اسكريبت عشقته منذ الطفولة ولكن الفصل الثاني 2 بقلم فاطمة خليل
 |
| اسكريبت عشقته منذ الطفولة ولكن الفصل الثاني 2 بقلم فاطمة خليل |
اسكريبت عشقته منذ الطفولة ولكن الفصل الثاني 2 بقلم فاطمة خليل
= مين دا يا تيتة اللي متقدم ومتقدم لمين وازاي
_ بت انتى هبلة ؟! ياسين ابن خالك متقدملك وخالك طلب ايدك مني وانا موافقة
= بس انا مش موافقة
_ ممكن اعرف السبب!
بتوتر = عادي يا تيتة مش هو الشخص اللي بدور عليه
بهدؤ _ انتي كنتي بتحبيه من وانتي صغيرة
= اهو انتي قولتي كنت.. كنت بحبه لما كنت صغير بس دلوقتي كبرت ومش هو الشخص اللي بدور عليه
_ تيتة حببتي انا جاية من الكلية هموووت وانام عن اذنك
= فكري ف الموضوع يا سارة
دخلت اوضتي وتمددت ع السرير مش عارفة رفضت ليه بس هكدب لو قولت مبحبوش لا دا انا بموت فيه بس رفضت ليه يمكن عشان حساه مبيحبنيش وان مشاعره نحايتي كلها جافة؟!..يمكن
= يابابا افهمني سارة زي اختي الصغيرة وانا عمري مافكرت فيها كزوجة
& وليه متفكرش فيها كزوجة فيها حاجة وحشة البنت جميلة ومؤدبة ومتعلمة ايه اللي يمنع
= انا مبفكرش في الموضوع دا دلوقتي ولو هفكر هفكر في سارة؟!
_ وايه اللي يمنع بس يا ياسين
= حتى انتي يا ماما؟!
_ بصراحة البنت كويسة دا كفاية ان جدتك اللي مربيها وانا كمان يعتبر مربيها ومش هلاقي احسن منها ليك ايه الغلط بقى في الموضوع
= الغلط انها اختي
& لا هيا مش اختك هيا بنت عمتك الله يرحمها
= يوووه بقى محدش فيكم فاهمني
& مسك كتفي : ياسين في حد في حياتك بتحب حد؟!
= ياجماعة الموضوع مش موضوع حب انا مش موافق ع موضوع الجواز من أساسه
& ياسين انا قولت اللي عندي جدتك عايزة تطمن ع سارة قبل ما تموت ومفيش احسن منك مأمنه عليها واحنا طلبنا ايدها ليك الموضوع منتهي
بزعيق = هو ايه اللي طلبت ايدها عايزني اتجوز اختي؟!
& دي بنت عمتك مش اختك ومحللة ليك… ياسين يا اتجوز سارة ياما لا انت ابني ولا اعرفك
بنفاذ صبر ومسح ع وشه = ماشي يا بابا مش انتو اختاروا كدا متطلبوش مني حاجة تانية بقى
في الليل قعدت مع تيتا في البلكونة كالعادة
& هاا يا سارة فكرتي
= شكلك عايزة تخلصي مني بدري
& مسكت ايدي : اخلص منك ايه يا هبلة دا انتي الغالية بنت الغالية انتي بنتي واختي وصحبتي وحفدتي ياسارة انا مش عارفة هقدر ابعدك عني ازاي
= طب ولما هو كدا عايزة تجوزيني ليه
& عيونها دمعت : امك سابتك أمانة ليا ياسارة عايزة اطمن عليكي قبل ما اموت عشان لما اقابل امك اقدر ابص في وشها مش اخاف ابصلها
= عيطت وحضنتها : بعد الشر عليكي متقوليش كدا تاني انتي لو حصلك حاجة انا ممكن اموت
& وافقي يا سارة وافقي ارجوكي وطمنيني عليكي
= لولا انك حلفتي بس
& بس يا بت انتي اصلا شكلك واقعة
