رواية القاسي والقوية الفصل الثامن عشر 18 بقلم مريم هاني
رواية القاسي والقوية الجزء الثامن عشر
رواية القاسي والقوية البارت الثامن عشر
رواية القاسي والقوية الحلقة الثامنة عشر
عدى الاسبوع واليوم هو يوم خطوبة فهد واسيل فى منزل اسيل كانت اسيل مازلت نائمة فدخلت عليها فريدة حتى توقظها من نومها
فريدة:يخربيتك انتى لسة نايمة يا منيلة على عينك اصحى يبت انتى يا نيلة
اسيل بتأفأف:اوووووووووف وبعدين بقى على الصبح عايزة اى يا ماما على الصبح كدة سبينى انام شوية بالله عليكى يارب ابوكى يبقى ظابط
فريدة:انا ابويا الله يرحمه يختى وبعدين اسيبك شوية اى انتى عارفة الساعة كام؟ الساعة 10 يا اخرة صبرى
اسيل بملل:واى يعنى الساعة 10 مش فاهمة هو انا ورايا حاجة مثلا يعنى
فريدة بتهكم:لا ابدا ماوركيش حاجة خااااااالص دة يدوب انهاردة خطوبتك مش اكتر
اسيل:اهو شوفتى بقى يعنى حاجة مش مهمة
فريدة وهى تخلع شبشبها:بقى كدة قومى يبنت الجزمة من على السرير يلااااا……وضربتها بشبشبها
اسيل:ااااااة خلاص خلاص قومت اهو اوووووف بقى ابو الجواز على اللى عايز يتجوز..واتجهت ناحية الحمام حتى تغتسل
فريدة:اوف منك انتى والله مش عارفة هعمل اى لما تمشى وتسبينى هتوحشينى اوى يا جزمة
اسيل بغمزة:ماتخافيش يا جميل قاعدة على قلبك ومربعة يا قلب الجزمة😘😹
ودخلت للحمام مرة ثانية بينما فريدة كانت تضحك عليها وبعدها سمعت صوت جرس الباب ذهبت لحتى تفتح باب المنزل ووجدت لمار وصفاء وعمار
صفاء بزغاريط:لولولولولولولولولولولولوى الف مبروك يا فريدة عقبال ماتفرحى بعيالها يارب
لمار:يستى اهدى اى الفرح اللى انتى عاملاه دة بس وبعدين جوزتى البت وخلتيها تخلف كمان
عمار:لا وفوق كل دة فرى فرحت بيهم كمان
صفاء:طبلها ياخويا طبلها جتكوا الارف ف اشاكلكوا
عمار:بزمتك بقى انتى ام كبيرة على وشك انها تبقى تيتا انتى
لمار:مين دى يا بابا اللى تيتا دى اصغر منى يعم الحج
عمار:معاكى حق والله
فريدة بضحك:هههههه يلهوى عليكوا مش قادرة ابطل ضحك على العموم الله يبارك فيكى يا صفاء وعقبال ماتفرحى بلمار كدة يلا خشوا
دلفوا الى الداخل ولمار تقول:لا يافرى بعد الشر عليا جواز اى وهم اى مش ناقصة
عمار بقرف:يختى اتوكسى انتى لاقية حد يتف ف وشك حتى طب تصدقى وتؤمنى بأية؟ انا مشفق على اللى هيتجوزك اشفاق مأشفقهوش حد ف تاريخ المشفقين كله
لمار ببرود:خلصت وصلت الشفقة بتاعتك؟! اسمع بقى يا بنى ادم يا حقود انا اللى هتكرم عليه واوافق بيه امه هتبقى دعياله ليل نهار
عمار بأستهزاء:قصدك داعية عليه
اسيل وهى تخرج:لا يا عمار ماتقولش كدة دى هتبقى دعياله ليل نهار
لمار:شايف الناس اللى بتفهم حبيبة قلبى يخليكى ليا بذمتك مش صح هتبقى دعياله
اسيل:طبعا يروحى هتبقى دعياله بتقوله روح ربنا يبتليك ببلوة ومصيبة ف نفس الوقت ومتعرفش تخلص منها ابدا😹
عمار بضحك وشماته:هههههههه اهو مجبتش حاجة من عندى صاحبة عمرك قالتها بلسانها اهو
لمار بغيظ:طب اخرس انت وهى بقى انتوا اصلا حقودين وغلويييين
عمار:ههههه طب انطقيها صح الاول وبعدين ابقى اتكلمى هاااا
عمار/اسيل:هههههههههههه
لمار بغضب:اوووووووف انتوا عيال رخمة اوووى
اسيل:دة انتشى رخمة اووووووى ههههه(وهى بتقلد سامح ف يوميات زوجة مفروسة)
لمار:شايفة بنتك يا طنط ولما اضربها دلوقتى وابوظ خطوبتها يبقى حلو كدة
فريدة بضحك:هههههههه لا مش حلو تعالى ف حضنى….بس يبت انتى وهو دى لمار دى سكر تعرفى يبت يا لمار اللى هياخدك امه هتبقى دعياله بالخير دايما دة انتى جوهرة يبت
صفاء:صحيح جوهرة بس مدفونة تحت التراب عايزه اللى ينضفها ويلمعها من اول جديد
لمار:والله ماعارفة اقولك اى انتى كدة بتشكرى فيا ولا بتهزقينى طيب
صفاء:الاتنين يختى
لمار بهزار:بحبك برضه يا صفصف خدى بوسة😘وقفزت عليها تقبلها من خدودها كثيرا
