رواية فرح ولكن الحلقة الخامسة 5 بقلم مروان فرج
 |
| رواية فرح ولكن الحلقة الخامسة 5 بقلم مروان فرج |
رواية فرح ولكن الحلقة الخامسة 5 بقلم مروان فرج
عمتي كانت ادير فالحلويات وفالحة فيهم
قاللات للزمان خليها تتعلم
وتفاجاءت برد بوي يلي كان كالصدمه ع قلبي….????
بوي ….عصب عليها وقال بنتي ماتخدمش شي
بنتي تقرا ويلي تبيه نجيبها
عمتي خيرك انفعلت ياعبد الرؤوف اهدا بس انا قوتلك هكي عشان حسبت انا فرح ديما قاعده ف الحوش بروحها وماعنداش خوات قولت تغير جوها وتتعلم حتي اني نتعلم معا اني مش مستحقه????
لكن هوايه ونود في الاحباب ونطلع في قرش
الحياة ولت صعبة وانت شايف حتي بنات خوك كلهم تعلمو❤️
وهما مش ناقصهم شي
بوي ….حس بانا كان رده قالي علي اخته شوي وقال نسال فرح قبل
انا …كنت نسمع فيه ونا قاعده ف داري ودرت روحي نقرا ومش مركزه معاهم وشويه وجي بوي لقاني مقعمزه ف داري
عبدالرؤوف….سلم بنتي تقرا ماشاء الله نبيك من الاوائل العام هدا باهي
انا….اي اكيد انشاء الله اصلا انا خاطري نديرها ليك مفاجاه يابابا
عبدالرؤوف….نجك ليا وجي مقعمز حج نبي وكنت عارفه انا رح يقولي ع موضوع عمتي ????????
عبدالرؤوف… فروحه نرفعك خميس وجمعه
تباتي عند عمتك تهدرزي وتغيري جو
انا….فرحت وقوتلاا باهي ياريت
لكن من بيبات معاك اني مانبيش نخليك بروحك????
عبدالرؤوف… ههههه بوك بطل مايخافش يرقد بروحه مهم انتي امشي وماعليك مني
انا …ربي يخليك ليا يااحلي اب ف الدنيا كلها????????
عبدالرؤوف….ويخليك هيا اقري وتوا بنرجع لعمتك شوي
انا…تمام وكنت فرحانه هلبا عشان نطلع ونغير جوي بالرغم من اني كنت متعلقه بوي هلبا لانا كان هوا الاب والام بالنسبه ليااا بس كان مخليني ع راحتي يرفعني امتا مانبي ويروح بيا امتا ماني
قعدت نقرا وقولت رح نحصل ترتيب العام هدا عشان نفرح بوي
تسريع الأحداث ????
مشو ايامات وقعد بوي يرفع فيا لعمتي نهدرز ونتعلم
ع طول تعلمت منها ولما نروح نطبق اللي تعلمته
ويجي ماشاءالله يهبل ونعطي في بوي عشان يدوق ويعطيني رايه بالرغم انا مرات كان يطلع مش حلو بس بوي كان يجامل فياا ويقولي حلو????وكان واضح من تعابير وجه انا مش حلو ههههههه
فرح بيا بوي هلبا وكان اي حاجة نوصي عليها طول يجيبهالي
كملت الاعدادي وحصلت ممتاز ف الشهاده الاعدادي وجابلي هدايا وحاجات حلوه وكنت بخش التانوي وبدي جسمي وشكلي يتغير????????
بوي كان يخاف عليا من النسمه كنت قنينه هلبا وشكلي حلو كنت نسخه من امي خوله بالضبظ العيون والبياضه والطول والشعر والزين كل شي وبوي كان متعلق بيا هلبا عشان كنت نسخه من امي????❤️
ممكن كنت احلا بنت فالعيله ولما كبرت كنت لما نمشي معاي بوي لحوش العيله كنت نلاحظ انا شباب عمامي يلي اكبر مني مركزين علياا هلبا وين مانمشي يكون ورائ ويتعبو فياا كنت مضايقه من الشي هدا هلبا وقعدت معاش نمشي هلبا لحوش عماتي
وحتي لما نمشي كنت معا بوي مانسيبش فيه بكل????
بوي قالي بنرفعك معاي للسعوديه
بنحقق حلم امك
كان خاطرها ولدي يرفعني للحج
والحج رح يجي في وقت قرايتك شن رايك نديرو عمره العمرة كويسه
انا….فرحت بيها هلبا وقولت ياريت نمشوو وفعلا قبل لاتبدا القرايه
مشينا ومشت معنا عمتي سليمه وكانت سفرة حلوه مستحيل ننساها❤️ درنا عمره لامي ودعيتها هلبا وكنت نشوف بوي ديما يدعيلها ف كل الأوقات ????❤️
وبعدما روحنا من العمره قعدو صغار عمي يحاولو يحكو معاي ومرات كنت نحكي معاهم ومرات لا وكنت مش وتخده بالي من الموضوع هدا ولا نفكر فيه من الاساس ماكنتش نبي نكلم حد مني العيله او ندير علاقه معا اي حد حد لاني مانعرفش الحاجات هادي بكل????????
