رواية البر التاني الفصل الحادي والعشرون 21 بقلم لولو محمد
رواية البر التاني الجزء الحادي والعشرون
رواية البر التاني البارت الحادي والعشرون
رواية البر التاني الحلقة الحادية والعشرون
الست / انتى لسه ما خلصتيش يا اللى تنشكى فى قلبك
فاطمه / هخلص اهو اخر حاجه والله يا مراه ابويا
الست تروح تقعد
الست / بيضالك فى القفص هتعيشي فى السرايا
فاطمه تبصها
الست / خلصى تنضيف يا بت و انجرى على المطبخ الليله جيلنا ضيوف و عاوزين نعملهم ضيافه حلوه
فاطمه / مين جاى يا مراه ابويا و ايه حكايه السرايا دى
الست / بيدوروا لسى شاكر الزيني على عروسه بعد ما مراته ماتت و بالعافيه اقنعتهم بيكي يلا خليكي تغورى من وشي و ارتاح من قرفك كان يوم اسود لما اتجوزت ابوكى و بلانى بيكي
فاطمه تبصلها
الست / بتبصيلى كدا ليه يا بت الجزمه انجرى خلصى اللى وراكى
الست تقوم تزق فاطمه توقعها و هى بتدخل اوضتها و فاطمه تكمل تنضيف
……………….
فى السرايا
فاطمه قاعده قدام المرايه بتسرح شعرها باب الاوضه يخبط
فاطمه / مين
الست تفتح الباب و تدخل فاطمه تبصلها باستغراب
فاطمه / انتى ازاى تدخلى من غير ما اذنلك
الست / انتى هتنسي نفسك و لا ايه يا بت يا فاطمه
فاطمه / الست فاطمه اوعى انتى تنسي نفسك
الست / هى حصلت يا بت
فاطمه / بقولك ايه يا مراه ابويا خافى على الحسنه اللى بتاخديها من جوزى
الست / اما قليله الاصل بصحيح ما تمرش فيكي يا بت اللى عملته عشانك
فاطمه / لا والله فاكره كل اللى عملتيه فيا من يوم ما دخلتى بيتنا و خربتى على امى و موتيها بقهرتها و داينتى ابويا لطوب الارض و موتيه بهمه و قعدتيني من المدرسه و شغلتيني خدامه فى البيوت فاكره كل مره ايدك اتمدت عليا فيها و كل مره شتمتيني فيها انا و امى
الست / انا اللى لبستك و نضفتك و عملت منك ست
فاطمه / بفلوس جوزى
الست / انا اللى جوزتهولك جوزك ده
فاطمه / و قبضتي التمن و لسه بتقبضي
الست / اتفو عليكي واطيه عديمه الربايه
فاطمه تبتسم و ترمى نفسها فى الارض و تصرخ
سماح / ااااااه اللحقونى عاوزه تسقطنى اااه اللحقونى ااااااه
الست تحاول تسكت فاطمه
الست / اسكتى يا بت المجنونه اسكتى هتوديني فى داهيه اسكتى
فاطمه / حد يلحقنى
الباب يتفتح و ستات كتير تدخل و شاكر و هو فى الاربعينات بصحته لسه ياخد فاطمه فى حضنه و هى بتعيط و تصرخ
فاطمه / حرام عليكي دا انا كنت فكراكى هتفرحيلى
شاكر / طلعوها بره و نادوا الحكيم من الوحده الصحيه بسرعه
فاطمه / همووووت مش قادره اااااه مش قادره
شاكر يشيلها
شاكر / اوعوا من وشي
شاكر ينزل يجرى بيها و الست واقفه مصدومه
//////////////////////
فاطمه تمسح دموعها و تلف تحط وشها فى حضن شاكر
فاطمه / انت احلى حاجه حصلتلى فى حياتي
شاكر يبوس راسها و يناموا
………………….
فى اوضه مريم
الاغانى شغاله و البنات بترقص هند ترمى نفسها على السرير
هند / مش قادره اخد نفسي
سماح و مريم يناموا جنبها
سماح / انا انبسطت اوى
مريم / امتى تيجي تعيشي معانا علاطول بقي
سماح / و هى لما هتيجي تعيش هنا هترقصلنا احنا برده ههههههههههه
مريم / هههههههههههههه اما لو امك سمعتك
سماح / يا اختى بقي ما تقفلنيش
الاغنيه تتغير و تشتغل اغنيه هاديه
مريم / انا بحب الاغنيه دى اوى
هند / و انا كمان
التلت بنات يسمعوا الاغنيه و النوم يكبس عليهم و يناموا على وضعهم
…………………
فى المكتب
عبد الله بيركب المسدس ببطء
عبد الله / مفيش فايده باين
مختار / ليه يا عم بتتحسن على فكره
عبد الله / انت سريع اوى
مختار / الوقت اللى انت كنت بتلعب بيه كوره فى الشارع انا كنت بفك السلاح و اركبه و انا مغمض فطبيعي ابقي اسرع منك
الباب يتفتح و عباده يدخل
عباده / بتعملوا ايه هنا
مختار / انت ما نمتش
عباده / يا عم و هو المروستان اللى فوق ينيم حد … ايه ده بتتعلم تركب السلاح
عبد الله / السهل الممتنع
عباده / يا عم دى لعبه عيال هات اوريك
عباده ياخد المسدس و يركبه بسرعه و يفكه و يركبه تانى و يفكه و يركبه و يفكه و يديه لعبد الله
عبد الله / انت لو قاصد تعجزنى مش هتعمل كدا
مختار / ههههههههههههههههههههه و احنا قدك لم كنا نحب نلعب كانوا يغموا عنينا و يشوفوا مين بيركب اسرع و لعلمك انا كنت بكسب
عباده / مش دايما على فكره
عبد الله يركبه و ينجح
عبد الله / اوعى لا مش مصدق نفسي مش مصدق نفسي
مختار / ههههههههههههههههه فكه و ركبه تانى بقي
عبد الله يرفع حاجبه و عباده بيضحك
…………………..