صفاء:طب خلاص خلاص خلااااااااص
لمار:الله بحبك يجدع فى اى
عمار:دة اى الحب اللى يخنق دة
صفاء:وانت ايش حشرك انت هااااااا
اسيل:اوباااااااا على الكسفة اللى انت فيها يا حازم
فريدة:وانتى اى دخلك ف الكلام بينهم دلوقتى انتى كمان هااااا
عمار بضحك:ههههههه حازم حازم
اسيل:بسيونى بسيونى😹طب يجماعة انا داخلة عشان اجهز نفسى انهاردة خطوبتى بقى زى ما انتوا عارفين يعنى
فريدة:لسة فاكرة ان انهاردة خطوبتك اللى يشوفك دلوقتى مايشوفكيش لما……
قاطعتها اسيل:اى اى اى يست الكل الناس قاعدة يلا انا داخلة
لمار:استنى يا خنزيرة انتى انا جاية معاكى
اسيل:يلا يا كلب البحر
ودخلوا الاثنان الى الغرفة وبقى فريدة وصفاء وعمار فقال عمار:طب يا فرى انا هنزل اجيب الحاجات اللى هتحتاجيها قوليلى بقى محتاجة اى
فريدة بحب:مش عايزة اتعبك يحبيبى
عمار:عيب عليكى يا فرى تتعبينى اى بس وبعدين اسيل زى اختى بالظبط معقول هسيب اختى وامى ف يوم زى دة برضه
فريدة:ربنا يخليك ويحميك يحبيبى
صفاء:اة يخليه ويقرفنى الواد قاعد عندنا 24 ساعة مبيروحش بيتهم
عمار:يلهوى مش هنخلص بقى انهاردة قولى يا فرى اللى عايزاه صفصف هتاكولنى
فريدة:ماشى بص يا حبيبى هات……… املته كل شئ
عمار:ماشى يا فرى هنزل بقى اجيب الحاجة
نزل عمار وظلت فريدة تتحدث مع صفاء:فى اى يا صفاء براحة على العيال وخصوصا على لمار
صفاء بأستغراب:فى اى يا فريدة ما انا على طول بعاملهم كدة اى الجديد يعنى
فريدة بتنهيدة:عارفة انك على طول كدة بس ساعات لازم تبقى حنينة شوية خصوصا مع لمار وماتقوليش انك مالحظتيش انها اتضايقت
صفاء بكذب:لا مأختش بالى وبعدين هى دى بتضايق دى شبهى مش بيحوق فيها ومش بتهتم
فريدة بأبتسامة:وعشان هى شبهك انتى عارفة انها بتضايق زى ما انا عارفة انك بتكدبى صفاء ماتخليش طبعك دة يغلب على حنانك وطيبتك
صفاء:انتى عارفانى معرفش ابين حبى للقدامى حتى لو بنتى اللى هيا حتة منى
فريدة:بس عشان خاطر بنتك هاتحاولى زى ماحاولتى من شوية صح
صفاء بتنهيدة:ماشى يا فريدة المهم دلوقتى خلينا نخش المطبخ نجهز كل حاجة انا مش عارفة لى مرضتيش تخلى الخطوبة ف قاعة زى ما فهد عرض عليكى بدل البهدلة اللى انتى فيها دى
فريدة:لا طبعا مينفعش كفاية اوى انه مطلبش مننا اى حاجة لا عفش ولا جهاز ولا اى حاجة وكمان جايبلها شبكة بملايين وفوق كل دة اشيله كمان الخطوبة يقول اى علينا طماعين ولا بجحين ماينفعش
صفاء:معاكى حق خلاص تعالى يلا نخش نجهز الحاجة عقبال ما الواد عمار يطلع
فريدة:ماشى
وابتدأوا ان يجهزوا كل شئ وبعد قليل اتى عمار اليهم بالطلبات وذهب هو حتى يجهز باقى التحضيرات اللازمة للخطوبة
•~•~•~•~•~•~•~•~•~•~•
اما عند لمار واسيل عندما دلفوا الى الغرفة جلست لمار على السرير حزينة ولاحظتها اسيل
اسيل:مالك يا لمار انتى اضايقتى بجد عشان الكلام اللى قولناه انا وعمار برة احنا كنا بنهزر
لمار:لا طبعا انا عارفة انكوا بتهزروا وحتى لو مش بتهزروا انتى فاكرة انى ممكن اهتم لشوية بهايم زيكوا ولا تفرقوا معايا اصلا
اسيل بضحك:ههههههههه حتى وانتى مضايقة لسانك متبرى منك كدة بس اومال اى اللى مضايقك
لمار:ماما يا اسيل
اسيل بأستغراب:مالها صفصف فيها حاجة ولا اى
لمار:لا مافيهاش حاجة انا اللى فيا يا اسيل مخنوقة وملغبطة
اسيل بحنية:طب احكيلى انا سامعاكى اهو
لمار بتنهيدة:بصى مش عارفة هتفهمى اللى هقوله ولا لا بس هقولك لانى لازم اخرج اللى جوايا عشان هطق كدة…..بصى انا عارفة انها بتحبنى وبتخاف عليا وبتهتم بيا بس هى دايما مكسرة مأديفى وبتحبط فيا ومحسسانى انى اسوأ بنى أدمة ف الدنيا انا عارفة ان الكلام دة من ورا قلبها وعارفة انها فيها طبع مش حلو اللى هو مش بتعرف تبين حنيتها بس انا كمان مش زنبى انا نفسى احس بحنيتها حتى من شوية لما دافعت عنى ف بداية الكلام فرحت بس لما كملت كلامها حسيت بأحباط حتى لما سألتها انتى بتشكرى فيا ولا بتهزقينى قالتلى الاتنين بجد يا اسيل حاسة انى مخنوقة من الموضوع دة وف نفس الوقت انا عارفة انها بتحبنى بس مش بتعرف تبين وانا نفسى احس بحبها دة
