رواية صدفة أم قدر الفصل الثامن 8 بقلم سمية عبدالسلام
رواية صدفة أم قدر الجزء الثامن
رواية صدفة أم قدر البارت الثامن
رواية صدفة أم قدر الحلقة الثامنة
اتجه ثلاثتهم إلى المرحاض لتفتح عايدة الباب على مصرعيه وحلت بها الصدمة عندما رأت أحمد أرضاً وفوقه سليم.
عمر بسخرية _طيب كنتم اقفلوا الباب عليكم.
احمد ومعدته تألمه _ااه.
عايدة بعصبية _وبتقولها في وشي ياقليل الادب.
حاول سليم الوقوف ليقول _لأ ما هو اه بتاعته غير اه بتاعتنا.
نظر ديشا لعمر وارتسمت على ملامحه ابتسامة ماكرة وقال_بس مقلتليش يا سليم كنت عايزني اجبلك اختبار حمل ليه؟
عايدة وهي تضرب بيدها على صدرها بصدمة _كمان اختبار حمل؟!!
سليم وهو يضيق من عينيه وينظر لديشا _اه يا ابن ال…
عايدة _ ااه يا شوية اوباش ،طلعت Horny يا احمد.
ديشا _يطلع مين قرني ده يا احمد؟!
احمد بسخرية _ جوز خالتك.
عايدة بصوت عالي _اطعلوا برا ياقليل الادب منك ليه.
احمد وهو يمسك معدته من الالم _لأ ابوس ايدك ،اطلعوا انتم برا انا هم”وت.
توسعت حدقتا عينيها بصدمة وقالت مكررة لحديث احمد _اطلعوا برا ،وهمو”ت ،لأ ده انا اروح البس بقا عشان ألحق اسجل العيل.
وخرجت متجهة للمطبخ.
سليم وهو ينظر بشر لديشا وعمر _ما بقاش سليم المنشاوي ان مربتكم من جديد ياشبشب انت وهو.
احمد_وديني شقتنا ،انا عايز امشي من هنا
امسك سليم ب احمد واتجهوا للخروج وجدوا عايدة وبيدها سكين ترك سليم احمد يسقط أرضاً وقال _لأ طالما وصلت للسكينة ،انا هقول الحقيقة ،الواد احمد ده حامل في تؤام وانا قلت استر عليه.
احمد وهو يصرخ بألم بعدما اسقطه سليم أرضاً _اااه.
سليم _شوفتي اهو الطلق بدأ والقرن طش.
::::::::::::::::::::::::::::::
كان يجلس على مكتبه يغلق عينيه من التعب ،سمع الطرق على الباب فقال وهو مغمض العينين_ادخل.
_في حالة مستعجلة يادكتور.
شعر رحيم انه يعرف الصوت فتح عينيه ليقول بسعادة _اسر؟!
وقف رحيم واتجه نحوه وأخذه في عناق طويل بعض الشيء وقال بترحاب _تعالى اقعد جيت امته؟!
اسر وهو يجلس على المقعد امام رحيم _لسه واصل حالاً.
رحيم بعتاب _بردو عملت اللي في دماغك ونقلت ورقك.
اسر _يعني عايزين افضل هناك واسيبك هنا ،انا صاحبك ومن واجب الصحاب على بعض لما تكون محتاجني اكون جمبك.
ابتسم رحيم على حديثه لكن سريعاً ما تحولت البسمة الى حزن _اللعبة ممكن تكون خطر يا اسر وانت عشان صاحبي مش عايزك تتأذي.
اسر بشجاعة _العمر واحد والرب واحد.
رحيم _يبقا اتكالنا على الله.
:::::::::::::::::::::::::::
قام بتقبيل يدها ليقول ببتسامة _عاملة ايه ياحببتي؟
سعاد_بخير الحمدلله.
نظرت له قليلاً ثم قالت _امال فين ابو طويلة؟
عقد ادهم حاجبيه بستفهام _مين ابو طويلة ده؟!
سعاد بحنق _سليم ما هو كمان ابو طويلة زيك.
ضحك ادهم واردف _بقا انا ابو طويلة ياتيتة ؟!ماشي مقبلولة.