فى اوضه مريم الفجر
فاطمه تفتح الباب تلاقيهم نايمين تروح تطفى الاغانى و تقرب منهم و تبصلهم و تتنهد و تغطيهم انتصار تدخل
انتصار / بتعملى ايه هنا
فاطمه / جبني اللى جابك سايبين الاغانى و نايمين مش عارفه ازاى قولت اغطيهم
انتصار تروح تصحيهم
انتصار / الفجر يا بنات الصلاه
فاطمه/ سبيهم يناموا شويه شكلهم خلصان خالص
انتصار / يصلوا و يكملوا نوم … يا بنات الفجر يا بنات … الفجر ما تخلونيش اضرب قوموا
مريم تصحى
انتصار / صحيهم و يلا عشان الصلاه
مريم تهز راسها و تدعك عنيها انتصار تروح اوضه مختار و تخبط مفيش حد تخبط تانى تفتح الباب بالراحه مفيش حد فاطمه تطلع من اوضه مريم
فاطمه / البنات صحيوا هيغيروا هدومهم و يقوموا يروحوا الحمام … الله امال مختار فين
انتصار / ما اعرفش سريره متروق شكله ما نمش هنا هنزل ابص على المطبخ
فاطمه / هصحى باقي البيت و احصلك
انتصار تهز راسها و تنزل و فاطمه تدخل تلاقي هند لبست العبايه و بتعدل الطرحه
فاطمه / صلوا و ارجعوا كملوا نوم لو عاوزه
هند / لا خلاص صحيت هبقي اشرب قهوه و لا نسكافيه و لا اى حاجه
فاطمه / كلو موجود فى المطبخ تحت … بسرعه شويه يا بنات
فاطمه تقفل الباب و تروح اوضه عباده مش موجود
فاطمه / الله انت كمان !!! داهيه ليكون فى حاجه
فاطمه تقفل الباب و تنزل تلاقي باب المكتب مفتوح و انتصار واقفه مبتسمه تروح تشوف فى ايه عباده و مختار كل واحد قدامه رشاش مفكوك و مغمى عينه و بيركبه بسرعه و عبد الله بيحكم بينهم عباده يكسب فاطمه تبتسم عباده يفك عينه
عبد الله / و الفائز هووووووووا …. عبااااااده …. احم
عبد الله يشوف انتصار و سماح يقوم يقف مختار يفك عينه
عباده / قولتلك هكسبك
مختار / اخر مره مسكت رشاش امتى … يلا سبتك مره تفرح
انتصار / الصلاه يا رجاله
مختار / صباح الخير … مستنينها … الاغانى سكتت يعني
فاطمه / سبوها شغاله و ناموا
عباده / ان كيدهن عظيم يقلقونا و يناموا
فاطمه / هروح اجهز الفطار
عباده / لو كبايه قهوه من ايديكى الحلوه تبقي قشطه
فاطمه / مفيش قهوه على الريق تتعب بطنك
فاطمه تمشي هى و انتصار تقفل الباب عباده و مختار و عبد الله يقعدوا
عبد الله / انا كنت بشوف الحاجات دى فى الافلام الاكشن و بفتكرها فاست فوروارد بس انتوا طلعتوا جامدين
عباده / انا اجمد منه
مختار / ابتدينا الذل هيفضل ماسكهالى بقي لحد ما اعلم عليه فى حاجه تانيه كام مره كسبتك قبل كدا
عباده / اللى فات مات احنا ولاد النهرده
مختار / طب قوموا نتوضى قبل ما يصحوا و الحمام يتزحم قوموا قوموا
التلاته يقوموا و يطلعوا بره المكتب
عبد الله / هو انتوا مش هتعينوا الحاجات اللى جوه دى لحد من العيال يلعب فيها
مختار / دا مكتب الكبير العيال ما بتدخلوش ما تخافش
هند تنزل من فوق بتدعك فى عنيها مختار يشوفها و يبتسم
مختار / صباح الخير
هند تعدى من غير ما تبصلهم
هند / صباح النور
التلاته يستغربوا و يبصوا لبعض
…………………..
فى شقه محمود
اسراء / ما تنساش تاخد منهم الوصولات
محمود / قولتيلى مليون مره فى ايه
اسراء / بفكرك الحق عليا
محمود / فاكر كتر خيرك
اسراء / ما تشوف حوار العربيات بتاع حامد ده
محمود / لا
اسراء / حامد اروبه
محمود / قولت لا انا نازل خشي صحي يوسف و حضريله يفطر
اسراء / حاضر و اعمل حسابك انى عازمه اخواتى على الغدى يوسف ما بيكلمهمش و زعلان منهم و الوضع ده ما ينفعش عاوزين نصالحهم على بعض
محمود / لما يبقي يصالحنا احنا الاول نبقي نصالحه على خيلانه انا نازل
محمود ينزل و اسراء واقفه تنفخ تقفل الباب و تروح اوضه يوسف نايم
…………………
فى المطبخ
فاطمه بتعلق على قدره فول على البوتجاز و انتصار بتقلى طعميه هند تدخل
هند / صباح الخير
انتصار / صباح الفل حالا الفطار هيكون جاهز
هند / ما انا جايه اساعد
هند تفتح فى التقفيل و تدور على حله صغيره
انتصار / يا حبيبتي ارتاحى
فاطمه / سبيها هى ضيفه و لا ايه
انتصار / طب روحى صحى مامتك عشان الصلاه
هند / عبد الله هيصحيها
هند تفقش خمس بيضات فى الحله و تربهم
فاطمه / بتعملى ايه
هند / ايجز رولز … بعمل البيض اومليت و طاسه تيفال و اللفه فى الطاسه بالاسباتيولا و بيتقطع شرايح زى السويسرول كدا
فاطمه / و الخمس بيضات دول هيكفوا دا فى جيش بره
انتصار / يا وليه قولى ما شاء الله ما يحسد المال الا صحابه
فاطمه تفقش كرتونه بيض كامله و هند مصدومه
فاطمه / ما شاء الله … قوليلى بقي بتعمليها ازاى و انا هساعدك
فاتن تدخل
فاتن / صباح الخير ايه ده اتارى المطبخ نور
هند تبتسم
فاطمه / هند النهرده هتدوقنا فطار من ايديها الحلوه
انتصار / صحيتي العيال يا فاتن
فاتن / طابور على الحمامات بيتوضوا و هيطلعوا على المسجد
انتصار / تمام … طلعى الطماطم و اعملى جبنه بطماطم
هند تساعد فاتن و تقطع الطماطم صغيره اوى
فاطمه / ربيت البيض و بعدين
هند / تحط الطاسه و تدهنها سمنه و تحط شويه طماطم و تحط كبشه بيض و بالاسباتيولا تلفه و الكل متابعها
فاتن / شوفتها على النت الطريقه دى
هند تكرر الموضوع
فاطمه / مش هنخلص كدا انا هعمل بيض عيون جنبيه الناس اللى بره لو نزلوا ما لقيوش اكل هياكلونا
مريم و سماح يدخلوا
انتصار / رتبي المكان بره يا سماح و روحى يا مريم صحي الست ام عبد الله
البنتين يمشوا و اتنين ستات تانين يدخلوا و الكل مشغول فى المطبخ
………………..
فى الجنينه
الرجاله و الشباب راجعين من صلاه الفجر
ناصر / مفيش حاجه تجيب البركه قد الصحيان بدرى و صلاه الفجر الواحد يصحى يصلى و ياكل لقمه و يروح يشوف اللى وراه
عبد الله / احنا بنعمل كدا يوم الجمعه بنصحى نفطر و نصلى الجمعه و كل واحد يشوف هيعمل ايه بس غالبا بنام تانى
الكل يضحك
ناصر / ههههههههههه الله يحظك يا عبد الله
عبد الله / و دا غالبا يا عموا اللى هعمله النهرده بعد الفطار لانى مطبق من امبارح
مختار / كلنا هذا الرجل
عباده / فاكر لما عملنا مسابقه مين هيسهر اكتر … مختار نام اول واحد اتاريه اللقيم كان بيسهرنا عشان ننام كلنا الصبح و يبقي الوحيد اللى فايق تانى يوم
مختار / كنا عاملين مسابقه نشان و الهبل جريو ورا مسابقه سهر و فضلوا يشربوا فى شاى و قهوه طول الليل
عباده / من يومها عرفت انه لقيم و ما بقيتش اسلمله دماغى
ناصر / الحرب خدعه و انت مش عيل و المفروض انك عارف مصلحتك فين
عباده / بس ما تنسوش انى كسبت و كنت اخر واحد نايم
مختار يحط ايده على كتف عباده
مختار / و خد المركز التالت كمان يعني ما طلعش من الترتيب
عباده / و لو كنت فايق كنت خدت الاول و انت عارف
مختار / عارف يلا ناكل بقي
الرجاله يدخلوا جوه و عبد الله يشد مختار ياخره
عبد الله / ما طلعتش سهل انت
مختار / و ياما فى الجراب يا حاوى
عبد الله / هههههههههههههههههه
مختار ياخد عبد الله تحت باطه و يدخلوا يلاقوا الستات بترص سفره كبيره
مختار / انا شامم ريحه هند فى الفطار ده
مختار يشاور على طبق الايج رولز فاطمه تدخل شايله طبقين فول كبار
فاطمه / انا ساعدتها يلا افطروا الف هنا يلا يا جماعه نسيبهم يفطروا
الستات كلها تسيب المكان و الرجاله تقعد
………………….
