رواية حب وعذاب البارت الحادي والأربعون 41 والأخير بقلم آية السيد
 |
| رواية حب وعذاب البارت الحادي والأربعون 41 والأخير بقلم آية السيد |
رواية حب وعذاب البارت الحادي والأربعون 41 والأخير بقلم آية السيد
ياسين كان بيحاول يهدي وعد وقاطعه صوت خبط علي الباب
ياسين /هشوف مين وارجعلك يا حبيبتي
وعد هزت راسها بايوة وقعدت علي الكرسي بس دموعها لسه بتنزل
ياسين راح فتح الباب واتصدم لما لقي رحيم
ياسين بصدمه / رحيم
رحيم /يعني هتدخلني ولا هتسبني واقف كده وتفضل متنح
ياسين بانتباه /لا طبعا ادخل بس مستغرب انك هنا
رحيم كان هيتكلم بس قاطعه وعد اللي جت
وعد بعياط /رحيم
رحيم خاف علي اخته لما لقاها بتعيط ووعد جرت عليه وحضنته
رحيم بص لياسين وحاول يهدي اخته
رحيم بحنيه /هششششش اهدي يا حبيبتي عشان خاطري وفهميني فيه ايه
وعد بتعيط ومش بترد وحضناه جامد
رحيم بعدها عنه ومسح دموعها واتكلم /طب فهميني بس ياسين زعلك
وعد هزت راسها ب لا
رحيم باستغراب /طاب فيه ايه طيب انتي بتعيطي ليه
وعد بعياط /ع… عشان… ا.. انت زع… زعلان مني
رحيم /مش زعلان واصلا هزعل منك ليه
وعد /ع.. عشان…. ا…..انا هسافر
رحيم فهم سبب عياط وعد
رحيم بحنبه /لا مش زعلان منك انا بس متضايق لأنك هتبعدي عني وتسافري مع الواد ياسين وتسبيني
وعد بعياط /خ… خلاص م.. مش هسافر
رحيم وهو بيمسح دموعها /لا يا حبيبتي سافري واتبسطي كمان وانا هبقا مبسوط لما اشوفك مبسوطه
وعد ببراءه /بجد
رحيم /بجد يا قلبي
وعد حضنته تاني /انا بحبك اوي يا رحيم
رحيم بحب /وانا بحبك اوي يا قلب رحيم
ياسين بمرح /وانا بحبكم اوي هاتوا حضن ثلاثي بقا
رحيم ووعد ضحكوا عليه وحضنوا بعض
ووعد هدت وبعد كده كملوا تجهيز حاجتهم ورحيم وصلهم المطار هو ونادين ورجعوا تاني
أما وعد وياسين فسافروا يقضوا شهر العسل
__________________
في سياره رحيم
رحيم بامتنان /بجد شكرا ليكي جدا يا نادين
نادين /مفيش شكر بينا يا رحيم
رحيم /بجد مكنتش مصدق فعلا كل اللي قولتيه طلع صح
نادين بثقه /طبعا يا باشا هو انا اي حد ولا ايه
رحيم بضحك /ههههههههه يخربيت تواضعك يا بنتي والله
نادين /طبعا يا باشا انا في التواضع معنديش يااما ارحميني
رحيم بضحك /ما هو واضح
نادين /المهم بقولك
رحيم باستغراب /ايه
نادين /انت هترجع القاهره أمته
رحيم / بكره ان شاء الله
نادين/ اشطا
رحيم بتساؤل /انتي هترجعي تركيا
نادين /ايوة بكره بردوا
رحيم /تمام
نادين /بقولك ايه
رحيم /ايه
نادين /ايه رائيك نعمل حاجه مجنونه النهارده
رحيم بعدم ارتياح /بصي هو انا مش مرتاح لاني عارفك بس اشطا
نادين ببراءه /انا دا انا طيبه
رحيم بضحك /هههه ما انا عارف يلا هنعمل ايه
نادين بضحك /اولا هنروح ناكل
رحيم /اشطا
وراحوا هما الاتنين مطعم واكلوا سوا
رحيم /ادينا اكلنا هنعمل ايه بقا
نادين /تعالي نتمشي ونلف في شرم شويه
رحيم /اشطا يلا
وخرجوا من المطعم ولسه رحيم هيركب العربيه سمع صوت نادين
نادين باستغراب /انت رايح فين
رحيم /هركب العربيه
نادين /لا يا باشا مفيش عربيات انا قولت نتمشي يعني نمشي
رحيم /ماشي يلا
واتمشوا هما الاتنين واتصوروا صور مجنونه واشتروا حاجات تذكاريه
نادين /رحيم خود دي
رحيم باستغراب /ايه دي
نادين /دي ميداليه اعتبرها تذكار مني عشان تفتكرني
رحيم بابتسامه /ماشي.. وانتي خودي دي عشان تفتكريني
نادين /الله شكلها حلو الكوفيه دي
رحيم /اي خدعه ياباشا… المهم تكون عجبتك
نادين /تسلم يا رحيم وبجد عجبتني اوي
رحيم /طاب يلا
نادين بفرحه طفوليه /يلا
وفضلوا يتمشوا سوا وبعدين رجعوا للفندق
وكل واحد دخل اوضته وهو هيموت من التعب بس في نفس الوقت فرحان باليوم اللي قضاه
رحيم لنفسه /بكره اخيرا هرجع يا حنان وهتقدملك رسمي وتبقي معايا اخيرا
وبعدين غير هدومه ونام
_______________________
في مكان مهجور