سعاد بصرامة _يلا تعالى ورايا المطبخ اعملك الشاي بالنعناع ،انا عارفة انك بتحب تشربه من ايدي.
اجابها _لأ خليك مرتاحة وانا هعملنا.
سعاد بنبرة حادة قليلاً _فكرني عجزت اياك ، ده انا اللي يشوفني يقول اخت امك الصغيرة.
ابتسم وقال مازحاً _فعلاً اللي يشوفك يقول بنتها مش اختها.
سعاد بحزن مصطنع_بتتريق عليا يا ابن ريهام.
اخذها ادهم في حضنه نظراً لقصر قامتها وحجمها الصغير كانت تصل لمنتصف جسمه _لا عاش ولا كان اللي يتريق عليكِ ياحبتبي.
خرجت من حضنه وقالت _طيب يلا روح اعملنا الشاي بقا ،احسن انا تعبانة والعمود شادد عليا.
ادهم بتعجب _امال فين اللي يشوفني يقول انك اخت امي الصغيرة؟!!
سعاد وهي تجلس _ده كلام ،هو الكلام بفلوس.
ابتسم ادهم محدثاً نفسه _عندك حق يا سليم متجيش.
:::::::::::::::::::::::::::::::
تجلس على جانب النيل شاردة الذهن تتذكر ما مرت به ،انها وردة لكن وردة اذبلتها المعاملة الجافة.
_عملتلك الاكل اللي بتحبه ،عشان النهاردة يوم حلو عندي اوي.
_ايه كمية الاكل دي ،ده تبذير ياهانم ،احنا في غربة يعني لازم نحافظ على القرش .
_النهاردة ذكرى زواجنا وكنت عايزة نحتفل بيه سوى.
_احتفال ايه وقرف ايه الاحتفال ده للناس السعيدة المبسوطة مش المطحونة في الشغل وتيجي حضرتك تبعزقي الفلوس على كلام فارغ.
_بس الحاجات دي من مرتبي.
_مرتبكِ ،مرتبكِ انتِ هتزليني كل شوية عشان بتشتغلي وبتصرفي على البيت دي عيشة تقرف.
سقطت دمعة رغماً عنها فقامت بمسحها عندما سمعت صوت احدهم يقول _المكان جميل ،بس خسارة نعيط ونسيب المنظر ده.
نظرت وردة له فقال _تسمحيلي اقعد؟
اشاحت ببصرها بعيداً عنه غير عابئة به فقال وهو يجلس وينظر للا شيء هو الاخر _تعرفي ان المكان ده يعرف عني كل حاجة ،بشكيله همي وبرتاح.
_لما تشتكي لربك هترتاح اكتر.
أخيراً نطقت بها وردة وهي تقف فقال بسرعة _انا ممكن امشي لو سببتلك ازعاج ،الموضوع ان انا بحب اجاي هنا واقعد في نفس المكان بس خلاص ممكن تقعدي وانا همشي.
وردة_لأ خليك انا كده كده ماشية.
سارت بعض الخطوات لكن اوقفها عن السير صوته وهو يقول _انتِ قولتي هرتاح اكتر لو اتكلمت مع ربنا ،انا هعمل بنصيحتك وانا كمان هقولك على نصيحة.
نظرت له قليلاً واردفت _نصيحة ايه؟!
_متخليش العيون الجميلة دي تعيط غير بس على سجادة الصلاة.
رفعت احدى حاجبيها وقالت _انت بتعاكس بقا؟
ضحك وظهرت اسنانه فكان وسيماً _لأ اوعى تفهمي صح.
ظهرت شبح ابتسامة على ثغرها فقال _ايوة كده اضحكي خلي الشمس تنور ،ده حتى كلنا هنمو’ت .
وردة _قنبلة تفائل ما شاء الله.
ثم اكملت حديثها وقالت _عن اذنك.
ذهبت وردة وظل هو ينظر في اثرها حتى اختفت من امامه.
:::::::::::::::::::::::::::::::
_ألحق ياطارق باشا.