اسيل بهدوء وحكمة:انا عارفة انك اضايقتى من طنط جامد بسبب الموضوع دة بس اعذريها هى دى طبيعتها وقبل ماتقطعينى انا عارفة انه مش ذنبك بس مش ذنبها هى كمان هى طلعت على كدة اتعودت على كدة زى ما انتى اتعودتى انك لما تتعصبى تطلعى كلام دبش وحتى لو غلطانة بتبجحى دى بقت طبيعتك الحل للموضوع دة انك تتكلمى معاها وتقوليلها اللى مضايقك دى مهما كان مامتك وهى اقرب حد ليكى حتى اقرب ليكى منى المفروض تبقى هى مخزن اسرارك فهمانى
لمار بأبتسامة:فهماكى يا احلى واجدع صاحبة ف الدنيا دى كلها
اسيل بأبتسامة ايضا:ايوة كدة اضحكى ماتجيبى بوسة
لمار بضحك:هههه بس كدة خدى بوستين تلاتة وفوقهم حضن كمان
احتضنوا بعض لمدة وبعدها لمار فصلت العناق قائلة:بقولك صح عملتى اى انتى وفهد امبارح ف العربية صالحتيه
اسيل:اة وهو الصراحة قبل اعتذارى على طول
لمار:لا دة انتى تحكيلى بالتفصيل الممل بقى
اسيل:بصى يستى……قصت عليها ما حدث بالكامل
لمار:اوبااااااا دى الصنارة غمزت بجد
اسيل:صنارة اى وهبل اى اللى بتقوليه دة وبعدين تعالى هنا هو انتى لما قولتيلى لما اصالحه هقولك على حاجة عشان تبقى اتأكدتى منها
لمار:ما انتى غبية ومبتفهميش ما انا قولتلك اهو شكل الصنارة غمزت والفهد وقع ف حبك بجد
اسيل:لا طبعا اى الهبل دة
لمار:بأمانة تانى مافى حد اهبل هنا غيرك يبنتى كلامه وتلميحاته وتصرفاته اللى اتغيرت معاكى انتى بس كل دة بيقول انه بيحبك لا دة بيعشقك كمان وحاجة تانى لو هو مش بيحبك بجد لى اضايق اوى لما انتى قولتيله انه بيكدب عليكى وبيمثل لو هو مش فارق معاه ومش بيحبك مكنش اضايق ومكنش كمان فرح واتصالح من اول محاولة ليكى يبنتى انتى اى براس بجرة والدة
اسيل:طب ولى الغلط بقى #بقلم مريم_هانى🖋✨
لمار:يلهوى عليا يعنى سبتى كل الكلام دة ومسكتى ف الشتيمة وبعدين هى اول مرة اشتمك مثلا
اسيل:لا مش اول مرة
لمار:خلاص يبقى اتكتمى بقى المهم قوليلى اى رأيك
اسيل:ف اى
لمار:يلهوى على ام الغباوة اللى انتى فيها دى اى رأيك ف فهد طبعا يعنى اى شعورك تجاهُ دلوقتى
اسيل:يبنتى هو انتى فاكرة ان فهد بيحبى فعلا
لمار:انا مش فاكرة انا متأكدة من دة
اسيل:مش عارفة يا لمار المهم قوليلى انتى يوم ماروحنا نجيب الشبكة اتأخرتى برة لى انا نسيت اسألك وقتها ومفتكرتش غير دلوقتى
لمار بتوتر:اااحححم ككنت بعتذر لسيف بصراحة
اسيل بصدمة:لااااااا بتهزرى انتى لمار بنفسها اعتذرت القيامة هتقوم ولا اى
لمار:اى يخفة فى اى مالك عادى يعنى ما هو انا كان لازم اعتذر الصراحة لانى اڤورت معاه
اسيل:دى حقيقة فعلا بس قوليلى حصل اى وهو رد فعله كان اى كدة يعنى
لمار:بصى…..قصت عليها كل شئ حدث
اسيل:يعنى هو وعمار كانوا هيتخانقوا
لمار:اة لولا انى وقفت بينهم
اسيل بتفكير:بصى هو سيبك من عمار غيران عليكى دة عادى ومعروف(انا نفسى افهم هو يقربلها اى عشان ماما تبقى عادى كدة😹)انما سيف لى اضايق يعنى انتى ماتهميهوش ف حاجة المفروض يعنى
لمار بعدم مبالاه:معرفش ومش فارق معايا وميهمنيش اعرف الصراحة كدة كدة انا وقفته اكلمه عشان اعتذر وبس غير كدة لا وبعدين سيبك بقى من الكلام دة خلينا نجهزك دة انتى عروسة يعنى
اسيل:على اساس انه حقيقى مثلا
لمار:لو سمعتى كلامى هيبقى حقيقى
اسيل:ريحى نفسك دة مستحيل انه يحصل يلا يلا خلينا نخلص
لمار بتنهيدة:يلا يختى
ظلوا يعملون ماسكات ويجهزون بشرتهم وبعد مدة من الوقت كانوا سيكملوا تجهيزهم ولكن…..
