رواية حب وعذاب البارت الثالث والثلاثون 33 بقلم آية السيد
 |
| رواية حب وعذاب البارت الثالث والثلاثون 33 بقلم آية السيد |
رواية حب وعذاب البارت الثالث والثلاثون 33 بقلم آية السيد
في شقه فارس
سهر بعد ما خلت فارس يسكر ويبقا مش في وعيه قعدته علي السرير وهو كان عمال يتطوح ومش فايق ولا مركز في اي حاجه
فارس بسكر /ماتيجي بقا يا جميل هههههه
وشد سهر
فارس بسكر وهو بيلمس وشها /دا انتي حلوة اوي هههه
بس هي قدرت تبعد عنه
وثبتت الكاميرا وبعدين شغلتها وبدأت تصور وهي بعيد عشان متظهرش في الصوره
وبدأت تسأل فارس الاسئله اللي زين قايلها عليها بس الاول حبت تتأكد انه الي حدا ما فايق
سهر /انت عارف انت مين
فارس بسكر /انا فارس بيه وبدأ يضحك
سهر بعد ما اتأكدت انه مركز شويه سالته
سهر /مين الزعيم يا فارس
فارس /هااا
سهر /مين يا فارس اللي انت بتاخد منه الأوامر
فارس /عاوزه تعرفي الزعيم هقولك ب.. بس دا سر بينا الزعيم يا..ه…و…. هو………
سهر بنفاذ صبر /ها مين هو
فارس وهو قارب علي فقدان الوعي /ه… هو..
وفجأه فارس وقع علي السرير وراح في نوم عميق
زفرت سهر بضيق لان تعبها راح علي الفاضي
وقفلت الكاميرا وبعدين قررت تتصل بمحمد
___________________
في بيت حسن خليفه
محمد وصل البيت وسلم علي والده ووالدته ودخل غير هدومه وبعدين راح لاوضه ريم يشوفها
محمد فضل يخبط كتير بس محدش رد فدخل لما سمع صوت دندنه وعرف ان اخته المجنونه حاطه السماعه في ودنها
دخل لقي ريم حاطه السماعه في ودنها وواقفه في البلكونه وضهرها ليه
محمد دخل براحه وخبطها علي قفاها (اظن عارفين القفي دا????) _
ريم شهقت من الخضه وكان شكلها يضحك
ريم بفزع /حرام عليك يا محمد والله
محمد فضل يضحك عليها وعلي منظرها
ريم بغضب /تصدق انك عيل بارد ومشوفتش بربع جنيه تربيه
محمد بضحك /هههههه مش قادر منظرك مسخره اوي كنتي عامله زي الكتكوت المبلول
ريم بتريقه /ننينينيينن… خفه
محمد كان هيتكلم بس قاطعه صوت موبايله
محمد مسك الموبايل وشاف الرقم لقاه رقم سهر محمد ملامحه اتغيرت وريم لاحظت
وجه يطلع من اوضه ريم سمع صوتها
ريم بمرح /بتخون حنان من قبل ما تتقدم لها طاب انا هقولها
محمد راح عندها و خبطها بخفه علي دماغها /بس يا جزمه دا مكالمه تبع الشغل
ريم /خلاص يا عم أعصابك يلا اتكل بقا
محمد /فيه واحده تقول لاخوها اتكل ايه بتكلم مع واحد صاحبي
ريم /يا عم امشي بقا انت وتليفونك اللي صدعني دا
محمد /ماشي يا لمضه
محمد خرج وريم رجعت حطت الهاند فري في ودنها وفضلت تبص للسما وتفتكر زين وتفتكر المواقف اللي اتقابلوا فيها وتضحك
ريم لنفسها /يا تري ممكن تكون بتحبني يا زين ورجعت افتكرت علا
ريم بحزن /ولا يا تري. نصيبي انا وعلا هيكون واحد
أما محمد خرج من اوضه ريم وراح اوضته وفتح الخط
محمد /الو
سهر /الو يا محمد باشا
محمد /ها ايه الاخبار وليه بتكلميني الوقتي
سهر وهي بتبص علي فارس اللي نايم علي السرير بكره وغضب /كان خلاص هيتكلم وكنت بسجل الفيديو بس فجأه لقيته راح في النوم