فى المحل عند محمود
محمود يدى لكل واحد من اخواته ظرف و ياخد منه الشيك
محمود / ربنا يطرحلكوا فيهم البركه
حمدى / هتعمل ايه مع هند
محمود / هعمل ايه يعني اللى ياكل على درسه ينفع نفسه
حامد / هستاذن انا عشان ورايا
حمدى / اقعد يا حامد احنا بنتكلم فى موضوع مهم
حامد / اشوفوا انتوا هتعملوا ايه و القرار اللى هتاخدوه انا معاكوا فيه عن اذنكوا
حامد يمشي
حمدى / يا ساتر عليك … هتعمل ايه يا محمود ما ينفعش تتعامل كانك ما عملتش حاجه دى بنت اخوك برده
محمود / شور عليا قولى اعمل ايه و انا اعمله انت بنفسك روحتلهم انت و يوسف عملوا معاكوا ايه مش طردوكوا
حمدى / الموضوع كان سخن و الست معزوره
محمود / عاوز تروح تانى روح لكن انا مش رايح
حمدى / انت بتعاند مين
محمود / مهو موافقه على الجوازه دى مش هوافق و دا اخر كلام عندى
محمود يسيب المكان و يقوم حمدى يقوم وراه
حمدى / مهو الجواز مش بالعافيه يا محمود
محمود / يا سيدى انا مش عاوزها تتجوز يوسف يوسف خطب و عروسته بنت حلال انما الواد البلطجى ده ما ينفعناش
حمدى / تقوم تبعتلها واد نصاب
محمود / غلطت و مش هعمل كدا تانى عندك انت فكره احسن قولها
حمدى / ما عنديش
محمود/ ما عندكش يبقي تنقطنى بسكاتك
حمدى يبص لمحمود و يسيبه و يمشي
……………….
فى السرايا
هند بتتفرج على الحاجات اللى نقوها
هند / والله كلها حاجات حلوه اوى
فاطمه تمسك طقم سرير
فاطمه / انا اللى منقيه ده
هند / يسلم زوقك حلو اوى
عيل صغير يدخل
العيل / ست هند ست هند سى مختار عاوزك فى الجنينه
البنات يتغامزوا و يضحكوا و هند عينها رايحه جايه بينهم و محرجه
انتصار / قومى يا هند شوفى عاوزك فى ايه
هند / هخلص الحاجه دى و اروحله امبارح ما شوفتش حاجه
شيري / قومى يا هند الحاجه مش هتطير ما تلطعيهوش
فاطمه / تلاقيكي وحشتيه و مش قادر على بعادك
هند تبصلهم و تقوم تطلع بره تلاقيه ساند على العربيه يشوفها يتعدل
هند / نعم
مختار / ايه نعم دى ؟ فى ايه مالك ؟ كانك بتتجنبيني
هند / انا فعلا بتجنبك كل ما طنط فاطمه تشوفنا مع بعض ترميلى كلمتين انت مش عارف قالتلى ايه امبارح
مختار / انا قولتلك طبعها هى كدا دخلى من هنا و طلعى من الناحيه التانيه
هند / ما انت لو تعرف قالتلى ايه
مختار / ما يفرقش معايا اعرف رايها لا انا و لا انتى بنعمل حاجه غلط
هند / دى كانت بتلمح امبارح انى هجيلك الاوضه تخيل
مختار / ما كنتش بايت فيها اصلا
هند / انت هتشلنى ايه البرود ده
مختار / هههههههههههههههههههه ممكن تهدى
هند / بحاول بس اعمل ايه مش سيبانى فى حالى
مختار/ و لا هتسيبك فى كل عيله واحد منغص عليهم عيشتهم هى دى اللى فى عيلتنا
هند / و العمل
مختار / اتانحى و اتباردى اللى زى دى بتتغذى و تنموا على انها تحرق دمك و لو عرفتيها ايه اللى بيحرق دمك مش هتخلصي
هند / انت شايف ان ده الحل
مختار / دا حل ناجح جدا و انا مجربه بنفسي المهم شوفتى الاوضه بتاعتنا
هند / شوفتها كبيره اوى بفكر احط فيها ميني بار صغير و ميكرويف
مختار / من العين دى قبل العين دى ايه تانى
هند / ما دام ما فيش وقت نفصل فاتفقنا انى هنزل يوم ههههه طنط انتصار بتقول يوم بعياله
مختار يبتسم
هند / ننقى عفش جاهز بس انا و ماما قولنا هنقيه من مصر
مختار / زى ما تحبي ننقى من مصر
هند / احنا مش هينفع ننزل هنا كل شويه طنط انتصار قالت بعد الجواز غيرى اللى مش عاجبك
مختار / براحتك
هند / لو ما فيش حاجه تانى ادخل عشان لو اتاخرت مش هيعتقونى تلسين و تنبيط
مختار / طب ايه رايك انك مش دخلالهم جوه تاني بالعند بقي
هند / يا مختار بقي
مختار/ وحشاني
هند تبتسم
مختار / تعالى معايا نروح مشوار صغير قبل ما نسافر
هند / انا رايى تطلع ترتاح انت هتسوق ازاى و انت مطبق و ناجل المشوار ده لبعدين يلا اطلع نام
مختار / هند لو سمحتى
هند / و لا كلمه اطلع نام بدل ما اوريك وشي التانى
مختار / وحش الوش التانى ده ؟
هند / انا كيوت فى كل الاحوال
مختار / ههههههههههههههههه
هند / يلا تصبح سورى تتمسي بالخير عن اذنك
هند تدخل السرايا و مختار واقف مضايق يدخل وراها
مختار / السلام عليكم
مختار يعدى و يطلع فوق و هند تقعد
فاطمه / ما قدرش ينام الا اما يتكلم معاكى يا عيني على الحب يا عينى
هند تبتسم و تقوم
هند / هستاذنكوا اروح اريح شويه انا مطبقه … الحاجات حلوه كلها ما شاء الله شكرا عن اذنكوا
هند تروح المضيفه و ترمى نفسها على السرير
………………..