•~•~•~•~•~•~•~•~•~•~•
اما فى ڤيلا فهد استيقظ بطلنا من النوم على صوت المنبه اطفئه وذهب للحمام حتى يغتسل. اغتسل وارتدى ثيابه وساعته الفخمة ونثر عطره الرائع ونزل الى الاسفل
فهد:دادة انعام
انعام:نعم يا فهد بيه
فهد:الفطار جاهز
انعام:اة جاهز على السفرة
فهد:تمام متشكر يا دادة
انعام:العفو…بببس هو انت لابس كدة ورايح فين
فهد:هكون رايح فين يعنى يا دادة رايح الشركة طبعا
انعام بزهول:انهاردة يا فهد
فهد:ايوة انهاردة فى حاجة
انعام بتوتر:للا ممافيش براحتك يبنى عن اذنك
فهد:اتفضلى
ذهبت انعام وجلس هو على السفرة حتى يتناول افطاره قليل من الوقت وجاء اليه سيف
سيف:انت بتعمل اى يا بنى ادم انت
فهد:هكون بعمل اى يعنى بفطر قدامك اهو
سيف:يخربيت برودك يبنى انت مش قصدى على فطارك قصدى لابس كدة ورايح فين دلوقتى
فهد:برضه هكون رايح فين غير الشركة انتوا مالكوا انهاردة اسألتكوا غريبة كدة لى
سيف بصدمة:احنا اللى اسألتنا غريبة ولا انت اللى غريب حد يروح الشركة انهاردة
فهد:اة انا مش فاهم اى المشكلة واشمعنى انهاردة هو فى حاجة
سيف بصدمة اكبر:لا ابدا مافيش حاجة حيالا انهاردة خطوبتك مش اكتر لو مش ناسى يعنى
فهد:لا مش ناسى بس دة مش معناه انى اغيب عن الشغل انت عارف الفترة دى صعبة ازاى ولازم يوميا اكون ف الشركة عشان المناقصة والصفقة كمان
سيف:انا مش ناسى وانا لسة جاى من الشركة ومأمن على كل حاجة وكله ماشى مظبوط اطمن انت
فهد:ماينفعش يا سيف فى حاجات لازم انا اشرف عليها بنفسى وكمان امضيها ومينفعش تتأجل
سيف:لا ممكن يتأجل انهاردة بس وبكرة يسيدى ابقى خلص الشغل كله
فهد:لا بكرة مينفعش لازم اكون فاضى بكرة خالص
سيف بأستغراب:لى يعنى لازم تبقى فاضى
فهد بدون ان يعى:بكرة لازم اخرج اسيل مينفعش اخطبها انهاردة واسيبها تولع بعدين
سيف بخبث:اهااااا مش تقول ان الموضوع كدة كنت سيبتك تروح الشغل من بدرى يا راجل
فهد وقد ادرك ما قال:لا ماتفهمش غلط انا هعمل كدة عشان مامتها متشكش ف حاجة وكمان عشان عايز اتفق معاها على كام حاجة كدة عشان نعرف نعيش مع بعض من غير خناق ومشاكل يعنى
سيف:ااااة شوف ازاى عايز تعيش معاها من غير خناق ومشاكل دة على اساس انك مش بتحب تضايقها دايما مثلا وكمان مش عايز تخلى مامتها تشك انت ممكن تكلمها فون كل يوم مش اكتر وهى هتتحجج انك مشغول بس واضح ان فى ناس تانية هنا هى اللى بتتحجج مش كدة
فهد:هو لو على الحجج بلاش انت تتكلم احسنلك
سيف بأستغراب:قصدك اى مش فاهم
فهد بخبث:وصلت لاى من التدوير ورا لمار هااا
سيف بتوتر:ننعم ووانا هددور وراها لى يعنى وانا مالى بيها
فهد:والله انا اللى بسأل انت مالك بيها وبلاش تلف وتدور عليا يا سيف انا عارف انك من يوم الشبكة وانت بتدور وراها
سيف بتنهيدة:انا نفسى مش عارف عايز منها اى حتى كل اما اجى ادور وراها بيبقى جوايا احساس بيقولى لا اعرف منها هى احسن كل مابشوفها ببقى مبسوط وبضايق جدا لما اللى اسمه عمار دة يقرب منها واللى مجننى اكتر انها سيباه عادى وبيتعاملوا مع بعض بحرية زيادة عن اللزوم وانا عارف انها محترمة
فهد:اولا انا هقولك انت عايز منها اى انت عايزها هى يا سيف ثانيا بقى موضوع عمار ممكن يكون خطيبها او مكتوب كتابهم مثلا
سيف بغضب:اقسم بالله لو كلامك دة صح لاروح اموته واخلص منه
فهد:ايوة عشان تكرهك ومطقش تبص ف وشك تانى طب ماتروح تصارحها بمشاعرك وريح دماغك
سيف:يعم انا اصلا لسة مش متأكد من مشاعرى دى اساسا ممكن يكون اعجاب وبس عشان مختلفة وكدة
فهد بضيق:تصدق وتؤمن بأية انت بنى ادم غبى غور من وشى اوعى #بقلم مريم_هانى🖋✨
سيف بتهكم:شوف مين بيتكلم دة على اساس انك اعترفت بحبك لاسيل يعنى
فهد بخبث:ومين قالك انى معترفتش
سيف بصدمة:نعم انت قولتلها انك بتحبها لا لحظة انت معترف لنفسك اصلا انك بتحبها
فهد:اة معترف لنفسى دة اولا ثانيا لا ماقولتهاش صريحة انا بلمحلها بس وبحاول اخليها تحبنى عشان لما اعترفلها تبقى عارفة ومترفضش
سيف:وافرض رفضت
فهد:مش بمزاجها هى مقدمهاش غير حلين يا اما توافق يا اما توافق
سيف بتريقة:انا رأيى الاختيار التانى افضل فعلا😹
فهد:جدع انت كدة
