رواية في طريقي إلى العشق الفصل الرابع والعشرون 24 بقلم ملك ابراهيم
 |
| رواية في طريقي إلى العشق الفصل الرابع والعشرون 24 بقلم ملك ابراهيم |
رواية في طريقي إلى العشق الفصل الرابع والعشرون 24 بقلم ملك ابراهيم
أدم: عايزه كام
نظرت له وتحدثت بجشع وطمع
” انت وتقديرك بقى شوف إيمان تستاهل اد ايه
رد عليها أدم بقوة وتأكيد
” إيمان تستاهل الدنيا ومافيها…. شوفي انتوا عايزين اد ايه وانا هدفعه بس بشرط….. إيمان ما تعرفش حاجه عن الموضوع دا وتاخدوا الفلوس الا هتطلبوها ومش عايز اشوفكم في حياتنا تاني عشان لو ظهرتوا تاني في حياتنا هتشوفوا وش مني مانصحكوش تشوفوا
_________________________
جلست ملك بجوار فارس وجلس الجد ونانو معهم يتحدثون مع ملك بمرح بعد انتهاء العشاء
كانت ملك تتحدث مع الجد بسعاده وهي تشعر انه يعاملها مثل احفاده واكثر
وكان فارس ينظر اليها بعشق واضح في عينيه ولم يرفع عينيه عنها لحظه واحده
نظر الجد لحفيده بسعاده وتحدث بمشاكسه
” ايه يا فارس ارحم عينك هتاكل البنت
ابتسم فارس لجده و رد عليه بمرح
” ما هي الا حلوه أوي أعمل ايه
خجلت ملك كثيرا واحمرت وجنتيها بشده من أثر كلامهما
نظر فارس لجده وتحدث بمرح
” اتفضل اه خدودها أحمرت وبقت زي الفراوله من الخجل….قولي بقى يا جدي اعمل ايه انا دلوقتي
ابتسم جده بسعاده وتحدث بمرح هو الاخر
” بصراحه الله يكون في عونك
خجلت ملك بشده ونظرت اليها نانو وتحدثت الي جدها وشقيقها وهي تدعي الانفعال بطريقه مرحه
” ينفع كدا يا جدو انت وفارس كسفتوا البنت….. تعالي معايا يا ملك نهرب منهم وافرجك علي اوضتي
وقفت معها ملك سريعا وذهبت معها حتى تهرب من نظرات فارس وكلامه هو وجده الذي أشعرها بالخجل كثيرا ولكنها توعدت لفارس بان تعاقبه علي خجلها امامهم هكذا
نظر الجد الي فارس بسعاده بعد ان ذهبت ملك مع نانو وتحدث اليه برضى
” البنت ممتازه يافارس في كل حاجه ربنا يباركلك فيها يا بني
ابتسم له فارس بسعاده وتحدث اليه بتأكيد
” ملك دي اجمل حاجه في حياتي ربنا يقدرني واسعدها
ابتسم له الجد وتحدث بمشاكسه
” هي فعلا جميله اوي…. كان عنده حق اياد لما قال ان لها سحر بيخطف القلوب…. دا خطفت قلبي انا شخصيا
نظر فارس لجده بمكر وتحدث وهو يدعي الغضب
” ايه يا جدي هو ايه الا هي جميله ولها سحر وخطفت قلبك…. انت بتتكلم عن مراتي علي فكره
ابتسم له الجد وتحدث بثقه
” متقلقش كدا….حظك بقى ان ملك دي اتولدت علي ايامك انت….تعرف يا واد انت لو ملك دي كانت اتولدت علي ايامي وكنت قابلتها وانا في سنك كدا…. ماكنتش خدت في ايدي يومين وكنت اتجوزتها وبقى عندنا اطفال كمان
نظر فارس لجده بصدمه وتحدث اليه بمرح
” لاحظ يا جدي ان كلامك جارح
ابتسم الجد وتحدث اليه بمرح
” طب الحق اتجوزها بقى قبل ما اخطفها منك
ابتسم فارس لجده وتحدث معه بجديه
” علي فكره في موضوع مهم بخصوص اياد عايز اكلم حضرتك فيه
نظر له الجد واستمع له باهتمام
نظر فارس لجده وتحدث بهدوء
” اياد جالي مكتبي النهارده وكنا بنتكلم في الشغل وبعد كدا قالي انه…. ممكن يعني يتجوز قريب
حزن الجد بشده علي خسارة فريدة لرجل مثل اياد ونظر الي حفيده وتحدث بصدق
” اياد دا ماكنش جوز حفيدتي اياد كان حفيدي وابني وغلاوته في قلبي زيكم بالظبط وانا اتمناله كل الخير وربنا يسعده ويوفقه في حياته
ابتسم فارس لجده وتحدثت بتاكيد
” فعلا اياد يستاهل كل خير
ثم وقف فارس وتحدث الي جده بمرح
” بعد اذنك بقى يا جدي
نظر له الجد وسأله الي اين يذهب
ابتسم له فارس وغمز له بمرح وتحدث وهو يذهب
” هروح اعمل بكلامك
نظر له الجد بابتسامه وهو يرى السعاده تملاء حيات حفيده بوجود ملك معه…وطلب من الله ان يجمعهم معا علي خير
بقلمي/ملك إبراهيم
جلست نانو علي فراشها امام ملك وتحدثت اليها بحماس
” شاكر عيد ميلاده بكره
