رواية رياس الفصل الحادي والثلاثون 31 للكاتبة شيماء عسكر

في امريكا كانت رزان قاعده تبكي

اما رياس كانت مستغربه من الوضع اللي هي فيها بتمسك رياس ادم في حضنها و بتروح تقعد جنب منها

رياس بتعجب.. مالك في ايه و بعدين غلط تبكي قدام الطفل

رزان برجاء.. ارجوكي خدي ادم غرفته و تعالي عايزه اتكلم معاكي شويه و اتمنا كلامي مش يكون صعب عليكي لان مش هقدر اخبي عنك اي حاجه خصوصاً انك هتكوني موجوده مع ادم طول الوقت

رياس في حالة شتات.. حاضر

بتاخد رياس ادم للاوضه الخاصه بيه

و هي حضنه الطفل كأنه قطعه منها هي مش شخص غريب عنها،،،

بعد نص ساعه نام الطفل و بتنزل رياس لمكان رزان اللي لسه زي ما هي زي ما يكون جبل و نزل فوق دماغه

رياس وهي بتقعد علي الكرسي اللي قدام من رزان…اتفضلي انا بسمعك

رزان بتاخد نفس طويل زي ما يكون هيكون اخر نفس ليها علي وش الأرض و عايزه تستمتع بأخر نفس ده ليها هي مش لحد تاني…

رزان بتذكر.. هقولك من حوالي سنتين كانت لسه بكون الشركه الخاصه بيا بعد دمار شركات بابا واللي كان السبب في ده جوزك جاسر المهدي كان هو ملك السوق و عايز ياخد كل حاجه ليه طبعاً بعد ما بابا كسب صفقه كبيره كان جاسر داخل فيها برضو لكن كان الحظ لبابا مش ليه ومن يومها و هو عمل حرب علي بابا فضل ورا منه لحد لما بابا خسر كل حاجه حتي في الوقت ده خسرت بابا و كان لازم اتصرف بس ازاي وانا لسه معرفش يعني ايه حتي كلمة صفقه بس حاولت انا و اخويا لحد لما وقفنا تاني و روحت لعند جوزك برجلي ايوه برجلي روحت علشان انتقم منه بس للأسف حبيته و مكنتش قادره حتي اخد حق بابا منه و اخويا نفسه منعته يدخل في موضوع جاسر لان عارفه وقتها ممكن يقتل جاسر من غير تردد وانا مقدرش ابعد عنه

(كانت رياس بتسمع بصدمه و خوف من المستقبل حاولت علي قد ما تقدر انها تمسك نفسها لحد لما رزان تخلص كلامها)

رزان.. مكنتش قادره صدقيني

رياس.. عايزه اعرف كل حاجه

رزان…حاضر

flash back

قبل سنتين في شركة جاسر ب امريكا

في صباح يوم الاثنين الساعه التاسعة صباحا

كانت رزان ماشيه بكل ثقه داخل شركة المهدي بتسأل السكرتيره علي مكان مكتب جاسر و كان لسه مش وصل في انتظرت لحد لما الاستاذ شرف

دخلت رزان مكتب جاسر بعد منه بعشر دقايق

رزان بابتسامه خفيفه.. صباح الخير سيد جاسر

جاسر وهو قاعد ورا المكتب بكل ثقه و ابتسامة،، ايوه زي كدا



جاسر.. يسعد صباحك سيدتي تفضلي

بتقعد رزان في الكرسي اللي قدام المكتب

رزان.. شكراً

جاسر وهو ماسك القلم بيده.. امم لماذا انتي هنا سيده رزان هل هو انتقام

رزان بثقه.. لا سيد جاسر ليس لي شأن ما حدث مع والدي في انا هنا الان من اجل العمل فقط

جاسر و هو بسند راسه علي ضهر الكرسي..

