رواية أحببته الفصل الخامس 5 بقلم نورهان صبري

تانى يوم بالليل .. نور قاعدة فى البلكونة و حاطة الهاند فرى و بتقرأ رواية و مندمجة اووى زى عادتهاا .. بتبص لقت ريان هو كمان قاعد فى البلكونة اللى جمبهاا و تقريبا بيشرب قهوة او شاى م عارفة.. فكرت تقوم و تدخل جواا بس لقته خد باله منهاا و قام..

_مساء الخير.. ازيك يا نور..

~كويسة الحمد لله.. ازيك انت يا مستر..

_بخير الحمد لله.. باين انك بتحبى السهر..

~و مين مش بيحب السهر..

_فعلا و مين مش بيحب السهر.. انا مبسوطالك جداا انك هتدخلى الهندسه اللى نفسك فيهاا.. 

~شكراا يا مستر.. 

_بضحك :ما كفاية مستر بالله عليكى انا كلى 24 سنة بس و بعدين احنا بقينا جيران و ان شاء الله أصحاب و الا اى.. 

~طبعاا يا مس.. 

_هاا 

~احممم طبعاا يا رياان.. 

_هو انا أسمى احلو ايمته 

نور اتكسفت و بصت الناحيه التانيه..

_اسف و الله بس فعلا طريقتك حلوة فى نطقه..المهم بقينا أصحاب.. بما اننا احنا الاتنين بنحب السهر و كداا

~بس انت مش بتحب الميوزك الهادى اكيد صح..

_مين قال كداا.. حاجة حلوة اووى انك تسهر و تبص للسماا و انت بتسمع ميوزك هادى و بتعمل حاجة انت بتحبها زى مانتى بتقرأى رواية دلوقت.. باين انك بتحبى الروايات..

~فعلاا بحبها.. بس اللى اعرفه ان مفيش اى راجل بيحبها.. تقريبا بيحسوهاا تافهة.. بس احنا كبنات بنحسهاا.. مش عارفة هتفهمنى و الا لا.. بس فعلا انك تقرا روايه و تعيشها و تروح لعالم تانى معاهاا.. شعور حلو اووى.. ممكن بعضكم يحبواا الروايات الواقعية بزياده ما بيحبوش تفاهة بعض المواقف.. لكن احنا مابنحبش نفضل عايشين فى الواقع.. بنحب نضحك.. نعيش لحظة رومانسية بين البطل و البطلة.. مش كلو رومانسي و ضحك طبعاا فى دراماا.. مخابرات.. انا بحب انواع كتير اووى.. و اكيد برضو فى بنات كتير مش بيحبوا الروايات.. داا مش عشان هى روايات.. لكن عشان هم مش بيحبوا القراءة عمتاً.. اكملت بضحك :تقريبا كداا انا بهبد.. وانت مش فاهم حاجة اصلا.. فهسكت احسن..

_لا والله.. ترانى تأثرت.. و هفكر فى موضوع الروايات داا.. طريقتك حلوة فعلاا..

~شكراا.. بس ماتجاملنيش و خلاص..

_لا فعلا مش بجامل.. كلامك صح جداا..

~طيب على العموم تصبح على خير..

و دخلت نور.. و ريان لسه واقف بيفكر فى شخصيتها و كلامها و رقتهاا و كل حاجة..

عدى كذاا يوم و بعد رسايل كتير من المجهول.. بعت رسالة جديده “حان الوقت اللى تعرفينى فيه.. كل حاجة هتوضح انهاردة”

نور فضلت تفكر فى الرسالة و فضلهاا هيقتلهاا عشان تعرف مين اللى بيبعت و فى وسط تفكيرها لقت جرس الباب بيرن..

بتفتح.. اتفاجأت لماا لقته ادم..

~ادم.. اتفضل ماما جواا اهى

_عامله اى يا نور

~كويسه الحمد لله و انت عامل اى و خالتو كمان..

_كلناا كويسين..

ادم دخل و قعد مع مامت نور و نور دخلت تعمل قهوة..

طلعت عشان تقدم القهوة مامتها قالتلها انهاا داخلة تجهز الغدا و طلبت منهاا تقعد مع ادم براا.. نور طبعاا استغربت بس طلعت عادى و قعدت..

_احمم نور انا كنت عايز اكلمك فى موضوع..

~طبعاا يا آدم.. خير فى حاجة..

_نور.. انا من لما وعيت.. و احنا بنلعب سواا.. بنعمل حاجات كتيير سواا.. كنت الأول بحبك.. بس كان كل تفكيري ساعتهاا انى بحب بنت خالتى اللى بتلعب معايا.. بس مع الوقت بقيت اتخيلك حاجة تانية فى حياتى.. بقيت اتخيلك شريكة حياتى.. اللى عايز اكمل حياتى معاهاا.. مش عارف انا حسيت كداا ايمته او ازااى.. بس انا فعلا بحبكك يا نور.. و نفسي توافقى علياا.. و حاجة كمان.. انا اللى كنت ببعت الرسايل.. كنت بعرف كل حاجة عن يومك.. و حتى موقف السكرتيرة.. عرفته من مامتك لما كلمتها يومهاا و سألت عليكى.. حكتلى.. نور ارجوكى ادينى فرصه.. انا فعلاا بحبكك..