فى سرايا الجوارحه
شاهين يدخل يسلم على ناصر شاهين يقعد
شاهين / السرايا نورت
ناصر / منوره باهلها امال فين مغاورى
شاهين / و انا اللى كنت فاكرك جاى تشرب معايا الشاى
ناصر / و ماله نشرب الشاى و نتكلم فى اللى حصل امبارح هو ما حكالاكش و لا ايه
شاهين / ابدا خير
ناصر / الصراحه مش خير ابدا
مغاورى يدخل يسلم
مغاورى / السلام عليكم ازيك يا حج ناصر
ناصر / الحمد لله تعال اقعد
شاهين / مزعل عمك ليه يا مغاورى بقي ده اسمه كلام برده
مغاورى / والله يا ابا ما عارف مين له حق يزعل دا انا حتى ما اتكلمتش و عملت حساب للعشره
ناصر / و هى العشره بتقول تغلط فى حريمنا و ترفع السلاح على نسايبنا
مغاورى / و من امتى حريمكوا بتشتم الرجاله
ناصر / ان كانت هند غلطت فانت نهيت الموضوع مع راجلها و اتكلمتوا ليه تروح تغلط فيها قدام اخوها
مغاورى / و هو كان راجلها جابلى حقى منها
ناصر / و ايه حقك اللى انت عاوزه من حرمه يا مغاورى يا كبير الجوارحه
مغاورى يبص فى الارض
ناصر / يرضيك يا حج شهين مريم بنتى و سماح بنت عمى شاكر و هند خطيبه مختار اخويا يرجعوا السرايا امبارح غرقانين فى طينهم من سواقه مغاورى
مغاورى / مهو ما كانش يصح يخرجوا لوحدهم و يقعدوا فى حته زى دى
ناصر / حته ايه يا مغاورى غلطوا لما تعبوا من المشي و قعدوا ياخدوا نفسهم كانوا رايحين اسطبل الخيل و معاهم الغفير عباس ايه يا مغاورى مشوفتوش و انت نازل تتخانق مع الحريم
شاهين / الكلام ده حصل يا مغاورى
ناصر / الرجاله كانوا واخدين على خاطرهم منك اوى يا مغاورى خصوصا مختار انت احرجته وسط نسايبه
مغاورى / بتيجي عليا جامد يا حج ناصر
ناصر / انت ابني زيك زيهم كلهم عشان كدا جتلك لحد عندك اللى حصل كانه ما كانش و اللى فات مات اتفقنا
شاهين / انا محرج منك اوى يا حج ناصر دايما تحرجنى بكرم اخلاقك
ناصر / سنهم يا حج شاهين و دورنا نوجهم و نوعيهم
شاهين / والله و انا كنت فاكرك جايبلى البشري اتارى
ناصر / بخصوص الموضوع ده يا حج شاهين انت اخويا و مغاورى ابنى و لو لفيت الدنيا لمريم مش هلاقيلها احسن منكوا بس الجواز قسمه و نصيب و مريم عاوزه تكمل تعليمها
مغاورى / و هو انا كنت رفضت انها تكمل تعليمها ما تكمل
ناصر / الجواز هيعطلها يا مغاورى و انت عارف كل شئ بالخناق الا الجواز بالاتفاق
مغاورى / تلاقي مختار هو اللى ملا دماغها بالكلام ده و مش بعيد بكره
شاهين / مغاورى
ناصر / مختار عمها و يهمه مصلحتها
مغاورى / يعني فعلا هو اللى مشجعها
ناصر / شيل مختار من دماغك يا مغاورى مريم بنتى انا و انا اللى بتكلم معاك
مغاورى / هتفضل تحميه و تغطى عليه لحد امتى
ناصر يبتسم
ناصر / ان كنت بغطى عليه فدا عشان احميك انت يا مغاورى بالاذن يا حج شاهين
شاهين و ناصر يقفوا
شاهين / انا محرج منك اوى يا حج ناصر بس هو كان معشم نفسه بيها
ناصر / انا هسيبك تتكلم معاه لو له نصيب فى حاجه هياخدها و لو ما لوش يبقي اكيد ربنا شايله حاجه احسن
شاهين / و هو فى احسن من مريم
ناصر / يسلم اصلك يا حج عن اذنك
شاهين / اخص عليك يا حج ناصر علاطول مستعجل كدا يا راجل اشرب حاجه على الاقل
ناصر / المره الجايه نيجي فى حاجه احسن من كدا و نشرب شربات بدل شاى
شاهين / ان شاء الله و ما تاخذناش فى اللى حصل
ناصر / ما حصلش حاجه يا حج عن اذنك
ناصر يمشي و شاهين يرجع لمغاورى
شاهين / خليت رقبتى قد السمسمه قدام الراجل
مغاورى/ دا بدل ما تقف جنبى و تدافع عنى شايف مختار بيعمل معايا ايه شايف
شاهين / ان كنت انت و لا مختار لازم تتعلموا تدفنوا خلافاتكوا فى الارض و تدوسوا عليها و تحطوا اديكوا فى ايدين بعض عشان لو ما عملتوش كدا البلد دى هتبقي بحر دم ما لوش قرار و هتبقوا انتوا السبب
شاهين يسيب مغاورى و يمشي
مغاورى / ماشي يا سي مختار قال بيحميني منك قال
………………
فى عربيه مختار
مختار مركز فى السواقه و هند جنبه بتلعب فى الموبايل و مامتها و عبد الله و ياسمينا نايمين ورا
هند / هو مفيش ريست قريب
مختار / فى هانت اهى
هند / طب بليز تقف فيها
مختار / حاضر و هى فرصه اشرب فنجان قهوه
هند / انا كمان عاوزه واحد ضرورى دماغى هتنفجر من الصداع
مختار / انتى ما نمتيش و لا ايه
هند / ابدا ما عرفتش انام
مختار / اللى واخد عقلك لو انا اتهنا به لو غيرى
هند / ههههههههههههه انت طبعا ما فيش غيرك
مختار / يبقي اتهنى به
هند / امين
مختار / الاستراحه اهى …. عبد الله.. عبد الله
عبد الله يفتح نص عين
مختار / استراحه لو حد عاوز يخش الحمام او يشرب حاجه صحيهم
عبد الله يهز راسه و يدعك فى عنيه و يصحي مامته و مختار يركن هند تفتح الباب و تنزل تدخل جوه مختار ينزل وراها
شيري / كانت خدت ياسمينا فى ايدها ركبى بتوجعنى مش قادره انزل
عبد الله / خليكي انا هاخدها اوديهالها اجبلك حاجه و انا جاى
شيري / لا يا حبيبي تسلم
عبد الله ينزل و يشيل ياسمينا و يروح ورا هند و مختار
…………………..
على قهوه
حامد قاعد مع راجل بيديله فلوس و الراجل بيعدها
الراجل / ايه دول يا حامد
حامد / انت مش قولت اجيب اللى اقدر عليه
الراجل / ايوه بس مش كدا دول ما يجوش تمن عربيه واحده
حامد / والله دول اللى معايا
الراجل / يا حامد القرش صياد و كل ما حطيت فلوس اكتر كل ما حسيت بالمكسب انما دول هيجيبولك شويه فكه و ملاليم و هتيجي تقولى انى ورطتك
حامد / يا سيدي يجيبوا اللى يجيبوه اهو احسن من ركنتهم
الراجل / براحتك بس زى ما قولت المكسب هنا هيبقي نسبته قليل غير لما تحط مبلغ محترم
حامد / حطيت الف اكسب عشره حطيت الفين اكسب عشرين
الراجل / لا حطيت الف تكسب خمسه حطيت الفين تكسب عشرين حطيت تلاته تكسب خمسين حطيت ميه تكسب متين
حامد / انت بتقول ايه
الراجل / امال انت فاكر ايه حطيت شويه هنتاجر فى عربيات صيني تعبانه حطيت كتير هنجيب اليابانى و الالمانى و دول بقي مش هقولك
حامد / على العموم انا برده مش ساكت خد دول دلوقت و يومين تلاته كدا هكون اتصرفتلك فى غيرهم
الراجل / تمام استني بقي اما اكتبلك وصل بالفلوس
الراجل يطلع دفتر و يكتب
…………………..
