رواية احبه ولكن الفصل الثالث 3 بقلم مروان فرج
رواية احبه ولكن البارت الثالث
رواية احبه ولكن الجزء الثالث
رواية احبه ولكن الحلقة الثالثة
بعد ما سمعت كلام كله هاداا وجعني قلبي الصراحه ومعاش عرفت كيف بندير خطرت علي بالي فكره هيا صح زي وجهي لكن مشت امورها
قوتله
اسمع اني بنقولك حاجه حتا اني غير مش عارفه كيف بنجيبهالك
قالي قولي عادي
قوتله حتا اني نحب واحد و نموووووت فيه
لكن هوا صغير من عمري يعني ويقرا معاي
ومعنداش شي تواا هادا علاش قررت نختار قرايتي لين هوا ينضم اموره
لكن اني قولت معاش نقدر نكمله الفتره هادي لاني محسوبه علي راجل مفروض
ناض شن قالي تراا
لا عادي كلميه اني شن دخلي حبيه براحتك عادي وكلميه اني ولا تعبريني لاني حتا اني عايش حياتي مع البنت الي نحبها واني مش اناني باش نقولك لا اقعدي هكي لا تحبي لا تنحبي
اني زي من ضربني بحربه في قلبي
خزي ع الدنياا اصلا من الأول عرفتك مش لياا وماعمري فكرت فيك لكن يشهد علياا الله اني فرحت لما قالولي وقريب طرت من الفرحه
وسبحان الله مش كاتبلي ربي نكون في قلبك
طبعا هادا كله قولته في قلبي سمعت كلامه هادا ونضت مشيت قالي حياة
شبحتله وعيوني معبيات دموع 😭😭
لكن انكابر قدامه علي اساس
قوتله نعم قالي بس لو في حاجه او حد ضايقك اني خوك الكبير
قوتله تمام
في خاطري خوك شني والفاتحه الي بيناا كيف هكي
خشيت لقيتهم كل واحد خش لي داره
خشيت لي داري وقعدت نبكي لين دهشت ورقدت من كترت مابكيت نضت الصبح لقيت مرت عمي توتي في الفطور
قولت هيا حياة خودي حقك منهم توا
علاش هكي ضحكو عليك
تكلمي انتي مش ناقصك شي باش تقعدي تحت رحمت واحد مايحبكش
نزلت قولت لي مرت عمي صباح الخير
قتلي صباح الورد حيوته تعالى نبيك شن صاار امس
قوتلها قولي شن الي مصار امس
قتلي خيرك وجهك هكي شن صار
قوتلها عرفت كل شي قتلي شن ترا
قوتلها علاش لعبه اني تلعبو بيا تبوه ينسي حبيبته علي حسابي قتلي لا والله ماصارت اني نبيك ونحبك ونبيك تكوني مرت ولدي قوتلها باهي ولدك مايبينيش شن بالسيف هوا قتلي مزال معلكش فيه تو ينساها ويحبك انتي هادي فترة مراهقة وتمشي في حالها
وقتلي اني مش مستريحه لاناا سألت علي البنت هادي وقالولي عندها في السحر والجو هادا عندهم فيه وأكبر مناا بتلاته سنين ومش لي ولدي بكل
وحياة نبيك تساعديني نخلوه ينساها
شني ياحياة قوتلها معنديش مانقول اني توا مكسور جناحي وامي وبوي مش معاي ومجبوره نسكت
و ان شاء الله خير
قتلي تمام
قعدت فتره جوي مش تمام شاده قرايتي وخلاص ونسيت موضوع خالد وموضوع الفاتحه يعني كااني قاعده عندهم فتره علي خاطر قرايتي وخلاص ولما بيروحو عيلتي بروح
وهوا يجي مره مره مش هلبا ممكن في الشهر مرتين يهدرز شويه ويروح
وبعد فتره عمي جاته جلطه تعب هلباا نحسابوه حتا يموت
وقعد خالد معاه في المستشفي لين تحسن وعمي رجع للحوش لكن مزال مش تمام
وقال لي خالد اقعد معانا اهني في الحوش لايقدر الله تصير حاجه ليا في اليل نلقا من يرفعني
ومرت عمي قتله لو بوك صارتله حاجه وانتاا مش معانا مش مسامحاتك
سكت وقالها تمام
جاب حوايجه وجي رجع في داره
وداره مقابل داري يعني هوا جناح النوم فيه اربعه ديار وكل دار فيها حمام
وهوا داره مقابله داري
حط حوايجه فيها وطبعا قاعد زي ماهوا كلامناا قليل واني نحيته من راسي بكل رغم اني نفكر فيه ونحبه الحق مقدرتش ننساه لكن قولت خليه مع حبيبته معاش نبي نفكر فيه
وفاتت فتره لابأس بيها وهوا معانا وعمي تحسن ورجع احسن من الأول والحمد لله
وخالد قاعد معانا 😍😍😍
واني في واحد يناشب فيا في الجامعه يوم علي يوم يقرب مني كل مره يدير سبله وطبعاا مافيش حد من الجامعه يعرف اني متزوجه
وهدا الولد يكلم في مروي بنت عمي يقولها نبي رقمها وهيا ماتبيش تعطيه علي خاطر ماتبينيش نفكر في حد تاني غير خوها
قعدت اني بين نارين من جيهة نحب خالد ومن جيهة تانيه هوا قالي شوفي حياتك وحبي ونحبي واني نبي ننساه ومافيش حل اني ننساه غير اني نعرف شخص تاني
