رواية العودة الفصل الثالث 3 بقلم منة
 |
| رواية العودة الفصل الثالث 3 بقلم منة |
رواية العودة الفصل الثالث 3 بقلم منة
_افتكرت شكله وعياطي زاد وجسمي ارتعش ودخت جامد والدنيا كانت بتسود ف عيني لحد ماوقعت ع ايد يوسف.
فقت ف المستشفي .
بابا:انتي كويسه.
لقيته ماسك ايدي سحبتها بسرعه.
الدكتور دخل ويوسف وقف يتكلم معاه.
_هي كويسه بس اتعرضت لصدمه عصبيه وجالها هبوط .
_شكرا.
الدكتور مشي وبابا طلع هو تقريبا زعل مني هو اللي المفروض يزعل طبعا مش انا.
_ايه اللي حصل؟
_ولا حاجه.
_ايه اللي فتح دماغ المدير.
_معرفش.
_هتقولي بسرعه ولا هتماطلي.
_هماطل.
_تمام انا كدا كدا قاعد وانتي مش رايحه ف حته.
_امممم.
_ايه اللي حصل؟
_محصلش.
_فتحتيله دماغه ليه ي مفتريه.
_انا مفتريه دي اقل حاجه يستاهلها انا لو طلته تاني هقتله .
_ليه؟
_عشان ق…انت بتوقعني ف الكلام.
_ايوه.
_مش هقول.
_نور.
_متعليش صوتك انا مش طيقاك أصلا.
_ايه اللي حصل ي نور ي عسل ي سكر.
_لم نفسك بدل ما افتحلك دماغك انت كمان.
_بص ف عيني…عمل اي بجد؟
_سكت شويه وبعدين اتنهدت…حاول يقرب مني .
_ازاي يعني؟
_مش ناقصه غباء والله الموضوع رخم.
_بجد.
_مكنش رادي يطلعني من المكتب وكان عايزني اروح معاه البيت .
_لمسك؟
_اتنهدت…مسك ايدي
_بيجيب الاذيه لنفسه.
_متعملش فيها سوبر مان وتروح تضربه ماشي
_عايزاني اعمل ايه؟
_اسبيدر مان بحبه اكتر.
_نور.
_خلاص بس متدخلش ف مشكله مع واحد زيه.
_تمام.
_بتحايلني زي امبارح صح.
_صح.
_ع فكره دمك كدا تقيل وانت بدايقني.
_يلا عشان نروح.
_نروح فين؟
_البيت.
_مستحيل.
_ف مكان تقعدي فيه دلوقتي.
_لا.
_طيب يلا.
_لا.
_انا نازل ولائيكي ورايا.
طلع والممرضه دخلت.
_لوسمحتي.
_اتفضلي.
_اللي تحت دا عمي وعايز يجوزني ابنه غصب عني ممكن تطلعيني من غير مايشفوني.
_بس.
_انا هرجع عند ماما معلش ساعديني.
_ماشي تعالي .
مشيت من الباب اللي ورا ومحدش شافني بس بجد انا هروح فين.
لفيت ع كل العمارات لحد ما واحد قالي ان فيه اوضه ب١٠٠ جنيه ف اليوم دفعتله الفلوس وطلعت وياريتني ما طلعت دي مش اوضه دا عش فراخ.
قعدت اليوم دا فيها وتاني يوم نزلت عشان ادور ع شغل.
لقيت البواب قاعد وماسك جرنال هو لسه فيه جرنال وكدا
لفت نظري صورت المدير ع الجرنال.
_بعد اذنك لحظه هشوف حاجه.
_اتفضلي.
اخدته وقرأت الخبر.
_اغلاق جميع كافيهات ..ويتعرض لخساره ماليه كبيره…
ابتسمت ورجعتله الجرنال .
_هو ي مجنون ي متخلف دا قفله كل الكافيهات عشاني.
انا لو كنت بدور ع ابره ف كوم اش كنت لقتها مكنش شغل اللي بدور عليه.
ملقتش ورجعت للعماره تاني ودفعتله الفلوس وطلعت.
دورت ع شغل ولقيت شغل ف مطعم ايوه هقف اطبخ انا الحاجه الوحيده اللي بعرف اعملها الاكل وكل اصحابي ف الملجأ يشهدوا ع دا.
اشتغلت اول يومين وكانوا مبسوطين بشغلي اوي وكله بيشكر ف اكلي.
عدي اسبوع وانا مشفتش حد منهم وكنت بحمد ربنا بس المشكله انهم مش بيطلعوا من دماغي او هو عشان ابقي صريحه كنت عايزه اشكره عشان اللي عمله معايه وانه ماسبش حقي.
المدير :انا سمعت عن اكلك كتير ولازم ادوقه.
_اكيد طبعا.
والحمد الله المدير دا كويس مع انه شاب.
تاني يوم كنت ف المطبخ وطلعت اجيب حاجه من برا وعيني جات ف عين يوسف وشاورلي وهو قاعد.