قالها مساعد طارق عبد الحميد وهو يلهث من الركض فقال طارق _في ايه؟
_كل الأسهم بتاعتنا وقعت وحد بلغ عن مخزن السلاح بس انا قدرت اتصرف وانقل اللي فيه قبل ما الحكومة توصل.
طارق بغضب _شكل في حد بينخرب ورانا وانا مش هسيبه وهعرفه مين طارق عبدالحميد.
_حضرتك تعرف مين اللي عمل كده يا باشا؟
_مفيش غيرهم عيلة المنشاوي ،شكله ما اتعلمش الدرس من اللي حصل زمان.
_وهتعمل ايه؟
ابتسم بخبث وقال _لأ على الهادي كده ،عشان لما نضرب ضربتنا تبقا في مقتل.
::::::::::::::::::::::::::::::
خد عملتلك شوية كِشك بالليمون تاكله بعد الانتوسيد هيقلل من الاسهال ووجع بطنك.
احمد متألماً _منك لله يابعيد.
سليم وهو يضع الطبق امامه _وانا مالي ياحزلقوم.
احمد _مش القهوة دي المفروض انت اللي تطفحها .
سليم وملامح الشر على وجهه _متفكرنيش عشان ما قمش اربي ولاد الجزمة دول.
بدأ احمد يأكل وهو يقول _طيب هما عايزين ينتقموا منك انا ذنب اهلي ايه؟
سليم _ ما خلاص ياسوسو ،ده حتى الزعل وحش عشان اللي في بطنك.
اخذ احمد الوسادة بجواره وقام بألقائها في وجهه.
انتهى احمد من تناول الطعام ورجع بظهره للخلف فقال سليم _لو لسه بطنك بتوجعك تعالى معايا نروح للدكتور.
احمد _لأ الحمدلله بقية احسن شوية.
سليم _لأ تعالى نروح للدكتور نطمن عليك ،عشان انا مش مرتاح للعيال دي وممكن يكونوا حطوا سم فيران .
احمد _هما بيكرهوك اه بس متوصلش لسم فيران .
كاد يتحدث حتى سمعوا صوت في الخارج فـ اردف سليم. _ايه الصوت ده؟
احمد _مش عارف بس مفيش حد في الشقة غيري انا وانت.
سليم _طيب تعالى نشوف في ايه؟
فتح سليم الباب وخرج من الغرفة وبعده احمد كانت ريهام ومعها مراد وندى تستند عليهم ويبدو على ملامحها الارهاق.
ركض سليم واحمد ليقول بخوف _مالك يا امي؟
سليم _ايه اللي حصل؟
مراد _متقلقوش هي بخير الحمد لله.
ريهام ببتسامة_محدش يقلق انا زي الفل ،دي دوخة بسيطة ،انا بس عايزة انام.
سليم _ندى روحي اندهي لماما من فوق.
ريهام _لأ يابني متقلقهاش انا كويسة ،انا بس تعبت من اللف في السوق مش اكتر .
اقترب سليم منها وقال بهدوء_يعني متأكدة انك كويسة يامرات عمي؟
ريهام _اه ياحبيبي متخفش عليا ،انا بس عايزة انام.
احمد _طيب تعالي اوديك اوضتك ترتاحي فيها.
حملها احمد وهي شعرت بالخجل فقال احمد وهو يدخل للغرفة _بتتكسفي من ابنك ولا ايه؟
ضحكت ريهام فقال احمد _اه لو بابا سمع ضحكتك دي مش هيقعدني في البيت لأ وكمان شايلك ،مش بعيد يطب ساكت.
ضربته ريهام بخفة على صدره وقالت _احترم نفسك ده ابوك.
::::::::::::::::::::::::
_وحضرتك مرنتش علينا ليه؟
كان سليم وهو يحدث اخيه مراد بغضب فقالت ندى بسرعة _انا رنيت عليك يا سليم بس فونك كان مقفول.
ابتسم مراد ببرود وقال _ممكن اعرف سياتك فونك مقفول ليه؟
سليم _اكيد فصل شحن انا سايبه في الاوضة ورحت اصلي ورجعت مبصتش فيه حتى.
خرج احمد من الغرفة ليقول _امال ادهم فين؟
سليم بدهشة _هو ادهم ميعرفش ،احيه.