= انا هدخل انام عشان قرة عيني ميطردنيش من المحاضرة
قومت وسبتها بتتريق عليا
& ومش موافقة يا تيتة ولا يا تيتة ومبفكرش في الموضوع دا وانتي اصلا نفسك تروحي تطلبي ايد الواد
= نامي يا فوفا نامي ربنا يهديكي
دخلت اوضتي وانا فرحانة اه يا جماعة انا مهزقة وبحب ياسين بس مكنش ينفع أوافق على طول برستيجي برضو انتو بتقولوا ايه
تاني يوم رتبوا لقعدة بيني وبينه وطلعوا وسابونا
فضلنا ساكتين يابني لو السجادة بتاعتنا عجباك قولي هديهالك وانت مروح اللهم طولك ياروح
= انتي موافقه ع الجواز دي يا سارة
طب ارد اقول ايه دلوقتي اقوله انتي موافقة بس بتقل عليك ولا اقوله ايه
_ بتوتر : عشان تيته هيا اللي مصرة عليا وانا مقدرش أفضلها طلب
= بصلي شوية وبعدين اتكلم : تمام حابة تسالي عن حاجة
_ احم بتصلي؟!
= استغرب : سارة انتي طبيعية
_ افهم من كلامك اه ولا لاء
= اه بصلي الحمد لله بس ليه؟!
_ مش انت قولت حابة تسالي عن حاجة وانا سألت
= بس اللي اعرفة ان مش دي الأسئلة اللي البنت بتسالها
جاوبني بصراحة اتقدمت لكام وحدة قبلي
_ احم مليش دعوة بحد دا كل اللي عايزة اعرفه
= مش فاهم
انت يهودي يالااا لو يهودي قول متتكسفش
_ بص الراجل طالما بيصلي وعارف دينه كويس فأكيد هيعرف معاملة الرسول لزوجاته وبناته فبالتالي هيمشي على نهج الرسول صلى الله عليه وسلم ويعاملني انا وبناتي بحنية وانت مش طالبة غير واحد يتقي ربنا فيا
* بصلي شوية وابتسامة إعجاب اترسمت على وشه وبالتالي ابتسامتي الهبلة كله عارف اني هبلة بس عمري ما اروح اقول
ايه دا انت هتفضل باصصلي طول الليل قوم يابا روح احنا ناس بتنام بدري
= احم ياسطااا انت روحت فين
_ هاا انا هنا تمام
= عايز تسأل عن حاجة؟!
_ بغموض : لاء
& هااا ياولاد اتفقتوا
_ تمام
$ على خيرة الله الفرح وكتب الكتاب اخر الاسبوع
استني ياسطاا فرح مين فرحي انا لا لا ياجماعة كدا كتشير
= مش بدري شوية يا بابا
$ لا ياحبيبي مش بدري خير البر عاجله
وبالنسبة للقلقاسة اللي واقفة دي اي نظامها
= تمام عن اذنكوا ياجماعة عندي معاد مع الشباب
& اذنك معاك يابني
= انا هتجنن ياشادي مينفعش اتجوزها دي اختي ياجدعااان
_ اهدي بس يابروو وكل حاجة هتتحل
= يابرودك يا اخي بقولك الفرح اخر الاسبوع
_ طب ما تقولها انك رافض
= انت عايز ابويا يقاطعني
_ ولا يقاطعك ولا حاجة اقعد معاها قبل الفرح وقولها انك موافق عشان اهلك وعشان جدتك هي لو عايزة تكمل تكمل لو مش عايزة يبقى لصالحك انت والرفض يجي منها
= تصدق فكرة انت طلعت زكي ياض
_ لاداعي للتصفيق دعوني اعمل في صمت
= قوم ياشادي عشان مضربكش
= عارفة يا حجة انتي لو مربية بطريق عندك في البيت كان هيبقا له شخصية عني
_ ما كفاية عليا انتي هيبقى هفتحها جنينة حيوانات انا