فى الاستراحه
مختار بيشترى شيكولاتات من اللى هند بتحبها و يحطها فى باسكت صغير هند تدخل تروحله
هند / دا انا شكلى هدلع النهرده
مختار / النهرده بس ؟
هند / هتدلعنى يعني
مختار / زى القطط
هند / ههههههههههههههههه عبد الله رجع بياسمينا العربيه نايمه خالص هنجبله بقي كابوتشينو معانا هو و ماما
مختار / نجبلهم و انتى عاوزه ايه
هند / اى حاجه نسكافيه كابوتشينو قهوه شاى اى كافيين و خلاص
مختار / حاضر خدى دول شوفى عاوزه ايه كمان و هاتيه و انا هقوله على الكابتشينو
هند تبتسم و تاخد الباسكيت و تروح ناحيه تلاجه العصير و تنقي مختار يرجعلها
مختار / عبد الله حكالك عملنا ايه امبارح
هند / للاسف لا ما كانش فى فرصه انت عارف رجع من الصلاه نام و صحيناه و احنا ماشين و اهو نايم دلوقت برده اهو
مختار / كان بيتعلم يفك السلاح و يركبه
هند / المره اللى فاتت كان بيتمرن على النشان و النهرده بيفك السلاح و يركبه انا مش عاجبنى الكلام ده
مختار / ليه
هند / ممكن ياذى نفسه ممكن ياذى حد
مختار / لا مهو عبد الله مش صغير و انا معاه
هند / مهو انت اهم حد عندى يا مختار ممكن من غير ما يقصد ياذيك
مختار يبتسم
مختار / انتى مكبره الموضوع هو انتى يعني ما بتتعامليش مع السكاكين فى الطبيخ ما انتى ممكن تعورى نفسك او تعورى حد افرضي دخل شرطه و بقي ظابط هتقوليله ما تشيلش سلاح هتقوليله تاذى نفسك و تاذى حد هند انا بشيل سلاح من و انا عيل قد كدا
هند / انا خسرت بابا و ما عدليش غيركوا مش هقدر اشوفكوا بتتاذوا يا مختار
مختار / مش هيحصل السلاح بتاعنا مش هياذينا دا عشان يحمينا
هند تبص الناحيه التانيه و تتنهد
هند / ممكن نحاسب على الشيكولاته دى عشان اخد حته عشان هبطت باين
مختار ياخد منها الباسكت و يروح يحاسب و كل شويه يبصلها بحزن تبتسمله يبتسم و يبص للراجل و يديله فلوس
…………………..
فى شقه حامد
حامد بيتكلم مع مراته
الست / قولتلك الفلوس دى لا هتشفع و لا تنفع
حامد / و هو انا كنت لقيت غيرها و قولت لا
الست / يا سلام و هى دى ورثك يعني دا انت لو كنت حطيتها فى اعفن بنك
حامد / كانت هتطلعلى الفوايد اللى كنا عايشين عليها و بناخدها من محمود ارباح و لما كنت هسحبها فوايدها كانت هتتقطع انما دلوقت راس المال فى جيبي و فايدته لسه شغاله
الست / انت شايف كدا
حامد / عندك كلمه عدله قوليها ما عندكيش سبيني افكر
الست / ايه رايك تكلم حمدى و تقوله بدل ما مراته و عياله يفرتكوا الفلوس فى الهيافه و انا ليك عليا اكلم اسراء و اقنعها تشاركنا
حامد / بقولك ايه
الست / قول
حامد / ما تشاركينى انتى
الست / منين يا حسره
حامد / هاتى حتتين الصيغه بتوعك ابيعهم و اشغلهم
الست / دا انا عيناهم لجهاز العيال
حامد / زى ما اخدتهم جرامات هرجعهم جرامات و فوقيهم بوسه
الست / مش عارفه يا حامد كدا مش هيبقي حيلتنا حاجه نتسند عليها للزمن
حامد / يا وليه المشروع مضمون و كمان مرتبى موجود و من بعده معاشي على المكسب من المحل دا احنا هنتنغنغ يا بت
الست / اللى تشوفه
حامد / بكره الصبح اخدهم افصلهم فى الصاغه و اشوف يقطعوا كام
…………………
فى السرايا
انتصار / الحمد لله انك حليت الموضوع قبل ما يكبر و الحمد لله اكتر انك نهيت موضوع مريم انا ما كنتش متخيله بنتى هتعيش مع واحد زى ده ازاى
ناصر / لو مريم فى ربع شطاره فاطمه هتعرف تغيره انتى ناسيه عمى شاكر ده كان ازاى ايام عزه
انتصار / لا يا ناصر فرق كبير فاطمه اتجوزت عمك على كبر و حملت علاطول فى العيل اللى كان هيموت عليه دا اللى خلاه يلين لها و ان كان هدى دلوقت فدا حكم السن
ناصر / معاكى حق برده
انتصار / انا عارفه انت كنت بتفكر فى ايه بس مريم مش هى الحل
ناصر / الرجاله ما بيتفقوش يا انتصار مختار و مغاورى كدا كدا نارهم ما بتنطفيش و دلوقت عباده و امين و الباقين كمان دخلوا فى الخط
انتصار / عباده مش سهل و هيعرف يلم الليله و يبلفه تانى تحت باطه و بكره تشوف
ناصر / مختار و عباده و مغاورى التلاته اقوى و اجمد من بعض بس لو ما حطوش ايدهم فى ايد بعض هيدمروا بعض
انتصار / مختار و عباده يتنافسوا اه انما وقت الجد يساندوا بعض قبل اى حد ولاد الزيني ما يعضوش فى بعض ابدا
ناصر / الزمن غير الزمن
انتصار / الزمن ما يغيرش الرجاله اطمن
ناصر يبص لانتصار و يبتسم تمسك ايده و تطبطب عليها
………………….