مراد _انا مرضتش اقلقه.
احمد بسخرية _مرضتش ايه ياخويا ،ده هيعمل منك كوفتة لما يعرف.
ندى _عادي ياجماعة رنوا عليه وعرفوه طالما لسه مجاش عشان لو جه وعرف ان امه تعبت ومحدش قله مش هيسكت.
نظر ثلاثتهم لها وعلى وجوههم ابتسامة بلهاء لتقول ندى _مالكم بتبصولي كده زي الجعان ما بيبص للحمة في السوق.
احمد بنفس الابتسامة _ندى.
ندى _انسى.
مراد _ندوشة.
_وربنا ما يحصل.
سليم _انا عارف انك بتحبيني وهتكلميه.
ندى _اي ده ادهم؟!
نظر ثلاثتهم خلفهم لم يجدوا احد اعادوا بصرهم لندى لم تكن موجودة .
::::::::::::::::::::::::::::’
_ادهم.
ادهم وهو يرتشف من كأس الشاي _نعم.
سعاد _انا مش عاجبني حال الواد سليم .
ابتسم ادهم وقال _مش حضرتك بتثقي فيا؟
سعاد بتأييد _طبعاً.
ادهم _يبقا تأكدي أن سليم لا يمكن يعمل اي حاجة غلط تضر بسمعة عيلة المنشاوي.
ثم هتف رنين الهاتف فقال ادهم _شوفتي اهو بيجي على السيرة.
ادهم _الو ،السلام عليكم.
سليم من الجانب الاخر _وعليكم السلام ،انت فين يا ادهم؟
ادهم وهو يشعر ان هناك خطباً ما _عند جدتك ،في حاجة حصلت؟
سليم بتلعثم _لأ بس…
ادهم _بس ايه ما تنطق.
سليم _بصراحة مرات عمي تعبت شوية بس هي الحمدلله بقة كويسة.
اغلق ادهم الهاتف وحاول ان يخفي الامر على جدته وقال_بعد اذنك انا همشي دلوقت عشان عندي شغل.
سعاد _روح يابني ،ربنا معاك.
::::::::::::::::::::::::::::::::::
فتحت باب المنزل ورأتها تجلس وبيدها المصحف لكن لا يبدو عليها انها تقرأ به ،القت هبة بجسدها على الأريكة لتقول بتعب _امال خالتي فين؟
انتبهت لها اسراء وقالت _لسه مجتش من السوق.
هبة وهي تقف _طيب هدخل اغير هدومي.
لكن اوقفتها اسراء عن السير وهي تنادي عليها _هبة.
رجعت هبة وجلست بجوارهم لتقول بتسائل _عايزة حاجة؟
اسراء_كنت عايزة اسألك على حاجة في المصحف.
هبة _اسألي.
اسراء _انتِ عارفة اني في كلية اداب قسم لغة عربية.
هبة بتعجب _اه بس ده ايه علاقته بسؤالك؟
اسراء _وانا بقرأ في سورة العنكبوت في آية بتقول اعوذ بالله من الشيطان الرچيم {مثل الذين اتخذوا من دون الله اولياء كمثل العنكبوت اتخذت بيتاً}
واكملت حديثها _مش العنكبوت ده مذكر ليه بقا تاء التأنيث في كلمة اتخذت يعني الصح نقول هذا العنكبوت ولا هذه العنكبوت؟
تنهدت هبة وقالت ببتسامة _هو الصح هذا العنكبوت لان مذكر.
اسراء_طيب ازاي المصحف …كده يبقا في غلطة؟
هبة بسرعة _لأ حاش لله ،انا مكملتش كلامي ،لما جاءت تاء التأنيث مع كلمة العنكبوت وقال اتخذت،عاب الطاعنون في دين الله والمشككين ،فقالوا هذا خطأ في القرآن والعياذ بالله،
فقالو نحوياً ولغوياً الصحيح ان يقال في الآية {كمثل العنكبوت اتخذ بيتاً} لان كلمة العنكبوت مذكر.
اسراء _هبة انتِ عايزة تجننيني ،انتِ بتأكدي ان كده الآية فيها غلط.