فارس /ريم موجوده عندي يا زعيم وانا كلمت محمد وزين
الزعيم بضحك /ههههههههه كده تمام اوي
فارس /طيب ايه الخطوة الجايه
الزعيم /ساعه الصفر هتبقى بكره
فارس باستغراب /بالسرعه دي
الزعيم بغضب /انت مالك انا هنا بس اللي اقول بسرعه او بالراحه انت فاهم
فارس بلع ريقه بخوف /ا… اوامرك يا زعيم
الزعيم /انت هتكلم زين وتقوله علي المعاد بتاع الشحنه وبعدها هتبلغه مكان ريم عشان ياجي ياخدها ويكون لوحده
فارس بصدمه /هياخد ريم
الزعيم بشر /لا بس انا هاخد روحه
فارس /اوامرك يا باشا… اي أوامر تانيه
الزعيم بشر/لا روح انت
وفارس خرج من عند الزعيم وراح المخزن اللي فيه ريم عشان يكلم زين
الزعيم بشر /هههههههههه غبي اوي انت يا فارس اكيد مش هخلي حد فيهم يطلع من هنا سليم لا هو ولا حتي ريم ههههههههههه
_______________________
أما في المخزن
فارس دخل المخزن ولقي ريم فاقت
فارس قرب منها بخبث/ايه يا قمر مالك كده فيه ايه
ريم باستحقار /انت اوطي انسان شوفته في حياتي
فارس بخبث /مش مهم المهم انك هتكوني ليا بمزاجك او غظبا عنك حتي
ريم بصت ليه بقوه /دا لو انطبقت السما علي الارض. مش هيحصل وهتشوف ان محمد هيخرجني من هنا
فارس باعجاب /ههههههه بصراحه كل مره بتعجبيني اكتر يا حبيبتي
ريم بصت ليه بقرف ومتكلمتش
فارس /بلاش البصه دي يا جميل دا انا حتي هخليكي تكلمي اخوكي وحبيب القلب يمكن دي المره الاخيره
ريم بغضب /انت انسان مريض وانا متأكده انك مش هتقدر تاذيهم
فارس /هههههههه بلاش تثقي اوي يا قطه
وبعدين فارس طلع موبايله ورن علي زين
________________
عند زين ومحمد وشريف
كانوا التلاته قاعدين هما التلاته وبيحاواوا يحطوا خطه وفجأه تليفون زين رن
زين بص للشاشه ولقاه فارس
زين /دا فارس
محمد /افتح بسرعه
زين /الو
فارس /اهلا يا زين باشا
زين /اخلص
فارس بضحكه شيطانيه /هههههههه اهدي بس شويه دا انا حتي هخليك تكلم حبيبتك
زين بصدمه /ريم
فارس /هههههه بالظبط كده
وبعدين فارس حط التليفون عند ريم
زين بصدمه /ريم انتي كويسه
ريم اول لما سمعت صوته عيطت
ريم بشحتفه /ز… زين
زين /ريم اهدي بس ومتخافيش محدش هيقدر ياذيكي
محمد /حبيبتي اهدي انا معاكي وهرجعك قريب متقلقيش
ريم /محمد
محمد بخوف علي اخته /ايوة يا حبيبتي متخافيش انتي كويسه
ريم /ايوة يا محمد كويسه
فارس /ههههههههههه حلو اوي الجو العائلي دا بس مع الأسف مضطر اخلصه
زين بصوت عالي /قول اللي انت عاوزة وانا هنفذه وملكش دعوه بريم
فارس /ههههههههه ماشي يا زين باشا اصل الحب. يعمل اكتر من كده هههههههه
زين بعصبيه /اخلص يا فارس وريم إياك تلمسها
فارس بص علي ريم بخبث /اطمن يا زين باشا دي في عنيه اما بقا اللي عاوزة فهو الشحنه اللي هتيجي مصر بكره تدخل مصر عادي وبدون تفتيش وبعد اما الشحنه تدخل مصر ساعتها تيجي انت لوحدك تستلم مني الحلوة تمام
زين بص لمحمد وشريف /تمام
فارس /يبقا اتفقنا وبكره هبعتلك المعاد بالظبط اللي الشحنه هتوصل فيه وبعد ما اتأكد أن الشحنه وصلت هبعتلك العنوان اللي هتيجي تاخد منه الحلوة واضح
زين بهدوء مميت /ماشي يا فارس
وقفل التليفون وفارس بص لريم بخبث
فارس جه يلمس وش ريم ريم بعدت وشها عنه
فارس بخبث /متقلقيش يا حبيبتي بعد ما اقتله هتبقي معايا دايما
ريم بعصبيه /مش هتقدر تيجي عندي ولا حتي تقربي مني لان ساعتها زين ومحمد مش هيخلوك عايش
فارس بثقه/هنشوف يا قطه سلام
وفارس خرج من عندها وسابها في المخزن وقفل عليها
فارس للحرس /محدش يقرب منها ولا ياذيها سامعين
الحرس /اوامرك يا فارس بيه
اما ريم فبدات تعيط علي الحاله اللي وصلت ليها وبدأت تدعي ربنا يحفظها هي ومحمد وزين وفضلت تنادي ربها كتير
________________
في منزل حسن خليفه
محسن /اهدي يا حسن شويه انا مقدر اللي انت فيه بس خليك قوي واكيد محمد هيرجعها وخلي عندك ثقه في اللي خلقك
