رواية سجينتي فتاة الفصل الخامس والعشرون 25 بقلم أميرة مراد

رواية سجينتي فتاة الجزء الخامس والعشرون

رواية سجينتي فتاة البارت الخامس والعشرون

رواية سجينتي فتاة الحلقة الخامسة والعشرون

في صباح يوم جديد………
في منزل كريم ~
الله يخربيتك يانور ،بقا هو ده اتفقنا ، قوم يلا انت هتستعبط
فتح نور عينيه وقال بصوت ناعس :في ايه ياكريم
كريم بغضب وهو ممسك بالوسادة :في ايه مش عارف في ايه ،قوم يلا اخلص هنتاخر قوم يلا
وقال جملته الاخير والقي عليه الوسادة
نهض نور من نومه ولكنه لايزال جالس على السرير :في ايه يا كريم بتتخانق من الصبح ليه ،حصل ايه
كريم :حصل ان البت اتصلت عليا خمس مرات ،وانت لسة نايم
نور :بنت مين
كريم :بنت مين ؟! قوم يلا البس بسرعة يخربيتك
كريم :سرحان في ايه قوم يلا بسرعة
وقام بدفعه من علي السرير
نور بألم :آااه ،جايم اهو فين اللبس
كريم :علي الكنبة اخلص
صاح نور في وجه كريم عندما وجد كريم بزي عادي :انت عمال تزعق من الصبح وتزق فيا وتتخانق معايا وانت اصلا لسة ملبستش
كريم وهو يبلع لعابة :ان..انا لابس
نور :ايه دا بجد
نظر كريم لنفسه ثم عاد ببصره مجددا لنور :ايه مش حلو
نور :عادي
كريم: يعني ايه
نور :شكله عادي ، دا انا حتى حسبتك لابس لبس البيت ، بس شكله حلو عادي
ثم اخد ملابسه وذهب ناحية المرحاض
بعد فتره من الوقت خرج نور من المرحاض وكان يرتدي فستان قصير طوله حتي الركبة ويتردي حذاء عالي نسبيا ، ويضع علي كتفه چاكيت من الجلد
نور :كريم انا مش عارف اربط الجزم……….
سرح نور عندما نظر الي كريم ، وتلون خديها باللون الاحمر
كريم :ها ايه رايك كدا ، كدا احلي صح
ثم نظر الي نور عندما لم يجد منه رد
كريم :اوف ايه الحلاوة دي يلا طب والله الطقم هياخد منك حتة ، ولا فيك ملمح من ملامح الرجولة
والله لتكون بنت ومخبي عليا
قال جملته الاخيرة بمزاح
ولكن عندما سمعت نور هذه الجملة توترت وبدات بالتعرق ،لا انا ….انا م..ش…بنت
نظر لها كريم باستغراب:انا بهزر معاك انت متوتر كده ليه
نور وهو يحاول اختراع كذبة :اصل…اصل في العيال كانت بتتنمر عليا عشان جسمي ضعيف شبه البنات
كريم :طيب خلاص خلاص ، قولي ايه رايك في الطقم
(بدل كريم ملابسه وارتدي بنطالا اسود ،وفوقه بلوفرا لونه ازرق خفيف ،ليتناسب لون البلوفر ولون الفستان، وحذاء من الجلد
نور بخجل :حلو
كريم :لزوق الشياكة بقا، تعالي لما اربلك الجزمة ، ونشوف حل في شعرك ده ، استني هو مش ده الجاكت بتاعي
نور :لا
كريم :لا هو
نور :لا
كريم :لا هو يا نور ، انت خده ليه
نور :مهو انا مش هخرح بفستان بكت يعني وهخرج فيه
كريم :هسبهولك المرة دي بس لكن اياك تفكر تخده تاني فاهم
نور بضيق :طيب
انتهي كريم من ربط حذاء نور
كريم :نور تعالي كده
نور :عايز ايه تاني
كريم :انا طلعت تسريحات حلوه من علي النت للشعر القصير تعالي لما نجرب
وبعد عدة محاولات باتت بالفشل
كريم بيأس :خلاص تعالي نحط اي توكة وخلاص
نور بغضب :بس بقي بقالك نص ساعة عمال تلعب في شعري وتشد فيه حرام عليك حات المشت كده
كريم :خد
نور :هات
وبدات نور بتسريح شعرها ووضعت توكة لطيفة في جانبه .
نور :شوفت خلاص كده .
كريم :تعالي كده
نور:ايه تاني
كريم :لازم تحط من البتاع ده ال بيحطوا منه البنات
نور :ايه البتاع ده
كريم :مش عارف اسمه خد شوفه
نور :ولا انا عارف اسمه ،انت جبته منين
كريم :انا اشتريته لما كنت بجيب الهدوم لقيته قدامي فجبته
نور :جبته من غير متعرف اسمه
كريم :اصلي بشوفه مع كل البنات ، خد حط لحسة
نور :طيب هات
ها ايه رايك ، لونه حلو علي شفايفي
كريم :هو مش لايق مع الفستان بس حلو ، ولا كنت اجيب واحد ازرق كان يليق مع الفستان
يلا مش مشكله
نور انت بتعمل ايه
نور :بشوف اسمه ممكن يكون مكتوب عليه
كريم :يلا ،اتأخرنا علي البت
نور:طيب
……………… ………….
في المول ……..
جومانة :كريم اتأخر كده ليه كل ده بيلبس ؟!