ضربتها هبة بخفة على رأسها وقالت _ما انتِ لو لسانك اللي سابقك ده يستنى كنت هكمل كلامي.
اسراء_خلاص ياستي حقك عليا ،كملي.
هبة _ربنا اراد انه يترك لينا معجزة وحچة لتذيدنا يقيناً وتذيد الكافرين ذلة ومهانة ،فجاء العلم الحديث ،عشان تثبت ان انثى العنكبوت هي الوحيدة القادرة على بناء البيت والشبكة النعكبوتية اما ذكر العنكبوت ما بيقدرش يعمل كده هو بس ينتج خيوط يستعملها للانتقال والتحرك فقط وميقدرش يبني بيت،
فـ لو كان ربنا عز وجل قال {كمثل العنكبوت اتخذ بيتاً} كان الآية خاطئة علمياً وبيولوجياً لكن سبحان الله جاءت تاء التأنيث لتوقر الايمان في قوبنا ونعرف انه الحق.
اسراء _طيب ليه ربنا ادانا مثال بالعنكبوت مش اي حاجة تاني؟
هبة _عشان ياستي انثى النعكبوت بتقتل ذكر العنكبوت بعد ان تنجب الاولاد وترميه برا البيت وبعد ان يكبر الاولاد يقتلوا امهم ويرموها هي كمان برا البيت ،بيت عجيب من اسوأ البيوت على الاطلاق ،وربنا وصفه في القرآن بآية واحدة {وإن أوهن البيوت لبيت العنكبوت لو كانوا يعلمون}
اسراء بذهول _سبحان الله.
ثم اردفت متسائلة _طيب ليه ربنا سمى السورة بأسم الحشرة السيئة دي مع ان السورة بتتكلم من اولها لاخرها عن الفتن ايه علاقتها بالفتن؟
اخذت هبة نفساً عميقاً واخرجته ثم اردفت _عشان تداخل الفتن يشبه خيط العنكبوت الفتن متشابكة ومتداخلة والشخص منا صعب يميزها وهي كبيرة ومعقدة ولكن هي بردو هشة وضعيفة اذا استعنا بالله.
فقالت اسراء ببتسامة _ونعم بالله بس…
قاطعتها هبة وهي تقول _اسألك انا بقا ،تعرفي قصة العالم الالماني اللي بسببب آيتين في سورة الكهف اعلن اسلامه؟
اسراء بتعجب _لأ معرفش انتِ لازم تحكيلي.
وقفت هبة لتقول _لأ اعرفيها لوحدك.
اسراء_طيب حدديلي ايه الآيتين دول؟
هبة وهي تدخل لغرفتها _آية رقم 17 وآية رقم 18.
:::::::::::::::::::::::::::::::::::
ذهبت علا لترى من الطارق فقالت بترحاب _اتفضلوا ياشباب.
خرجت قدر من الغرفة فقالت ندى ببتسامة عندما رأتها _انتِ قدر مش كده؟
قدر_اه وانتِ؟
علا_اعرفكم ببعض دي ندى بنت عم ادهم اظن عارفة مين ادهم ودي سلمى اللي في الشقة اللي قصادنا ودي نرجس صحبتنا بردو وخطيبة فارس ودي ياشباب قدر.
نظرت سلمى لثيابهم وقالت _انتم كنتوا خارجين ولا ايه؟
قدر_كنا رايحين الصيدلية نغير على الجرح اللي في راسي.
ابتسمت ندى وقالت_لأ خليكم وانا هجيب اللي تغير على الجرح لحد هنا.
فقالت علا _مين دي؟
لم تجب ندى حتى رن هاتف علا رأت من المتصل فقامت بالقائه على الاريكة بضيق.
نرجس بفضول _احمد اللي بيرن؟
سلمى بضيق_وانتِ مالك يانرجس احمد ولا حد تاني؟
علا _صلوا على النبي ياشباب ،ايوة يانرجس احمد اللي بيرن ومش هرد عشان طلع يعرف عليا بنات.
نرجس بفرحة _بجد؟!!
تنحنحت عندما لاحظت نظرات سلمى لها وقالت _قصدي وانتِ عرفتي منين؟
علا_البيه وداني الكافيه اللي كان بيرحوه سوى وقال ايه البنت دي تبع سليم.