سيف:يا اخى اى الجبروت بتاعك دة هتخلى البت تحبك وتوافق عليك بالعافية
فهد:ايوة لان اللى عايزه باخده(هى كيس شبسى يحبيبى نفسك فيه وهتاخده😹)
سيف:بص مالوش داعى الكلام لان اصلا اسيل تقريبا هتوافق انا حاسس انها ابتدت تميل ليك
فهد:تمام اوعى بقى عشان انت كدة اخرتنى على الشغل وفى حاجات لازم اتأكد منها
سيف:استنى يعم خدنى معاك ف عربيتك
فهد:اومال فين عربيتك
سيف:بتتصلح ف التوكيل
فهد:خلاص تمام تعالى معايا يلا
ذهبوا الاثنان الى السيارة صعدوا بها واتجهوا الى الشركة وصلوا الاثنان وهما تحيطهم هالة من الرهبة والوسامة ايضا توجه كل واحد الى مكتبه ولكن قبل ان يدخل سيف الى مكتبه نده على فهد
سيف:فهد بقولك هى اسيل هترجع الشغل امتى
فهد:وانت مالك يهمك فى اى المفروض انا اللى اقول كدة اصلا
سيف:يبنى بلاش غيرة انت هتغير منى انا اقصد لان الشغل كله على هدى وبصراحة البنت صعبانة عليا شايلة شغل المكتبين فوق دماغها وكمان خايف تتلغبط انت عارف اسيل هى اللى كانت ممشية كل حاجة وعارفة كل حاجة عن الصفقة والمناقصة
فهد:عارف عارف خلاص على العموم اسيل بكرة او بعده بالكتير هترجع تانى تقريبا
سيف بأستغراب:هو اى اللى تقريبا هى مامتها مش هتوافق تنزلها الشغل حتى بعد ما تكتبوا الكتاب
فهد:لا مامتها مش ممانعه شغلها معايا بس جوزها هيمانع تقريبا
سيف بحيرة:جوز مين هو مش انت جوزها….ااااة فهمت يعنى انت مش هتخليها تشتغل بجد
فهد:لسة هشوف الاول هحاول اقنعها بدة لان هى هترفض وبشكل قاطع كمان
سيف:على العموم حتى لو اشتغلت مافيهاش ضرر بالعكس هتبقى طول اليوم قصادك وكمان هى فى الشغل كويسة ومافيش احسن منها هيخاف على شغلك وهيحافظ عليه ولا اى(طول عمرى بقول عليك بتفهم يواد يسيف😹)
فهد:قولتلك هشوف لسة امشى بقى دة انت رغايى بشكل غبى #بقلم مريم_هانى🖋✨
سيف بضحك:ههههه ماشى مقبولة منك عشان عريس بس هااااا
فهد بسخرية:على اساس حتى لو مكنتش عريس كنت هتعمل حاجة مثلا
سيف:طب يا فهد يحبيبى عايز حاجة مش عايز طب استأجذ انا بقى سلاموز….وراح على مكتبه اما فهد فظل يضحك عليه وعلى جنونه وبعدها دخل مكتبه و اتصل على احد وانتظر الرد…….
•~•~•~•~•~•~•~•~•~•
عند اسيل ولمار عندما كانوا على وشك ان يتجهزوا سمعوا طرق على الباب فتحت اسيل وجدت امها وصفاء وورائهم اربع فتيات
اسيل:اى يا ماما مين دول
فريدة:دول باعتهم فهد ليكى
اسيل:باعتهم ليا انا لى وبتوع اى دول
صفاء:هما اى اللى بتوع اى شايفاهم بتوع ترمس قدامك
اسيل:الله يا صفصف مش بستفسر
لمار:الكلام دة مش عند صفصف انتى تنفذى من سكات وخلاص
فريدة:كفاية رغى خلى البنات تدخل وهما هيفهموكى يلا بقى عشان منتأخرش
اسيل:ماشى…اتفضلوا خشوا
دلفوا البنات الى الداخل ومعهم اسيل ولمار اغلقت اسيل باب الغرفة وكانت ستسألهم لماذا هم هنا ولكن قبل ان تسألهم سمعت هاتفها يرن امسكته لتعرف من المتصل وكان فهد هو الذى يتصل بها فردت عليه
اسيل:السلام عليكم
فهد:وعليكم السلام اخبارك اى
اسيل:الحمدلله كويسة
فهد:دايما يارب قوليلى البنات وصلوا
اسيل:ايوة انا كنت لسة هسألك اى البنات دول ولى بعتهم على هنا
فهد:مش انهاردة خطوبتك يبقى لازم تتجهزى كويس
اسيل:اى علاقة خطوبتى وتجهيزى بالبنات دول
لمار بهمس:يخربيت ابو الغباوة اللى بتظهر مع الراجل دة بس
فهد:اى علاقته ازاى بس يا اسيل دول بنات ميكب ارتست وكمان معاهم واحدة بالفستان بتاعك اللى هتلبسيه انهاردة
اسيل:بس لى كل دة انا كنت مجهزة فستانى وكل حاجة مكنش له لزوم لده كله
فهد:لا طبعا له لزوم ونص انتى مش اى حد يا اسيل المهم انتى شوفتى الفستان ولا لسة
اسيل:لا لسة
فهد:تمام هقفل معاكى دلوقتى وانتى شوفيه وهستناكى تقوليلى رأيك فيه بس بعد كتب الكتاب
اسيل:تمام
فهد:باى
اسيل:باى
اغلقت اسيل الهاتف وكانت لمار تنظر لها نظرات خبيثة فقالت اسيل:مالك بتبصيلى كدة لى
لمار:كل اللى بيعمله دة وبتقولى مش بيحبك اومال لو كان بيحبك كان عمل اى الله يحرق غباوتك
اسيل:بصى انا مش هرد عليكى
لمار:عشان معندكيش حاجة تردى بيها اصلا جاتك وكسة توكسك اكتر ما انتى موكوسة اصلا
اسيل:شكرا يا صاحبتى ممكن بقى تخلينا نجهز دة بعد اذنك يعنى
