رواية كل ما تبقى لي الفصل الثالث 3 بقلم منة رضا
 |
| رواية كل ما تبقى لي الفصل الثالث 3 بقلم منة رضا |
رواية كل ما تبقى لي الفصل الثالث 3 بقلم منة رضا
كينان : كان واقف بيبص علي نور بنظرات مش كويسه و بعدين قال أنا اول مره اعرف انك حلوه كده
فجاءه حد لفه ليه و ضربوا بالقلم و زعق أنت قليل الادب و مفيش ليك قعاد تاني في القصر
كينان : بصله بتوتر و قال أنا أنا و بعدين مشي من غير ما يتكلم ..
معتز اخو أمجد : بعد كده يا نور تقفلي الباب بتاع الاوضه بالمفتاح .
نور : حاضر و دخلت تلبس هدومها.
سجده : واقفه بتكلم نور و هي بتلبس ممكن متزعليش هو قال كده من خوفه عليكي لان كينان أنتي عرفاه مش مظبوط ..
نور : أنتي ماشفتيش نظراته كانت عامله ازاي اكنه بيقول أن انا الي عايزه ده ..
سجده : متفكريش كتير و يلا علي ما تلبسي هروح البس انا كمان ..
شويه و كانت نور خلصت لبس .
لبست نور جيبه جلد سوده لحد تحت الركبه بشويه و عليها تيشرت أبيض مكتوب عليه بالاسود و شوز أبيض و سابت شعرها الطويل ما فرود علي ضهرها …
كانت نور نازله علي السلم بالصدفه شافت باب أوضة أمجد مفتوح شويه كانت هتدخل لكن أفتكرت كلامه معاها امبارح ..
رجعت نور لورا و قررت تنزل لكن في الوقت ده كان أمجد خارج من أوضته ..
أمجد : صباح الخير ..
نور : كملت طريقها و نزلت من غير ما ترد عليه ..
أمجد : نزل بسرعه علي السلم و مسكها من أيديها و قال ممكن أفهم بتتعاملي معايا كده لي و بعدين بكلمك مش بتردي .
نور : لا ولا حاجه انا بس ممكن أكون مسمعتش ..
أمجد : طب أنتي كويسه .
نور : الحمد لله ممكن بقا تسيب أيدي ..
أمجد : ساب أيديها و سابها و نزل هو كمان ..
كينان : نازل علي السلم بيصفر نور أي الي موقفك كده
نور : انت مالك و ازاي ليك عين تتكلم معايا كده بعد الي حصل فوق و بعدين سابته و نزلت
كينان : نور ممكن تسمعيني ..
نور كملت نزول و راحت قعدت جمب جدها ..
الجد : عامله اي يا نور .
نور : كويسه يا جدو و انت ..
الجد : انا تمام طول مانتوا تمام ..
نور : حبيبي يا جدو ربنا يخليك ليا ..
الخدامه : يلا يا بيه الفطار جاهز ..
الجد : تمام هو أمجد عندك و لا خرج ..
الخدامه : لا يا بيه خرج و كان باين عليه انو متعصب .
الجد : قالها طب روحي انتي و بعدين بص لنور و قال هو في حاجه حصلت امبارح و انتوا بره اصل كينان جه لوحده و كان باين عليه متعصب شويه و أمجد دولوقتي . .
نور : انا هحكيلك كل حاجه و قول لو انا غلطانه تمام و انا مش هزعل
الجد : احكي يا نور .
نور بدأت تحكي كل حاجه حصلت من ساعه ما راحوا المراجيح لحد الصبح و كلام أمجد و كينان معاها …
ها يا جدو انا كده غلط في حاجه ..
الجد : بصي يا نور أنتي غلطي لما ضربتي كينان بالقلم لأن ده جرح رجولته و اي راجل تاني بداله كان ردلك الضربه و انا حسابي معاه بعدين علي الي قالوا الصبح أما بقا بالنسبه لأمجد ف انا شايف أن هو عنده حق الي انتي عملتيه كله غلط ف غلط ..
نور : انت شايف كده يا جدو ..