قدام شقه هند
عبد الله و مختار كل واحد يفتح الباب
شيري / انا هدخل انام زى الفسيخه و ما حدش يصحيني
عبد الله / و مين سمعك الواحد مكسر
مختار / عن اذنكوا
عبد الله و شيري و ياسمينا يدخلوا مختار يجى يقفل الباب هند تمنعه
هند / ما تنامش هعملك لقمه تاكلها قبل ما تنام
مختار / انا جعان نوم دلوقت ما تضغطيش على نفسك انتى كمان راجعه تعبانه و محتاجه ترتاحى نامى و لما تصحي ابقي فقشيلى بيضتين و لا اى حاجه
هند / انت بس لما تصحى رنلى و انا هعملك اللى انت عاوزه
مختار / ما اتحرمش
هند تبتسم و تدخل شقتها مختار يدخل شقته و يحط راسه على السرير بهدومه
/////////////////
مختار / و اخرتها يا ابن الزيني هتعمل ايه الوقت بيعدى و لازم تقولها … عبد الله فهم لكن هى لا … ما بتحاولش حتى تسمع … لازم تسمع لازم تقولها و تقنعها … و ان رفضت؟ … انا ما بعملش حاجه غلط و هى لازم تفهم ده … و ان ما فهمتش و ان سابتك … بتحبني زى ما بحبها … و هى خالتى ام عبد الرحمن ما كانتش بتحب عمى الله يرحمه ما كانوا واخدين بعض عن حب برده … الوضع مختلف … ام عبد الرحمن كانت مسنوده بعيلتها لكن هند ما لهاش غيرى … قولها يا مختار
/////////////////
مختار يقوم يقعد
مختار / ملناش غيرك يارب قدم اللى فيه الصالح
مختار يقوم يدخل الحمام يتوضي و يصلى
…………………
فى شقه حمدى
اسراء قاعده مع مرات حامد و مرات حمدى
م حامد / دا خد الفلوس من هنا تانى يوم رجعها بالفوايد من هنا
م حمدى / تقومى تبيعي دهبك كلو
م حامد / دا انا لو اطول افك برايز الكهربا و ابيعها كنت عملتها دا انا و حامد دخلنا جمعيات و قبضناها الاول و قولنا هنسدها من الفوايد
اسراء / بس دى مجازفه كبيره اوى يا اختى
م حامد / مجازفه ايه العقد شريعه المتعاقدين و العقد بيقول احنا على المكسب بس لو لا قدر الله حصل حاجه بناخد فلوسنا كامله
اسراء / شايفه ياختى الرجاله الناصحه مش زى اللى عندى
م حمدى / انتى اللى بتتكلمى على الاقل جوزك بيجيب قرش عليه القيمه من المحل و عارف يشغله مش زى جوزى اخرته الساعتين بتوع الحكومه و طول النهار على القهاوى
اسراء / و هو محمود كان بيفهم حاجه فى الشغلانه ما اهلى و اخواتى اللى علموه كل حاجه
م حمدى / مهو حمدى جنبه بقاله سنين كان اتعلم حاجه
م حمدى تبص لاسراء و م حامد
اسراء / انتى بتفكرى في ايه
م حمدى / بتقولك المكسب مضمون و سريع و ما فيهوش مجازفه
اسراء / اوعى يا بت لتخربى على روحك
م حمدى / انا مش هبيعه انا هرهنه بس كام شهر بدل ركنته اجيب قرشين اوسعها عليا انا و العيال
م حامد / و انا عارفه صايغ كويس يديكى فيهم قرشين حلوين
اسراء / انتى هتشجعيها على الهبل ده
م حمدى / الحاله بقت ناشفه اوى يا اسراء و العيال طلباتهم كتير و حمدى ايدك منه فى الشق لا بيحل و لا بيربط هعمل ايه يعني و بعدين هو حامد اهبل عشان يخسر فلوسه
اسراء / و الله فى دى معاكى حق قولتيلى الموضوع ده بيطلع مكسب كام
…………………
على السلم
مختار طالع السلم هند تفتح باب الشقه و تبتسم يبتسم
هند / عملالك مفاجاه
مختار / شامم ريحتها
هند / اخص عليك
مختار / جعان اقسم بالله و طالع على السلم بدعى ريحه المحشي دى تبقي من عندكوا
هند / عشر دقايق و اغرفلك على النار والله و الفراخ فى الفرن بتتحمر
مختار / الجماعه مش موجودين و لا ايه
هند / للاسف لا انا لوحدى
مختار / طب ادخلى و نتكلم فى البلكونه و لا فى التليفون بلاها وقفه السلم دى لحسن حد يطلع و لا ينزل
هند تبتسم و مختار يقف لحد ما تدخل و تقفل الباب يفتح الباب و يدخل يفتح البلكونه يلاقي هند مستنياه
هند / اخبار عبد الرحمن ايه
مختار / باعتلك السلام مطحون يا عيني فى الامتحانات و امه جيباله شغل بره مصر بعد ما يتخرج
هند / كويس واحد زى ده هيلاقي نفسه اوى بره
مختار / و هو يعني بره اولى من بلده
هند / ايوه بس هنا الروتين بيقتل الطموح و عبد الرحمن عنده قدرات خاصه لازم حد يستغلها
مختار / تعرفي رغم ان عبد الرحمن ما شافش ابوه بس حته منه فى الذكاء عمى كمان الله يرحمه كان كدا حاجه ما حصلتش عارفه الابطال الخارقين بتوع القصص
هند تبتسم
مختار / كان اقوى منهم طول بعرض طب دا عبد الرحمن كمان قصير جدا عنه الله يرحمه كان داهيه
هند / هو مات ازاى
مختار / اتغدر بيه
هند الحزن يبان على وشها
مختار / بقولك ايه هنقلبها نكد ليه روحى شوفيلى الاكل خلص و لا لا مش قادر
هند تبتسم
هند / حالا
هند تدخل جوه موبايل مختار يرن هند مختار يبتسم و يرد
هند / انت فاكر انك هتخلص منى بالبساطه دى
مختار / ايوه كدا خليكى لزقه و اقفشي فيا زى الخفاش ما تطلعيش الا بالدم
هند / ابو تشبيهاتك يا اخى هو فى كدا
مختار / انا كدا بقي و مش عارفه اتغير المهم انك فاهمه انا عاوز اقول ايه و خلاص انا بقيت بخاف اتكلم
هند / هههههههههههههههه المحشي استوى هغرفلك … بس دا مش سبب يخلى عبد الرحمن يزعل اوى كدا و ينزلك على ملا وشك انا قولت حاجه كبيره حصلت
مختار / الواحد مهما كان بيحب اهله و واثق انهم بيحبوه ما بيحبش حد يتحكم فى طموحه او ياخد قراراته بداله خصوصا لو راجل صعيدي
هند / بس عبد الرحمن مش صعيدى انت مش بتقول مولود و عايش عمره كله فى مصر و عمره ما نزل الصعيد
مختار / هو ما راحش الصعيد بس الصعيد بيجرى فى دمه عبد الرحمن حتى لو عمره ما خطى السرايا و لا البلد زيني و هيفضل زيني
هند / انا بحب الاسم ده اوى و كل ما بقرب من عيلتك اكتر بحبه اكتر بحس انه اسم يشرف اللى يشيله و فرحانه ان عيالنا هيشيلوه هم كمان
مختار / عيالنا !!
هند / انت مش عاوز عيال و لا ايه انت مش قولت هتسمى رحمه … انا غرفت اطلع خد منى الصينيه
مختار يروح يفتح باب الشقه يلاقي هند سانده الموبايل بخدها على كتفها و شايله الصينيه يسند الموبايل على كتفه و ياخد منها الصينيه و يتكلموا فى التليفون و هم فى وش بعض
مختار / تسلم ايدك ايه كل ده
هند / الف هنا يلا اسيبك تاكل
مختار / قبل ما تمشي
هند تبصله
مختار / انا فرحت بكلمه عيالنا اكتر ما فرحت ان ريحه المحشي طالعه من عندكوا اقسم بالله
هند / هههههههههههههههههههه الف هنا عن اذنك لما تخلص اكل كلمنى تانى لو تحب
هند تقفل المكالمه و تدخل شقتها و هم بيبصوا لبعض
…………………….