محمد /خلاص يا سهر حصل خير…. المهم ظبطي انتي الدنيا عشان ميشكش في حاجه
سهر /ماشي يا باشا
محمد /سلام
محمد قفل الخط وقرر يتصل علي زين
_______________
في شقه فارس
سهر قفلت مع محمد وخبت كل حاجه تاني عشان فارس ميشكش وبعد كده راحت نامت جنب فارس وافتكرت اللي حصلها وازاي هي اترجته عشان يعترف بالطفل ويتجوزها والحادثه اللي حصلت ليها وخسرت ابنها بسببها
وافتكرت لما راحت لفارس بعد ما طلعت من المستشفى
_________فلاااش باااك
سهر بعد ما محمد وزين مشيوا من عندها قررت تساعدهم وتنتقم من فارس
وفضلت يومين في المستشفى وبعدين خرجت وراحت لفارس شقته
سهر خبطت عليها وفارس استغرب لما شافها وسابها علي الباب ودخل قعد علي الكنبه
فارس بسخريه /يا اهلا يا ترا ايه اللي جابك تاني… وكمل بسخريه اكبر /انا كنت قاعد في البيت خايف من تهديدك
سهر بتمثيل راحت عند رجله وفضلت تمسك ايده
سهر بدموع /اسفه سامحني يا فارس بيه انا عرفت اني مليش غيرك واني كان المفروض من الاول اسمع كلامك وانزل الطفل
فارس بسخريه /ها وبعدين
سهر /سامحني والله وانا هعيش خدامه ليك وهعمل كل اللي تقولي عليه
فارس بخبث مسكها من ايدها وقومها من علي الارض وقعدها علي رجله
فارس بوقاحه /لا اذا كان كده دا احنا ندخل جوه بقا
سهر بمياعه وهي تتلمس وجه باناملها /يلا يا باشا هييييي
فارس شالها وراحوا الاوضه
______________بااااك
سهر فاقت من شرودها دا وكانت بتحس بقرف كل لما بتفتكر لمساته ليها ودمعه نزلت من عنيها لما افتكرت ابنها اللي مات
سهر لنفسها /والله يا فارس لاندمك علي كل اللي عملته وحق ابني اللي مات قبل ما يشوف الدنيا هاخده منك تالت ومتلت كمان
مسحت دموعها وقررت تنام هي كمان
_________________
في منزل زين
زين بعد ما دخل وسلم علي مامته وفضل يتكلم معاها شويه
زين بابتسامه حنونه /السلام عليكم يا أمي
مرفت /وعليكم السلام يا حبيبي اتاخرت كده ليه
زين /كنت مع شريف ومحمد بنظبط كام حاجه تبع الشغل.
مرفت /ربنا يكون في عونك يا حبيبي
زين /يا رب يا حبيبتي
مرفت /اجهزلك العشا
زين /تسلميلي يا قلبي كنت عند محمد واتغدينا هناك
مرفت بضحك /يبقا اكيد كان فيه ورق عنب
زين بضحك /هههههه طول عمرك حفظاني يا ست الكل
مرفت /طبعا مش ابني وسندي
زين وهو بيبوس ايدها /ربنا يخليك ليا يا ست الكل وميحرمنيش منك ابدا
مرفت بحنان /ويخليك ليا يا حبيبي وافرح بيك بقا
زين بابتسامه /قريب ان شاء الله
مرفت بفرحه /بجد يا زين
زين بابتسامه عاشقه /بجد يا ست الكل
مرفت بدعاء /ربنا يابني يناولك اللي في بالك ويفرح قلبك يا رب
زين /يا رب يا ست الكل
مرفت بفضول /طاب مين العروسه وانا اعرفها؟؟؟
زين بضحك /اه يا ستي تعرفيها هي تبقا ريم اخت محمد
مرفت بفرحه /بجد يا زين ريم طيبه وبنت حلال انا شوفتها كام مره بس انت عارف امك ليها نظرة في الناس
زين بضحك /خش يا واد يا جامد
مرفت بضحك /ولد عيب
زين /ماشي يا ست الكل انا هدخل بقا اغير وانام لاني بجد هموت وانام