دخلت بسرعه وانا بكلم نفسي.
_ي ربي بيعمل ايه هنا دا …قلعت المريله وكنت هطلع من الباب بتاع المطبخ اللي ورا .
اول ما فتحت الباب لقيته ف وشي.
_اااع.
_براحه ودني باظت.
_انت بتعمل ايه هنا؟
_جي اخدك.
_هو انا تايهه جي تاخدني ولا هربانه.
_هربانه.
_اوووف.
_مسك ايدي وهو ماشي …يلا اركبي العربيه.
_لا.
_يلا.
_لا مش هاجي معاك.
كنت همشي هو مسك ايدي.
_لو مركبتيش بنفسك هشيلك وادخلك العربيه.
_هصوت والم عليك الناس.
_هقول انك مراتي.
_انت رخم يلا بجد مرات مين.
_طيب يلا.
_اووووووف منك.
ركبت العربيه وهو سايق وساكت وحاجه قمت الملل .
_صح شكراً.
_العفو.
_انت عارف ع ايه؟
_عشان جبتلك حقك
_انت عرفت مكاني منين؟
_يعني انتي تهربي مني وتروحي تشتغلي عند صاحبي مش ذكيه.
_دا صاحبك؟
_ايوه.
_طيب شغل اغاني واسكت.
_انتي اللي بتتكلمي.
_وانت اللي هتسكت.
_ضحك وشغل اغاني.
_غير الاغنيه.
فضل يقلب وانا اقوله غير .
_بس سيب الاغنيه دي بحبها اوي.
كانت اغنيه مسار اجباري مطلوب حبيب.
محتاج لحد يكون انا يقسم معايا الدندنه …محتاج لحد يحلي ف عنيا الحياه…محتاج حبيب لو سبته يقولي انا مش هسيب …مطلوب حبيب.
_بتحبي مسار اجباري؟
_اوي وانت بحب تسمع مين؟
_مسار اجباري وتامر حسني ومحمد سعيد.
_وتامر عاشور وعمرو دياب
_بالظبت.
_ضحكت.
_ايه.
_نفس المغنين اللي بحبهم مش بسمع غيره تقريباً عارف انا كنت بهرب عشان اسمعهم مكنش حد مننا معاه تيلفون كنت بهرب انا وصحبتي وندخل مكتب المشرفه ونشغل الاغاني ف الوقت اللي بتبقي مش موجوده فيه ،، ومره دخلت واحنا قاعدين بنسمع اغاني وعاقبتنا احنا الاتنين قعدنا تلت ايام ف الاوضه الضلمه.
_ايه الاوضه الضلمه دي؟
_الاوضه مفهاش نور واحنا صغيرين كنا مفكرين ان فيها اشباح وعافريت كنت بدخلها كل اسبوع مره.
_كنتي بتعملي مشاكل.
_كنت بضحك وانا بتكلم بس كان قلبي واجعني…مش كتير والله يعني مره صحبتي اتخانقت والبنت التانيه اللي كانت غلطانه ولما قلت كدا دخلوني انا وصحبتي الاوضه.
_مسك ايدي وضغط عليها…احنا معاكي دلوقتي كل دا خلص متفتكرهوش تاني.
_ابتسمت…دي طفولتي صعب انساها ومكنتش وحشه يعني للدرجه.
_ابتسم وساب ايدي.
_انت غيرت الاتجاه ليه؟
_هتروحي مكان تاني غير البيت.
_فين؟
_لما نوصل هتعرفي.
قلب ف الاغاني لحد ما جات اغنيه لعمرو دياب.
كل ما اخبي حاجه عليك او اقول انا مش هقولها كل ما عيني تيجي ف عنيك من غير ما تسألني اقولها وحياه عنيك ي حبيبي ماتخلنيش احتار وبلاش تخلي عنيا تقولك الأسرار.
الاغنيه دي بعد مابسمعها ببقي عايزه اقول لاي حد قدامي بحبك.
_الاغنيه الجايه ليكي.
_لا بيطلع حجات هبله.
_نجرب.
_ماشي.
شغل كانت اغنيه زي مانتي.
انتي لسه زي مانتي قمر ف عيني…مستحيل اقبل ف حقك اي كلمه انتي اعلي منهم فوق انتي نجمه …الغلاوه هي هي والمشاعر مداريه …سيبك انتي عامله ايه واذيك انتي…واما تيجي ف الكلام سيرتك بقول دي حببتي الغاليه دي بنت الأصول…
_انت بقي تاني اغنيه لعمرو دياب.
فضل يقلب وجات الاغنيه الاوله كانت بحبه والتانيه كانت اغنيه انت مغرور.
_فضلنا نضحك.
_انت مغرور انت معدوم الشعور.
_انت زي الزينه ديكور واللي عاشرك معزور.
_مغرور.
ضحكنا كتير.
_قلتلك بتطلع حجات هبله.
_اخر مره مش هجربها تاني.
_يلا انزلي.
_ايه المكان دا.