سلمى _وربنا كنت حاسة هو اللي يعرف سليم يشوف الخير.
نظرت لها ندى وقالت _بس انتِ تعرفي اخويا سليم منين؟
سلمى _انا مش بس اعرفه انا بشتغل عنده كمان.
ندى _لأ ده انتِ تحكيلي بقا ،بس هرن على هبة تجلنا واعرفها عليكم ونضمها لشلة.
سلمى _ماشي.
ثم نظرت لعلا واردفت _وانتِ يا هانم ردي على احمد.
اجابتها على مضض لتقول _حاضر.
ذهبت علا بعيدة عن الفتيات قليلاً وقالت _ايوة ،بترن ليه مش احنا متخانقين؟
احمد بمرح _بحب اسمع الكول تون .
ابتسمت علا ثم قالت بجدية _هقفل؟
احمد بسرعة_طيب استنى قبل ما تقفلي عايز اسألك على حاجة.
علا _حاجة ايه؟
احمدبجدية_بتعرفي تعومي؟
علا وهي لا تفهم غايته من السؤال _اه بعرف.
احمد بنبرة هادئة _طيب ما تلحقي قلبي اللي غرقان في حبك ده.
ضحكت علا وسمعها احمد فقال _ضحكت يبقا قلبها مال.
:::::::::::::::::::::::::::::::
فتح الباب وجدها نائمة اغلقه بهدوء حتى لا يزعجها والتفت وجد مراد خلفه فقال بصوت غاضب _انت مرنتش عليا ليه؟
مراد _هو كل واحد يشوف خلقتي يقلي مرنتش ليه ،انتم مش شايفيني راجل وهعرف اتصرف ولا ايه؟
ادهم _ايه العبط اللي بتقوله ده ،امي لما تعبت كان المفروض ابنها يكون موجود اول واحد.
مراد _ليه يا ادهم ومن امته بنقول دي امي ودي امك ،ربنا وحده اللي يعلم انا بحب خالتي ريهام اد ايه.
ادهم _عارف ده بس بعد كده رن عليا ،انت متعرفش انا كنت سايق ازاي وانا جاي ،مكنتش شايف قدامي لما سليم كلمني.
مراد _وكنت عايزني ارن عليك؟
تنهد وقال _طيب شوف مين اللي عمال يرن ده؟
نظر مراد لشاشة الهاتف ليقول بحنق _دي الزفتة اللي اسمها ندى.
ادهم _رد عليها ممكن تكون عايزة حاجة.
مراد وهو يضع الهاتف على اذنه _ده اكيد مش ممكن.
ندى من الجانب الاخر _حبيب اختك.
مراد _خشي في الموضوع ياندى.
ندى_قدر عايزة تغير على الجرح اللي في رأسها مينفعش تروح الصيدلية عشان هي محجبة واللي واقف هنك كلهم رجالة.
مراد بملل_ايوة يعني هغيرلها انا ولا ايه مش فاهم.
زفرت بضيق وقالت_لأ ياذكي كنت عايزاك تروح عند بيت هبة وتجبها عندنا.
مراد _وانا مالي حد قلك اني الخدام اللي جبهولك ابوكِ وانا معرفش.
تكلم ادهم وقال بجدية _اتكلم عِدل مع اختك.
مراد _ما هي واحدة مستفزة وبتطلب طلبات مستفزة زيها.
ندى بخبث_خلاص يامراد مترحش.
مراد _يبقا احسن الله.
واكملت ندى _انا هرن على سليم وهو يجبها بقا.
مراد بسرعة _لأ سليم لأ ،خلاص هجبها وامرنا لله بس هترضى تيجي معايا؟
ندى_لأ انا كلمتها وزمانها لبست انت روح ولما توصل هرن عليها تنزلك.
مراد_نفسي اعرف لحقتي تتصاحبي عليها امته وكمان تاخدي رقمها؟!
ندى_ عيب عليك ده انا ندى المنشاوي بردو.
مراد بضيق_ماشي ياست زفت…
ثم نظر ل ادهم وقال مصححاً_ماشي ياندى سلام.
