رواية حبيبي الشبح الفصل الثالث عشر 13 بقلم Sos Khalil

رواية حبيبي الشبح البارت الثالث عشر

رواية حبيبي الشبح الجزء الثالث عشر

رواية حبيبي الشبح الحلقة الثالثة عشر

ياسمين وصلت المطعم نزلت من التاكسي حسبتو ودخلت المطعم وهي بتاخد نفسها وحاطه أيديها على السماعه أللى تحت شعرها علي الناحية التانيه كان ايمن ويونس قاعدين وفاتحين التليفون علشان يسمعو ياسمين
يونس : شيلي أيدك من علي ودانك بطلي هبل
ياسمين اتخضت وشالت أيدها وفضلت تلف حوالين نفسها : بسم الله الرحمن الرحيم لا بقولك ايه شغل الجالا جالا ده مش معايا خف شويه
ايمن ضحك بصوت متكوم
يونس : جالا جالا طب خشي يا اختي خشي
ياسمين لصوت واطي : دخلت فيك تريله يكون سواقها أعمي واطرش يا بعيد إيه ده أنا بدعي علي واحد ميت أصلا إيه العبط ده
ايمن ضحك ( هو ايمن تقريبا مش بيعمل حاجه غير انو بيضحك) يونس بصله كتم الضحكه
يونس : أخلصي يا شحروره اخلصي
ياسمين دخلت بدلع
يونس : امشي عدل
ياسمين بخضه : لا بقي إنت شايفني إزاي يخربيتك وبعدين فضلت تدور حوالين نفسها علشان تعرف هو شايفها إزاي
يونس : متحوليش مش هتعرفي
ياسمين بغيظ: يا مصبر الوحش علي الجحش
يونس : ماشي يا محترمه ماشي إما تيجي
ياسمين باستفزاز : مش هتعرف تعمل حاجه
يونس كان هيتكلم ايمن أتكلم : مخلاص يا جدعان بقي الله اهدا يا بني وإنتي يا حاجه خشي بقي الواد قاعد جوه بقالو ساعتين
ياسمين : ايمن متخلهوش يتكلم وأنا جوه ولا يفتح بقو علشان والله اخرب الدنيا وامشي عادي
يونس لسه هيتكلم ايمن أتكلم : حاضر يا ياسمين يلا خشي بقي
ياسمين بثقه: اشطا علي الله التساهيل وراحت دخلت
لاقت ناصر قاعد علي التربيزه مستنيها
ياسمين رحتلو بتوتر : هاي
يونس بسخريه : هاي الله يرحم
ايمن ضحك بصوت واطي وقال : بس بقي يا يونس
ناصر وهو بيبوس أيدها : احلي هاي والله
يونس بتريقه: احلي هاي والله يحرق دم امك السم
ايمن خبط علي بقو بمعني أسكت
يونس بصله من فوق لتحت وسكت
ياسمين برقه مصطنعه: اتاخرت عليك
ناصر بابتسامه : انتي تتأخري برحتك يا باشا
ياسمين بضحك دلع : ههههيييي أنا مش قد الكلام الحلو ده بضعف والله وخصوصا إني مع شاب كل البنات بتترمي تحت رجليه
ناصر بضحك : حقيقي فعلا بس أنا مليش في الكلام ده انا محترم
ياسمين في نفسها : يابن الكدابه
ياسمين : طبعا هو حد يقول غير كده
ناصر : طيب إيه مش هنتعرف علي بعض
ياسمين : لو هنتعرف علي بعض قول إنت الأول
ناصر بأبتسامة : طيب بصي يا ستي أنا إسمي ناصر الصاوي
ياسمين بسخريه : منا عارفه إنك ناصر الصاوي قال يعني فكراك ناصر الدسوقي
عندي ٣٣ سنه وطبعا آنتي عارفه إني رجل اعمال كبير وكده إنت وحيد أبويا وأمي وتخيلي متجوزتش لحد دلوقتي علشان ملقتش البنت المناسبه ليا
ياسمين بصدمه من كدبه: يا كداب يابن الكدابه هو إللي هيحصل فيك شويه
ناصر بتكلمه : لآسف أنا قلبي متحفتش لحد من بعد ما البنت إللي كنت بحبها خنتني
ياسمين في نفسها بسخريه: يعيني وبعدين يا بن الكدابه
ناصر : علشان بس الشركه بتاعتنا الاسهم بتاعتها نزلت واعلانا افلاسنا وهي لما عرفت إن فلست راحت وخنتني مع أعز أصدقائي تخيلي قلبي اتكسر كسرت قلبي وإنا كنت يموت فيها
ياسمين: يلهووووي علي المحن والتمثيل
ناصر : ومن ساعتها وأنا قافل باب الحب نهائي بس شكله كل ده هيتغير علي أيدك آنتي بقي
ياسمين بقرف : يااااه دانت اتظلمت آوي وكويس إنك عرفت تجمع فلوس تآني وتكبر الشركه المال الحلال عمرو ما يروح بتقول كده من تحت ضرسها
ناصر بابتسامة : اكيد المهم دورك انتي بقي
ياسمين طبعا هتكدب في حاجات كتير زي اسم ابوها وسنها وكده يعني : أنا إسمي ياسمين إسماعيل عمري ٢٥ سنه وحيده أبويا وأمي وهما ماتو في حادثه وصاحب البيت طردني علشان فلوس الايجار واشتغلت حاجات كتير بس مش مشيت منها علشان المدراء إللي في مكنوش محترمين وخارجه من المدرسه من ٣ اعدادي علشان أبويا كان مش معاه يكمل تعليمي ودلوقتي بقيت إشتغل في المطعم إللي إنت شوفتني فيه واجرت شقه حلوه لما عرفت إن المرتب بتاعي كويس بس وبعد كده قبلت حضرتك
طبعا ياسمين كانت بتكدب وقالتلو علي إللي ايمن ويونس قالو وبس
وناصر أبتسم لما هي حكت كده لإنه ده إللي عارفه عنها علشان طبعا بعت واحد من اللي شغالين معاه وجاب كل حاجه عنها وإللي شغال عندو ده تبع ايمن وايمن إللي قالو يقول كده علشان ناصر يصدق وميعرفش عنها حاجه غير إللي هما قالو عليه بس
ناصر : ربنا يرحمهم ويقويكي
ياسمين : يارب
ناصر : ها بقي تكلي إيه
ياسمين بسرعه : ها شكرا مش عايزه مش جعانه والله
ناصر بإصرار : لا إزاي مينفعش ده أنا إللي عزمك
ياسمين : طيب مدام مصمم وبعدين مسكت المنيو
وقرت فيه ومفهمتش حاجه : لا بص أنا مش فاهمه حاجه من البتاع ده ده شكلهم بيعملو لحم حمير هنا ولا اية بص اختارلي إنت
ناصر ضحك : ههههه لحم حمير خلاص هختارلك انا
ياسمين هزت دماغها بأبتسامه خفيفه وبعد شويه ناصر أختار ونده الجرسون وطلب الاكل
ناصر بأبتسامه : الا قوليلي يا سمين هو إنتي في حد في حياتك مرتبطه بحد يعني
ياسمين : لا هو أنا لو مرتبطه كان زماني قاعده معاك دلوقتي
ناصر : إجابة مقنعه يا يا سمنتي
ياسمين : نعم ياس إيه
ناصر : منتي بقولك بالياء الملكيه
ياسمين : لا معلش خليها ياسمين أحسن
ناصر : ليه بس مش لازم ناخد علي بعض داحنا هنبقي أهل يعني
ياسمين : أهل اهل إزاي يعني معلش
ناصر : إيه ياسمين اهل يا حبيبتي يعني اجي اخطبك واتجوزك و كده يعني وبعدين أنا ناوي لما أتجوز اسفر مراتي روسيا نعمل هاني مون هناك
ياسمين : لا يا حبيبي بلا هاني مون بلا هاني رمزي مينفعش
ناصر بأستغراب : هو إللي مينفعش
ياسمين بتوتر : قصدي يعني زي مانت عارف انا عايشه لوحدي ومليش حد تطلبني منه ربنا يرزقك باللي احسن مني
ناصر بسرعه : لا طبعا أنا عمري ما هلاقي حد أحسن منك وبعدين أنا ميهمنيش حاجه في الدنيا غيرك
ياسمين في نفسها : آه يا بن الكدابه لو مكنتش بتكدب وأنا عارفه الاعيبك كان زماني وقعت في دباديبك وشامبوهاتك
إيه ده إللي أنا بقولو ده
ناصر : ياسمين سرحتي في إيه
ياسمين فاقت : معلش سرحت في كلام الحلو ده
ناصر بأبتسامه : طب ها قولتي إيه
ياسمين : سبني أفكر وهرد عليك
ناصر بسعادة وهو بيمسك أيدها : وأنا هستني موفقتك علي احر من الجمر
ياسمين تنحت لما هو مسك أيدها وافتكرت كلام يونس : لو مسك ايديكي يا ياسمين انتي حره هعرف هعرف لو مسك أيدك هتتشهدي علي روحك تمام
ياسمين بلعت ريقها بتوتر وقالت وهو بتشيل أيدها من أيد ناصر : انشالله إللي في الخير يقدمو ربنا
ناصر بأبتسامه : انشالله بعد شويه الاكل جه
ناصر : يلا كلي
ياسمين :حاضر وابتدوا ياكلو بعد شويه خلصو اكل واتكلموا مع بعض شويه بعد كده ياسمين استأذنت علشان تمشي علشان الوقت أتأخر
ياسمين وهي بتقوم : معلش بقي هقوم أصلي اتأخرت آوي
ناصر : ليه بس خليكي شويه لسه بدري
ياسمين: معلش مره تانيه بقي
ناصر : طب إستنى اوصلك
ياسمين : لالا مفيش داعي انا هاخد تاكسي من قدام المطعم
ناصر بأبتسامه : طيب اللي يريحك
ياسمين : ماشي مع السلامه
ناصر : سلام وخرجت ياسمين من الطعم تحت أنظار ناصر ليها بخبث وركبت تاكسي علشان تروح البيت
روحت بيتها وطلعت فتحت الباب لاقت إللي واقف في وشها
ياسمين بخضه : بسم الله الرحمن الرحيم بيطلعو أمته دول
يونس بهدوء ما قبل العاصفه : هسألك سوال وتجاوبي عليه باه أو لا الزفت ده مسك أيدك ولا لا
ياسمين بتوتر : بصراحة
يونس : ايوه الصراحه
ياسمين : آه
يونس عينه احمرت وبصلها بغضب