حسن /ونعمه بالله
محسن /طاب اتصل علي محمد كده ونشوفهم وصلوا لايه
حسن /ماشي
وجاب التليفون ورن علي محمد
محمد /الو يا بابا
حسن /ها يا بني طمني لقيتوا اختك
محمد /اطمن يا حبيبي بكره ان شاء ريم هتبقى في البيت متقلقش
حسن /يا رب يا ابني طب هي كويسه
محمد / ايوة والله وانا اطمنت عليها بنفسي…انا مضطر اقفل دلوقتي عشان اكمل شغلي سلام
حسن /ماشي يا بني سلام
هيام بدموع /قالك ايه يا حسن طمني والنبي
حسن بحنيه /اهدي يا هيام محمد طمني عليها وقال انها بكره ان شاء الله هتبقي في البيت
هيام بدموع /يا حبيبتي يا بنتي يا رب انت العالم يا رب ردها لينا سالمه يا رب
حنان /اهدي يا طنط وهي ان شاء الله هترجع والله وهتكون زي الفل
هيام /يا رب يا بنتي يا رب
_____________
عند زين
محمد /ها يا زين
زين بتفكير /هنعمل اللي هما عاوزينه
شريف /يعني هندخل الشحنه مصر وهنسلمهاله علي طبق من دهب وانت اكتر واحد عارف الشحنه بالذات لو دخلت مصر ايه اللي هيحصل وكام واحد هيتاذي بسببها
زين /انا قلت هنفذ كلامه بس مقولتش هنسلمله الشحنه
محمد /قصدك ايه يا زين
زين /هعمل مشوار صغير وبعدها افهمكوا
محمد /علي فين
زين /هخلصه واعرفكم
شريف /تمام يا زين
وزين خرج وراح المكان اللي في دماغه
____________________
في مكتب وزير الداخليه
السكرتير /فيه حد بره عاوز يقابلك يا باشا
الوزير /مين دا
السكرتير /بيقول اسمه الرائد زين سيف عز الدين
الوزير /عاوز ايه
السكرتير /مش عارف يا فندم بس بيقول في موضوع مهم يخص المافيا
الوزير /دخله
السكرتير /اوامرك
زين دخل المكتب وادي التحيه
الوزير /اتفضل اقعد
زين /شكرا يا فندم
الوزير /انت الفهد
زين بإيمائه /ايوة يا فندم
الوزير /انا سمعت عنك كتير وانك من أمهر الظباط
زين /شكرا يا فندم
الوزير /ها قالولي انك عاوزني في موضوع مهم يخص المافيا خير
زين حكاله كل حاجه من الاول والخطه بتاعته هو وشريف ومحمد ومراقبتهم لفارس وخطف ريم والشحنه اللي بتمثل ساعه الصفر
الوزير /طاب انت ليه ملجاتش للقياده بتاعتك
زين /لان اللي شاكين انه الزعيم واحد منهم
الوزير /انت واعي للي بتقوله يا سياده الرائد
زين /واعي جدا يا فندم وانا بتحمل مسؤليه كلامي كامل وكل اللي طالبه من سيادتك هو انك تساعدنا وتعرفنا علي ظباط يكونوا محل ثقه ويقدروا يساعدونا في الخطه وتديني الأذن اني اتصرف
الوزير بتفكير /ماشي يا زين بس لو كلامك طلع غلط انت اللي هتندم
زين بثقه /تمام يا فندم
الوزير رن علي السكرتير وطلب منه انه ينده لمجموعه من الظباط
وهما جم بعد شويه وخرجوا مع زين وبعدها زين رن علي محمد وشريف واتقابلوا في مكان بره القسم
محمد /مين دول يا زين وانت كنت فين
زين /دول مجموعه من أمهر الظباط وانا كنت فين فأنا كنت عند وزير الداخليه
شريف /الوزير
زين /ايوة حاليا احنا محتاجين ناس محل ثقه وعشان كده روحتله
محمد /انت ناوي علي ايه
زين /هقولك
_______________________
وجه تاني يوم علي ابطالنا
وعد وياسين وصلوا باريس ونزلوا في الفندق اللي حاجزين فيه
ياسين بابتسامه /حمد لله على السلامة يا وعدي
وعد /الله يسلمك يا قلبي
وبعدين وعد وقفت قدام المرايه وبدأت تفك حجابها
ياسين لاحظ انها لسه متدايقه وراح عندها وحضنها من ضهرها وحط راسه علي كتفها
ياسين /انا عارف انك لسه متدايقه بس هو شهر هنقضيه ونرجع مصر تاني عشان كده انا عاوزك تكوني مبسوطه ولو حابه ممكن نرجع تاني المهم انك متكونش متدايقه
وعد لفت ناحيته وبصت في عيونه /لا يا حبيبي هنقضي شهر العسل وعلفكره بقا انا مبسوطه بس مش عشان احنا هنا لا عشان انت معايا وجنبي
ياسين حضنها /انا بعشقك يا وعدي
وعد /وانا بحبك اوي يا روحي
ياسين شالها /طاب تعالي بقا عشان عاوزك
وعد خبت راسها في صدرها وحضنته اكتر
ونسيبهم بقا ????