فاتو الايام وبدت التانويه خشيت اولي ثانوي وبديت نقراا
لين في يوم فقت متاخرة ع المدرسه
استغربت انه بوي مافيقنيش كنت متعوده ديما لما نرقد ونطول ف النوم بوي يجي يفيقني لاكن المره هادي مافيقنيش مشيت لقيته مزال راقد
خشيت عليه
فيقته ماباش يفيقه بكل انخلعت واتصلت بعمي جي طول
جو عمامي كلهم ورفعوه للمستشفي ????
وانا نبكي ونقوللهم خيره بوي خيره شن فيه
في المستشفي
الدكتور…..المريض جاته جلطه ع الدماغ وحالته صعبه شوي خلوه في العنايه وإنشاء الله يصير خير قعدت ف الحوش وجو عماتي وقعدو معاي وكنت نبكي ومش مصدقه انا بوي يصيرله هكي بكل قعدت نبكي ونقولهم نبي نشوفا بس مابوش يخلوني
الدكتور قال انشاء الله بعد 72ساعه حالته رح تتحسن ورح يقيق من الغيبوبه ❤️
فاتو يومين ومباش يخلوني نمشي لين درت عياط ورفعوني ليه خشيت ولقيتا قاعد ف العينايه وكان واضح عليه انا تعبانه وحالته مش كويسه بكل ???? قعدت ندعيله انا ربي ينوضه بالسلامه وكنت نشوف فيه من وراء الشباك وكانو كل لحضات حياتي معاه يمرو عليا من اول يوم عرفتا فيه لتواا قعدت من الصبح لليل وبعدين جي عمي ع اساس بيروح بيا
وانا كنت مانبيش نروح ونسيب بوي ف الحاله يلي هوا فيها ع قد ما حاولو معاي نروح اني مابتيش قعدت بجنبه
وهوا عليه الاجهزة والتنفس الصناعي
فات الوقت واني نعد فيه بالدقيقة والثانية
ونستنا ايمرو 72ساعة
لكن الموت كان اسرع من الوقت وخدي مني بوي
خدي من روحي وعزي ودلالي وقلبي وعمري وعيوني
خدي سندي وعزوتي
خدي فرحي وضحكتي????
روحو بيا عمامي واني يعلم الله بحالي
فقدت الام من قبل لانعرفها وتوا فقدت البو
درت عزي بوي في حوشنا جو خلاتي وعماتي والعيله
كلها
الكل كانو زعلانين علي خوهم عبدالرؤوف يلي مالحقتش يتزوج ويتهنا بحياته خداه الموت وهوا ف عز شبابه وكانو يشوفيلي بنظره حسره لانا عارفين مهما يديرو مش رح يجو شي من يلي دارلي بوي الله يرحمه قعدت ف حوشنا اسبوع كامل لين كمل العزي والناس كلها روحو وكانت قاعدع معاي عمتي سليمه
لانها كانت تحبني وكانت اقرب وحده ليا من عماتي حاولت تواسنيي وقاتلي انا معاك ومش رح نسيبك بكل واعتبريني زي امك خوله الله يرحمها يافرح????
انا…تسلمي ياعمتي والله ماتقصري
سليمه….امم شن رايك ياعمتي تروح معاي لحوشي منها تغيري جوك الفتره هادي خير ماتقعدي هنا لانا مافيش حد من بعد الرؤوف
انا…كنت متردده وخايفه لاني مش متعوده نبات عند حد ومانبيش نثقل ع حد بس في نفس الوقت ماكانش عندي حل تاني الا انا نمشي معا عمتي لانا الحوش قعد فاضي ووحش كنت نشوف بوي ف كل مكان فيه وقولت باهي نلقي غادي ساجده بنت عمتي نحبها وكانت قريبه مني
وبعد جهد طويل اقعنت ووتيت روحي وتيت شنطتي ومشيت لدار بوي الله يرحمه وخديت صورته وحطيتها ف شنتطي وجي ولد عمتي امين يلي كان اكبر مني ب6سنوات❤️
ركبت معاهم من وراء ومشينا لحوش عمتي وصلنا غادي واستقلبوني حوش عمتي بكل ترحيب خشيت ولقيت ساجده حضنتني وكانت فرحانه اني بنقعد معاهم وقاتلي تعالي خشي معاي للدار وحطي دبشك ف الدلاوب خشيت معاه وحطيت دبشي
وكنت متوتيه سرير ليا وكل شي كنت فرحانه لانا لقيت استقبال حلو منهم ع عكس ماكنت متوقعه بس رغم هدا ماكنتش واخده راحتي ف الحوش
مشي شهر علي وفاة بوي الله يرحمه وكانت فاقدته الحق وديما ندكر فيه صوته وضحكته وكل شي بس معا هدا كانو العيله يحاولو مايحسوني بشي بكل
رجعت للقرايه وقعدت نمشي انا وساجده للتانويه وكان الجو حلو الحق ????❤️
ونروح معاها للحوش وكنا نحكو لبعض علي يومها وهكي لعند في يوم كنت مكسدين معا بعض قالت ساجده نبي نقولك ع شي سمعته بس مش معارفه متاكده منه او لا
انا…..شن في قولي ياساجده????
ساجده….بس توعدنيني بقعد بيناتنا باهي
انا…تي اكيد قولي بس
ساجده….سمعت انك انتي……????
انا….كيف ومن قالها????
يتبع..
لقراءة الحلقة السادسة : اضغط هنا
لقراءة باقي حلقات الرواية : اضغط هنا
نرشح لك أيضاً رواية ملاك أوقع شيطان للكاتبة ريم محمد.
