رواية حب وعذاب البارت السادس والعشرون 26 بقلم آية السيد
 |
| رواية حب وعذاب البارت السادس والعشرون 26 بقلم آية السيد |
رواية حب وعذاب البارت السادس والعشرون 26 بقلم آية السيد
في الشارع
علا كانت ماشيه هي ويزيد وكانت بتحاول تنسي زعلها واي حاجه وكانت بتشاور ليزيد علي كذا مكان ويتكلموا عن الأماكن دي
علا كانت ماشيه وبعدين خبطت في حد واتصدمت
علا بصدمه /هو انت؟؟؟؟؟؟
الشخص بابتسامه / انتي
علا بابتسامه بسيطه /ازي حضرتك يا دكتور
الدكتور باسل /الحمد لله تمام انتي اخبارك ايه
علا /الحمد لله شكرا جدا
وبعدين باسل بص علي يزيد اللي واقف مستغرب اصلا اللي بيحصل
علا وهي تشير علي يزيد /يزيد اخويا يا دكتور باسل
ودا الدكتور باسل يا يزيد كان الدكتور المسئول عني وانا في المستشفى
باسل بابتسامه مد ايده ويزيد كمان مد ايده والاتنين سلموا علي بعض
باسل بابتسامه /تشرفت بمعرفتك
يزيد /انا اكتر
وبعدين باسل استأذن
باسل بابتسامه وهو ينظر لعلا /طب عن اذنكم بقا لاني لازم تمشي حالا وبعدين بص ليزيد اتشرفت بمعرفتك جدا يا استاذ يزيد
يزيد بابتسامه /انا اكتر واتمني نتقابل تاني
باسل بص لعلا وابتسم /اكيد
وبعدين مشي ويزيد وعلا كملوا طريقهم
يزيد /شكله محترم اوي الدكتور باسل
علا /اليومين اللي قعدتهم في المستشفى بابا قالي انه كان ذوق جدا في التعامل وكمان اسلوبه كان حلو وكان مهتم بكل حاجه
يزيد /اممم ماشي… يلا بقا هي الجريده دي فين بقالنا ساعه ماشيين
علا بضحك /ايه يا بطه تعبتي ولا ايه
يزيد برفعه حاجب /بطه.. بقا البشمهندس يزيد يبقا بطه
علا وهي بتمسك خدوده /احلي بطه في الدنيا… وبعدين يا سيدي خلاص قربنا بطل لماضه بقا وانجز
يزيد /يلا يا آخره صبري
____________________
في شرم
رحيم كان نايم وفجأه فاق مفزوع علي صوت خبط جامد علي الباب
رحيم قام بسرعه وفتح الباب واتصدم لما شاف ياسين قدامه
رحيم بغضب /ايه يبني التخلف دا حد يخبط كده
ياسين بغضب /ايه يا بني آدم كل دا نوم بقالي ساعه برن علي التليفون وجيت هنا وفضلت اخبط كتير والبيه نموسيته كحلي باين كده
رحيم بغضب /تصدق انك مختل
ياسين /دا اللي هو انا بردوا
رحيم /هو فيه غيرك.. يعني انا جاي هنا عشان ابعد فتره عن الشغل وانام براحتي تقوم سيادتك تيجي تفزعني كده بس انت عارف انا المفروض مش بس ابعد عن الشغل لا انا المفروض ابعد عنك انت كمان
وبعد كده رحيم راح نام علي السرير واستغطا وساب ياسين اللي واقف زي ما هو
ياسين قرب من السرير براحه
ياسين بحمحمه /احم رحيم انا اسف
رحيم رفع الغطا وبصله ورفع حاجبه ومستغرب طريقته اللي اتغيرت
ياسين بغيظ /متبصليش كده وبعدين انت مش قلتلي انك هتكلم وعد النهارده
رحيم قعد علي السرير واتكلم بغيظ /اولا انت اللي قلتلي اكلمها النهارده مش انا
ثانيا بقا انا راضي ذمتك فيه حد يكلم حد في موضوع زي دا علي الصبح كده يا قادر
ياسين /اوف بقا يا رحيم مليش دعوه قوم كلمها الوقتي عشان الحق اجهز الحاجه
رحيم برفعه حاجب /حاجه ايه
ياسين بابتسامه /هتعرف لما تجهز وانت بتبلغني رد وعد
رحيم /ولا انا مش مطمنلك
ياسين ببراءه /ليه بس دا انا طيب وغلبان
رحيم /دا اللي هو ازاي دا ان شاء الله
ياسين /مش مهم المهم دلوقتي انك تقوم كده وتجهز وبعدين تروح اوضه وعدي وتتكلم معاها وبعد كده تتصل عليا اشطا
رحيم برفعه حاجب /نعم يا اخويا وعدك ازاي يعين
ياسين /ملكش انت دعوه ايوه وعدي وقريب مش هخليك حتي تسلم عليها
رحيم /نعم!!!!