::::::::::::::::::::::::::::::
كانوا جالسين او بمعنى اوضح يختبؤا خلف صناديق كبيرة فأردف احمد بضيق _نفسي اعرف احنا بنهبب ايه هنا؟
مراد بصوت منخفض_يابني ما انا قلتلك ان دول رجالة الشيمي والشيمي ده اكبر تاجر مخدرات والحكومة مش عارفة تمسك عليه حاجة.
احمد بسخرية _لأ واسم الله عليك ياواد انت اللي هتقدر؟
مراد _بالرغم ان كلامك في بعض من السخرية بس هقلك.
احمد_لأ انا بتريق فعلاً.
تجاهل مراد حديثه وقال _انا مش ساكت وجبت معلومات من مصدر موثوق ان ده مخزن المخدرات بتاعه.
احمد _بردو مش فاهم جايبني الف معاهم سجارتين ،يابني ما تبلغ واخلص وخلصني معاك.
مراد _لو بلغت هيعرفوا ويكونوا نقلوا البضاعة احنا بقا ناخد ليهم شوية صور حلوين ونحاول نسيطر على العيال دي ونبلغ الحكومة.
رفع احمد رأسه قليلاً من خلف الصندوق ورأى عدد الرجال الكثير وقال _حد قلك اني سوبر مان ده لو اتقفشنا هيشلوحونا.
مراد بثقة _لأ متقلقش انا كلمت…
لم يكمل كلامه وسمعوا صوت سحب الاجزاء نظر خلفهم كان رجل طويل مخيف الهيئة.
وقف احمد ومراد رافعي ايديهم في السماء فقال احمد _وربنا ما لحقت اكمل الجملة.
الرجل بشر _قدامي ياحلو انت وهو.
::::::::::::::::::::::::::::::
وردة وهي تفتح باب المنزل وتدخل _ازيكم يا بنات؟
رد الجميع فقالو _الله يسلمك ياوردة.
نظرت وردة لعلا وقالت _فين ماما ياعلا؟
علا _في المطبخ.
دخلت وردة وقبلت والدتها وقالت _بتعملي ايه ياست الكل.
نجلاء_بعمل عصير للبنات اللي برا بس قليلي شكل الغزالة رايقة.
وردة ببتسامة _كنت عايزة اكلمك في موضوع.
تركت نجلاء ما بيدها والتفت لها _موضوع ايه؟
وردة _كنت عايزة افتح كُتاب.
نجلاء_كُتاب ايه؟
وردة _كُتاب ياماما اللي العيال بتحفظ فيه القرآن.
نجلاء_وده هتفتحيه فين ،في المنور؟
وردة _لأ انا هروح احفظ الاولاد في المسجد.
نجلاء_بس…
وردة بتوسل _بالله ما ترفضي اهو حاجة تشغلني واخد عليها ثواب.
ابتسمت نجلاء وقالت _اللي يريحك يابنتي اعمليه.
حضنتها وردة وقالت بفرحة _حبيبي يانوجة.
::::::::::::::::::::::::::::
_انطق ياض منك له انتم تبع مين ؟ومين االي بعتكم؟
همس احمد لمراد وهو مقيد بالأحبال على المقعد ومراد نفس الحال _مين ده؟
مراد بهمس هو الاخر _ده دراع الشيمي اليمين،اسمه العنتبلي.
العنتبلي بصوت عالي _عوض.
اقترب منه وقال _اوامرك ياباشا.
العنتبلي _عايزك ترحب بالضيوف ،لحد ما اتصل على الشيمي بيه واشوف هيقول نعمل معاهم ايه؟
عوض_تمام ياباشا.
خرج العنتبلي واقترب عوض من احمد فقال احمد _اهدى كده ونتفاهم.
اعطاه عوض لكمة قوية على وجهه أطاحت بوجهه لناحية الاخر ناحية مراد ،نظر احمد مرة اخرى للرجل واردف بغضب_فكني وانا وهوريك…
لم يكمل كلامه واعطاه لكمة اخرى فقال مراد وهو يغلق عينيه _اوتش.
احمد وهو يتألم اثر الضربتين _الله يحرقك يامراد ويحرق معرفتك الهباب.
