رواية حب لن يموت الفصل الثالث 3 بقلم عادل عبدالله

رواية حب لن يموت الجزء الثالث

رواية حب لن يموت البارت الثالث

رواية حب لن يموت الحلقة الثالثة

عاد ناصر من عند ام اميرة يجر اذيال الخيبة وكله حزن بعد ان وجد ام اميرة مصممة علي رفض زواجه من اميره .
حاول ان يتصل بأميرة ولكن تليفونها مغلق .
انتظر مجئ والده من عمله ثم اعلمه برغبته خطوبة اميرة وان ام اميرة رفضت طلبه عندما فاتحهها في الموضوع .
ابو ناصر حاول اقناعه بأن لسه العمر قدامه وان البنات الحلوين كتير ولكنه وجد من ناصر تصميم واصرار علي خطوبة اميرة تحديدا لانه يحبها .
في يوم اجازة ابو ناصر من عمله ذهب لام اميرة ليطلب منها خطوبة ابنتها لابنه .
ابو ناصر : ازيك يا زينات ( ام اميرة) عامله ايه ؟
ام اميرة : الحمد لله ياخويا كله رضا .
ابو ناصر (يبتسم): زعلتي ناصر ليه يا زينات ؟ مش كفاية زعلتي ابوه زمان ؟
ام اميرة : بلاش تدخل المواضيع في بعضها .وبعدين كل شئ قسمة ونصيب .
ابو ناصر : يعني زمان بعد موت ام ناصر لما اتقدمتلك رفضتيني .ودلوقتي بتعيدي نفس اللي حصل مع العيال ؟
ام اميرة : بص يا ابو ناصر .انا مش رفضتك انت لشخصك ياخويا لكن انت زي ما شوفت قعدت علي العيال عشان اربيهم ومرضتش اجبلهم جوز ام .
ابو ناصر ( مقاطعا) : ما انا كانت ظروفي زي ظروفك وكنا هنربي العيال مع بعض .
ام اميرة : المهم ياخويا اهوده اللي حصل .موضوع العيال ملوش علاقة بالموضوع ده .انت اللي عايز تدخل ده في ده علشان تضغط عليا اوافق علي موضوع ناصر .
ابو ناصر : طب رفضتي ناصر ليه ؟
ام اميرة : ياخويا ناصر ابنك زي الفل بس بنتي لسه صغيرة و قدامها تعليم .
ابو ناصر : ماهوقالك خطوبة دلوقتي والجواز لما تخلص تعليمها .
ام اميرة : مينفعش يا خويا يفضل داخل خارج علينا كده .
ابو ناصر :طب يعني اخد منك كلمة ان اميرة لناصر ؟
ام اميرة : لا من غير كلمة .كل شئ قسمة ونصيب .لو ليهم نصيب محدش هيمنعهم ولو مفيش نصيب كل واحد فيهم هيأخد نصيبه .
ابو ناصر : ومش عاوزة تدينا كلمة ليه ؟
ام اميرة : من الاخر ياخويا علشان نقفل الموضوع ده .هما الاتنين مينفعوش لبعض .ناصر لسه قدامه كتير ومعملش حاجة لمستقبله وشكله مش ناوي يعمل كمان .واميرة انا عاوزلها جوازة تخليها مش تشوف اللي انا شوفته .
ابو ناصر : طب قولي كده من الاول من غير لف ودوران .انتي رافضة الواد علشان علي اد حاله وانتي عاوزة عريس غني لبنتك .
ام اميرة : مش عيب لما اكون عاوزة لبنتي عيشة احسن من عيشتنا .
ابو ناصر : بس علفكرة يا ام اميرة بنتك بتحب ناصر زي ما هو بيحبها .وانتي كده مش بتعملي لمصلحتها ابدا .
ام اميرة : انا عارفة مصلحة بنتي كويس .
عاد ابو ناصر وعلي وجهه علامات الغضب .وعندما نظر اليه ناصر عرف نتيجة القاء .
ناصر : عملت ايه يابا ؟
ابو ناصر : مفيش نصيب يابني .البنات كتير وفي اجمل منها بكتير .
: لكن انا بحب اميرة وعاوزها .وهي كمان بتحبني وعاوزاني .
: النصيب غلاب يابني .مفيش نصيب بينكم خلاص امها مش هتغير رأيها .
: وليه يعني يابا رفضاني ؟
: عاوزه لبنتها جوازة مرتاحه .انسي الموضوع ده وبص لمستقبلك واهتم بشغلك وانت تتجوز ست ستها .
: لا يابا .انا هتجوزها هي .وغصب عن امها مش بمزاجها .واللي مجاش بالرضا ييجي بالغصب .
: اوعي تعمل كده .انت اتجننت !! عاوز تفرج علينا الناس ؟ والناس دول لو عملت معاهم كده الف واحد هتلاقيه وقف في صفهم .
نزل ناصر من البيت وهو في قمة ثورته وتزرف عينه الدموع .
وذهب لاصدقاء السوء ليتعاطي المخدرات .وبعد ان تعاطي كمية كبيرة من المخدرات بينما كان الوقت اقترب من الفجر رجع ناصر للحارة ووقف امام منزل اميرة وظل ينادي عليها بصوت عالي ….اميرة .اميرة .اميرة .انا بحبك يا اميرة ومش هسيبك .قولي لامك ناصر بيحبني ومش هيسبني يا اميرة .يا ام اميرة .انا بحب بنتك ومش هسبها تضيع مني .هتجوزها يعني هتجوزها .
حاول اصدقاؤه في الحارة السيطرة عليه واسكاته وادخاله الي بيته حتي لا يتسبب في فضيحة لاميرة واسرتها .
وفي اليوم التالي بينما خرج ناصر صباحا الي عمله اذ وجد ناصر رجل طيب كبير في السن اسمه عم سلامة اوقف ناصر وقاله : انا عاوزك يابني تعالي .وقاله لما شافه راجع سكران بالليل وسمع الكلام اللي قاله .
حكي ناصر لعم سلامه عن الموضوع كله وحبه لاميرة ورد فعل امها عليه هو وابوه .
عم سلامه قال لناصر طيب اظبط انت نفسك حلوواهتم بشغلك وحوش قرشين والتزم وابعد عن العيال البايظين وسيب الموضوع ده علي الله ثم عليا .واللي فيه الخير يقدمه ربنا .