رواية وش السعد الفصل الأول 1 بقلم حمادة هيكل
رواية وش السعد الجزء الأول
رواية وش السعد البارت الأول
رواية وش السعد الحلقة الأولى
في ليلة قابلت ست غريبة ع الطريق غيرت حياتي
..
صباح الفل يا ابو صلاح
اهلا اسعد ابو نسب نازل بدري يعني
اه ياعم عايز الحق اتوبيس الشركه
معييش فلوس اركب تاكسي مانت عارف
اختك مخلصه على مرتبي اول باول
بتحوشهملك يا عبيط.. عشان تنجزوا بقى
ونخلص منكم وتاخدها وتحل من عندي خليني
اشم نفسي بقى واتجوز
طيب هوصلها الكلام دا
ولا يا اسعد استنى انا بهزر يا عم هو انا عندي كام هنوده يعني..
ايوه كدا اظبط بقى
انا اسعد مقطوع من شجره ودا صلاح اخو هند خطيبتي
ساكن معاهم في نفس البيت بس ع السطوح
وبقالي سنتين طافح الكوته عشان اتجوز واتلم
انا والبت هند في بيت واحد.. بس هي مش عاجبها
الاوضه ع السطوح وقال عايزانا نسكن في شقه قانون جديد ودا شرطها عشان الجوازه تتم واهو من ساعتها وهي واخده مرتبي اول باول يادوب بس بتسيبلي مصاريف الاكل والسجاير والباقي كله معاها عشان نتجوز
بشتغل عامل في مصنع منتجات غذائية وبخلص شغلي بعد المغرب وارجع اقعد شويه ع القهوه مع صلاح لو كان خلص ورديته او اكلم هند شويه وبعدها انام
وفي يوم حصلت حاجة غيرت حياتي تماما وقلبتها 180 درجة ليلتها كنت سهران لوحدي لانه كان صابح اجازه من الشغل.. مش معايا الا الراديو بتسلى بيه وبقلب في محطاته
وجنبي الولاعه وعلبة السجاير اللي مسكتها عشان اطلع اخر واحده.. وافتكرت اني كان المفروض اجيب علبه وانا جاي عشان تكمل معايا باقي السهره.. الساعه دلوقت 12ونص
الوقت اتاخر نسبيا في المنطقة اللي انا ساكن فيها
واللي قريبة من شغلي..
نزلت ادور على اي محل فاتح.. بس الدنيا برد
ومفيش محلات فاتحه خاصة ان المنطقه مش امان اوي بالليل.. وافتكرت انه في كشك على اول الطريق العمومي
بيبع للعربيات.. مبدهاش هتمشى واجيب منه وارجع
بسرعه للبيت.. مشيت للكشك وبعد حوالي 500 متر
لمحت حاجه كدا متكومه ع الارض.. حسيت انه كلب
مرمي ع الطريق او عربية داست عليه.. بس كل ما اقرب اكتر
بحس بشعور غريب وان دا مش جسم حيوان اصلا
واول ما بقى بيني وبين الشي دا ٣متر اتاكدت انه ست
لابسه عبايه سودا وواقعه ع الارض
جريت عليها بسرعه وكانت مرميه على وشها وبتتنفس بسرعه
عدلتها وانا بقول.. انتي كويسه؟
ردت بصعوبه. .. مياه
ايه مش سامع.. مايه
حاضر حاضر.. اتلفت حوليا في المكان ولمحت كولدير
بعيد شوية جريت عليه ولقيت الكوبايه مربوطه بدوباره
ولعت فيها بالولاعه قطعتها ومليتها مياه
ولسه هلتفت لقيت الست دي في ضهري
شعري وقف من الخضه وبلعت ريقي بصعوبه
خطفت مني كوباية المياه ورفعتها على بوء واحد
وبعدها وقعت ع الارض تاخد نفسها
انتي كويسه؟
طب انتي مين وايه حكايتك.. وايه جابك هنا في الوقت دا
مسحت المياه من على شفايفها وقالت بصعوبة
انا..
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية وش السعد)