الجد : اه و لازم تروحي تعتذري منه علي الي حصل ده ..
نور : خلاص انا هقوم دلوقتي احضر فطار ليه و اخده عشان هو مشي من غير ما يفطر ..
الجد : طب اقعدي افطري الاول ..
نور : لأ هبقي افطر معاه ..
الجد : علي راحتك و قام هو كمان راح أوضته السفره …
سجده : نزلت أي ده يا جدو امال فين نور و أمجد
الجد : أمجد نزل الشركه بدري و نور راحت تتكلم معاه عشان الي حصل امبارح ..
سجده : هو انت مين قالك يا جدو علي الي حصل امبارح ..
الجد : نور كانت مضايقه و لما اتكلمنا حكتلي كل حاجه ..
سجده : كملت اكل لأن هي كانت هتخرج هي كمان هتروح لنور عشان عندهم جامعه .
*سجده و نور قد بعض في أولي جامعه *
الجد : امتحاناتك امتي يا سجده .
سجده : أحتمال تبقي كمان شهرين ..
الجد : ربنا ينجحك يا حبيبتي و سابها و قام دخل المكتب …
*عند نور *
نور وصلت الشركه و كان باين عليها التعب بس حاولت تكمل عشان تدخل الاكل لأمجد …
نور : بتكلم السكرتيره أمال فين مكتب أمجد ..
السكرتيرة : معاكي معاد الاول و اي أمجد دي اسمه أمجد بيه ..
نور : لا مش معايا معاد و اجي في الوقت الي يعجبني انتي مالك …
السكرتيره : مالي و نص و بعدين اتكلمي معايا عدل صح هقول مانتي شكلك من الناس الي هي استغفر الله العظيم..
نور : قسما بالله كلمه كمان و هاجي اجيبك من شعرك انتي حره …
السكرتيرة : يا سلام طب يلا يا شاطره من هنا ..
شويه و صوتهم علي لدرجه ان الصوت وصل لأمجد …
أمجد : خرج من المكتب بتاعه من غير ما يشوف نور بعدين قال ممكن أفهم في أي احنا مش في سوق هنا …
السكرتيرة : الهانم دي و بتشاور علي نور جاي عايزه تتدخل لحضرتك من غير معاد و لما قولتها مينفعش راحت قلت ادبها عليا …
أمجد : بص لنور الي واقفه حتي مش قادره تسند نفسها و بعدين قال للسكرتيره أنتي متخلفه ازاي متخلاهاش تدخل و ازاي اصلا تقرري من نفسك مين يدخل و مين لا ..
السكرتيرة : انا أسفه بس لما حضرتك قولت انك مشغول مرضتش ادخل حد عليك …
أمجد : حسابك معايا بعدين و لسه بيبص علي نور كانت خلاص بقت في الأرض ..
أمجد جري عليها و شالها و دخل المكتب …
حطها أمجد علي الكنبه و جاب ازازه البرفان بتاعته و بدا يشممها ليها ..
نور : فضلت تكح من الريحه و قامت لكن كانت حاسه بشويه تعب …
أمجد : أنتي كويسه ..
نور : اه متقلقش..
أمجد : أي الي حصل بره و اغمي عليكي لي ..
نور : مفيش انا كويسه ممكن يكون من قله الاكل …
أمجد : انتي فطرتي قبل ما تنزلي ..
نور : لا قولت هفطر هنا معاك و بالمره اعتذر علي الي حصل امبارح..
أمجد : لأ المفروض انا الي اعتذر عشان اتعصبت عليكي امبارح ..
شويه و نور بقت احسن و قعدو يفطر سوي ..
نور : بصت في الساعه بعدين قالت يلهوي انا اتأخرت و زمان سجده مستنياني هناك ..
أمجد : طب يلا و انا هوصلك ..
نور : بجد ..
أمجد : اه و الله يلا قبل ما اغير رأي
نور : قامت بسرعه جابت شنطتها و قالت أنا جاهزه …
أمجد : يلا طيب و نزلوا سوي من الشركه ..
*سجده قاعده في كافتيريا الجامعه مستنيه نور توصل ..*
كارما : اي يا سجوده قاعده لوحدك لي ..
