Uncategorized

رواية من ذابت قلبي الفصل الثاني 2 بقلم ساندرا باسم

 رواية من ذابت قلبي الفصل الثاني 2 بقلم ساندرا باسم

رواية من ذابت قلبي الفصل الثاني 2 بقلم ساندرا باسم

رواية من ذابت قلبي الفصل الثاني 2 بقلم ساندرا باسم

فارس : بصراحه كده يا بنت عمي، انا بحب واحده و عايز اتجوزها هي، بس  ابويا عايزنا نتجوز
+ شمس كانت حسه ان مش هو اللي اخترها، بس كان عندها آمل انها تخليه يحبها 
شمس: تمام، انا كمان كنت هقولك كده، بابا اللي عايزني اتجوزك، بس انا ماعرفكش 
+ فارس جه باله، ان مين دي اللي ترفضه او تكون مغصوبه عليه، مغرور اوي 
فارس: و الحل، انا ابويا رافض موضوع الرفض و انا مش هقدر اتكلم، مافيش غير انك انتِ اللي ترفضي 
شمس: انا ماقدرش أرفض طلب ابويا، بالذات انه تعبان و اخاف يزعل و يتعب زياده 
+ فارس جه في دماغه تلاكيك بقى و انها اكيد ما صدقت تتجوز واحد زيه، مش فاهمه انا عشان واد حليوه و طويل و بدقن و عنده عضلات، يبقى خلاص كل البنات هتموت عليه 
فارس : هنفضل كده يعني من غير حل، دول عايزين يجوزونا ،مافيش حتى فتره خطوبه 
شمس : في حل، و كويس اني هرضا بيه 
فارس : لا بجد ايه بقى 
شمس: انا هطلب من ابويا فتره زي خطوبه بس هنكتب الكتاب، اسمك تكون قدام الناس جوزي، بس كل واحد في بيته 
فارس: و بعدين 
شمس: سنه بالكتير و هنعمل مشكله مع بعض و كل واحد يروح لحاله 
فارس: بس كده هتكوني مطلقه 
شمس: احسن كتير ما اعيش مع حد، هو مغصوب عليه و انا مغصوبه عليه 
فارس : تمام موافق 
شمس: تمام، بس انت اللي هتتكلم 
فارس : ماشي 
+ فعلًا فارس اقنعهم و رجعوا مصر تاني و بعد اسبوع جه عشان كتب الكتاب 
المأذون : بارك الله لكما وبارك عليكما وجمع بينكما في خير ????
والد فارس و والد شمس : الف مبروك يا حبايبي 
فارس و شمس : الله يبارك فيك 
والد فارس: خلاص الناس مشت، نسبكم بقى مع بعض شويه، تتمشوا كده، خد يا فارس عروستك يلا 
فارس: ايوه حاضر، يلا نتمشى 
شمس: يلا، ممكن بس طلب 
فارس: قولي 
شمس: ممكن اغير هدومي و نتمشى بره البيت 
فارس: ماشي و انا كمان هغير 
شمس: تمام شكرًا 
+ ١٠ دقايق و شمس كانت مغيره هدومها، سريعه ما شاء الله ????، فارس خبط على اوضتها و خدها يتمشوا 
فارس : اكيد حافظه الطرق الكويس، انا مش فاكرها قوي 
شمس: ايوه، ماتقلقش ،شكرًا 
فارس : على ايه 
شمس: يعني وافقت نتمشى بره، كان ممكن تقول في البيت و تكون نفذت كلام والدك و خلاص 
فارس: لا عادي و كده احسن، اصل عايز اكلم سالي حبيبتي 
+ جبله صح، الواد ده مستفز، حد يقول كده قدام مراته و يوم كتب كتابهم، حتى لو ضد ارادتهم ،كلامه وجع شمس اوي، كان ممكن يقول اي حاجه تانيه، غبي بجد 
شمس: اها، تمام، كلمها عادي لو عايز 
+ استرونج يا بنتى بجد ،ايوه كده ،ولا كأنه فارق معاكي، رضوى الشربيني هتفرح بيكي اوي ????
فارس : ماهي مش بترد، اكلمها بعدين 
شمس: ممكن اطلب طلب، معلش بطلب كتير 
فارس : مش مشكله، قولي 
شمس : يعني احنا في الأول و في الأخر ،اولاد عم، ف ايه رأيك يعني الفتره دي نكون صحاب، يعني مش لازم يكون كلامنا إجبار او ان تحط في دماغك اني مراتك و انا اقول ده جوزي، لا نتكلم كأصحاب، حتى لما السنه تخلص نفضل صحاب 
فارس : موافق، فكره حلوه، كنت عايز اسألك حاجه صحيح 
شمس : اتفضل 
فارس: يعني ملاحظ بتتكلمي مصري كويس، كأنك مش من الصعيد خالص 
شمس : عشان دراستي كلها كانت في مصر 
فارس : دراستك؟! 
شمس : مالك مستغرب ليه، انت واقف مع مهندسه ديكور شاطره اوي و لى اسمي دلوقتي في سوق العمل 
فارس : كمان 
شمس: للأسف ناس كتير واخده فكره مش لطيفه عن الصعيد، يعني اننا مش متعلمين و ان دايمًا بنكون بالجلاليب ،رغم كل ده مش صح
فارس : بس زمان البنت في الصعيد ماتتعلمش 
شمس : صح، بس مش كله بردو و الكلام ده شبه انتهى خلاص، كنت متوقع متجوز جاهله صح 
فارس: بصراحه ايوه 
شمس : حتى لو جاهله، ده مش عيب، الظروف هي اللي هتكون خلتني كده، و كمان الجهل مش في العلام بس ولا ايه 
فارس : صح 
شمس: انا نعست، نروح؟ 
فارس : يلا، شكلي هكتشف حاجات كتير يا بنت عمي 
شمس : كتير اوي كمان 
+ شمس اتبسطت بشويه الكلام مع فارس، حتى لو قليل و فارس كان من جواه مبسوط بس بيكابر، تفتكروا هتفضل علاقتهم كده كويسه و لا في حاجه ممكن تحصل، كل ده هنعرفه في الأجزاء الجايه، قصتنا لسه بتبدأ ????
يتبع..
لقراءة الفصل الثالث : اضغط هنا
لقراءة باقي فصول الرواية : اضغط هنا
نرشح لك أيضاً رواية أحرقني انتقامي للكاتبة سهام العدل

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى