رواية اعشقك ولكن كبريائي يمنعني الفصل الخامس عشر 15 بقلم لوكا

رواية اعشقك ولكن كبريائي يمنعني الجزء الخامس عشر

رواية اعشقك ولكن كبريائي يمنعني البارت الخامس عشر

رواية اعشقك ولكن كبريائي يمنعني الحلقة الخامسة عشر

وقعد ادهم يفكر طول الليل فى فرح وعلاقته بيها
ادهم:
*ايه انت ليه لما بتبص فى عنيها بتحس كده
*عنيها فيها حاجه بتشدنى ليها
*ايه حبيتها؟؟
*لاطبعا كلهم زى بعض مينفعش
*متضحكش على نفسك انت عارف كويس ان فرح مش زى مها
*ايوه هى مختلفه بس مينفعش احبها
*ليه لا هى كويسه مينفعش ليه؟؟
* مينفعش اسلم قلبى لواحده تانى ابدا
* محنا قولنا فرح مش مها
*مش عارف بقى
*بس برضه بتحبها
*يووووووووووووووووه ايوه بحبها حبيت كل حاجه فيها اكتر حاجه
حبيتها فيها عنيها
عنيها بتحسسنى انى مالك الدنيا كلها
ونام ادهم وهو بيفكر فى فرح
*****************************
اما فرح كانت بتفكر فيه وقد ايه بتحبه وممكن تعمل اى حاجه علشان خاطره
بس يا ترى يا فرح ممكن تضحى بايه؟؟
*********************************
اما بقى فى مكان تانى خالص مكان تجمع الشياطين كانت قاعده مها
بتخطط للوصول لادهم
مها كان معاها واحد اسمه عصام يعتبر شريكها فى كل التخطيط اللى بتعمله
مها:عرفت يا عصام هتعمل ايه؟؟
عصام:البنت خلاص بقت فى جيبى
مها:بس اهم حاجه تبقى ضربه فى مقتل
عصام:متخافيش يا حبيبتى قولتلك خلاص……………ها انتى
هتعملى ايه؟؟
مها:متخافش بكره ادهم هيبقى فى جيبى
نسيب الاشرار دول شويه
*****************************
فرح صحيت تانى يوم رجلها كانت وجعاها بس قامت وعملت اللى
بتعمله كل يوم
طلعت تغير هدومها لقت ادهم لابس ونازل لاحظ ادهم ان شكلها تعبان
ادهم:فرح انتى كويسه؟؟
فرح:اه كويسه فى حاجه؟؟
ادهم:شكلك تعبان
فرح:لا بس بيتهيالك
ادهم:ممكن ……..رجليكى عامله ايه دلوقتى
فرح:الحمد لله ….طبعا كانت بتقول كده بس علشان متبانش ضعيفه
قدامه بس هى كانت تعبانه اوى
مشيت فرح وهى بتمشى رجلها وجعتها جامد وقعدت
ادهم راح يجرى عليها
ادهم:برده مفيش حاجه انتى مش شايفه انتى عامله ازاى ورينى رجلك
ادهم بص لقى رجلها وارمه جامد
ادهم:يلا نروح مستشفى
فرح:لا انا هبقى كويسه
ادهم:انا مبعدش كلامى مرتين
فرح:بجد هبقى كويسه ملوش لازمه
ادهم:يلا بدل مشيلك اوديكى غصب عنك
فرح:ادهم بلاش بجد
ادهم:خلاص هشيلك
فرح:خلاص هقوم معاك
ادهم خد فرح ونزلوا بس فرح كانت بتتالم
سعاد فرحت لما شافتهم نازلين مع بعض
ادهم:حسام انا مش جاى الشركه النهارده
حسام:خير فى حاجه
ادهم:فرح تعبانه هنروح للدكتور
سعاد بقلق:مالك يا فرح
فرح:وقعت على رجلى امبارح
امل:الف سلامه عليكى
سعاد:استنوا هاجى معاكوا
فرح:لا متتعبيش نفسك انا اصلا مكنتش عايزه اروح
فاروق:ليه يا بنتى لازم نتظمن عليكى
ادهم:هى تعبانى كده
امل:طب هتروحوا مستشفى ايه؟؟
فريد:روحوا المستشفى عند بباكى
فرح:مش عاوزاه يقلق عليا
ادهم:خلاص هنروح مستشفى تانى
فاروق:لو عرف هيزعل روحوا المستشفى عنده وهو كده هيطمن
هتبقى قدامه ومتطمن عليكى
ادهم:طب يلا
سعاد:استنوا هاجى معاكوا
فرح:ملوش لازمه انا كويسه
ادهم:اسكتى انتى تعبانه وبتقاوحى
مريم:مش هتروحى الكليه النهارده
ادهم:لا مش هتروح
وخد ادهم فرح وسعاد ومشيوا ووصلوا المستشفى وراحوا على
مكتب بباها
فؤاد:فرح حبيبتى عامله ايه؟؟
فرح:الحمد لله
ادهم:ازيك يا عمى
فؤاد :ازيك يا ادهم ازيك يا مدام
هو فى ايه؟؟
ادهم:بس فرح وقعت على رجلها جايين نشوف مالها
فؤاد بخضه:مالك يا حبيبتى
فرح:والله كويسه يا بابا ادهم بس بيبالغ
ادهم:انتى اللى شايفه الموضوع بسيط
بداوا يكشفوا على فرح واكتشفوا ان الوقعه كانت جامده هى اللى
ورمت رجلها وكان لازم تاخد حقنه
فرح:لا مش حاخد حقن
فؤاد:معلش يا حبيبتى
فرح:لا مش هاخد
ادهم:فى ايه يا فرح خدى الحقنه بقى
فرح:لا مش وخداها
فؤاد:يلا يا حبيبتى مش هتحشى بيها
فرح:لالالا مش هاخد حاجه
فؤاد:علشان خاطر بابا
فرح اخدت الحقنه غصب عنها
وهى فى الطريق مروحه ادهم كان قاعد يضحك
فرح بغيظ:بتضحك على ايه؟؟
ادهم :ههههههههههههههههه بتخافى من الحقن
فرح:عادى يعنى
ادهم:لا بصراحه مكنتش التخيل
وقعد يضحك وهى متغاظه
اول ما وصلوا على البيت فرح وادهم طلعوا الاوضه
ادهم:يلا بقى ارتاحى
فرح اخدت الدوا ونامت وفضل هو بيتاملها وهى نايمه
ادهم:ملاك
وسابها ونزل
سعاد:هى عامله ايه دلوقتى؟؟
ادهم:اخدت الدوا ونامت
امل:كانت المفروض تاكل
ادهم:لما تصحى بقى
شويه وفرح صحيت بس مقدرتش تنزل لقت ادهم داخل عليها ومعاه الاكل
فرح:ايه دا كله
ادهم:ماما متوصيه بيكى على الاخر
فرح:بجد اكل كتير اوى
ادهم:يلا كلى بقى
وكل ادهم وفرح وقعدوا شويه ساكتين وجه ادهم قعد جمبها على
السرير وفرح اتوتر من الحركه دى
ادهم:رجلك عامله ايه دلوقتى
فرح:الحمد لله احسن
ادهم سكت شويه وبعدين
ادهم:بحبك
فرح سكتت ومعرفتش ترد خالص
فرح:ها؟؟
ادهم بصوت حنون:بحبك
فرح مش مستوعبه
فرح: بتقول ايه؟؟
ادهم بهمس:بحبك