رواية حب وعذاب البارت السابع والعشرون 27 بقلم آية السيد
 |
| رواية حب وعذاب البارت السابع والعشرون 27 بقلم آية السيد |
رواية حب وعذاب البارت السابع والعشرون 27 بقلم آية السيد
في مكان مهجور
فارس /فيه معلومات جديده
الزعيم /ها ايه هيا
فارس /زين
الزعيم /ماله
فارس /بصراحه كنت مفكره ذكي بس باللي بيعمله ميعرفشي انه بقا اغبي انسان
الزعيم /سيبه يعمل اللي هو عاوزة ودايما حسسه ان هو اللي مسيطر وسيبه يلعب لعبته للآخر لان لعبته دي هي اللي هتجيب نهايته بسرعه
فارس /طبعا دا شئ اكيد
الزعيم /بس دا ميمنعش ان زين لازم يختفي قريب
فارس /اكيد احنا مستنين اشارتك بس وننفذ
الزعيم بخبث /خليه ينفذ خطته الأول واليوم اللي هو هيقرر انه يخلص اللعبه بتاعته هو كمان هينتهي معاها
فارس بشر /احب اكون انا اللي يعمل كده
الزعيم /وانا مقدرشي علي زعلك يا فارس نفذ انت طالما كده هترتاح وتفش غلك فيه
فارس بضحكه خبيثه /يبقا كده تمام… انا لازم امشي دلوقتي بقا عشان الحق اروح القسم
الزعيم /ماشي
وفارس مشي وراح علي القسم
________________
في الجريده
علا خرجت من مكتب أمجد رئيس التحرير بعد ما شكرته وراحت علي المكتب بتاعها هي وريم ومي
علا بابتسامه حاولت انها تكون طبيعيه /صباح الفل يا حلوين
مي وريم قاموا من علي الكراسي وراحوا ناحيتها ويزيد قام وفضل واقف مكانه وسايب ليهم المساحه عشان يودعوا بعض
مي بابتسامه /صباح الفل يا قلبي
ريم بابتسامه /صباح الورد والياسمين على عيونك يا عيوني
مي بتساؤل /ها يا علا وقعتي الورق
علا بشبح ابتسامه /ايوة وخلاص الاستاذ أمجد بعت ليهم وبلغهم بنقلي و بكره ان شاء الله المفروض اني استلم الشغل
ريم سمعت كلام علا ودمعت
علا لاحظت ومسحت دموعها /ممكن بلاش دموع والله دموعك دي غاليه عندي اوي
ريم مسحت دموعها /انا مش بعيط خالص اهوه… وبعدين انا هفضل جنبك دايما وهدعمك وكمان احنا هنفضل نتكلم كل يوم وكل كام ساعه
علا بضحك /لا يا باشا احنا نتكلم طول ال24 ساعه معنديش مشكله
مي بضحك /اه ونترفد كلنا ونقعد في البيت
وضحكوا هما التلاته
ويزيد كان واقف وبيراقب الموقف وشايف حبهم لبعض وكان ملاحظ مي اللي بتحاول تضحك وبتحاول تمسك دموعها
علا /انا الوقتي لازم امشي عشان الحق أودع ماما وبابا وكمان عشان نلحق نسافر.
