رواية أحبني متمرد الحلقة الخامسة 5 بقلم رنا
 |
| رواية أحبني متمرد الحلقة الخامسة 5 بقلم رنا |
رواية أحبني متمرد الحلقة الخامسة 5 بقلم رنا
نور دخلت البيت وسمعت صوت *
_ انتي مين!!
نور بتوتر: انا نور..
سليم دخل وراها وكانت واقفه مع حد: طاارق؟!!
طارق:سليم!
* راح سلم عليه وحضنه وسليم شاور ل نور تطلع علي الاوضه وهي طلعت بسرعه*
طارق لف يشوفها: انتي… ايه ده هي راحت فين!!
سليم: طلعت اوضتها
طارق: هي مين ديه!!
سليم: دي نور بنت عمك مدحت
طارق: ايه!!.هو عمك مدحت هنا؟!
سليم:لا…تعال اقعد وهفهمك
طارق بهزار: بس البت كبرت واحلوت هه
سليم ضربه علي كتفه براحه: احترم نفسك دي بنت عمك
طارق: جدك اتصل بيا وقالي تعالي..ف جيت مكنتش اعرف انها هنا
سليم قعد وهو قعد جمبه: هو بقي ياسيدي ايه الحكايه
* سليم بدأ يحكيله كل حاجه *
سليم: بس وجدك مش عايزها تمشي من هنا غير لما تعقل وتبطل تصرفاتها دي
طارق: وانتو فاكرين لما تبعدوها عن الناس اللي تعرفها هتعقل يابشمهندس!!
سليم: والله عمك مدحت اتصل بجدك واتفقو
سكت شويه وبعدين كمل: والدور والباقي عليك
طارق: عليا ازاي مش فاهم
سليم: انت فاكر جدك متصل بيك ليه يعني!! عايزك تخطبها
طارق وقف بسرعه: اخطب مين!!
سليم: فيه ايه مالك اتنفض كده ليه!!
طارق: هو جدك قرر من نفسه يخطبهالي!! مش ياخد رايي الاول ولا فاكرني بنت هترضي باللي يقوله
سليم: اهدي ياطارق واسمعني
طارق: اسمع ايه!!
سليم: انت هتخطبها شهر بس
طارق: بتقول ايه يعنى ايه هخطبها شهر!! هتجربني انفع ولا لأ!!
سليم: يبني اسمعني..نور كانت عايزه تسافر تاني بس جدك قالها انها مش هتسافر غير بعد شهر وقرر انكو تتخطبو يعني ممكن تعقلها
طارق اتنهد: باين عليها مدلعه وهتتعبنا
سليم: اطلع استريح انت لسه راجع من سفر..تصبح علي خير
طارق: مالك يا سليم!! حزين ليه
سليم:مفيش ياطارق..عايز انام بس عن اذنك
________________________
نور: ادخل
زينه: ياصباح الفل.. تعالي عشان تفطري بيقولك جدي
نور: مش عايزه
زينه: لا ازاي.. كده جدك يزعل منك
نور: طيب يلا..
زينه: خدي عبايه خفيفه البسيها
نور: ميرسي يازينه
* نزلو سوا وكانو قاعدين كلهم بيفطرو معادا سليم اللي نور لاحظت غيابه *
نور: good morning
محمد: كلمينا بالعربي وحيات ابوكي.!!
*الكل ضحك *
طارق: بتقولك صباح الخير ياجدي
محمد: صباح الورد عليكي ياعيون جدك اقعدي افطري
نور لقت الاكل كله دسم: sorry مش هقدر اكل الاكل ده انا عامله دايت
امنيه: وانتي فيكي حاجه عشان تعملي دايت
ام سليم: مش الدايت دي اللي بيخسو فيه
زينه ضحكت: ايوا هو ده
ام سليم: وهتخسي ايه تاني يحببتي…كلي واتغذي مش شايفه البنات عندنا عاملين ازاي
امنيه: واحنا وحشين ياخالتي يعني ولا ايه
ام سليم: لا يبنتي بهزر معاكي مالك مسكتي في الكلمه ليه
امنيه: لا مفيش.. عن اذنكم هشوف سليم مجاش يفطر ليه
نور: هو سليم فين
امنيه: واقف بره بيقول ان البيت بقي يخنق
زينه: طول مانتي فيه اكيد هيخنق
امنيه بعصبيه: عن اذنكم
نور قعدت جمب زينه: هي مالها مش طايقاني كده ليه
زينه: لا امنيه طول عمرها مش طايقه حد غيره هه
نور: مين
زينه بصوت واطي: سليم
نور:ليه يعني اشمعني هو
زينه: بتحبه..سليم من اول مادخل هندسه لحد ماتخرج منها وهي مستنياه ييجي يخطبها حسب كلام جدي
نور: هو سليم بيحبها!!
زينه: معتقدش لو كان بيحبها كان خطبها.. بس هو اللي بيأجل الموضوع ده
نور: واشمعني جدك عايز سليم يخطبها
زينه: راحت قالت لجدي بكل بجاحه انها بتحبه وهو عرض علي سليم انه يخطبها علي طول شايف انهم مناسبين لبعض… بس بقي عشان جت تاني
امنيه: في ناس بره عايزين نور
محمد: ناس مين دي
امنيه: راجل وبنت بيقولو انهم صحابها من القاهره
نور: صحابي!!
محمد: طيب خليهم يدخلو يبنتي
امنيه: واقفين مع سليم بره
نور: طيب عن اذنكم هروح اشوفهم
*طلعت تشوفهم وامنيه طلعت اوضتها *
محمد: قوم مع خطيبتك ياولدي
طارق وهو بياكل: ماهو سليم بره ياجدي واقف معاها.. وبعدين خطيبتي ايه احنا لسه متكلمناش
محمد: قوم شوف الضيوف ورحب بيهم وهنتكلم بعدين..قووم!!
طارق: حاضر..عن اذنكم
________________
نور بفرحه: عمر!! داليا؟!
داليا راحت سلمت عليها وحضنتها: وحشتيني اوي
نور: وانتي كمان… عمر وحشت (لقت سليم بيبصلها)…قصدي عامل ايه!!
عمر: انا كويس احنا جينا نتطمن عليكي
داليا: ال view هنا تحفه.. وابن عمك ده طلع لطيف ههه
*سليم ضحك وسكت *
نور بصتله بتريقه: اه لطيف اوي
طارق: نوور!!
نور بتوتر: اعرفكم.. داليا وعمر صحابي
طارق: من امتي وبناتنا بتصاحب رجاله
عمر: اعتقد ان نور كبيره كفايه عشان تصاحب رجاله او لأ.. وده شيء ميخصكش
طارق: ميخصنيش ازاي!! دي خطيبتي واللي يخصها يخصني
داليا بصدمه: خطيبك!!
نور بتوتر: هبقي احكيلك بعدين تعالي دلوقتي
_______”
* نور دخلت معاهم وطارق وقف مع سليم *
طارق:مش مستريح للواد ده
سليم: وانا كمان بس متقلقش هعرف عنه كل حاجه دلوقتي
طارق: سليم كنت عايز اكلمك بخصوص نور
سليم: فث ايه!! مش الخطوبه انهارده
طارق: مانا عايز اكلمك ف الموضوع ده.. يعني بما ان الخطوبه مؤقته ليه متخطبهاش انت
يتبع..
لقراءة الحلقة السادسة : اضغط هنا
لقراءة باقي حلقات الرواية : اضغط هنا
نرشح لك أيضاً رواية عريس من ديزني للكاتبة ندى حمدي.