لمار بتكبر مصطنع:اعطيكى الاذن اتفضلى اجهزى يلا
اسيل:متشكرين لكرم اخلاق سيادتك يا فندم….يلا يابنات ممكن بس اشوف الفستان
البنت1:اة طبعا يا هانم اتفضلى الفستان اهو
اخرجت الفتاة الفستان من العلبة وشهقت اسيل من منظره فهو كان جميل للغاية فهو كان طويل للغاية وبأكمام و من اللون النبيتى منقوش بالكامل ولكن له ذيل من الخصر ولكن من ناحية الظهر طويل ومعه طرحة بيچ
البنت1:على فكرة استاذ فهد هو اللى اختاره مخصوص عشانك وكان متأكد انه هيعجب حضرتك جدااا
لمار:لا الواد طلع رومانسى اهو انتى يبت مالك متنحة كدة لى😹
اسيل بأنبهار:الفستان جميل جدااا بجد ذوقه جميل
لمار:طبعا ذوقه جميل اومال اختارك ازاى
اسيل:حبيبة قلبى يخليكى ليا
لمار:ويخليكى ليا يحبى
البنت2:طب انسة اسيل ممكن بعد اذنك تيجى معايا انا والبنات عشان نعملك الميكب وشعرك
اسيل:طب معلش انا هقيس الفستان الاول عشان لو عايز تظبيط او حاجة
البنت1:اطمنى خالص استاذ فهد اعتقد مختاره على مقاسك مظبوط
لمار:معلش ريحيها خوديلها مقاستها وشوفيها على الفستان
البنت1:تمام مافيش مشكلة اتفضلى معايا يا انسة اسيل
اخذت لها المقاسات واتضح فعلا ان فهد اختار المقاس الصحيح لاسيل وبعدها ظلت تتجهز كان حولها ثلاث بنات واحدة تضع لها مساحيق التجميل واخرى تعمل شعرها واخرى تقلم اظافرها وبعد مدة من الوقت انتهت من كل هذا
لمار:اوباااااا والله مزة
اسيل:يبنتى نقى الفاظك بقى
لمار:بختى اتنيلى اسكتى يلا روحى جربى الفستان
اسيل:انتى مش هتحطى ميكب
لمار:لا مش هحط انتى عارفانى انا هكتفى بالكحل
اسيل:لى كدة ماتحطى
لمار:يختى اتنيلى اسكتى دة انتى اللى اسمك عروسة محطتيش روحى روحى الله يسهلك
اسيل بضحك:هههههه ماشى يختى وانتى روحى البسى فستانك يلا
لمار:اشطا
ارتدت اسيل الفستان وكان على مقاسها واصبحت مثل الملاك دخلت عليها والدتها وصفاء وعمار
فريدة:بسم الله ماشاء الله قمر يبنتى ربنا يحرسك من العين
اسيل:شكرا يا حببتى
صفاء:ماشاء الله عليكى يا اسيل بجد قمر 14 ربنا يحرسك يبنتى
اسيل:ربنا يخليكى يا صفصف يا قمر انتى
عمار بهزار:بت يا اسيل ماتفكك من العريس دة وتعالى اخطبك انا😹
جاء صوت من خلفهم يقول:يبنى انت احول ولا مافيش مرايات ف بيتكوا انت عايز القمر دة بتجوز القرد دة لى القيامة قامت وانا معرفش
نظروا كلهم لمصدر الصوت وانصدموا عندما رأوا لمار كانت جميلة جدااا وتبدو رقيقة(طبعا شكلها مالهوش علاقة بالسانها ياجماعة عادى😹)
نظر عمار لها بصدمة فهى كانت ترتدى فستان من طبقات الشيفون من اللون الاسود وبه بعض اللمعان وطرحة وحذاء من اللون البيچ ولم تضع اى مساحيق تجميل كما قالت ف هى اكتفت بالكحل فقط

عمار:مين الموزة دى
لمار:فى اى ياض ماتظبط كدة فى اى
عمار:يبنتى حرام على اللى خلفوكى المنظر مش راكب خااااالص مع الكلام اللى بيطلع منك
لمار بهزار:طلقنى مش عاجبك طلقنى
عمار:مقدرش استغنى عن روحى دة انتى روحى ودنيتى كلها
اسيل:بس بس يخربيت المحن مرارتى اتفقعت الله يحرقكوا
لمار:وانا والله يا اوختشى😹
عمار:انتى كمان اى دة انا كنت هرجع وانا بقولك كدة
صفاء:اخرس يا كلب انت تطول دة انا بنتى قمر ومافيش منها على رأيها روح شوف نفسك ف المراية وبعدين اتكلم جاتك وكسة
لمار بفرحة:ايوة بقى كدة يخليكى ليا يا صفصف اخيرا نصفتينى مرة واحدة ف حياتك شوفتى ماجرلكيش حاجة اهو
صفاء:شوف البت انتى يبت مايطمرش فيكى
لمار:بهزر معاكى يصفصف
عمار:يرضيكى كدة يا فرى اللى بيعملوه فيا
فريدة:بصراحة اة😹
اسيل:بصراحة يا عمار شكلك بقى وحش اوى انا بقول تتكل بقى من هنا
عمار:ما انا بقول كدة برضه انا هقف برة استقبل الضيوف اللى لسة ماجوش دول
لمار:الواد اتجنن يقلب امه
اسيل:البركة ف حضرتك جننتى الواد
لمار:لا بقولك اى هو اصلا مجنون خلقة ماتلبسيهاش فيا انا
صفاء:فريدة يلا احنا من هنا عشان لو قعدنا اكتر من كدة هيجلنا كالو ف دماغنا
فريدة:على رأيك يلا بينا ونسيبهم هما
خرجوا فريدة وصفاء والبنات اللى بعتهم فهد ايضا وظلوا اسيل ولمار مع بعضهم يتحدثون قبل ان تبدأ الخطوبة ويأتى المعازيم
•~•~•~•~•~•~•~•~•~•