فى شقه محمود
محمود / و اخرتها يعني يا يوسف معاك
يوسف / لو سمحت انا بزاكر و حضرتك بتعطلنى
محمود / عمك حمدى هيروح يتكلم معاهم تانى و انا هروح اراضي هند و امها
يوسف / يا سلام بالبساطه دى
محمود / اعمل ايه يعني
يوسف / و الله يا بابا كنت فكر فى الموضوع ده قبل ما تعمله
محمود / يا ابني انا ما كنتش اعرف التفاصيل امك قالت هتجيب لها عريس تانى يطفش مختار غير كدا ما كنتش اعرف
يوسف / انهى عقل صورلكوا ان هند كانت ممكن تتجاوب مع هند طب ما فكرتوش ايه اللى كان هيحصل لو تجاوبت
محمود / تبقي بت مش متربيه و نعيد ربايتها من اول و جديد
يوسف / جيت تصيده صادك يعني تقدر تقولى هبص فى عنيها بانهى وش دلوقت
محمود / يا سيدى بين الاهل ياما بيحصل و انا يا سيدى هروح لحد عندها و استرضاها و اى حاجه ترضيك انا هعملها
يوسف يبصله و يهز راسه محمود يطبطب على يوسف
محمود / كمل مزاكره و لو عوزت اى حاجه ناديني
يوسف يهز راسه محمود يبتسم و يطلع بره و يوسف يكمل مزاكره
………………….
على قهوه
مختار بيلعب طاوله مع ماجد و هشام بيتفرج و يشرب شاى
مختار / كسبتك تانى
ماجد / انت اللة بتقرص على الزهر
مختار / خلى عندك روح رياضيه
هشام / قوم قوم انا هجيبلك بتارك منه
مختار / ههههههههههههههه تعال
هشام و ماجد يبدلوا مع بعض و يرصوا الاواشيط تليفون مختار يرن يطلعه هند و ماجد عينه راشقه فيه
مختار / ايه يا عم
مختار يقوم يقف فى جنب
هند / ايه يا قلبي فينك
مختار / قاعد مع صحابى شويه على القهوه بقالنا ياما ما شوفناش بعض
هند / يعني انا اعمل المحشي و هم ياخدوك فى الاخر
مختار / هههههههههههههههه سالت عبد الله عند قبل ما انزل قالى حرفيا نايمه و بتشخرى
هند / انت و هو لما اشوفكوا بس
مختار / ههههههههههههههههههههه
هند / هو انت بتشخر
مختار / هو انا ابقي وحش لو استاذنتك اكلمك بعدين على رواقه
هند / لا روحلهم شويه و انا هقعد ازاكر و لم تروح كلمنى ماشي
مختار / ماشى سلام يا ست البنات
هند / سلام يا قلبي
مختار يقفل و يرجع يقعد و هو مبتسم جدا يلاقي هشام و ماجد بيلعبوا
ماجد/ بقك لحاجه تدخل
مختار الابتسامه تروح من وشه و يبص لماجد بقرف
هشام / ههههههههههههههههه معلش استحمله
ماجد / انتوا عارفين على قد ما انا هموت و اتخرج مش عارف هنعمل ايه لما ترجع البلد و ما ترجعش تانى
مختار / ليه ههاجر اكيد هنزل مصر كل فتره و التانيه انتوا ناسين ان اهل هند هنا اكيد هنبقي رايحين جايين عليهم و بعدين يا جزمه منك ليه مفيش مره تيجوا تزورونى يعني و تشوفوا البلد عندنا
ماجد / يا عم انت هتبقي فضيلنا يلا ربنا يتملك على خير و يرزقك الزريه الصالحه
مختار / امين انا و انتوا يارب
هشام يقفل الطاوله
ماجد / ايه يا عم كنت هكسب
هشام / يا عم انت بتعرف تلعب اصلا بقولكوا ايه ما تيجوا نروح نلعب بلايستايشن احسن
ماجد / جيتولى فى ملعبى
مختار / انا بالنسبالى عادى اللى تشوفوه
ماجد / الحساب يا ابني
………………….
فى شقه هند
الباب يخبط شيري تروح تفتح تلاقي محمود يبصلها و يبص فى الارض تيجي تقفل الباب يمنعها
شيري / انا هطلب البوليس
محمود / حقك تزعلى حقك تعملى اللى انتى عوزاه والله ما كنت اعرف انهم هيعملوا كدا قالولى هيجيبولها عريس تانى
شيري / و انتوا مالكوا بينا عايشين بس تبوظوا حياتنا ما تنسونا بقي يا سيدى اعتبرنا متنا مع اخوك عاوزين مننا ايه
هند تفتح باب اوضتها و تبص محمود يشوفها
محمود / حقك عليا يا هند انا محقوقلك
هند تدخل و تقفل الباب
محمود / الترضيه اللى تشوفوها يا شيريهان انا مستعد
شيري / اى كان اللى هنطلبه
محمود / لو اقدر ما اتاخرش
شيري / اخرجوا من حياتى انا و عيالي
شيري تقفل الباب فى وشه
ياسمينا / هو عمو محمود وحش ؟
شيري / خشي اللعبى على الموبايل و لا لونى و لا اعملى اى حاجه
شيري تدخل المطبخ و هى متعصبه هند تدخل شيري تبصلها
شيري / روحى زاكرى
هند / انتى كويسه
شيري / اه مالى يعني هوضب الغدى بتاع بكره روحى شوفي اللى وراكى خلينا نخلص من السنه دى بقي
هند تبص لمامتها بحزن شيري ترزع فى المواعين هند تمشي شيري تبص عليها بحزن و تتنهد و تبص فى الارض
……………………
فى محل بلايستايشن
مختار يسيب الدراع
ماجد / و كسبت للمره الخشروميه
مختار / انا البتاع ده ما بيحبنيش خالص
هشام / اخبار الروح الرياضيه ايه يا ميخا
مختار / على صحبيتكوا يا جدعان بقولكوا ايه ما كفايا كدا و نروح
هشام / انت مش خدت الاذن من الحكومه خايف ليه يا عم
ماجد / لا يا عم قاعده الراجل صحيح بميه ست بس لو
مختار / بطلوا رخامه يا اغلس خلق الله ما تقفلونيش منكوا
هشام / خلاص يا عم حقك علينا و حقنا للدماء كفايا كدا فعلا و كانت خروجه حلوه اتمنى تتكرر قبل فرحك
مختار / ما اوعدكش
ماجد / اعتكاف الكتب
مختار / لو عاوزين تيجوا تزاكروا معايا فى يوم العنوان معروف انتوا اللى بطلتوا تيجوا
ماجد / مش عاوزين نتقل على الجماعه بما ان ما عدش بيجيلك زواده و كدا انت فاهم
مختار / انا هقوم احاسب عشان نمشي قبل ما اقفل منك
ماجد / هههههههههههه ما تقدرش انت بتحبنى
مختار / جدا بحبك جدا هههههههههههههههه
مختار يقوم يروح يحاسب و هشام و ماجد يقوموا و هم بيضحكوا يروحوا وراه
هشام / نصيبي كام
مختار/ عليا المرادى يلا بينا
التلاته يمشوا و يركبوا العربيه و مختار يسوق يقف فى اشاره يبص من الشباك فى بنت بتعدل فستان فرح ابيض فى فترينه محل فساتين يبتسم و يسرح فيه الاشاره تفتح و العربيات اللى وراه تزمر
ماجد / انت يا عم الاشاره فتحت
مختار يسوق و يمشي
…………………….