مرفت /طاب استني بس هتتقدم لها أمته…. وكملت وهي بتغمزله /وبعدين انت بتحبها ولا ايه دا انت شكلك واقع
زين بضحك /هههه اتقدم ايه بس يا ماما استني شويه دا محمد اصلا هو كمان هيتقدم لبنت يخطبها بعد بكره واه يا ستي انا بحبها وكمل بهيام وهو بيفتكر ريم وتقريبا كده داخل علي عشق مع ان تقريبا كل مره بنتقابل صدفه بنتخانق ههه
مرفت /هههههه… خلاص هبقا اتكلم انا مع هيام وهظبط الدنيا ملكشي انت دعوه
زين بضحك /والله انتوا الأمهات ملكوش حل
مرفت بثقه /طبعا يبني
زين بضحك /اموت فيك وانت واثق كده
مرفت /طاب يلا بقا روح شوف وراك ايه خليني اكمل المسلسل
زين /ماشي يا ست الكل تصبحي على خير
مرفت بابتسامه /وانت من اهل الخير يا حبيبي
وبعدين زين دخل اوضته
وغير هدومه ولسه هينام لقي تليفونه بيرن
زين بص علي الشاشه ولقاه محمد
زين فتح الخط
زين /الو
محمد /الو يا زين انت نمت
زين /لا كنت لسه هنام فيه ايه يبني حصل حاجه
محمد /اه
زين /طاب ها سامعك
محمد /فارس كان خلاص هيعترف وحكاله اللي حصل…..
زين /اهدي يا محمد ومتقلقش اللي حصل دا متوقع وبعدين ايه انت هتياس بسرعه ولا ايه دا احنا لسه في البدايه وبعدين اكيد هيعترف سواء بالطريقه دي او بغيرها
محمد بتنهيده /ماشي يا زين مش عاوز حاجه
زين /سلامتك يلا تصبح علي خير
محمد /وانت من اهله
وقفل الخط
زين /اممم لازم نفكرلك في حاجه تانيه يا فارس بيه لأنك مش هتيجي بالساهل
وراح علي سريره وغرق في النوم
___________________
ثاني يوم يجي علي أبطالنا
في شرم
وعد صحت من النوم بسبب الضوء اللي جاي علي وشها ولقت ان ياسين لسه نايم وهي في حضنه
وعد مكانتش مصدقه نفسها وأنها جنبه وفي حضنه وبقت خلاص مراته
وعد فضلت تبص علي ياسين وتتامل ملامحه واد ايه هو جميل وملامحها الرجوليه اللي قادره تأثر اي بنت
وعد بحب /بحبك اوي يا ياسين وهفضل احمد ربنا لانه جمعني بيك
وعد رفعت صوابعها وبدأت تمشيها علي وش ياسين وفضلت تلمس دقنه ورموشه الطويله ورفعت نفسها وباسته من خده وبعدين رفعت وشها عنه
ياسين وهو لسه مغمض عيونه /الصباح مش بيكون كده يا وعدي
وعد اتصدمت لما لقيته صاحي
وبعدين اتكلمت بصدمه /ا.. انت صاحي
ياسين فتح عينه وبص في عيونها اللي شبهه القهوه وهي كانت بتبص في عيونه وتاهت خالص
ياسين قرب منها وباسها وهي اتكسفت وخدودها بقت فراوله ودفنت وشها في صدره وخبطته خبطه خفيفه
ياسين ضحك بصوته كله عليها وعلي كسوفها اللي بيعشقه
ياسين ضمها ليه اكتر وهو بيضحك وهي ابتسمت بحب
ياسين بعشق /مبارك يا وعدي بقيتي وعد ياسين الألفي
وعد وهي لسه دافنه وشها في صدره /الله يبارك فيك
ياسين /طاب قومي بقا عشان محضرلك مفاجأه
وعد رفعت وشها وبصت له باستغراب
ياسين /يلا بس نفوق وهنروح
قاموا ولبسوا ولسه هيخرجوا لقوا الباب بيخبط
ياسين استغرب وبص لوعد/مين
وعد /مش عارفه
وبعدين راح يفتح واتصدم
ياسين بصدمه /انت……؟؟؟؟؟
يتبع..
لقراءة البارت الرابع والثلاثون : اضغط هنا
لقراءة باقي فصول الرواية : اضغط هنا
نرشح لك أيضاً رواية أحببت عفيفة للكاتبة آية السيد