اما فى شركة فهد كان يعمل على اخر ملف عندما دلف سيف الى مكتبه قائلا:اى يبنى انت لسة قاعد انا قولت هلاقيك روحت
فهد:انا فعلا خلصت دة اخر ملف خلاص مافيش تانى
سيف:طب اشطا يلا بينا
فهد:يلا بس صح هو فوزى مقالكش هيجى امتى انا بكلمه من الصبح مش بيرد
سيف:لا فوزى عنده محاكم من الصبح قال هيحاول يخلص بدرى ويجيلنا على القصر ونروح احنا التلاتة سوا على هناك
فهد:تمام خلاص خلينا نروح دلوقتى نجهز وبعدين نبقى نشوف واة كمان تعالى اجهز عندى مش لازم تروح عندك وبعدين تجيلى
سيف:مينفعش عشان حاجتى ف الڤيلا بتاعتى
فهد:لا ما انا امرتهم ينقلوا حاجتك اللى هتحتاجها عندى ف القصر
سيف:تعرف اى اكتر حاجة بحبها فيك انك بتاخد رأيى وخصوصا ف الحاجة اللى تخصنى
فهد:طب يلا يا لمض معايا
سيف:يلا يا اخويا
ذهبوا هما الاثنان من الشركة وتوجهوا الى القصر صعد كل منهما الى غرفته عند فهد اخذ حماما وخرج ارتدى بدلة سوداء وقميص ابيض وكراڤت وجزمة من اللون الاسود وارتدى ساعته الفخمة ونثر عطره النفاذ الرائع وصفف شعره بطريقة جميلة واحترافيه وهندم لحيته فزادته وسامة فو وسامته كان فعلا عنوان للوسامة والاناقة

توجه الى اسفل ونده على انعام:دادة انعام
انعام:ايوة يا فهد
فهد:سيف لسة مخلصش
انعام:لا لسة مخلصش
فهد:ماشى..قوليلى اى رأيك فيا
انعام بأبتسامة:بسم الله ماشاء الله زى البدر يحبيبى ربنا يتمملك على خير
فهد بأبتسامة:ربنا يخليكى ليا انا مش عارف لى مش راضية تيجى معايا
انعام:يحبيبى هاجى معاك بصفتى اى بس
فهد:دادة انعام كام مرة اقولك انتى بالنسبالى ف مقام امى وانهاردة هتيجى معايا بصفتك امى يرضيكى يوم مهم زى دة اروح من غير امى مش كفاية انك محتيش قراية الفاتحة ولا تنقية الشبكة
دادة انعام:خلاص انا هروح اغير واجى معاكوا
فهد:ايوة كدة هو دة الكلام بالمناسبة فى مفاجأة حلوة ليكى جوة ياريت ماترفضيهاش
انعام:ماشى يفهد مش هزعلك ف يوم زى دة
فهد:حببتى ولاهى
ذهبت انعام وجلس فهد قليلا الى ان قال:هو الحيوان اللى فوق دة اتأخر كدة لى يوكنش هو العريس وانا معرفش
سيف:لا مش العريس بس مش يمكن اشقط حد من هناك ولاحاجة لازم اكون انيق ومستعد….بس اى الجمدان والشياكة دى يبنى
فهد:مانجيش حاجة جمب حضرتك يا استاذ سيف
سيف بغرور مصطنع:عارف عارف طبعا
سيف كان يرتدى بدلة وقميص ابيض وبنطال من اللون الاسود وبيبيون من اللون الاسود ايضا وارتدى ساعته ونثر عطره وصفف سعره بطريقة جميلة وجذابة فكان وسيما بحق ايضا

فهد:يبنى بطل الغرور المصطنع دة بقى قرفتنى
سيف:متشكر يعم على فكرة فوزى اتصل بيا وبيقولى انه ف الطريق وقرب يوصل
فهد:تمام لغاية ما يوصل تكون دادة انعام جهزت
سيف:هى جاية معانا الخطوبة
فهد:اة جاية معانا فى حاجة
سيف:لا مافيش انا استغربت بس عشان هى كانت بترفض دايما تيجى لكن انا مبسوط انها جاية انت عارف انا بحبها وبعزها قد اى
فهد:عارف وانا كمان بحبها وبعزها جدا عشان كدة اصريت عليها تيجى معايا انهاردة
سيف:عملت كويس
دقائق وخرجت انعام وجاء فوزى وذهبوا جميعا الى منزل اسيل وعند وصولهم استقبلهم عمار وفريدة
سيف بهمس:هو السمج دة اى اللى جابه
فهد:واضح يعنى انه قريب منهم طبيعى يبقى موجود انت مضايق لى على حسب ما انا عارف ان مش فارق معاك صح
سيف بغيظ:انا بقول تخليك ف خطيبتك احسن
فهد:انت حر اوعى كدة
ذهب فهد وترك سيف يغلى من الغضب لان لمار وعمار كانوا واقفين سويا يضحكون ويمزحون على راحتهم ف ذهب اليهم
سيف:اذيك يا انسة لمار
لمار:الحمدلله كويسة انت حضرتك عامل اى
سيف:الحمدلله على فكرة انتى طالعة حلوة اوى انهاردة
لمار بخجل:ميرسى دة من ذوقك
عمار:ليمو صفصف بتنادى عليكى روحيلها
لمار:تمام عن اذنك يا استاذ سيف
سيف:اتفضلى
ذهبت لمار ف قال عمار:بقولك اى ابعد عن لمار وملكش دعوة بيها مفهوم واللى قولته دلوقتى لو سمعته منك تانى مش هيحصل كويس
سيف بغضب:وانت مالك تقربلها اى هااا
عمار:انا اقرب شخص للمار تقدر تقول نصها التانى وصلت الرسالة عن اذنك بقى
تركه وذهب ووقف سيف يقول:الاهى يفلقوك نصين يبعيد لمار بتاعتى انا وليا انا ومش هسمحلك ولا هسمح لغيرك انه ياخدها منى
اما فهد فكان واقف مع فريدة وصفاء وانعام وفوزى فقالت فريدة:بس انا ماشوفتكيش قبل كدة يا ست انعام