ريم حضنتها /هتوحشينا اوي يا لولو هرخم علي مين وهزهق مين لغايه ما اصحي من النوم
علا بضحك /زهقي مي بقا تشيل عني شويه
مي بتذمر طفولي /لا انا بقول اسافر انا وانتوا زهقوا بعض براحتكم
وفضلوا يضحكوا وعلا بعدت عن ريم وحضنت مي
علا /هتوحشيني يا ميمو
مي عينها دمعت بس مسحتها بسرعه ويزيد شافها لان وشها كان ناحيته
مي /وانتي اكتر يا قلبي والله…. وكملت بضحك /بس زي ما اتفقنا لازم نفضل نتكلم ونترفد كلنا ونيجي ليكي اسكندريه ونهيص
علا بضحك /هههههههه ما شاء الله عليكي يا مي طول عمرك متفائله
ريم بضحك /اتفق وبشده
مي عدلت ليقاقه القميص بغرور /طول عمري يا جماعه
ريم /يخربيت التواضع يا شيخه
مي بضحك /طبعا يبنتي انا في التواضع معنديش ياما ارحميني
وضحكوا
علا /انا لازم امشي دلوقتي
ويزيد راح ناحيتها
علا /اشوف وشكم بخير وان شاء الله نتقابل علي خير
مي وريم /ان شاء الله
وبعدين علا ويزيد مشوا
مي وريم اول لما علا مشت عيطوا وحضنوا بعض
مي وهي بتمسح دموع ريم /لا احنا لازم ندعمها مش نحملها فوق طاقتها
ريم وهي بتمسح عين مي /ما انتي كمان بتعيطي
مي بكذب /لا فيه حاجه دخلت في عيني
ريم /ماشي هعمل نفسي مصدقاكي
وقعدوا هما الاتنين ومفيش واحده فيهم عاوزه انها تشتغل وحاسين ان المكان فاضي عليهم
علا كانت خارجه من الجريده ورجليها بترتعش وماسكه جامد في ايد يزيد وبتحاول تمسك دموعها
وبعدين خرجت من الجريده وراحت البيت بتاعها
يزيد كان حاسس بيها وبحالتها
______________________
في منزل عبدالحميد والد علا
علا ويزيد وصلوا ونسرين فتحت الباب ليهم
علا بابتسامه /السلام عليكم
نسرين /وعليكم السلام يا حبيبتي عملتي ايه
علا بشبح ابتسامه /الحمد لله يا حبيبتي الاستاذ ايمن وافق وبلغهم في فرع الجريده اللي في اسكندريه وان شاء الله هستلم الشغل بكره
نسرين دموعها نزلت غظبا عنها /يعني خلاص يا علا انتي كمان هتمشي مش كفايه جني
علا حضنتها وهي كمان دموعها نزلت بس كانت بتحاول تمسك نفسها عشان والدتها ووالدها
علا /خلاص بقا يا حبيبتي هي فتره بس وهرجع تاني بعدين جني مع جوزها لكن انا فتره وهاجي وازهقكم تاني
نسرين /مش متخليه اني هصحي الصبح مش هشوفك ومش هناقر انا وانتي في بعض زي كل يوم
علا بابتسامه بعدت عنها ومسحت دموعها /خلاص بقا يا حبيبتي وبعدين غمزت ليها واهو تفضلي انتي وبابا سوا كده بدون ازعاج
نسرين وهي بتخبطها خبطه خفيه /بس بقا يا جزمه الله
يزيد اول لما شافها كده فضل يضحك عليهم
يزيد /يلا يا جدعان بقا عشان منتاخرش
علا /خلاص يلا اهوه
وسمعوا صوت عبدالحميد وراهم / يعني عاوزة تمشي من غير ما تسلمي عليا
علا راحت عنده بابتسامه ودموع في نفس الوقت وحضنته جامد وهو حضنها بحنيه وفضل يمشي ايدى علي حجابها ويطبطب عليها
علا بدموع /وانا اقدر بردوا يا بابا
عبدالحميد بحنيه /انا عارف يا حبيبتي بس كمان عارف ان بنتي قويه واكيد هتعدي الفتره دي وترجع احسن من الاول بكتير ودا الأهم عندي