_____________________
في شرم
رحيم ونادين ودعوا بعض
رحيم /بجد مبسوط جدا اني قابلتك يا نادين
نادين بابتسامه /انا اللي مبسوطه جدا وبجد شكرا لاني بجد قضيت احلي يومين في حياتي هنا
رحيم /بجد اتمني نتقابل تاني
نادين /وانا كمان يلا انا لازم امشي عشان طيارتي
رحيم /ماشي سلام
نادين /سلام
وكل واحد ركب طيارته وسافر في وجهته
بعد مده رحيم وصل القاهره واول لما وصل قرر يروح الفيلا بتاعته عشان يغير هدومه وبعدين يروح الشركه عشان يقابل حنان اللي وحشته وياخد منها معاد يقابل والدها
رحيم غير هدومه وراح الشركه
___________________
في منزل محسن
حنان /بابا انا هروح الشركه واطلب اجازة وارجع تاني
محسن /ماشي يا بنتي
حنان /ماشي سلام
وبعدها حنان خرجت من البيت وراحت الشركه
________________
في شركه الجرحي
رحيم وصل ودخل مكتبه وبدأ يشتغل واستغرب من تأخير حنان
بعد شويه سمع صوت خبط علي الباب
رحيم /ادخل
حنان دخلت المكتب واتصدم لما لقت رحيم وكذلك رحيم اتصدم لما شافها
حنان بصدمه /رحيم بيه….. حضرتك جيت من السفر أمته
رحيم بابتسامه عاشق /لسه واصل من شويه
حنان /حمد لله على السلامة
رحيم بابتسامه /الله يسلمك انتي عامله ايه
حنان بارتباك /احم الحمد لله
رحيم /خير
حنان بتوتر /بصراحه كنت جايه اطلب اجازة
رحيم باستغراب /اشمعنا دا عمرها ما حصلت من ساعه ما انتي اشتغلتي هنا
حنان بتوتر /بصراحه يعني فيه شويه ظروف حصلت وكمان خطوبتي
رحيم بصدمه /خطوبتك
رحيم نزلت عليه الكلمه زي الصاعقه
قام من علي الكرسي زي المجنون وبيحاول يكدب ودنه
رحيم وقف قدام حنان ومسكها من كتفها وهي استغربت تصرفه وحاولت تبعد عنه بس هو كان زي المغيب
رحيم /حنان انتي اكيد مش هتتخطبي صح قولي انك بتكدبي وانا هديكي اجازة عادي والله بس بلاش تعملي كده
حنان بتحاول تبعد عنه /انا انا مش فاهمه حضرتك بتقول ايه
رحيم /حنان انا بحبك بلاش تعملي كده
حنان بعدت عنه /رحيم بيه حضرتك بتقول ايه
رحيم بعدم وعي /ايوه يا حنان بحبك وبحبك من زمان وكنت خلاص هفاتحك في الموضوع دا واتقدملك رسمي
حنان مكنتش مصدقه اللي هي بتسمعه
رحيم /سيبي خطيبك دا وتعالي وهنتجوز انا وانتي
حنان ضربته بالقلم وهو اتصدم
حنان بزعيق /انت واعي انتي بتقول ايه وبتطلب ايه انا كنت جايه اطلب اجازة بس الواضح اني لازم اقدم استقالتي والعقد اللي بينا كده كده خلص عن اذنك
حنان سابته ومشت وهو كان واقف مش مصدق انه خلاص كده
رحيم بدا يكسر في كل حاجه في المكتب
أما حنان خرجت وهي بتعيط مش عارفه ايه اللي بيحصل ولا مصدقه اللي كانت بتسمعه وانه دا نفسه رحيم اللي كانت بتشتغل معاه وبتعتبره زي اخوها مسحت دموعها ورجعت بيتها وحاولت تبان طبيعيه واول لما دخلت اوضتها رجعت تعيط تاني
ريهام والدتها دخلت الاوضه فجأه لقيتها بتعيط
ريهام بخوف /فيه ايه يا بنتي مالك بس بتعيطي ليه
حنان فضلت تعيط ووالدتها حضنتها
ريهام بخوف علي بنتها /مالك بس يا بنتي
حنان بدأت تهدأ /مفيش يا حبيبتي انا بس زعلانه علي ريم
ريهام /متقلقش يا بنتي ان شاء الله هترجع
حنان /يا رب يا ماما انا هقوم اغسل وشي واغير واروح عند طنط هيام
ريهام /ماشي يا بنتي انتي طلبتي اجازة
حنان /لا قدمت استقالتي
ريهام باستغراب /ليه
حنان بكذب /كده احسن يا حبيبتي ولو حبيت اشتغل تاني هبقا اقدم علي وظيفه
ريهام /ماشي يا حبيبتي براحتك
وحنان غيرت وراحت عند هيام اللي كانت لسه بتعيط علي بنتها حنان حاولت تهديها وتخليها تاكل لأنها ماكلتش حاجه من ومبارح وفعلا خليتها تاكل
____________________
محمد وزين وشريف ومجموعه الظباط كانوا قاعدين ومستنيين تليفون فارس اللي هيبلغهم بكل حاجه عن الشحنه وفجأه التليفون رن
زين فتح الخط وفتح الاسبيكر
زين /الو
فارس /الو يا زين باشا عامل ايه
زين بنفاذ صبر /اخلص يا فارس
فارس بضحك /هههههههه اهدي بس الشحنه هتوصل في المينا دلوقتي هتدي أوامر انها تعدي من غير تفتيش وبعدها رجالتي هيبقوا موجودين وياخدوها اما انت بقا فأنا هديك عنوان تيجي فيها وتكون لوحدك عشان تاخد السنيورة واظن كلامي واضح
زين /ماشي ابعت المكان
فارس قفل وبعت المكان في رساله لزين
زين /زي ما اتفقنا
شريف /تمام
محمد /خود بالك من نفسك يا زين
زين /ما تقلقش سيبها علي الله
محمد /ونعمه بالله
وزين خرج وراح المكان اللي فارس طلب منه يروحه وباقي الشرطه راحت المينا عشان ينفذوا باقي الخطه