فى شقه هند
هند قاعده بتبص فى الكتاب و زعلانه تقفل الكتاب و تقوم تتمشي فى الصاله عبد الله يفتح الباب و فى ايده ازازه ميه فاضيه يشوف هند يستغرب
عبد الله / فى حاجه و لا ايه
هند / لا ابدا زهقت من الكتاب قولت امشي رجلى
عبد الله / و مين سمعك بس هانت
هند / هو انت ينفع تقدم فى جامعه تانيه غير هنا
عبد الله / نيجي معاكى يعني
هند تهز راسها
عبد الله / انا عاوز بس ما ينفعش يا هند الدكان هنا هناك
هند / اللى فتح الدكان هنا نفتحه هناك او نخلى فاروق و عيسي يشغلوه
عبد الله / و نعيش فى المضيفه طول عمرنا يا هند و لا نشوف شقه صغيره جنبكوا
هند / خلاص خلاص
عبد الله / انا هاجى ازوركوا علاطول و انتى هتيجي
هند / مش الفكره الفكره انى ما عدتش بحب هنا و مش عاوزه اسيبكوا لوحدكوا احنا ما لناش حد هنا
عبد الله / فهمت بس مش ده الحل و بعدين سبيها لله انتى سايبه مزاكرتك و بتفكرى فى ايه بقولك ايه ما دام ملكيش نفس تزاكرى خشي اعمليلى سندوتشين و مج نسكافيه كبير كدا و املى ازازه الميه دى
عبد الله يديها ازازه المايه تاخدها و هى مبتسمه
عبد الله / انا داخل اكمل حفظ الادب عشان عندى امتحان بكره فى الدرس و البتاع ده بيتبخر عن اذنك
عبد الله يدخل اوضته و هند متبعاه تبص للازازه فى ايدها و تدخل المطبخ جرس الباب يضرب هند تستغرب و تطلع تلاقي عبد الله طالع من اوضته يشاورلها و يروح يفتح هو يلاقي مختار واقف شايل بوكس كبير
عبد الله / مختار !!!
مختار / انا عارف ان الوقت متاخر بس انا ما قدرتش استنى للصبح
عبد الله يبص على البوكس
عبد الله / استنى عشان هى فى المطبخ استنى ثانيه
عبد الله يقفل الباب و يروح المطبخ
عبد الله / مختار جايبلك حاجه هدخله
هند تروح اوضتها و تقفل الباب عبد الله يفتح الباب لمختار
عبد الله / ادخل فيها ايه البتاعه دى لو شيكولاته بالنص
مختار / ههههههههه لا مش شيكولاته
مختار يحط البوكس على الترابيزه
هند تطلع من الاوضه لابسه الاسدال تشوف البوكس و تبص لمختار و هى مبتسمه
مختار / ازيك
هند / الحمد لله ايه المفاجاه الحلوه دى
مختار / انا عملت حاجه مش عارف هتعجبك و لا لا بس ما قدرتش اقاوم
هند / حاجه ايه
مختار يشاورلها على البوكس
مختار / لو ما عجبكيش نجيب غيره بس خليه برده بصراحه ما قدرتش اتخيله على غيرك
هند تبص لمختار و تبص للبوكس و تروح تفتحه تلاقي فيه فستان ابيض تبص لمختار
مختار / لو مش عاجبك
هند / انا هقيسه
هند تاخد الفستان و تدخل اوضتها و تقفل الباب
عبد الله / مش شيكولاته ليه هاه ؟
مختار يبتسم و يبص لعبد الله
عبد الله / انا هصحى ماما
مختار / سيبها
عبد الله / لا لا ما ينفعش وسع
عبد الله يدخل اوضه مامته نايمه و واخده ياسمينا فى حضنها عبد الله يوطى عليها بالراحه
عبد الله / ماما … ماما
شيري تفتح بالراحه و تبصله
عبد الله / قومى اللبسي الاسدال و تعالى مختار هنا
شيري تقوم تقعد بفزع
شيري / خير فى حاجه و لا ايه
عبد الله / تعالى عاملك مفاجاه مفاجاه حلوه تعالى
عبد الله يناول شيري الاسدال تلبسه و هى لسه مخضوضه
شيري / مفاجاه ايه دى السعادى هو احنا امتى
عبد الله يساعد شيري فى نزول الاسدال و يطلعوا سوا
شيري / فى ايه يا مختار يا ابني مفاجاه ايه
باب اوضه هند يتفتح و تطلع لابسه بدى ابيض و فوقيه الفستان و لفه طرحه بيضه ستان و تطلع محتاسه بالفستان عبد الله يروح يساعدها و مختار و شيري مصدومين و مبتسمين
هند / ما عرفتش اقفل الرباط حد يساعدنى بقي
عبد الله يلف وراها و يساعدها
هند / شكلى ايه
شيري تعيط
هند / انتى بتعيطي ليه هو وحش
شيري / شكلك حلو اوى دى احلى حاجه شوفتها فى حياتي
هند تبتسم و شيري تحضنها هند تبص لمختار عنيهم هم الاتنين بتلمع من الدموع
هند / انت عنيك فيها دموع
مختار يمسح عينه
مختار / تلاقي حاجه دخلت فيها
عبد الله / الرجاله ما بتعيطش يا بت
هند / هدخل اغير
مختار / خليكي
شيري / لا خشي غيرى ليتوسخ ابقي شوفها بيه تانى يوم الفرح
هند تبص لمختار و تبتسم و تدخل الاوضه
شيري / الفستان حلو اوى يا مختار بجد زوقك حلو
عبد الله / امال ايه مش اختار يناسبنى
مختار / هههههههههههههههه طبعا
شيري / هدخل اساعدها عن اذنكوا
مختار / انا همشي بقي اسيبكوا ترتاحوا
شيري / خليك شويه
مختار / الوقت اتاخر كفايا صحيناكى من النوم
شيري تبتسم و تهز راسها و تفتح الباب بالراحه و تدخل و مختار يمشي و عبد الله يقفل الباب وراه
………………..
فى السرايا
عباده قاعد لوحده فى الجنينه ناصر يروح يقعد جنبه يبصوا لبعض و يبتسموا
ناصر / ايه اللى مصحيك يا عباده
عباده / مش جايلى نوم
ناصر / اللى شاغل فكرك
عباده / و حضرتك ايه اللى شاغل فكرك
ناصر / البلد كلها و اولهم انت
عباده / انا !! ليه ؟
ناصر / ايه مش هنفرح بيك و لا ايه
عباده / هههههههههههههههه ايدى على كتفك
ناصر / عليا برده يا عباده انت يعني كل البنات دول مش ماليين عينك دا السريا كلها بتنكشكلك بايدها و سنانها
عباده / هو اى واحده و خلاص
ناصر / مش بقولك انت اللى مش عاوز
عباده / لما تيجي انا اللى هجرى وراها بس هى تيجي
ناصر / و ان كانت عروستك عندى
عباده / ههههههههههههههه مين
ناصر / خديجه اخت مغاورى
عباده يبص لناصر
ناصر / سكت يعني .. ايه وحشه
عباده / لا مش وحشه بس
ناصر / بس ايه مالها يعيبها ايه
عباده / ما يعبهاش خديجه زى الفل بس دى كلها كام سنه و تبقي صيدلانيه
ناصر / و هو انت شويه انت عباده شاكر الزيني
عباده / مش قصدى انا اقصد انها
ناصر / فكر فيها و لو روحك راحتلها قولى و انا اطلبهالك يلا تصبح على خير
ناصر يقوم و عباده متابعه
عباده / خديجه !!!
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية البر التاني)
2 تعليقات