علا بعدت عنه وبصت ليه /ربنا يخليك ليا يا احلي اب في الدنيا كلها
عبدالحميد بحنيه وحب /ويخليكي ليا يا احلي بنت في الدنيا
وبعد كده ودعتهم وخرجت هي ويزيد عشان يسافروا
علا خرجت من البيت وهي ماسكه ايد يزيد وبتحاول تتحكم في دموعها اللي بتنزل في صمت وبعدين ركبوا العربيه
وطول الوقت علا ماسكه ايد يزيد وبتضغط عليها
يزيد اول لما شاف حالتها كده اخدها في حضنه وفضل يطبطب عليها
يزيد بحب /هشششششش اهدي يا حبيبتي
وكأن علا كانت مستنيه حضنه كاشاره ليها عشان تطلع كل اللي جواها وفضلت تعيط فتره وهي في حضن يزيد لغايه ما يزيد حس بانتظام تنفسها وعرف وقتها انها نامت
اخدها في حضنه اكتر وكان قلبه حزين علي اللي بيحصل لاخته وهو شايفها كده ومش قادر يعملها حاجه
____________________
في منزل محسن
حنان صحت من النوم زادت فرضها وبعدين خرجت من الاوضه
حنان /صباح الفل يا جماعه
الكل /صباح الخير يا حبيبتي
جني /صباح الورد يا عروسه
حنان بصت ليها بضيق
حنان /انا نازله عاوزين حاجه
ريهام (الام) /مش هتفطري الأول
حنان /هفطر مع هند يا حبيبتي
محسن /حنان
حنان بصت ليه /نعم يا بابا
محسن /العريس جاي بعد بكره ان شاء الله جهزي نفسك عشان تشوفيه
حنان بصوت مخنوق /ماشي يا بابا عن اذنكم
وخرجت بره الشقه /يا رب انا بحبه وانت اعلم باللي في قلبي يا رب انت عالم اني مش هقدر احب حد غيره ولو قبلت بالعريس دا يبقا هكون بخونه لاني هبقي معاه وبفكر في حد غيره… يا رب ساعدني يا رب…. يا رب اجمع بينا في حلالك يا رب
ونزلت عشان تروح الشركه
في بيت محسن
جني /هو لسه محدش قالها مين العريس
ريهام /لا خالتك هيام يوم ما جت هنا طلبت كده وقالت إن محمد حابب يعملها مفاجأه
جني /اممم ماشي… بابا
محسن /اممم
جني /انا وسليم احتمال ننزل النهارده عشان نكمل بقيت الحاجات اللي محتاجينها عشان الفرح
محسن /ماشي يا بنتي بس متتاخروش حتي لو هو جوزك بس دي الأصول
جني /متقلقش يا بابا انت عارف سليم
ريهام /ربنا يخليكوا لبعض ومش يحرمكوا من بعض ابدا يا رب يا حبيبتي
جني /ويخليكم ليا يا احلي عايله في الدنيا دي كلها….. طاب انا هقوم بقا اكلمه واعرفه
ريهام /ماشي يا حبيبتي
جني /عن اذنكم
وجني قامت عشان تكلم سليم
_____________
في منزل حسن خليفه
محمد /ها يا ست الكل عاوزة حاجة
هيام بحب /سلامتك يا حبيبي
محمد /مش عاوز حاجه يا بابا
حسن /سلامتك يا بني خود بالك من نفسك
محمد /ماشي يا حبيبي… انا نازل وبعدين رجع تاني
محمد وهو بيحك شعره من ورا /امممم يا ست الكل بالحق كنت عاوز أسألك علي حاجه يعني
هيام بابتسامه لأنها فهمت ابنها عاوز ايه /بعد بكره ان شاء الله يا محمد
محمد بصدمه /هو ايه دا
هيام بابتسامه /مش كنت عاوز تسألني هنروح لحنان أمته
محمد بصدمه /ايه دا عرفتي منين اني هسالك كده
هيام بابتسامه /يا حبيبي انت ابني وطبيعي يعني احسن بيك
حسن بضحك /قلب الأم بقا يا سيدي.
