رواية من الجاني الفصل السابع عشر 17 بقلم هدى مرسي أبوعوف
رواية من الجاني الجزء السابع عشر
رواية من الجاني البارت السابع عشر
رواية من الجاني الحلقة السابعة عشر
اتت الشرطه على اثر بلاغ بوفاة رجل مسن مختنق بسبب تسرب غاز وبعد المعاينه وقف الطبيب الشرعى عدلى مع الضابط عصام
عدلى : في شبها جنائيه اللبن اتساب على البوتجاز والشفاط مطفى والبوتجاز قديم مفهوش امان .
عصام : طب ما يمكن الراجل نفسه نسيه .
عدلى : لقيت كوبايه جنبه على الكمودينو وفيها اثر لبن .
عصام : ابنه مسافر والثلاثه اللى شغالين كده هما المتهمين هسالهم واكيد هنعرف اهم جم .
وقف الثلاثه امامه
عصام : محمود انت بتيجى كل يوم له الساعه كام وليه .
محمود : انا باجى كل يوم بعد الاجزخانه اديه الحقنه وامشى .
عصام : وانت يا سيد بتشتغل ايه ؟
سيد : انا المسؤل عنه بخدمه واعمله اكله وشربه وكل حاجه .
عصام : وانت يا صفوت ؟
صفوت : انا بساعد سيد فى كل حاجه .
عصام : سيد انت بتبات معاه ولا بتمشى باليل ؟
سيد : هو مبيحبش حد يبات معاه بنخلص شغل ونمشى حتى امبارح مشيت انا صفوت مع محمود عشان كنا مستنينه عشان اتاخر
عصام : ايه اللى اخرك امبارح
محمود : البديل بتاعى اتاخر ومعرفتش اجى فى معادى حتى هو اتضايق وزعقلى .
عصام : محمود المطبخ جنب الباب مختش بالك البتوجاز كان والع ولا لاء ؟
محمود : باب المطبخ كان مقفول ومختش بالى .
عصام : وانت يا سيد متعود تقفل باب المطبخ قبل ما تمشى ؟
سيد : مش ديما سعات وسعات وكمان انا كنت بروق اوضة المكتب وخرجت من جوه ومشيت على طول .
عصام : قفلت باب المطبخ ليه يا صفوت ؟
صفوت : انا مقفلتوش واصلا الباب بايظ مش بيتقفل انا حطيت له كوباية اللبن جنبه وخرجت معاهم حتى معرفش شربها امتى .
عصام : سيد باب المطبخ كان مقفول ولا مفتوح وانتو خارجين ؟
سيد : هاه مش فاكر صراحه مختش بالى كنت متوتر عشان وقفت مع محمود وهو بيديله الحقنه وانا بخاف .
عصام : مين فيكم معاه مفتاح الشقه .
سيد بتوتر : كلنا هو كان بيأتمنا وسيبه معنا حتى محمود رغم انه مش بيجى والشقه فاضيه .
عصام : انا كده عرفت مين الجانى .
يا ترى انتو كمان عرفتو ؟
الحل
عصام : انتو جيتو بعد ما الشرطه جت صح ؟
صفوت : ايوه واحد من الجيران شم ريحة الغاز وبلغ .
سيد : احنا متعودين نجيله بعد الظهر عشان هو مبيحبش حد يزعجه .
عصام : انتو امبارح ميشتو قبل ما يشرب اللبن ؟
سيد : ايوه صفوت حطه له ومشينا على طول .
عصام : امال عرفت منين يا صفوت انه شرب اللبن ؟
صفوت بلجلجه : انا توقعت يعنى ماهو اكيد هيشربه .
عصام : قتلته ليه يا صفوت هاه .
صفوت : انا مقتلتوش انا برئ حرام عليك .
عصام : انت غبى كشفت نفسك لما قولت متعرفش هو امتى شرب اللبن رغم انك مدخلتش اوضته من بعد ما حطتيه هتعترف ولا هتتعبنا معاك .
صفوت : حرام عليك تضيع مستقبلى مش كفايا هو اتسبب فى رفدى من التعليم كمان انت جاى تكمل عليا .
عصام : يبقا عشان كده قتلته بس انت غلطان كان ممكن تثبت له انك طالب شاطر بدل ما تقتله .
صفوت برعب : لاء لاء مقتلتوش حرام عليك حرام .
عصام : فى دليل عليك تانى اعترفت معترفتش هى ثابته عليك .
صفوت : دليل ايه انا مسبتش اى دليل ؟ ياخبر ايه اللى قولته ده .
عصام : وقعت بلسانك كنت متاكد انك القاتل .
صفوت بانهيار وندم: ايوه قتلته كان لازم انتقم منه زى ما دمر حياتى .
عصام : ضيعت نفسك على الفاضى .
يتبع…
لقراءة اللغز التالي : اضغط هنا
لقراءة الرواية كاملة اضغط على : (رواية من الجاني)