زين وصل هناك لقي مكان شبه مقطوع نزل وفضل يلف حواليه مفيش اي حاجه وبعدين لقي مجموعه من الرجاله رايحين ناحيته
الرجاله /اتفضل معانا
زين باستغراب /علي فين وفجأه تليفونه رن
فارس /روح معاهم يا زين وهما هيجبوك انا مش غبي عشان اديك العنوان وتديه البوليس
زين بثقه /معاك حق
فارس /طول عمري ودلوقتي ارمي موبايلك دا واديهم اي سلاح معاك
زين /ماشي
وزين رمي الموبايل والرجال فتشوه واخدوا منه السلاح وركبوه في العربيه وغموا عينه وربطوا ايده
بعد مده زين وصل المكان دا ودخلوة المخزن اللي فيه ريم
ريم اول لما شافته صرخت باسمه /زين
زين /ريم انتي كويسه
ريم بدموع /ايوة
فارس كان قاعد علي الكرسي ووحاطط رجل علي رجل وشاور الرجاله انهم يشيلوا القماش اللي علي وش زين
زين فتح عينه ببطء ولقي ريم قاعده علي الكرسي
فارس بشر /حمد لله علي السلامه يا زين بيه
زين /فكني يا فارس وخلينا نمشي وكده كده الشحنه بتعدي دلوقتي من المينا نفذ اتفاقك بقا وخلينا نمشي
وقاطعه صوت ضحكه شيطانيه
الزعيم /ههههههه تمشي فين بس يا زين باشا هو انت لسه قعدت
زين بص ناحيه الصوت واتصدم لما اللواء يوسف البحيري
زين بصدمه /سياده اللواء
يوسف /هههههههه صدمه مش كده
زين بعدم تصديق /انت الزعيم انت اللي قتلت ابويا وانت السبب في كل البلاوي دي
يوسف /ايه رائيك يا زين في المفاجاه دي…. فارس رن علي الرجاله وشوف اخبار الشحنه
فارس /اوامرك
_______________
في المينا بعد ما محمد وشريف وصلوا خلوا الشحنه تدخل مصر عادي وسلموها لرجاله الزعيم وسابوهم يمشوا
_______________
فارس اتصل وبعد شويه جاله الرد
فارس /الشحنه اتسلمت
الطرف الآخر /ايوة وكله تمام
فارس /تمام
فارس قفل معاه وبلغ الزعيم
زين /انا مش قادر أصدق ان الشخص اللي كنت بعتبره في مكانه والدي يطلع هو نفس الشخص اللي قتله وحرمني منه طول عمري وهو السبب في تعب والدتي
مش مصدق انه طلع نفس الشخص اللي رباني ووقف جنبي طول حياتي
يوسف /لا صدق يا زين واظن انت سمعت السبب اللي خلاني اقتل ابوك قبل كده يعني مش محتاج اني اقوله تاني بس انا هقولك سبب موتك ايه عشان تموت وانت مرتاح
زين /احب اسمع
يوسف /انت بقا بوظت كل العمليات بتاعتي وضيعت عليا شحنات بملايين ودا سبب كافي بالنسبه ليا اني اموتك
يوسف رفع المسدس علي زين عشان يضربه بالنار
ريم صرخت جامد /لاااااااا حرام عليك ابعد عنه
يوسف بضحك /ههههههههه خايفه عليه يا حلوة متخافيش هتحصليه عشان ميبقاش لوحده
فارس بزعيق /بس دا مكنش اتفاقنا
يوسف /انا بس اللي اقول ايه اللي يحصل وايه لا فاهم
فارس /لا مش فاهم احنا اتفاقنا نقتل زين مش ريم
يوسف بغضب /انت مجنون عاوزني اسيبها بعد ما عرفت كل حاجه
فارس /مش هتقول حاجه
فارس رفع المسدس ناحيه يوسف وهو بيرتعش /خلينا نمشي انا وهي واضمنلك مش هتفتح بوقها
يوسف بصوت جهوري /انت اتجننت رسمي وانا مش بشغل مجانين وضرب فارس بالنار
ريم صرخت من المنظر اللي شافته وفضلت تعيط للمره التانيه تشوف حد بيتقتل قدامها
يوسف بص لزين /ودلوقتي دورك وشحنتي خلاص كلها دقايق وتوصل
ريم بصراخ /لا. لا لااااااا ابعد عنه زيننننن
زين بهدوء مميت/متأكد
يوسف بعدم فهم /قصدك ايه
زين بثقه /يعني خلاص خلصت والبوليس دلوقتي زمانه وصل ليهم ورجالتلك ابقا اقرا ليهم الفاتحه
يوسف بجنون /لا مستحيل دا يحصل
يوسف فجأه سمع صوت رنه تليفون وكان بتاع فارس
يوسف اخده وفتح الخط
الحارس /الحقنا يا فارس بيه الحكومه اخدوا كل حاجه وكل الرجاله ماتت و…
مكملشي كلامه ويوسف سمع صوت رصاص وعرف انه مات
يوسف رمي التليفون بغضب /اععععع… لاااااا
وفضل يكسر في كل حاجه قدامه
زين بضحك /هههههههه كده خلصت
يوسف راح وقف قدام زين بغضب ورفع السلاح عليه/هقتلك يا زين وهقتلكوا كلكوا
وفجأه سمعوا صوت ضرب نار بره الحرس طلعوا بره وعرفوا ان الحكومه بره
الحارس بخوف /الحكومه ماليه المكان بره يا باشا هنعمل ايه
يوسف بعصبيه /مستحيل محدش يعرف المكان دا
زين بضحك /هههههه هو نسيت اقولك
يوسف بعدم فهم /قصدك ايه
زين /اصل الساعه بتاعتي فيها جهاز بيسجل الصوت وبيتتبع المكان معلشي بقا نسيت اقولك انك علي الهوا من بدري
يوسف /هقتلك يا زين هقتلك…. وبعدين بص للحارس /أمن عربيه بسرعه نطلع فيها
الحارس /اوامرك يا باشا
يوسف /اما انت بقا يا زين سلام
وفجأه صوت الرصاص ملي المكان
ريم بصراخ /زينننننننننننن
الخاتمه ????