قعدت حايره ومايعلم بيا كان ربي
وفي يوم في اليل كسدت قولت نبي نمشي لي مروي في دارها نهدرز عليها
اني طلعت من داري لقيته خالد مقعمز في الصالون الي في الجناح
قوتله خيرك قالي منعرفش خيرني فجاء قلبي غم عليا واضايقت وقعد وجهها مقلوب مش عارفه كيف قتله باهي شويه بس مشيت جبتله مياء وشرب قتله خش لي دارك توا خششته داره
وقعدت معاه وقعدت نقرا عليه في القرآن لين هدي واستريح وقعد يهدرز قالي والله ماني عارف خيرني كل فتره وفتره تصيرلي الحركه هادي نحس في روحي من يخنق فيا وكاره روحي
قتله تعود من الشيطان وقعدت نقرا عليه لين خداه النوم واني نفس الشي معاش نندري علي روحي لقيت روحي واخدني النوم واني جنبه
ناض هوا الصبح قبلي قعد ينوض فيا يقولي بشويه حياة حياة حياة
واني وين تلقيني نحساب روحي نحلم
فتحت عيوني لقيته واقف عليه قالي نوضي بري لي دارك خيرك راقده اهني قتله ماهو انتاا امس مرضت واني قعدت معاك قالي اي تسلميلي تعبتك معاي وين تلقيني اني مشيت سحت خلاص قريب قتله ان شاء الله تمرض كل يوم باش نقرا عليك ونرقد زي توا 🤣🤣🤣
المهم امشيت لي داري واني قريب انطير من الفرحه ولبس هوة وطلع واني نفس الشي نوضت مروي ومشينا للجامعه واني في قمة النشاط والسعاده
هاداكا الولد نفس الشي يشبحلي ويبي يكلمني واني في هاداكا اليوم مش لاهياا بيه بكل قعدت فرحانه لين روحت لقيت خالد في الحوش ويكلم في امه ع اساس تمشي تخطب البنت هاديكا
واني عادا وين تلقيني قريب طرت نحساب روحي خلاص كانا مرض وقريب عليه و رقدت جنبه يوم معناها خلاص نحلت مشكلتي معاه
المهم ركبت فوق وحلفت لما غدوه نمشي للجامعه وناخد رقمه الولد هادا ونكلمه بالغيط فيه
ومرت عمي تعرفت علي وحده زي مانقولو تنحي في السحر والكتيبه تبيها تشوف شن في خالد
قتلها جيبلي حاجه من حوايجه
قتلها تمام
روحت مرت عمي وخدت ملابس خالد الداخليه ورفعتهم قتلها اي هادا مديرله كتيبه مدايرتهاله وحده وتبيه وكل فتره وفتره تجددله فيها
روحت مرت عمي تبكي وتاعبه وخايفه علي ولدها وركبت قالتله قعد يعيط عليها وقالها هادا كله كدب وتخاريف حرام عليك البنت شن درتلك وقعد يدافع عليها
ونزلت مرت عمي وصبرت لي تاني يوم قتلي بري معاي فوتيها الجامعه قوتلها تمام مشيت معاها لقيناها مراء شكلها موحش الحق ومش مفهومه كيف قالت نعطيكم علاج خلال اسبوع واحد يكره حتا شكلها ويرجع لي وضعه الطبيعي قتلها مرت عمي تمام ياريت خدت منها مبلغ وقدره مبلغ خيالي
و اعطتها زي الدقيق قتلها ديرهوله في الماكله تو يرجع الكتيبه الي واكلها كلها كل يوم ديرله شويه لمدة اسبوع تو يتحسن شويه شويه
روحنا وطيبنا الغدي وحطتله امه في الاول ماباش ياكل وحدف الصونيه علي طول ايده
بعدين درتله طاست عصير حطيتله فيها شويه من الدواء وخششتهاله في الاول عيط عليا قالي اطلعي بعدين قوتله اني فاهمه عليك ونبي انساعدك قالي كيف قوتله اني تو تقول لي مرت عمي ونقنعها انك وتزوجها قالي تمام
قوتله تمام خلاص اشرب انتا العصير اقل حاجه قاعد من غير غدي خدي شربه واني نزلت كلمت مرت عمي و قوتلها سايري الفتره هادي لين يكمل الدواء قتلي تمام قتله
باهي خودها لكن معاي متسكنش قالها تمام وفرحان
وبعد يوم واتنين ياخد في العلاج
بدي يتغير الولد ومعاش يطلع هلباا ومرض وبدي يرجع و يعيط في اليل وصايره فيه حاله واني زي العاده نقعد نقرا عليه لين ياخده النوم ونمشي لي داري
وفات الأسبوع وخالد وله مشالله عليه
تحسن معاش تكلم عليها وحتا تتصل بيه يسكر عليها
وقال اخديت اجازه شهر من الشركه مانبيش نطلع من الحوش راحه بس نحس في روحي تعبان تقول كنت في غيبوبه ……
قتلي مرت عمي توا حياة دورك انتي توا انتي استلمي
قوتلها تمام
😍😍😍😍
توا اني خديت راحتي مادما معاش يكلم فيها هلبا نقدر ناخد اني مكانها
ومنها صار الي صاار
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية احبه ولكن)