و هل عليا ان اثق بكلامك سيده رزان

رزان.. اجل سيد جاسر

جاسر.. حسنا

رزان و هي بطلع الورق الخاص بالمشروع.. لن تندم علي هاذا الشراكة سيد جاسر

جاسر و عيونه عليها.. أتمنا ذالك

وبعد مرور اكتر من ٣ شهور كان الوضع بين رزان و جاسر مقبول لحد كبير في هي حبة جاسر لكن هو كان واخد الموضوع مجرد ترفيه عن نفسه و علشان مش بحب الحرام طبعاً كتب عليها عرفي جاسر ده خلبوص

وتم فعلاً بين جاسر و رزان علاقه

لكن حصل خلاف بنهم بسبب الشغل

وتم فسخ العقد ما بنهم و من يومها رزان قطعت اي تواصل مع جاسر حتي الاخبار لما كانت تسمع عنه في الاخبار كانت بتقفل التليفزيون و كمان التليفون

و بعدها بكام يوم عرفت انها حامل

و حاولت كتير علشان البيبي مش يكمل الحياه لكن ليه نصيب يكون في الدنيا دي

بــــــــــــاك

رزان وهي بتمسح دموعها.. ده ملخص علاقة بجاسر

رياس مصدومه من كل ده ان جاسر طلع مش كويس ازاي و هو كان الملاك البريه بس مش كل من شاف وش بني ادم قال ده كويس في ناس كتيره بتكون معاكم كويسه لكن في الحقيقه غير

في الوقت ده تليفون رياس رن

رياس بترد علي المي.. الو

المي… رياس جاسر سافر امريكا

رياس والخبر بقا عادي عليها او حتي اسمه… وانا اعمل اكيد جاي مع مراته

المي.. لا هو مش اتجوز زي ما كان مخطط دي كان فخ علشان يوقع ياسمينا و اخوها و كمان ابوها .. حكت ل رياس كل حاجه حصلت

رياس ببرود وهي بتقوم من علي الكرسي… مبقاش يهمني يا المي

المي..انا حبيت اقولك طيب انا هقفل بقا علشان معتصم باي

بتقفل المي مع رياس اما رياس قالت ل رزان

..انا ماليش لازمه هنا عن اذنك

رزان بتجري ورا منها.. رياس استني رايحه فين

رياس.. رايحه فين دي بقا حاجه خاصه بيا انا مش بيكي سلام

وبعد شويه بتخرج رياس من البيت كله بتوقف تاكسي و بتروح تنزل في فندق بسيط

بترمي الشنطه علي الارض و تقعد جنبها و تبكي علي حالها .. ” و تحضن نفسها و تنام علي الأرض

اما عند جاسر كان في الطياره الخاصه بيه بفكر ازاي يرجع رياس تاني ليه

اما في فيلا معتصم كانت المي في حضن معتصم

المي بملل..معتصم انا زهقت

معتصم وهو بلعب في شعرها.. ليه

المي.. عايزه بيبي

معتصم قال بسرعه.. و مالو بس رجع تاني في كلامه.. قولتي ايه

المي بتقوم تقعد على السرير.. ايه بيبي طفل منك

معتصم..لسه بدري

المي.. بدري ايه معتصم قولي بصراحه انت واخد جوزي منك تضيع وقت صح

معتصم بنفخ في وش المي …اووووف ايه الكلام الفارغ ده بت انتي انا مش ناقص احنا عايشين اهو مرتاحين ولا حد يقولك ادخل حمام ولا حتي اغير هدومي فوقي كدا يا المي

المي بغضب.. لا يا معتصم انت عارف اني نفسي اكون ام ليه بتعمل معايا كدا وبعدين دي نعمه من ربنا

معتصم بقوم من علي السرير يروح علي البلكونه من غير ما يرد حتي عليها بتطلع تجري هي ورا منه.. انا بكلمك

معتصم.. المي انا مش فاضي لوجع الدماغ ده بصي انا عارف نفسي مش هكون اب كويس مع اولادي

المي بحنيه و بتحضن معتصم.. مين قالك كدا انت هتكون اجمل اب في الدنيا دي كلها انت قلبك حنين اوي يا حبيبي و علشان كدا انا بطلب منك ده عايزين نعيش حياه حلوه مش كفايه ولا انا ولا انت عشنا طفولة كويسه في لما رينا يرزقنا ببنت او ولد اكيد هنكون اجمل مامي و بابي ايه رأيك