في المخزن
ريم مجرد ما سمعت صوت ضرب النار حست الدنيا كلها اسودت حواليها واغمي عليها
وفاقت لقت نفسها نايمه علي سرير والكل حواليها
ريم /ز… زين
هيام والدتها جرت ناحيته بسرعه
هيام /ريم… ريم حبيبتي ردي عليا
ريم /ا.. انا فين…. ووفين زين
حسن /انتي في المستشفى يا بنتي من امبارح
محمد بابتسامه /حمد لله على سلامتك يا ريمو
ريم /اللي يسلمك يا حبيبي
ريم بصت في باقي الاوضه ملقتش غير حنان وريهام ومحسن وجني
ريم بخوف من اللي هتسمعه /ز… زين كويس
الكل فضل يبص لبعضه من غير كلام
ريم دموعها بدأت تنزل وكررت السؤال تاني /ز.. زين فين يا محمد
وفجأه صوت خبط علي الباب ودخل زين وكان معاه والدته
مرفت بابتسامه /حمد الله على السلامة يا بنتي
زين بابتسامه /حمد لله علي سلامتك يا ريم
ريم بعياط /زين انت… انت كويس صح
محمد بضحك /اه يا ستي اهو شبه الحصان
زين بابتسامه /ايوة يا ريم الحمد لله كويس
حنان قربت منها /حمد لله على السلامة يا روحي
ريم /الله يسلمك يا قلبي
محمد /انا هنادي الدكتور عشان يشوفك
وراح جاب الدكتور وجه وبعد ما الدكتور كشف علي ريم
الدكتور /الحمد لله دلوقتي كله تمام وتقدري تخرجي
محمد /شكرا يا دكتور
هيام /حمد لله على السلامة يا حبيبتي
ريم /الله يسلمك يا رب امي
زين /طيب يا جماعه بما ان الكل موجود فأنا كنت عاوز اقول حاجه
الكل بص ليه باهتمام
زين /بصراحه كده يا عم حسن انا عاوز اطلب ايد ريم
ريم اتكسفت ووشها بقا شبه الطماطم وحنان غمزتلها
حسن /والله يبني دي حاجه تشرفني بس استني ريم تطلع وبعدين اللي فيه الخير يقدمه ربنا
زين بابتسامه وهو يبص لريم /تمام
ريم خرجت من المستشفى وعلا ومي عرفوا اللي حصلها وعلا كلمتها ومي زارتها وزين اخد معاد من والدها وراح يتقدم لها والقضيه اتقفلت
زين وريم كانوا قاعدين مع بعض وريم باصه للسجاده
زين /مكنتش اعرف ان السجاده عجباكي اوي كده
ريم بانتباه /ها
زين /ها ايه بس … مش عاوزة تسالي علي حاجه
ريم بصراحه /اه
زين /طيب قولي
ريم /هو يعني انت ليه عاوز تتجوزيني
زين فهم بس حاول يعمل عبيط
زين /احم هما اللي بيتجوزوا بيتجوزوا ليه
ريم /مش عارفه انا متجوزتش قبل كده
زين ضحك علي برائتها
زين /عشان نكون عيله ويبقا عندنا أطفال
ريم /بس
زين بخبث /هو فيه حاجه تانيه
ريم /ه لا ابدا هبلغك ردي مع بابا
زين /تمام
بعد ما زين مشي ريم دخلت اوضتها قعدت تفكر في اللي قاله
ريم /طب يعيني كده هو مش بيحبني زي ما بحبه وهو بس عاوز يتجوزني عشان يعمل عيله وخلاص
ريم /طاب أوافق ولا لا يا ربي بقا انا هصلي استخاره ولو مرتاحه خلاص
ريم صلت وبلغت والدها بموافقتها ومحمد وزين قرروا تبقا الخطوبه وكتب الكتاب في نفس اليوم مع بعض بعد اسبوع
يوم كتب الكتاب كان في قاعه
ريم كانت لابسه فستان ابيض شيفون وعليه ورد وحجاب ابيض وساعه بيضه وكانت حاطه ميكب سمبل زادها جمال
وحنان كانت لابسه فستان ابيض وعليه ورد ابيض وكان من الشيفون الساده وحجاب ابيض وميكب سمبل
زين كان لابس بدله سوده كلاسيك وكذالك محمد
شريف بمرح /هههههه مبارك يا بشوات اخيرا هخلص منكم
زين بضحك /عقبالك يا باشا لما تحصلنا انت كمان
شريف بضحك /هههههههه قريب ان شاء الله يا باشا
محمد باستغراب /ايه دا بجد
شريف /ايوة والله بعد هخلص منكم وبعد كده أتقدم لها
زين /ربنا يتمملك علي خير يا صاحبي
شريف /حبيبي يا زين
محمد /يلا
زين /يلا
وبعد كده راحوا يجيبوا العرايس
زين اول لما شاف ريم وفستانها البسيط اتصدم من جمالها وكذلك محمد اللي شاف حنان