انعام:معلش كان عندى ظروف مقدرتش اجى
فريدة:لعله يكون خير بس انا مبسوطة انى عرفتك
انعام:وانا والله مبسوطة اوى ودخلتى قلبى بسرعة
صفاء:بس انتى تقربى اى لفهد
فهد:دادة انعام ف مقام امى بالظبط لما امى ماتت هى اللى اهتمت بيا وربتنى عشان كدة بعتبرها امى التانية
انعام:وانا بعتبر فهد ابنى اللى مخلفتهوش وبصراحة بيعاملنى على انى امه فعلا
فريدة:ربنا يخليكوا لبعض
انعام/فهد:يارب
فوزى:اومال فين عروستنا دة المأذون وصل خلاص
فريدة:جاية لمار راحت تجيبها معلش بقى تلاقيها مكسوفة انتوا عارفين البنات بقى
انعام:طبعا طبعا بصراحة انا متشوقة اوى عشان اشوفها
صفاء:اهى العروسة جت اهى
التفوا كلهم ناحية اسيل ونظروا لها بأعجاب وانبهار وعلى رأسهم فهد فهو انبهر بجاملها لدرجة انه لم يستطع ان ينزل نظره من عليها والحال عند اسيل لم يختلف كثيرا ف هى اعجبت بيه كثيرا فهو كان وسيما بحق
انعام:بسم الله ماشاء الله زى القمر عرفت تنقى يا واد يا فهد
سيف بهزار:سيبك من فهد دلوقتى هو مركز ف حتة تانية خالص
ضحكوا كلهم على كلام سيف وانتبه فهد اخيرا فقال:هو انا كام مرة اقولك ماتتحشرش ف اللى ملكش فيه هااااا
لمار بضحك:ههههههه تستاهل ادى اخرة التطفل
سيف:وانتى مالك هو كان حد وجهلك كلام يا اوزعة انتى هااااا
لمار:اولا انا مكلمتكش انت انا كنت بكلم نفسى ثانيا انا مش قصيرة انت اللى طويل اوڤر
فوزى:بس بس بس انتوا مش عيال يلا يا فهد انت واسيل عشان نكتب الكتاب وتلبس خطيبتك الشبكة
فهد:ماشى يلا
ذهبوا كلهم للمأذون وتم كتب الكتاب والبس فهد اسيل شبكتها وسط زغاريط صفاء وانعام وفريدة
فوزى:طب مش نسيب العرسان شوية
فريدة:اة طبعا يلا بينا نخرج ونسيبهم
خرجوا جميعا وتركوهم وحدهم صمتوا قليلا الى ان كسر الصمت فهد بقوله:مبروك
اسيل:الله يبارك فيك
قام فهد من مكانه وجلس بجانب اسيل وهى بعدت قليلا اقترب مرة ثانية ف بعدت ايضا(هى الكنبة كبيرة اوى كدة ما تتهدوا انا تعبت😹)
فهد:اسيل مش معقول كدة اثبتى انا مش هاكلك
اسيل بتوتر:مما اانا ثابتة اهو
فهد بضحك:ههههه لا بجد اومال مين كان بيتحرك من شوية هاااا
اسيل:معرفش انت اللى بتتخيل
فهد بأبتسامة:ماشى يستى انا اللى بتخيل بس على فكرة انتى طالعة زى القمر انهاردة انا مكنتش متخيل ان الفستان هيطلع عليكى حلو اوى كدة
اسيل بخجل:احححم شكرا
فهد:شكرا؟! اى الرد دة يا اسيل حرام عليكى
اسيل:ما انا مش عارفة اقول اى اول مرة اتحط ف موقف زى دة بصراحة
فهد:ودى اكتر حاجة عاجبانى وبسطانى
صمتوا قليلا ف قالت اسيل:اححم على فكرة انت كمان طالع شكلك حلو جدااا
فهد وهو يقلدها:اححححم شكرا
ضحكت اسيل:هههه انت بتردهالى يعنى
فهد:بصراحة اة وكمان كنت حابب اشوف ضحكتك اللى بتسحرنى دى
خجلت اسيل كثيرا ولم تعرف بما ترد عليه ف فضلت الصمت بعدما اصبحت مثل الطماطم
فهد:اسيل قومى من جمبى
اسيل بأستغراب:فى اى
فهد:بصراحة شكلك وانتى مكسوفة كدة مغرى جدا وانا مش ضامن نفسى
نظرت له بعدم فهم قليلا واستوبعت مقصده فخرجت تجرى من غرفتها وسط دهشة الكل وضحكات فهد عليها
فريدة:اى اللى حصل يا فهد مالها بتجرى كدة
فهد بأبتسامة:ولاهى ما اعرف بنتك هى اللى خجولة زيادة حبتين انا كنت بقولها انها قمر انهاردة مش اكتر
فريدة:معلش اعذرها اصلها مش واخدة على كدة
فهد:عادى يا طنط انا اصلا اختارتها عشان كدة المهم انا كنت حابب اطلب منك طلبين
فريدة:اى هما
فهد:الاول ان بعد اذنك بكرة هاخد اسيل ونخرج والثانى انها ترجع الشغل لانى محتاجها جدا ف الشغل
سيف بهمس:محتاجها ف الشغل ولا مش قادر تبعد عنها ينمس
سمعه فهد فضربه بكوعه ف بطنه فتأوه سيف قليلا ولكن لم يبين اما فهد فقال:ها طنط قولتى اى؟
فريدة:ماشى يا فهد انا موافقة على الطلبين
فهد:متشكر يا طنط يلا نستأذن احنا بقى
فريدة:اتفضل يحبيبى
وذهبوا جميعا الى بيوتهم وكل واحد غط فى سبات عميق وهو يفكر ف حياته وبما سيحدث لهم
ما علاقة عمار ولمار؟
هل فهد سيعترف بحبه لاسيل؟
هل اسيل ستصدق ان فهد يحبها وتعترف انها تحبه؟
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية القاسي والقوية)
