رواية صديق من عالم آخر الفصل الثالث 3 بقلم ميمو أحمد
 |
| رواية صديق من عالم آخر الفصل الثالث 3 بقلم ميمو أحمد |
رواية صديق من عالم آخر الفصل الثالث 3 بقلم ميمو أحمد
ميرال : فكرت دقيقه * موافقه
شعاع : ابتسم ابتسامه جميله * طب ع الله اشوفك بتعيطى تانى هغرقك هنا
ميرال : ايه ده انت بتتحول كده ليه ما كنت ماشى كويس
شعاع : انتو كائن نكدى و عيوط اوى
ميرال : تصدق انا غلطانه انى اتكلمت معاك و وافقت اننا نبقى اصدقاء
شعاع : ششششش اييه ده ف ايه .. دى أرااء أرااااء اترزعى بقى
ميرال : ياريت تتكلم معايا بطريقه احسن من كده
شعاع : اتوكسى
ميرال : اتوكسس !! ع فكره انت بيئه اوى
شعاع : ميرسى
ميرال : بصتله وسكتت شويه
شعاع : مالك سكتى ليه انتى زعلتى ؟ انا كنت بهزر ع فكره
ميرال : هو انت عينك بتنور !!
شعاع : اتنهد * ايوه
ميرال : بدهشه * بجد ازاى
شعاع : ع حسب مودى لو كنتى ركزتى ف عينى من شويه وانتى بتعيطى كنتى هتلاقيها مطفيه و لونها بقى اغمق عشان كنت مضايق عليكى
ميرال : الله يعنى انا عينى برضو كده
شعاع : لا
ميرال : ليه ؟
شعاع : عشان انتى بنى ادمه
ميرال : وانت كائن فضائى يعنى ما انت بنى ادم
شعاع : تؤتؤ انا مش بنى ادم
ميرال : بجد امال انت ايه !!
شعاع : جنى * غمض عينه جامد
ميرال : فضلت تضحك * بجد انت دمك خفيف اوى
شعاع : ساكت و مستنيها تخلص ضحك
ميرال : لسه بتضحك * وفين القرنين يا عم الجنى
شعاع :ميرال ممكن تهدى عشان اعرف اكمل كلام
ميرال : حاضر حاضر .. هحححححح هديت اهو اتفضل
شعاع : انا لا بضحك عليكى ولا بهزر انا بقولك الحقيقه انا جنى
ميرال : ضحكت تانى * ايوه بقى اعمل زى ماجد الكدوانى و قولى انا من الجن الطيب و طيرى انتى و تخلينى مره هنديه و مره سعوديه
شعاع : يخربيت الافلام اللى بوظت دماغكو .. يابنتى اتنيلى اسكتى بقى و سبينى اكمل
ميرال : بضحك * اسفه اسفه سكت اهو
شعاع : انا جنى و مسلم زيك و طيب فعلا بس مش بعمل الهبل اللى ف الافلام ده
ميرال : طب بزمتك هو ف جنى قمر كده و عينه ملونه و بعضلات
شعاع : ايييه ده ! انا بتعاكس صح
ميرال : صح .. قصدى دى أرااااء
شعاع : والله العظيم انا جنى مش بنى ادم زيك
ميرال : ضحكت تانى * جنى و بتحلف عادى ومش بيحصلك حاجه
شعاع : ياااربى ع الغباوه انا اللى جبته لنفسى .. يابنتى بقولك مسلم زيك
ميرال : لسه بتضحك * والله هتموتنى بخفة دمك دى بص انا مقدره انك بتعمل اى حاجه عشان تضحكنى و فعلا ضحكتنى و خلاص انا مش زعلانه شكرا ليك بجد
شعاع : ياربى ع المتخلفه اللى معايا دى انا غلطان انى ظهرتلك اصلا يا ميرال .. ركزى معايا انا مش بعمل كده عشان تضحكى انا بقولك الحقيقه
ميرال : اثبت
شعاع : الإثباتات كلها قدامك بس انتى بطلى غباء و ركزى
ميرال : حاضر ركزت ايه هي الإثباتات بقى
شعاع : الاول عينى اللى بتتغير ع حسب حالتى النفسيه و دى مش بتحصل لأى بنى ادم و تقدرى تتأكدى بنفسك
ميرال : ماشى و الاثبات التانى
شعاع : الشجره بصى كده طولها اد ايه انتى تقدرى تطلعى ع شجره بالطول ده
ميرال : لا
شعاع : طب ف اى بنى ادم غيرك يقدر يطلع عليها
ميرال : لا
شعاع : طب هو ده مخلكيش تفكرى انا طلعت ازاى
ميرال : فكرت انت جسمك رياضى ما شاء الله و ممكن تكون بتتسلق جبال فتعرف تطلع ع الشجره عادى
شعاع : طب لو انا بتسلق ماشى عشان الجبال بيبقى طالع منها صخور اقدر امسك فيها انما الشجره مفيش حاجه امسك فيها و غصونها عاليه .. ف انا مش قرد عشان اعرف اطلع عليها
ميرال : ضحكت * طب نعدى دى ايه الاثبات التالت
شعاع : انتى قولتى قبل كده انك مشوفتنيش ع الشجره مع انى دايما ببقى قاعد عليها وشايفك و دايما بظهرلك فجأه من غير ما تحسى بيا زى ما قعدت جنبك تانى مره شوفتك فيها و زى النهارده برضو مفكرتيش انا عرفت مكانك ازاى
ميرال : لا مش فاهمه يعنى بتعمل ايه
شعاع : هححححح يارب صبرنى .. يعنى انا ببقى حواليكى وانتى مش شايفانى انا قاعد قدامك شايفك وانتى لا
ميرال : ازاى !