محمد بضحك /لا في دي عندك حق يلا انا ماشي سلام
حسن /سلام
هيام بحب /سلام يبني وربنا يا رب يوقفلك ولاد الحلال يا رب ويكملك علي خير
وبعدين محمد نزل وراح القسم وراح علي مكتب زين
محمد للعسكري /قول لزين باشا اني عاوزه
العسكري وهي يؤدي التحيه /اوامرك يا باشا
العسكري خبط ودخل بعد ما سمع اذن الدخول
وادي التحيه لزين
العسكري باحترام /محمد باشا عاوز يقابل حضرتك
زين /دخله بسرعه
محمد دخلو وسلم علي زين
محمد /ازيك يا زين
زين /الحمد لله تمام انتي عامل ايه
محمد بابتسامه /الحمد لله ميت فل وعشره
زين /يا رب دايما
محمد /ليا وليك يا صاحبي ها كل حاجه جاهزة
زين /اطمن انا جهزت كل حاجه وكمان جبنا موافقه من الناس المضمنين فوق ومحدش يعرف حاجه عن العمليه دي غير الموثقين فيهم بس
محمد /كده تمام وان شاء الله خير
زين /ان شاء الله وبعدين تعالي هنا انت هتخطب أمته يبني بقا عاوزين نخلص منك
محمد بابتسامه /ان شاء بعد يومين هنروح نتقدم وبعدها نعمل خطوبه وكتب كتاب مع بعض
زين /دا انت شكلك ضامن الموافقه بقا
محمد بغرور/عيب عليك
زين بابتسامه /ربنا معاك يا صاحبي ويفرحك يا رب
محمد /ربنا يخليك ليا يا صاحبي وعقبالك
زين بابتسامه جذابه وهو بيفتكر رسم /يا رب
________________
في شرم
رحيم اخد دش وراح لوعد اوضتها عشان يطمن عليها ويتكلم معاها في موضوع ياسين
رحيم راح وخبط ووعد فتحت الباب ليه
رحيم بابتسامه /صباح الفل يا قمري
وعد بابتسامه /صباح الفل يا حبيبي تعالي ادخل
رحيم /ها الجميل عامل ايه
وعد /الحمد لله يا حبيبي
رحيم /يا رب دايما… طاب بصي بقا يا ستي انا عاوز اتكلم معاكي في موضوع
وعد باستفسار /وياتري ايه الموضوع المهم للدرجه دي اننا نتكلم فيه علي الصبح كده
رحيم بخبث/بصي يا ستي فيه حد متقدملك وبصراحه هو شاب محترم جدا
رحيم كان متابع تعابير وشها اللي اتحولت للحزن
وعد ملامحها اتغيرت واتضايقت /بس يا رحيم
رحيم /بصي يا وعد الشاب كويس جدا ومحترم و بعدين يا ستي انا وانتي نعرفه كويس
وعد باستفسار /انا وانت نعرفه ازاي انت قصدك علي مين
رحيم بابتسامه /ياسين
وعد بصدمه /ايه!!!!!!!!!
______________________
في المستشفى
الحرس دخلوا اوضه احمد واتصدموا لما لاقوه بيتشنج وعيونه مفتوحه علي الاخر وجسمه لونه ازرق وبياخد النفس بالعافيه
الحارس 1/هو ايه اللي حصله
الحارس 2/مش عارف
الحارس 1/غور انده الدكتور بسرعه قبل ما يجراله حاجه انت لسه هتستفسر
الحارس 2/ماشي
الحارس راح ينده الدكتور عشان يشوف احمد وبعد فتره الدكتور جه وخرجهم بره الاوضه وكشف علي أحمد وبعد فتره خرج
الحارس 1/هو حصل له ايه يا دكتور
الدكتور باسف /…………….
يتبع..
لقراءة البارت الثامن والعشرون : اضغط هنا
لقراءة باقي فصول الرواية : اضغط هنا
نرشح لك أيضاً رواية أحببت عفيفة للكاتبة آية السيد
