا كل حاجه هايعملها انت هاتحفظها صم وتقولهالي ماشي
حاضر يا اخويا حاضر
يلا يا ماما خديهم وامشي قبل ما يعرف ويعملك مشكله
مش هاين عليا اسيبك يا حبيبي
استحملي يا ماما وانا كمان هاستحمل بس لحد مااطلع ليه من هنا
وانا يا بيجاد
من كتر كرهي في ابوكي مابقتش طايق اشوفك قصاد عيني يا فرح امشي من هنا واوعي تيجي هنا تاني انتي فاهمه
جرت من امامه وهي لا ضتري امامها من كثرة دموعها
/////////////////////////////
الحق يا بيجاد باشا الحق بسرعه
في ايه يا راجل يا مخبول انت انت اتجننت يا حماد ازاي تدخل بالطريقة دي عليا
الحج عدلي العزيزي يا باشا
مالو ياسيدي هو انا مش هاخلص من الحوار دا بقي
بره يا باشا هو رجالته بره في الجنينة
بتقول ايه ياحماد عدلي العزيزي بره
ايوه يا باشا والرجاله واقفين قصاده ومانعينه من الدخول لحد ما حضرتك تدينا الامر
اخرج سلاحه ووضعه بجانبه وهو يهرول للخارج ويصرخ في خادمه
امن ابني واخويا كويس يا حماد مش عايز اشوف واحد فيهم تحت احبسو كل واحد جوه اوضته
حاضر ياباشا
سريعاً ما كان يقف بالخارج ويغلق باب فيلته من خلفه ويأمر رجاله بأن يفصحو له الطريق للوصول اليه
خطوه غريبة يا حج عدلي
ماكنتش اعرف انك بخيل قوي كده يامتر مش هاتستقبلني في بيتك ولا ايه
اعذرني يا حج عدلي اصل انا مابدخلش في بيتي اي حد
الا اذا كان جايلي في خير وانا اشك بصراحه
ماتقلقش كده يا متر مانا بردو جايلك في خير
والله طب خير ياحج قولي
ماهو لما اكون مش عايز احزنك علي شباب اخوك وهو لسه صغير ابقي بعمل خير بردو يا بيجاد ياألفي
انت جاي تهددني في بيتي ياراجل يامجنون انت
رفع رجاله الأسلحة الناريه واشتعل الموقف بأكمله ولكن هذا الرجل اللعين اشار لهم بعدم الضرب
اه بهددك يامتر حافظ علي اخوك وابعده عن بنتي بدل ماتصبح ماتلقيهوش في حضنك واحزنك عليه او ارميه في السجن زي صاحبك
انا اللي هاحطك في السجن بأيدي يا عدلي يا عزيزي
انت فاكر انك هاتنجي بعملتك دي مجيتك لحد عندي هنا بالسلاح والرجالة دول كلهم
فيها قضية ماتقلش عن تأبيدة يا حلو حسب القانون تعدي وأرهاب وحيازة سلاح سهل اوي بتليفون صغيرمني للقسم ماتروحش علي بيتك تاني
ههههههههه انا عارف انك محامي شاطر ومذاكر القانون كويس اومال انا كنت متمسك بيك في شغلي ليه ياراجل دانت نجيت حسن من ٢٥سنه سجن لخمس سنين بس
وهو قضاهم وخارجلك وهنرجع انا وهو نقف قصادك تاني وهنجيب حقه منك ومن غدرك بينا ياعدلي يا عزيزي
طب ضيف فوق الحساب بقي اخوك مش هاحذرك تاني يا متر إلا بنتي ابعده عنها احنسلك واحسنله
والله الدكتور زياد راجل يعمل اللي علي مزاجه وزيه زي اي شاب مش هيقول لاءه لوحده بترمي نفسها عليه وبتتلزق فيه
انت بتقول الكلام ده علي بنتي انا يابيجاد يا الفي وحياة شدة عمك اللي انت خافيته عن الكل لكون محزنك علي اخوك الراجل اوي وابقي خبيه وشدد الحراسة عليه كويس من هنا ورايح