شعاع : حاضر هوريكى ازاى * اختفى من قدامها
ميرال : اتخضت * شـ .. شعااع انت فين
شعاع : كنت بجيب حاجه من السوبر ماركت .. كنت واقف قدامك يا ميرال بس مختفى
ميرال : يعنى انت بجد جنى
شعاع : اه والله طب استنى هوريكى حاجه كمان .. لفى كده و خليكى بصه ناحية شنطتك اللى هناك دى
ميرال : حاضر
شعاع : اختفى و ظهر عند شنطتها و شاورلها و بعدين مسك شنطتها و اختفى و ظهر تانى قدامها * اتفضلى الشنطه
ميرال : مصدومه و ساكته
شعاع : صدقتى بقى انى جنى مش بنى ادم
ميرال : اعوذ بالله من الشيطان الرجيم .. بسم الله الذى لا يضر مع اسمه شيئا ف الارض ولا ف السماء
شعاع : ابتسملها بحنيه و مسك ايديها * ميرال انا مسلم زيك و كملتلك السوره اللى كنتى بتقريها قبل كده .. اهدى متخافيش
ميرال : بصوت باكى * يعنى انت مش هتدخل جوايا وتلبسنى زى ما بيحصل ف الافلام
شعاع : فضل يضحك جامد وبعدين بصلها * لا مقدرش اعمل كده لأنى هبقى بغضب ربنا و ابقى مفرقتش حاجه عن الجن الكافر .. انا بعمل كل حاجه ترضى ربنا زيك بالظبط
ميرال : طب هو انا ممكن امشى دلوقتى
شعاع : اه طبعا براحتك اتفضلى
ميرال : لفت و لسه هتمشى
شعاع : ميرال ثوانى .. لو احتاجتينى ف اى وقت قولى اسمى و هتلاقينى جنبك ع طول ف اى وقت و اى مكان ماشى
ميرال : مردتش عليه و مشيت بسرعه دخلت البيت و طلعت ع اوضتها
مامتها : ميرال يلا عشان تاكلى .. ميراال ميراااااال .. اسر اطلع هات اختك عشان تاكل
اسر : حاضر * طلع لاخته * ميرال يلا عشان تاكلى
ميرال : كانت قاعده ع السرير و خايفه * لا يا اسر انا كلت ف الكليه و تعبانه و هنام دلوقتى
اسر : ماشى
ميرال : بصت ع البلكونه و افتكرت لما قالها انا ببقى شايفك لكن انتى لا .. قامت بسرعه و قفلت البلكونه و ولعت بخور و شغلت قران ع فونها و نامت وغطت وشها .. و فضلت اسبوعين مش بتروح الجنينه بترجع من الكليه ع البيت و تذاكر عشان امتحانات اخر السنه قربت
( بعد أسبوعين )
ميرال : كانت راجعه من الكليه * لما اروح اقعد شويه ف الجنينه اقرا قران و بعدين اتكلم معاه * خلصت قراية قران * احم احمم .. شعااع .. ايه ده مجاش ليه هو مش قالى ناديلى و هجيلك ع طول .. كنت عارفه انه بيضحك عليا طب اجرب تانى .. شعااع
شعاع : ايووووه جااااااااى * قعد قدامها
ميرال : بضحك * انت ليه قلبت ع صبى قهوجى كده
شعاع : بزعل مصطنع * بس عشان انا مخاصمك
ميرال : ايه ده ليه !!
شعاع : بقالك اسبوعين سيبانى لوحدى كده كأننا مش اصدقاء ولا نعرف بعض
ميرال : معلش والله الموضوع كان صعب عليا اول مره اتكلم مع حد و اكتشف انه جن .. الموضوع مش سهل برضو كنت محتاجه وقت عشان استوعب .. وكمان امتحاناتى قربت فكنت بحاول الم المنهج و كده
شعاع : و استوعبتى
ميرال : الى حد ما اه
شعاع : امتحاناتك امتى
ميرال : كمان اسبوع
شعاع : شدى حيلك بقى عاوز افتخر بيكى
ميرال : ان شاء الله ادعيلى .. اه صح انت مجتش ليه ع طول لما ندهتلك
شعاع : كنت بصلى
ميرال : بتصلى !! فين
شعاع : ف الجامع
ميرال : بجد يعنى بتظهر للناس عادى
شعاع : لا بس الشيخ اللى ف الجامع عارفنى وبيشوفنى و بيسلم عليا و بنتكلم مع بعض
ميرال : بجد احكيلى ازاى بقى
شعاع : كنت بصلى وبعد الصلاه قعدت اقرا قران لاقيته جاى ناحيتى و مبتسم و قعد جنبى و قالى السلام عليكم .. انا استغربت بس رديت و سلم عليا و قالى انا اول مره اشوفك انت اول مره تيجى هنا قولتله اه بس هو حضرتك شايفنى ازاى .. ضحك و قالى انا بشوفكو عادى و بفرح بوجودكو ف الجامع .. اتعرفنا ع بعض و دردشنا شويه
ميرال : شعاع
شعاع : يا نعم ………..
يتبع……
لقراءة الفصل الرابع : اضغط هنا
لقراءة باقي فصول الرواية : اضغط هنا
نرشح لك أيضاً رواية النصيب للكاتبة ياسمين الشريف