كل داا و نور مصدومة و مش عارفة ترد و لا عارفه تتكلم.. قامت بسرعة و دخلت عند مامتها من غير و لا كلمة.. هى من النوع اللى ماتعرفش تدخل فى حواار من النوع داا.. ماتعرفش تتكلم.. او ترد على حد قالها كلمة حلوة..مين من كان…

شويه و عرفت ان ادم مشي.. دخلت اوضتهاا من غير و لا كلمة.. قعدت تفكر فى الكلام اللى ادم قاله.. هى بتحبه.. بس مش الحب اللى يخليها تتخيله شريك حياتها.. هو اخ كبير و بس.. حاولت كتير تشوفه غير كداا بس ماعرفتش..

رنت على مريم و حكت لهاا و مريم قالتلها ان مادام هى شايفاه اخوها لازم تعرفه.. عشان ماعادش يفكر فى اى حاجة من دى و مايتوقعش منهاا حاجة..

فتحت الشات بتاعه و قعدت تقرأ رسايله من الاول…و بعدين بعتتله “انا اسفه.. بس انا مش قادرة اشوفك غير اخويا الكبير و بس.. يا ريت تفهم كداا.. و ماتخسرنيش كأخت كمان.. حاولت اشوفك غير كداا بس مقدرتش”..

استنت شويه لقته بعت رساله “بس انا بجد بحبكك يا نور.. مش شايفك اختى ابداا”

“اسفه يا آدم.. و صدقنى هتمر الايام و هتكتشف انى كنت مرحله لابد تمر بيهاا.. و هتحب واحده تانيه تستاهلك و تستاهل حبك “

” مش هقدر احب غيرك يا نور “

” صدقنى هييجى يوم و هقولك.. شوفت اى اللى حصل”

“ماشي يا نور.. رغم انى مستحيل احب غيرك.. بس هحاول ابعد عنك عشان متزعليش “

نور فضلت تعيط طول الليل و حاسه انهاا غلطانه فى حقه رغم انهاا ماغلطتش..

عداا كذاا يوم و كل يوم نور و ريان بيقربواا من بعض اكتر و بيتكلموا بالساعات كل واحد فى بلكونته.. نور كانت حاسه ان اللى بتعمله غلط.. و ماينفعش تكلمه بالطريقه دى بس مش عارفه تغير الواقع.. و فى يوم و هم بيتكلموا..

_نور انا كنت عايز أسألك على حاجة..

~طبعاا اسأل..

_بصراحه..كنت بقول يعنى.. احمم.. هو انتى حبيبتى قبل كداا..

باحراج ~احمم لا محبيتش قبل كداا.. وانت..

~الصراحه مش عارف.. بس معلش فى سؤال تانى..

بضحك.. ~اسأل يا عم هو احنا ورانا حاجة..

_فى حد قالك انه بيحبك قبل كداا.. 

نور للحظه افتكرت ادم.. ~يعنى تقدر تقول كداا.. 

_تمم.. اسف يعنى لو اتدخلت فى حياتك و كداا بس كان عندى فضول اعرف.. 

~لا عادى و لا يهمك.. 

تانى يوم نور كانت بتكلم مريم.. و حكتلهاا على كلامهاا مع ريان و قعدتهم سواا.. 

_بس ماينفعش يا نور.. عيب انك تتكلمى معاه كداا.. انتى لازم تبطلى تخرجيله او تكلميه.. لان داا قبل مايكون عيب فهو حرام.. اتفقنا.. 

~فعلا معاكى حق يا مريم.. بس اعمل اى انا فعلا يومى معادش بيمر من غير كلامى معاه.. عاد شئ اساسي من يومى.. لازم استناه يجى يسالنى عن تفاصيل يومى.. و يحكيلي هو كمان.. بس انا لازم احاول ابعد.. 

_انتى حبيتيه يا نور! 

~اى اللى بتقوليه داا.. لا طبعاا.. احنا صحاب و بس.. اهاا صحاب و بس.. 

_انتى بتقنعينى و الا بتقنعى نفسك.. 

~انا.. اناا.. معلش يا مريم ماما بتنادى هكلمك بعدين.. 

و قفلت نور الخط و هى مستغربة ليه ماقدرتش تنفى الكلام داا و هى واثقه.. ليه حست للحظه انهاا بتتخيله فعلاا شريك حياتها.. بس حتى لو.. ريان مستحيل يعتبرها غير صحبته و بس.. قعدت تقنع فى نفسها كداا لحد ما نامت و مخرجتش لريان انهاردة.. عدلا كذاا يوم و نور مابتخرجش البلكونه و لا بتشوف ريان عشان ربنا يرضى عنهاا… 

و فى نفس الوقت ريان قلقان و مستغرب ليه نور مابتخرجش.. و كان خارج مع صاحبه حمزه شويه عشان يبطل تفكير فيهاا.. 

.. مالك يا ريان.. 

_هاا.. لا مفيش عادى انا معاك اهو.. 

.. لا مش عادى انا متأكد ان فى حاجه و انت مخبي عنى.. 

_بصراحه.. هقولك…… 

حكى ريان لحمزه كل حاجه من البدايه و من اول ما شاف نور و لما بقواا صحاب.. :انا قلقان اووى من ساعة ما بطلت تخرج.. وماعدتش بشوفها.. اتعودت على كلامنا و سهرناا.. حاسس اليوم فاضى من غيرها..

.. قول بقاا انك حبيتها..

_مش عارف..

يتبع…..