ايه دا فيه ايه ياكسفتك ياحااازم
= احم انتي مخدتيش رايي ف موضوع الفرح ليه هو مش انا العروسة تقريباََ
_ ما انتي وافقي والراجل جاهز يبقى ناجل ليه
= عشان المفروض اني عروسة ولازمني حاجات مش هلحق اشتريها
_ دي كلها شكليات ابقى اشتريها بعد الفرح
= طب ما العريس شكليات وهاخده قبل الفرح
_ طب اتلمي ولاحظي انه حفيدي
= بتبعيني يافوفا مكانش العشم
_ سارة فرحك اخر الاسبوع ياحببتي رضيتي او لاء
= كدا طب والله ما هتجوز من غير المعلقة البطة وكوبيات العصير امو شفاطة
_ طب قومي من قدامي عشان ملخبطلكيش وشك دا
بتحبني اوي الست دي بتمووووت فيااا
مر الاسبوع وجه قبل الفرح بيوم كان ياسين عندنا في البيت يشوف لو ناقصنا حاجة وطلب نتكلم
= هو دا كل الموضوع ياسارة انتي لو حابة تكملي انا موافق بس ساعتها متستنيش مني اعاملك كزوجة
حبست دموعي بصعوبة استحالة إبان ضعيفة وانا هسبتلك يا ياسين انك مش فارقلي زي ما انا مش فارقالك
_ حتى انا قولتلك في الاول اني موافقة عشان تيتة وانا شايفة انك مش موافق ولا انا موافقة يبقى نتكلم معاهم ونقولهم ان كل شئ قسمة ونصيب
= تمام
لسه هنخرج سمعنا صوت جاي من الصالة طلعت بسرعة لقيت تيتة واقعة على الأرض مغمي عليها
وقفت مكاني وانا هموت من الخوف حتى مش قادرة اتحرك
= سارة فوووقي روحي هاتي كوباية ماية بسرعااة
جريت ع المطبخ وانا بعيط ومسكت الكوباية وايدي بترتعش ووقعت مني اتكسرت والازار جرح ايدي مسكت كوباية تانية وملتها ماية وروحت اوضة تيتة بسرعة
كان ياسين اتصل لخالو وقاله يجيب الدكتور
= متقلقيش هتبقى كويسة
_ هاا يا دكتور طمنا
= الضغط على عليها فجأة ودا سبب إغماء ياريت متتعرض لأي ضغط او زعل عشان صحتها وحاولوا تريحوها دايماََ
_ ممكن اشوفها
= اتفضلي هيا فاقت جوا
جريت ع الأوضة وانا قلبي هيخرج من مكانه مينفعش اخسرها دي روحي امي واختي وجدتي وكل حاجة ليا
_ عيطت : تيتة انتي كويسة ؟!
& كويسة ياحببتي اهدي متعيطيش
حضنتها : كنت هموت من الخوف عليكي
خرجتني من حضنها ومسكت ايدي : انا كويسة…. ايه دا سارة ايدك بتنزف
_ عادي دا جرح سطحي المهم انتي
& جرح سطحي ايه قومي هاتي علية الاسعافات انتي بتنزفي جامد
= ارتاحي انتي ياتيتة وانا هعقمهالها
ياسين خدني على برا وجاب علبة الاسعافات بعد ما تيتة عرفته مكانها وقعدتي على الكرسي وقعد قدامي على الأرض وبدا يعقم الجرح وانا بعيط وشهقاتي عالية
= بتعيطي ليه… بتوجعك؟!
معرفتش ارد اقوله ايه مش جرحي اللي بيوجع قلبي هو اللي بيوجع خايفة على تيتة تسبني وموجوع من اللي قاله ليا قبل فرحنا بيوم وحجات كتير
اكتفيت اني اترمي في حضنه وشهقاتي عليت اكتر حسيت بايده بتمسح على ضهري
= اهدي خلاص… كفاية عياط
_ هيا هتبقى كويسة صح؟!