وبعد كده راحوا القاعه وتم عقد قران محمد وحنان وزين وريم
الماذون /بارك الله لكما وبارك عليكما وجمع بينكما في خير
زين راح عند ريم
زين بحب/مبارك عليا انتي يا ريم
ريم بكسوف /الله يبارك فيك
زين بأس راسها وشالها ولف بيها
عند محمد
محمد /مبارك عليا انتي يا قلبي
حنان بكسوف /الله يبارك فيك
وبعدين شالها ولف بيها وبعد كده الاغاني اشتغلت والكل كان مبسوط
ومحمد وحنان رقصوا سوا
محمد /حنان
حنان /ها
محمد /فاكره لما قولتلك هرد علي السؤال بتاعك يوم كتب الكتاب
حنان /ايوة
محمد /الاجابه هي اني بحبك ومش دلوقتي لا بحبك من زمان اوي وكنت دايما بدعي ربنا بيكي واخيرا استجاب
حنان بدون وعي /وانا كمان بحبك اوي
وشالها ودوخها جامد
عند زين وريم
زين /ريم
ريم /نعم
زين /عاوز اقولك حاجه مهمه
ريم /ايه
زين /فاكره سؤالك يوم ما اتقدمتلك
ريم /اه
زين /مش عاوزة تعرفي اهم سبب انا ليه اتجوزتك
ريم /عاوزة
زين قرب من ودنها وهمس /لاني ب.. ع.. ش… ق.. ك يا ملاكي
ريم بصدمه /قولت ايه
زين /بعشقك
ريم حضنته /وانا بحبك اوي يا زيني
زين اتبسط اوي وحضنه اكتر ولف بيها
وبعد كده الفرح خلص وكل واحد اخد عروسته وراحوا علي المطار لأنهم قرروا انهم يعلموا عمره
__________________
في اسكندريه
وخصوصا في مؤتمر الأطباء علا راحت المؤتمر وكانت مبسوطه اوي انها خلاص بدأت تحقق حلمها
باسل كان مبسوط انه بيحضر مؤتمر زي ده
باسل كان ماشي في طريقه بقاعه المؤتمرات وفجأه خبط في حد
باسل /انا اسف جد…
ومكملش كلامه لما لقي علا قدامه
باسل بصدمه /علا
علا /ازي حضرتك يا دكتور باسل.
باسل /الحمد لله تمام انتي عامله ايه
علا بابتسامه /الحمد لله معلشي انا لازم امشي
باسل /ثانيه واحده بس هو انا ممكن اطلب منك حاجه
علا /اتفضل
باسل /ممكن رقم والدك
علا باستغراب /ليه
باسل /هتعرفي قريب
علا /بس
باسل /مفيهاش بس ممكن الرقم
علا /ماشي
وعلا اديته الرقم والمؤتمر خلص علي خير
_________&&_______
في السعوديه
ريم وزين ومحمد وحنان وصلوا اوضهم
ريم اول لما دخلت الاوضه بصت من الشباك واد ايه المنظر كان جميل اوي
زين راح وراها واحضنها من ضهرها
زين بحب /ايه رائيك
ريم لفت ليه واتكلمت بفرحه /جميل اوي يا زين
زين وهو بيحضنها /انا بحبك اوي يا ريم
ريم /وانا بحبك اكتر
وبعدين بعدت عنه /بس انا عاوزه أسألك سؤال
زين /ايه
ريم /ايه اللي حصل انا مش فاكره حاجه غير تهديد يوسف ليك
زين /تعالي اقعدي وهحكيلك
____________فلااااش باااك
يوسف بشر /هقتلك يا زين
ريم بصراح /لاااا واغمي عليها. وقبل ما يوسف يضرب زين بالنار الشرطه دخلت ومحمد ضرب يوسف بالنار ومات
محمد جري علي ريم وشريف راح لزين وفك ايده
وكلهم كانوا مصدومين لما شافوا ان يوسف هو الزعيم
ومحمد اخد ريم علي المستشفى
وبعد كده زين ومحمد وشريف اترقوا واخدوا مكافأه
_______&&&&&&بااااااك
بس يا ستي وهو دا كل اللي حصل
ريم حضنت زين جامد وزين حضنها وبعدين سمع صوت عياطها
زين بعدها عنها وتلقاها بتعيط
زين بصدمه /مالك يا قلبي بتعيطي ليه
ريم /لو كان جرالك حاجه مكنتش هسامح نفسي ابدا يا زين
زين مسح دموعها /انا الحمد لله يا قلبي محصليش حاجه ممكن بقا تمسحي دموعك جي وتقومي عشان نصلي سوا عشان عاوز اقولك حاجه مهمه
ريم بعدم فهم /حاجه ايه
زين بخبث /بعد ما نصلي
ريم /ماشي
وبعدين خلصوا صلاه زين شال ريم
ريم /زين نزلني
زين بخبث وهو بيغمزلها /لا انا عاوز اقولك حاجه مهمه اوي
ريم بكسوف/بس يا سافل
زين /طيب انا هوريكي
ونسيبهم بقا