سجده : مستنيه الهانم نور هو في غيرها ..
كارما : أكيد هتيجي هي أصلا من النوع الي مش بيحب يتأخر …
سجده : مش عارفه بس هي انهارده نزلت قبل راحت الشركه الاول عشان كده ممكن تتأخر …
كارما : طب تعالي نطلب حاجه علي ما هي تيجي نور ..
*في عربيه أمجد*
أمجد : لو حاسه نفسك مش كويسه ارجعك البيت ..
نور : لا و الله انا كويسه و بعدين انا مبحبش اغيب عن الجامعه ..
أمجد : في أي وقت حسيتي نفسك مش كويسه رني عليا تمام..
نور : تمام يا باشا و فضلت تضحك …
أمجد : بص علي نور و هي بتضحك بعدين قال في نفسه قد اي ضحكتها حلوه المفروض الوش ده ميزعلش ابدا …
*عند سجده *
كارما : رن علي نور عشان اتأخرنا و زمان المحاضره بدأت ..
سجده : برن مبتردش ..
كارما : حاولي تاني
سجده : اهو يا بنتي مبتردش ..
كارما : طب تعالي ندخل احنا و هي هتبقي تيجي ..
سجده : يلا .
دخلت سجده و كارما المحاضره …
سجده : فتحت الباب لو سمحت يا دكتور ممكن ادخل
الدكتور : بصلها بنظرات فيها شويه خبث بعدين قال أكيد تعالي …
دخلت سجده و كارما المحاضره و كان باين علي وشهم شويه ضيق ..
سجده : انتي شفتي الدكتور كان بيبصلنا ازاي …
كارما : كنت لسه قولك هو جاي يشرح و لا يبص علي خلق الله …
*عند نور *
أمجد : بيبص لنور من شباك العربيه عايزه حاجه …
نور : لا سلمتك و دخلت الجامعه ..
أمجد : اخد العربيه بتاعته و مشي بعد ما اطمن أن نور خلاص دخلت …
نور : ماشيه في الطرقه بتاعت الجامعه ..
واحده ماشيه لو سمحتي هي فين قاعه 5
نور : اول واحده علي ايدك الشمال ..
شويه و نور راحت القاعه بتاعتها ..
نور : ممكن ادخل
الدكتور : فضل يبص. علي كل تفصيله في جسمها و كانت نظراته كلها شر …
أكيد يا بنتي خشي …
دخلت نور و قعدت جمب كارما و سجده …
سجده : اتاخرتي لي ..
نور : هبقي احكيلك لما نخلص …
شويه و المحاضره خلصت …
الدكتور : الانسه الي كانت لسه داخله تيجي و رايا المكتب بسرعه …
نور : بتبصلها انا …
الدكتور : ايوه انتي تعالي …
نور : بتكلم سجده و كارما انا هشوف الغبي ده عايز اي و هاجي وراكم روحوا انتوا و اطلبولي حاجه معاكم …
سجده : طيب …
مشيت نور ورا الدكتور علي مكتبه لكن اول ما نور دخلت قفل الباب بسرعه و حاول يتقرب من نور …
نور : أي الي حضرتك بتعمله ده و قفلت الباب لي …
الدكتور : غمزلها و قال عشان نبقي براحتنا …
نور : اي الهبل الي بتقوله ده و كانت راحه تفتح الباب لكن هو سبقها و شدها لحد ما بقت في حضنه …
نور : بتصوت ابعد عني ابعد …
الدكتور : حاطط ايدو علي بوقها اسكتي و شغال يقرب منها بطريقه قذره …
نور : فضلت تبعده مش قادره عليه راحت جابت تحفه كانت محطوطه جمبها علي المكتب و ضربتوا بيها علي دماغوا …
الدكتور : وقع في الأرض و دماغه شغاله تنزف …
نور فضلت تصوت..
اول ما الباب اتفتح العميد لقي نور قاعده في جمب و ضامه رجليه علي صدرها و بتعيط …
العميد : راح يشوفوا عايش و لا لا..
راح بص لنور و قال ……