= ان شاء الله هتبقى كويسة دا تعب بسيط
_ ياسين ارجوك ممكن منقولهمش على موضوع الرفض دا تبتية لو عرفت ممكن…….
حط ايده على بوقي
= من غير ما تقولي انا كنت هعمل كدا اصلا دي جدتي زي ما هي جدتك وانا كمان خايف عليها احنا هنتجوز ونعيش كام شهر مع بعض وبعدين نقولهم اننا متفقناش
_ شكراََ
& الف سلامة عليكي يا أمي
$ الف سلامة ايه يا اهبل انت صدقت الحوار اللي انا عملاه دا.
& نعم يعني انتي مش تعبانة؟!
$ لا أنا سمعتهم وهما بيتكلموا وعرفت انهم هيلغوا الفرح وكدا خطتنا هتفشل فعملت نفسي تعبانة ومغمي عليا وقولت للدكتور يقولكم تبعدوني عن أي زعل وكدا هما مش هيقدر ا يرفضوا او يلغوا الفرح
& ان كيدهن عظيم
$ انا لو مش متأكدة انهم بيحبوا بعض وأنهم هيبقوا لبعض مكنتش عملت كل دا ياسين وسارة بيحبوا بعض من ايام ما كانوا صغيرين ولما كبروا بيحبوا بعض بس بيقنعوا نفسهم ان دا حب اخوي ولو استمروا كدا في الاخر هيندموا
كان لازم اعمل كدا من جهه عشان اصون الأمانة اللي اختك حملتها ليا ومن جهه عشان اجمعهم ببعض قبل ما العمر يضيع وهما بعاد عن بعض
= دي اوضتك يا سارة ودي اوضتي لو احتجتي اي حاجة خبطي عليا
_ تمام
دخلت الأوضة واترميت ع السرير ايه اللي وصلني للحالة دي
انا كنت عايشة في هدؤ رايضة بحياتي ليه اتجوز واحد مبيحبنيش ولا عامل اي اعتبار لحبي ليه ليه اتعذب واعذب نفسي اكتر واعيش معاه واتعلق بيه وفي الاخر يسبني
= احم ياسين
_ ايه ياسارة عايزة حاجة
ايه يالا الجمال دا جمالك دا ولا جمال عبد الناصر
= احم كنت بقولك تعالي افطر
_ تمام روحي انتي وانا هغسل وشي وجاي وراكي
ليه ياسطاا ما أنت كدا حلو انت وشعرك المتبهدل دا
= هتنزلي الجامعة امتى؟!
_ بكرا ان شاء الله
= تمام هصحيكي نروح مع بعض
_ ياريت محدش يعرف اننا متجوزين
= ودا ليه بقى ان شاء الله
_ عشان مش عايزة حد يقول ان الدكتور ياسين بيفضل سارة عشان مراته
=لقيته ركز : انتي قولتي ايه
_ الدكتور ياسين بيفضل سارة
= لاء اللي بعدها
_ بلامبالاه : عشان مراته
= رجع ورا شوية : ياصلاااة العيد
_ ايه ياسطا مالك
= بصلي بقرف : ياسطااا؟!….. بيئة اوي
_شديته من لياقة قميصه : لا اسمع اما اقولك شغل العيال التوتو دا مش عندي
= انت مين ؟!