_________________
في اوضه محمد
محمد /مبارك عليا انتي ي قلبي
حنان /الله يبارك فيك يا محمد
محمد /يلا يا قلبي ادخلي اتوضي عشان نصلي
حنان ماشي
وخلصوا صلا ونسيبهم بقا
___________________
رحيم قررا انه يسافر وطلب من صاحبه يحجزله ولانه عند فرع من شركته في تركيا فصاحبه قرر يحجزله هناك
وبلغ وعد وياسين بسفرة
رحيم وصل هناك واتواصل مع نادين وبداوا يتقابلوا تاني وحكي لها عن موضوعه مع حنان وهي ساعدته يخرج من الموضوع وينساه
وهما الاتنين بداوا يقربوا من بعض
_________________
بعد مرور شهر
زين ومحمد وحنان وريم رجعوا من السفر
وعلا قررت انها ترجع القاهره تاني وباسل أتقدم لها وهي وافقت عليه عشان أهلها بس بعدين اكتشفت انها محبتش محمد وبقت بتحب باسل
وعملوا خطوبه وكتب كتاب مع بعض
ويزيد ومي اتقابلنا تاني ويزيد أتقدم لها واتخطبوا
وسليم وجني اتجوزوا هما كمان
_____________________
بعد مرور خمس سنين
زين ومحمد حاولوا يقنعوا الكل انهم يجيبوا بيت كبير ويعيشوا فيه كلهم مع بعض وفعلا عملوا كده
ريم /يبنتي بقا ارحميني والبسي
همس /انا عملت حاجه ما انا بلبس اهوه
ريم /لا والله تعالي يا زين شوف بنتك دي
زين /حبيبت بابي مزعله مامي ليه
همس /لا يا بابي مامي هي اللي مزعلاني
ريم /يا شيخه شوف ازاي
مؤيد /انا خلصت يا مامي
ريم /شاطر يا حبيبي… يلا بقا يا همس تعالي كملي لبس عشان البس انا كمان
همس /لا بابي هو اللي هيلبسني
زين /بس كده من عيوني يا قمري
وزين لبس همس
زين /مؤيد خود همس وانزلوا لغايه ما نيجي
مؤيد/حاضر يابابا
زيت دخل الاوضه لقي ريم واقفه قدام المرايه وبتلبس الحجاب
زين حضنها من ضهرها /ايه يا قمر لسه مخلصتش
ريم /اعمل ايه ولادك بيعطلوني وخصوصا الست همس
زين /يعني هما ولادي انا وبس
ريم /يا سلام وبعدين مين بقا اللي قمرك انا ولا الست همس
زين بضحك /هههههههه يخرب عقلك يا ريم بتغيري من بنتك
ريم /مليش دعوة انا بس اللي قمرك
زين بضحك وهو بيحضنها /انتي قمري وقلبي وكل حياتي كمان… بقولك
ريم بعدت عنه شويه /ايه
زين /ما تيجي نكبر وما ننزلش
ريم /مش هينفع يا زين دا اليوم اللي بنتجمع فيه كلنا ومش بيبقا وراكم شغل فيه
زين بتافف /ماشي
__________________
في منزل محمد
محمد /خلصتي يا حبيبتي
حنان /ايوة يا حبيبي خلاص اهوه بلبس مؤمن وتيا لبست خلاص
محمد /ماشي يا روحي بس ايه القمر دا
حنان بكسوف /بس بقا يا محمد
محمد /قلب محمد انتي
_____________
*زين وريم خلفوا مؤيد وهمس
ومحمد وحنان خلفوا تيا ومؤمن
وسليم وجني خلفوا مالك وجني حامل في ولد
الكل اتجمع وكانوا مبسوطين
أما بالنسبه لرحيم فهو أتقدم لنادين من سنتين واتجوزوا وخلفوا إياد وايان تؤام
ووعد وياسين خلفوا ريما ويزن
عند ريم وزين
زين /بحبك ولو مر الف عام حبي ليكي هيزيد مش هينقص
ريم /بحبك ولو رجعت بالزمن هختارك انت من بينهم كلهم يا احلي ظبوطه في الدنيا
زين /بعشقك
*الحب الاول لا يموت ولكن ياتي الحب الحقيقي لكي يدفنه حي*
الخلاصه مش معني اني حبيت حد وهو محبنيش اني دي نهايه العالم ربك قادر يعوض قلبك بس انت اصبر ومتستعجلش
*خلينا متفقين ان الحب احيانا بيبقا عذاب لصاحبه وأحيانا يخلي حياته جنه بس الأهم اننا منسلمش قلبنا لأي حد والسلام
*احببتك كطفله لا تعرف الأمان الا في حضن والدها *
تمت بحمد الله
بقلمي :آية السيد ✍️
اتمني الروايه تكون عجبتكم واكون عند حسن ظنكم..
لقراءة باقي فصول الرواية : اضغط هنا
نرشح لك أيضاً رواية أحببت عفيفة للكاتبة آية السيد