ياسين /ايوه زي ما سمعت كده وبعدين اخلص بقا
رحيم /حاضر يا اخويا أمري لله
ياسين حضنه /ربنا يخليك ليا يا اجدع صاحب في الدنيا
رحيم حضنه /ويخليك ليا وبعدين ياض انت اخويا مش بس صاحبي وصدقني لو وعد وافقت انا هكون اسعد انسان في الدنيا كلها لاني متأكد ان مفيش حد هيحب وعد ولا يخاف عليها قدك
ياسين بعد عنه /طاب يلا بقا وانا هروح اظبط الدنيا لغايه ما تكلمني وبعدها هقولك تعمل ايه
رحيم /مع اني مش مطمنلك بس ماشي
ياسين بغمزة /متقلقش اعمل بس اللي قولتلك عليه بسرعه
رحيم /ماشي يا اخويا اما نشوف اخرتها
ياسين /اخرتها عنب ان شاء الله… سلام
رحيم /سلام
ياسين خرج ورحيم ابتسم علي تصرفات ياسين المجنونه وبعدين قام ياخد دش عشان يروح لوعد
________________
في منزل ريم
ريم صحيت من النوم بعدين صلت ولبست هدومها وخرجت
هيام بتفاجئ/ايه دا ريم بنفسها صاحيه بدري
ريم بضحك /ايه رايك في المفاجاه دي
هيام بضحك/احلي مفاجأه طبعا علي الاقل على الغلبانه متفضلشي واقفه في الشمس ساعه تستناكي
ريم بحزن /خلاص يا ماما هي هتسافر
وبدأت دموعها تنزل
هيام قربت منها وحضنتها / اهدي بس يا حبيبتي
ريم بعدت عنها ومسحت دموعها /متقلقيش يا حبيبتي انا كويسه
هيام /وبعدين علا هتسافر ليه
ريم /بسبب تعبها الفتره اللي فاتت فعاوزة تغير جو
هيام /ربنا يرجعها بالسلامة يا حبيبتي ويريح قلبها يا رب وانتي يا ريم لازم تقفي معاها مش تحمليها ولا تحملي نفسك فوق طاقتكم
محمد جه من وراهم /والله يا ست الكل قولتلها كده امبارح
ريم /والله مش قصدي بس مش سهل نبعد عن بعض.. انا وهي مع بعض من زمان وعمرنا ما افترقنا يوم واحد ولو اتخانقنا في مرة بنتصالح قبل ما نرجع البيت
محمد /وانا مقدر دا بس كمان بلاش تحمليها فوق طاقتها
ريم /حاضر يلا مش عاوزين حاجه
هيام /مش هتفطري
ريم /لا هفطر هناك عشان عاوزة الحق اقعد معاها شويه قبل ما تمشي لأنها هتبقي في الجريده عشان تقدم طلب النقل
هيام /ماشي يا حبيبتي مش عاوزة حاجه
ريم وهي تغلق الباب /سلامتك يا حبيبتي
ريم نزلت عشان تروح الجريده
__________________
في الجريده
علا ويزيد وصلوا الجريده وعلا طلبت من يزيد يستناها في المكتب لغايه ما تقابل رئيس التحرير
ويزيد راح المكتب واول ما دخل شاف مي وكانت باصه في الورق اللي قدامها ومش واخده بالها ان فيه حد غيرها في المكتب
يزيد في نفسه /يخربيت جمالك وانتي قاعده كده كل حركه بتعمليها قادره تشدني ليكي حتي وانتي حاطه القلم في بقوك زي الاطفال
وبعدين فاق من شروده تاني واسترجع جديته
يزيد بحمحمه /احم احم
مي اخدت بالها من وجوده
مي بصدمه /انت
يزيد /اه انا
مي رفعت حاجبها ومتكلمتش ويزيد دخل وقعد قدامها علي الكرسي
يزيد /اولا انا اسف علي موقف امبارح
مي كانت مستغربه بس اتكلمت /حصل خير وانا اسفه عشان عليا صوتي
يزيد /حصل خير انا يزيد الصياد مهندس واخو علا
مي /تشرفت بمعرفتك انا مي الصواف صحفيه تحت التدريب
يزيد /تشرفت بمعرفتك
مي /شكرا
وفضلوا ساكتين لغايه ما قطع سكوتهم وصول ريم
ريم دخلت المكتب واستغربت وجود يزيد
ريم بابتسامه /صباح الخير
مي ويزيد في صوت واحد/صباح النور
ريم رفعت حاجبها ومي ويزيد بصوا لبعض
ريم /ازي حضرتك يا استاذ يزيد
يزيد بابتسامه /الحمد لله انتي اخبارك ايه
ريم /الحمد لله كله تمام هو حضرتك جاي مع علا
يزيد /ايوه وهي في مكتب رئيس التحرير
ريم /تمام وبصت لمي
ريم باستغراب /مش بعاده بتبقي ساكته
مي بصت ليها بصات تحذيريه وريم سكتت
يزيد بص عليها وابتسم عليها وعلي تصرفاتها
وقعدوا يستنوا علا
_______________
عند رئيس التحرير
علا خبطت ودخلت لما سمعت الأذن بالدخول
علا بابتسامه /صباح الخير يا فندم
أمجد بابتسامه /صباح الخير يا علا عامله ايه دلوقتي
علا /الحمد لله
أمجد /يستاهل الحمد ها يستي فيه ايه
علا بتوتر /بصراحه كنت جايه لحضرتك وطالبه اني اتنقل فرع الجريده اللي في اسكندريه
أمجد باستغراب /ممكن اعرف السبب
علا وهي باصه في الارض/انا اسفه بس فعلا مش هقدر اقول
أمجد قام من علي الكرسي وقعد قدامها
أمجد بابتسامه /بصي يا علا انتي زي بنتي وطالما انتي ليكي اسبابك ودا هيريحك فأنا موافق
علا رفعت وشها /بجد يا فندم
أمجد /بجد هاتي الورق امضيه
وعلا اجته الورق يمضيه وبعدين شكرته وخرجت
__________________
في بيت فارس
فارس صحي من النوم وبعدين لبس وراح يقابل الزعيم
في مكان مهجور
فارس /فيه معلومات جديده
الزعيم /ها ايه هيا
فارس /زين
الزعيم /ماله
فارس /……….
يتبع..
لقراءة البارت السابع والعشرون : اضغط هنا
لقراءة باقي فصول الرواية : اضغط هنا
نرشح لك أيضاً رواية أحببت عفيفة للكاتبة آية السيد