_ انت ايه يا عم انا مؤنث
= والله لسه واخدة بالك
_ حطيت ايدي في وسطى : ايه مش عاجبك
= ضحك بخبث : لا دا عاجبني اوي كمان
_ احم اخلص افطر عشان مش فضيالك
= وراكي ايه؟
_ هقوم اسمع كرتون دوراااا
= نعم؟! كرتون
_ لا والنبي مش وقت صدمات
كملنا أكل واحنا ساكتين وبعدين انا اتكلمت
= هنقعد مع بعض قد ايه
_ ملامحه اتغيرت : ست شهور
= تمام…. احم لو حابب ممكن نبقى صحاب في الست شهم دول المدة طويلة واكيد مش هنقضيها خناق او ملل
_ موافق
= مديت ايدي : دييل؟
_ ابتسم ومد ايده : ديل
= اشطا هقوم احضر فشار عشان تتفرج معايا ع دورا
_ مش دا بتاع البت المتوحدة دي
= ايوا هيا
_ مبحبهاش
= مش بمزاجك طالما بقيت صحبي هتمشي ع قوانيني
_رفع كتفه باستسلام وابتسامة : حكم القوي
عدت الايام وانا وياسين علاقتنا بقت احسن بنسمع كرتون مع بعض بتمشي في الليل بنقعد في البلكونة ونشرب قهوة وبنهزر ونضحك كتير ونحكي مشاكلنا لبعض ونفتكر طفولتنا
= سارة شوفتي القميص الأسود بتاعي
_ بصتله بخوف : بص ياسطا انت عارف اني مبعرفش اكوي كويس صح
= مسكني زي الفار المبلول : حرقتي القميص يا سارة؟
_ قلبك ابيض
= مسح على وشه بضيق : قوليلي اعمل فيكي ايه اقتلك؟!
_ يدلع : اهون عليك ياحنفييي
= متبصليش البصة دي عشان بضعف
_ دا انت ولية ضعيفة مكسورة الجناح
= ليه ياختي متجوزة سوسن
_ضحكت : لا متجوزة ياسين
= اعمل ايه في قلبي دا قلب خصاية
= ياسين ياسووو ياسايسوووو
_ ايه عايزة ايه
= جبتلي ايه من برا
_ ولا حاجة
= بتتكلم جد؟!
_ وانا ههزر ليه
= زقيته برا الشقة : طب امشي يلا اطلع برا
_ افتحي ياسارة بطلي جنان
= مش هفتح عشان تبقي تنسى تشتريلي حاجة حلوة تاني
_ ضحك : طب افتحي يامجنونة الشوكولاتة في جيبي
= احلف
_ والله
= فتحت الباب : هات الشوكلاته
_ بتقفلي عليا الباب
= قلبك ابيض فين الشوكولاتة بقي
_طلعها من جيبه ورفعها فوق وطبعا المية وخمسين سنتي مش هتطول تاخدها من ايده
_ مش جدعنة دي ع فكرة
=ضحك : امو شير ونص
_ اتلم ياض
= رفع حاجبه : ياض؟!
_ جريت من قدامه ومسكت المخدة : متقربش عشان متأذيش نفسك
= هتضربيني بايه بالمخدة؟!
_ انت متعرفش القوة اللي في المخدة دي على فكرة
= قلع الجاكت بتاعه وشمر كم القميص ومسك مخدة تانية : استعنا ع الشقى بالله
_ بزعيق : رايحة تقفي مع شاب وتضحكي معاه ايه مش متجوزة راجل
= دا صديقي من زمان ومفيش بينا حاجة وبعدين ما أنت كنت واقف مع البنت وهيا عمالة تتلزق فيك
_ بتردهالي ياسااارة… البنت كانت عايزة سؤال مش فاهماه انما انتي مفيش ليكي مبرر انك تقفي مع واحد وتضحكي معاه غير انك اما بتردهالي اني كنت واقف مع البنت يا اما مش محترمة جوزك
= زعقت : هتفضل كدا طول عمرك كدا مبتسمعش لحد ع طول شايف نفسك انك صح وان كل اللي حواليك غلط وبتتهم الناس بحجات من خيالك
_ سارة اتجنبي غضبي احسنلك انا مش عايز ااذيكي
= هتاذيني ازاي تمد ايدك عليا؟!…. هو دا اللي اتعلمته من دينك؟! هو دا اللي وعدتني بيه
_ كور ايده : انا هدخل اوضتي عشان معملش حاجة تزعلك
” انا رجعت بيت جدتي يا ياسين مش هتحمل اتهامك ليا وثقتك المعدومة دي انت اهنت كرامتي ولو كان في يوم بينا حاجة حلوة فانت هديتها امبارح بايدك…. ع العموم النهاردة اخر يوم في الست شهور تقدر تجيب المأذون في اي وقت وتيجي تطلقني وربنا يوفقك في حياتك….. سارة”
صحيت الصبح لقيتها سايبة الورقة دي ع السفرة اول ما قرأتها الدم غلي في عروقي انا مقدرش أطلقها مقدرش اقعد من غيرها يوم اتعودت عليها وعلى جنانها وطفولتها مينفعش اسيبها تروح لغيري اه حبيتها بكد تفاصيلها… يمكن دا السبب اللي خلاني أوافق ع الجوازة ع الرغم اني عارف انها لعبة من ابويا وامي وجدتي…..في الكام شهر دول حبيتها او اكتشفت اني كنت بحبها من زمان انا غلطت لما شكيت فيها لاني عارف سارة كويس وعارف أخلاقها دي حتى ملمستش ايد الشاب بس ضحكت ودا في حد ذاته جريمة انها تضحك مع غيري… انا لازم ارجعها
= فين؟!