معتصم وهو بطلع في عيونه بحب.. افهم من كلامك دي دعوه ليا يعني

المي بغباء… مش فاهمه

معتصم بقرب منها اكتر يعني عايزه بيبي

المي..ايوه عايزة بيبي

معتصم بحب… طيب

المي و عيونها في عيونه.. طيب ايه

معتصم.. هنشوف موضوع البيبي بكرا تروحي لدكتوره مش دكتور فاهمه

المي بفرحه..انت بتتكلم بجد

معتصم..بجد طبعا انا اقدر اقول لمراتي حبيبتي لا

المي بتحضن معتصم جامد..انا بحبك اوي

معتصم..هوب هوب اهدي انا مش قد الحضن ومش مسئول عن اللي هيحصل دلوقتي

المي وهي لسه في حضنه.. مش فاهمه

و في لحظه كانت المي طايره في الهوا

المي..معتصم انت بتعمل ايه

معتصم و عيونه كلها حب.. مش انتي عايزة البيبي في نشوف بقا البيبي

بتضحك المي ضحكة دلع و بتلف ايديها علي رقبة معتصم

معتصم.. اموت انا

و عيب بقا دول ناس قليله الادب نروح عند حد مؤدب

كانت اميمه و نيسان قاعدين في الحديقه

اميمه وهي بتحط فنجان القهوه علي الطاوله.. انتي خلاص محدش بقا قادر عليكي

نيسان.بغرور.. و ده الاهم لان انا خلاص اتغيرت

أميمة.. اتغيرتي للاسوء

نيسان.. شيء مش يخص حد

اميمه.. انتي مش شايفه نفسك ولا اي ابنك طلق مراته و الله و اعلم هترجع تاني ليه او لا

نيسان وهي بتحط رجل فوق تانيه بتكبر… الف واحده تقع تحت رجل ابني مش اللي اسمها ايه دي هتعمل نفسها هانم عليه وهي اصلا جايه من الشارع

اميمه بصوت عالي عليها…اللي من الشارع دي احسن مليون مره من بنات الطبقه الأرستقراطية اللي شايفه نفسك فيها وانتي اصلا ابوكي كان ايه ولا حاجه مش تنسي اصلك يا مرات اخويا

نيسان بغضب.. اه وانتي بقا ست الحسن

اميمه.. مبقاش فيه ست حسن ولا غيره انا راضية بحالي ده لان خلاص بقيت كبيرة لكن انتي غير لسه عايشه في دور الست اللي عندها عشرين سنه

نيسان.. هههه عشرين ايه سنه اه ما انتي مش عشتي خمس سنين محبوسه اسكتي اسكتي بلاش نفتح في الماضي لان مش بجيب غير وجع الدماغ

اميمه وهي بتوقف من علي الكرسي.. ابقي روحي شوفي ابنك معتصم بلاش يكون قلبك قاسي عليه ده مهما كان قطعه منك انتي

نيسان.. انا حره

اميمه.. حره ولا مش حره

بتمشي اميمه و بتفضل نيسان لوحدها… تعرفي ايه انتي عن قلبي يا اميمه

نرجع علي امريكا بوصل جاسر الشقه الخاصة بيه كان مفكر ان رياس هتكون موجودة هنا بس للأسف طلع تفكيره غلط

بطلع جاسر من الشقه كان في الوقت ده جيت الجار لبيته .. اهلا جاسر بيه

جاسر..اهلا و كان رايح يركب المصعد لكن وقف لما سمع كلام الجار

الجار.. اخبار المدام ايه

جاسر بتعجب.. المدام

الجار.. ايوه اصل من يومين كانت هنا و سالتها عليك

و قبل لما يكمل الجار كلامها كان جاسر نزل في المصعد و بعد شويه اتصل بحد

جاسر.. رياس هانم فين

الشخص.. هي كانت في قصر رزان ***

جاسر بصدمه..بتقول ايه وهي لسه هناك

الشخص..لا هي دلوقتي في فندق ****

بقفل جاسر مع الشخص و بروح عند رياس في الفندق اخد مفتاح الغرفه بعد لما عرف العامل انه زوجها .. تدخل جاسر الاوضه و كانت رياس نايمه في هدوء تام

بقعد جنب منها علي السرير بهدوء علشان مش تصحي لكن هي شمت رايحه البرفان بتاعه صحيت بفزع برجع جاسر لورا..