نظر مرة تالتة للرجل فأعطاه لكمة اخرى فقال احمد بصوت عالي _هو في ايه مش قلك رحب بيهم بترحب بيا انا بس ليه ولا انا بس اللي مخطوف ،هو الباشا مش مالي عينك(يقصد مراد)
اعطاه لكمة اخرى فقال احمد احمد وقد تشوه وجهه مش كثرة الضرب _هو كله ضرب ضرب مفيش فرج؟
عوض بخبث_عايز فرج؟
احمد_ياريت.
اما مراد كان منشغل في قطع الحبل بعدما اخذ قطعة زجاج ووضعها في جيب بنطاله الخلفي.
خرج عوض وبعد قليل دخل رجل اخر غليظ الهيئة يقترب من احمد.
فقال احمد_انا قلت عايز فرج مش حمدي الوزير.
مراد ببتسامة _شوق ولا تدوق.
احمد_شوق ولاتدوق ياوسخ.
مراد_ان معملتش كده همنو”ت كمان شوية.
احمد_وكمان شوية ليه خير البر عاجله.
اقترب الرجل من احمد يضيق عين ويفتح الاخرى ويبلبب شفاه بلسانه بحركة مثيرة مع حركة يده الدائرية على صدره.
احمد _اه لو خالتي عايدة شافتك كانت نفخت اللي جابوك.
فرج_انت اللي بتسأل عليا؟
احمد بدلع _اه يا سـي فرج كنت عايز اقلك ان عندي السمانة تحل من على حبل المشنقة.
فرج_طيب ما توريني. وغمز له
احمد _لأ السمانة 20 جنيه انما الفخذة ب50 جنيه.
صعق مراد على ما يتفوه به احمد.
مراد بصدمة _انا بقول شوق ولا تدوق ،مش مثل فيلم المغتصبون.
اقترب فرج من احمد لدرجة كبيرة وقال _اشوف البضاعة وبعدين احكم.
لم يستطع ان يكمل تمثيل_تشوف ايه يابن المجنونة؟!!!
فرج_السمانة.
احمد _هي فرخة.
كان مراد حل وثاقه ورفع الكرسي وضرب به الرجل على ظهره سقط أرضاً .
احمد_بسرعة تعالى فكني.
مراد وهو يزيل الحبل من عليه_بس ايه ياض الاداء الجامد ده؟
احمد ببتسامة _يابني انا عندي استعداد لانحراف بس مش لاقي اللي يوجهني.
فك مراد احمد وقام احمد ركل الرحل في معدته وقال _ابقا تعالى شوف السمانة.
مراد _يلا نخرج قبل ما حد ييجي.
التفا الاثنين خلفهم وجدوا رجلين يحملوا الاسلحة ومصوبة في وجههم رفع احمد ومراد ايدهم للاعلى فقال احمد _كان يوم اسود يوم ما وعيت على الدنيا ولقيتك ابن عمي انت واخوك سليم واحد جبلي اسهال والتاني جبلي عزرائيل.
احد الرجال_اتشاهدوا على رحكوا.
احمد_مش المفروض تسألونا الاول لو في حاجة نفسنا فيها قبل ما تبعتنا فوق.
الرجل بسخرية _عايز ايه؟
احمد _نفسي في مانجا احلف انك مش هتقت’لني غير لما اشرب مانجا.
الرجل_والله مش هقتل’ك غير لما تشرب مانجا.
احمد _طيب وربنا ما انا شارب مانجا.
الرجل الاخر بغضب_ياعم اخلص انت لسه هتتكلم معاهم .
شد كلاهما الأجزاء وصوبوا المسدس ناحية مراد والاخر ناحية احمد لكن…..
…الحكاية لسه مخلصتش…
لعبة ايه اللي رحيم بيتكلم عنها ؟
مين الشخص اللي قابلته وردة؟
طارق قصده ايه باللي عمله زمان مع عيلة المنشاوي؟
سليم هيسيب عمر و ديشا ولا ناوي يردلهم الضربة؟
وياترى الشيمي هيعمل ايه مع احمد ومراد؟
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية صدفة أم قدر)