_ جوا في اوضتها لو نزل منها دمعة وحدة يا ياسين حسابك معايا
= جرا ايه يا تيتة انا كمان حفيدك
_ وهيا بنتي
= طب وسعي بقى عشان اخذ مراتي وامشي
_ ممكن ادخل؟!
= لا أنا نايمة
_ ضحك : وبتكلميني ازاي وانتي نايمة
= هو كدا انا بتكلم وانا نايمة
_ طب والشوكلاتة اللي كنت جايبها
= اديها للي كنت بتفهمها السؤال
_ بس انا عايز اديها ليكي انتي
= جبت المأذون صح؟!
_ طب ارفعي وشك من المخدة وكلميني طيب دا حتي وشي احلى من المخدة
= رفعت وشي : اتفضل اطلع وانا هغير واطلع عشان المأذون ميستناش كتير
_ انتي فعلا هتغيري بس عشان نروح بيتنا
= ليه هطلقني هناك
_ تؤ تؤ مش هطلقك اصلا
= عدي ست شهور ودا اتفاقنا
_ عادي لغيت الاتفاق
= ودا ليه بقي ان شاء الله
_ مش يمكن عشان بحبك
= اه….. اييييييه
_ ب.. ح.. بككك
= ودا من امتى وهو انت مقولتش اني اختك
_ لا انتي بنت عمتي مش اختي
= انت عايز ايه يا ياسين
_ عايزك
= انت زعقتلي
_ اسف حقك علي قلبي
= لا أنت مفكر اني معنديش كرامة لا يا بابا فوق انا مخصماااك
_ قد ايه؟
= دول
_ ضحك : تلت دقايق؟!
= تؤ… تلت ثواني
_ ضحك وقرب مني : وخلصو هاتي حضن بقى
= تؤ هات الشوكولاتة الاول
_ قوليها الاول
= ايه دي ؟!
_ بغمزة : انتي فاهمة قصدي قوليها بقى
= اتكسفت : خلاص بحبك
_ حضني : وانا اكتر ياقلب ياسين
= مش هتزعلي تاني
_ ابدا ابدا
= هتجبيلي شوكلاتة على طول
_ لو طلبتي قلبي هجيبه
= هتسمع معايا كرتون
_ ضحك : ونصحي الصبح نسمع دورا المتوحدة
=ولو حرقت قمصانك
_ فداكي الف قميص
= ولو بنت طلبت منك تفهمها سؤال
_ ان شالله تسقط انا مالي
= جوزي قرة عيني اووووي
_ تعلقت بكِ منذ نعومة اظافرنا ولم اعلم انها بداية عشقي لكِ
____تمت ____
لقراءة باقي فصول الرواية : اضغط هنا
نرشح لك أيضاً رواية المقاس للكاتبة فاطمة الدمرداش