رياس بصدمه.. انت بتعمل ايه هنا و عرفت مكاني ازاي

حاول جاسر يقرب منها.. هو ايه اللي ازاي انا عارف كل حركه ليكي من وقت ما جيتي هنا

رياس بتغطي نفسها كويس. اطلع برا

جاسر وهو بقعد علي الكرسي اللي في الاوضه

زي كدا



امممما مش خارج

رياس.. انت اكيد مجنون مش ليك اي حق تفضل هنا اطلع برا بدال ما اتصل بالشرطه

جاسر.. و ايه السبب ان الشرطه تاجي علشانه

رياس.. واحد غريب دخل الاوضه من غير اذني

جاسر بضحكه.. هههههه غريب ازاي وانا جوزك

رياس بملل… انت مش جوزي انت طليقي وحط تحت كلمة طليقي دي مليون خط

جاسر.. بس انا رجعتك تاني

رياس بغضب.. انت ايه مش بني ادم

جاسر بنفس النظره دي



(بنات الفيس الصور موجوده علي الواتباد

شيماء عسكر)

جاسر.. روحتي عند رزان ليه و عرفتي رزان منين

رياس.. يعني عارف رزان

جاسر.. مش تردي السؤال بسؤال تاني

رياس.. وانت مالك اروح مكان ما انا عايزة انت مالكش علاقه بيا

جاسر بغضب و بروح عندها.. روحتي عند رزان ليه و مش قرار السؤال تاني

رياس بعند…وانا مش هرد براحتي

جاسر بحاول يسيطر علي غضبه.. تمام هعرف منها هي شخصياً

رياس و نبرة صوتها فيها حزن .. روح علشان تشوف ابنك كمان

جاسر بتعجب.. ابن مين

رياس..ابنك من رزان

جاسر برجع لورا.. انتي اكيد مجنونه ابني انا

رياس وهي بتقوم من علي السرير..ايوه ابنك انت

و بتوقف قدام منه و دي كانت نظراتهم لبعض



رياس..شوفت القدر ربنا حرمني انا من ابني لكن انت طلع عندك طفل يلا روح اخرج من حياتي بقا كفايه ذل و اهانه ليا لحد كدا لانك مش بني ادم عارف انا بقيت اكرهك الحب اللي كان عندي بقا عباره عن كره ليك لما اتخليت عني في المستشفى في اكتر وقت محتاجك فيه لكن لا مش مكفيك كسرت قلبي جيت لحد عندي و اخدت الخاتم بكلام كله ذل من حقي اكرهك او لا الله يخليك اطلع من هنا علشان مبقتش قادره استحمل وجودك قدامي

جاسر بأسف.. رياس انا اسف والله بحبك مقدرش ابعد عنك يوم واحد ارجوكي سامحيني انا عملت كل ده علشان محدش يقرب منك

رياس بغضب و بتصرخ في وشه.. ابعد عني كفايه بقا انا تعبت منك كان جوازنا غلط من الاول انت راجل غني انما انا بنت فقره.. ياخي انت بتحب تلعب كدا بالبنات سوء كانت ياسمينا شوفت رغم كل اللي فيها بس حبتك

وكمان رزان حبتك و انا .. عند كلمة انا دي وقفت مش قدرة تكمل ،، اخرج من هنا ارجوك

جاسر.. تمام هخرج بس هرجع تاني لانك مراتي

رياس بتقعد علي الارض..لا مش مراتك روح شوف ابنك و ام ابنك هي هتكون احسن مني علشان الطفل مش يكبر بعيد عن اهله و يكون يتيم لان محدش يقدر يعرف يعني ايه يتم غير اللي عاشه من صغره

جاسر بقعد جنب منها علي الارض و كان بحاول يحضنها بس هي وقفة بسرعه



.. يكون ايدك دي تقرب مني تاني انت فاهم خلاص انا وانت خلاص فاهم..

جاسر.. تمام هسيبك دلوقتي ترتاحي

بطلع جاسر من الاوضه بتفضل هي لوحدها تعيش الماضي و اللحظات اللي فاكرها من ماماتها.. ماما انا تعبت عايزه ارتاح خلاص جبت اخري من الدنيا دي ،، نقفل الستارة علي رياس كدا النهارده

اما جاسر بروح علي بيت رزان برن الجرس بتفتح رزان و ادم علي ايديها.. جاسر

بكون دي نظرة جاسر ليها



جاسر.. اهلا رزان هانم