شعرت ملك بالقلق بعد سماعها أسمه وهي تشعر بعدم الراحه وتحدثت الي نانو بهدوء
” وانتي عرفتي ازاي هو قالك
هزت نانو رأسها وتحدثت بتأكيد
” ساره هي الا قالتلي النهارده وقالتلي ان اصدقائه هيعملوله مفاجأه بكره وهيحتفلوا بيه في بيته… وانا من وقت ما قالتلي وانا مش عارفه اجبله هديه ايه ومحتاره اوي
نظرت لها ملك وتحدثت بتوتر
” هو انتي ناويه تروحي العيد ميلاد دا
ردت عليها نانو بتأكيد
” اه طبعااا بقولك كل اصحابه رايحين وساره كمان واكيد يعني ما ينفعش انا ماروحش
شعرت ملك بالقلق وعدم الراحه
وقفت نانو وذهبت الي خزانة ملابسها وهي تخرج منها بعض فساتينها لتأخذ رأي ملك في الفستان التي سوف ترتديه غدا
نظرت لها ملك بقلق وحيره وهي لا تعلم لماذا تشعر بعدم الراحه
سمعت نانو هاتفها يعلن عن استلام رساله….ذهبت اليه ونظرت الي الرساله بابتسامه ثم نظرت الي ملك وتحدثت بمرح
” دا جدو باعتلي بيطلب اننا ننزل نقعد معاهم
وقفت ملك وتحدثت اليها بتأكيد
” طب يلا ننزل عشان انا شويه كدا وهمشي لان الوقت اتأخر
ابتسمت لها نانو وذهبت معاها خارج غرفتها واقتربت من غرفة فارس وتحدثت الي ملك بحماس
” ايه رأيك تشوفي أوضة أبيه
نظرت لها ملك بحماس وسألتها بتأكيد
” بجد هو ينفع
ردت عليها نانو بتأكيد
” طبعا ينفع تعالي
وقامت نانو بفتح باب الغرفه وقامت بدفع ملك الي الداخل
صدمت ملك عندما وجدت نانو تدفعها للداخل ولم تدخل معها واغلقت الباب عليها…ولكن وجود فارس امامها بداخل غرفته وهو يأكد علي اغلاق الباب وهو ينظر الي ملك بمرح صدمها اكثر
وقفت ملك بين يد فارس وهو يحاط بها ويمنع عنها الابتعاد عنه وتحدثت اليه بغضب
” فارس انت بتعمل ايه…انت الا قولت ل نونا تجبني هنا
ابتسم لها فارس وتحدث بمرح
” عايز افرجك علي اوضتنا
نظرت له ملك وتحدثت بأختصار
” الله حلوه أوي يلا نطلع
ابتسم لها فارس وهو يقترب منها وتحدث اليها بمشاكسه
” هي ايه الا حلوه
نظرت له ملك بضعف وتحدثت بتوتر
” فارس انت لو قربت مني هصوت بجد
وضع فارس يده علي وجهها ب حنان وتحدث اليها بصدق
“حبيبتي انا قولتلك قبل كدا ان عمري ما أذيكي
ابتسمت له ملك بسعاده
اخرج فارس علبه صغيره وقام بفتحها وقدمها ل ملك بعشق
نظرت ملك ووجدت بها خاتم زواج اقل ما يقال عنه انه رائع
نظرت ل فارس بذهول وتحدثت بتسأل
” لمين دا !!
ابتسم فارس وتحدث اليها بعشق
” ليكي طبعا يا ملكة قلبي….دا خاتم جوزنا
فتحت ملك عينيها بسعاده كبيره ونظرت له بعشق
اخرج فارس الخاتم ووضعه بيدها وقبل يدها وتحدث اليها بعشق
” ربنا يخليكي ليا
ابتسمت له ملك بسعاده وهي تنظر الي يدها وجمال الخاتم وهو يزين يدها بطريقه رائعه….ورفعت يدها أمامه بسعاده وهي تريه يدها بجمالها بعد ارتداء الخاتم
ابتسم لها فارس وهو يراها سعيده مثل الاطفال وتعهد بداخله علي اسعادها دائما ولأخر العمر
_______________________
جلس أدم مع مدام عزه بمفردهم بعد ذهاب خال إيمان وزوجته بعد ان اعطاهم أدم شيك بالمبلغ الذي طلبوه
نظرت له مدام عزه وتحدثت اليه بشكر
” أنا بجد مش أعرفه اشكرك ازاي يا أدم علي الا انت عملته دا
رد عليها أدم بتأكيد
” تشكريني علي ايه يا مدام عزه….إيمان مراتي وحقها عليا ان مسمحش لأي حد انه يذلها او يشعر انه عمل فيها معروف…وصدقيني لو كانوا طلبوا اضعاف المبلغ دا انا كنت دفعته قصاد ان ماشوفش دمعه حزن واحده في عيون إيمان
ابتسمت له مدام عزه بفخر ودعت له الله ان يوفقه مع زوجته ويبعد عنهم اي شر
طلب أدم من مدام عزه ان يرى إيمان حتى يطمئنها وأكد عليها بعدم أخبر اي احد بما حدث مع اهل إيمان حتى لا تشعر إيمان بالحزن
اكدت له مدام عزه علي عدم اخبار احد وذهبت الي شقة وسام لتخبر إيمان بأن أدم يريدها
دخلت مدام عزه شقة وسام ووجدت إيمان تبكي في حضن وسام بخوف
ابتسمت لها مدام عزه وتحدثت الي وسام بمرح
” بتبكي ليه المجنونه دي
ردت عليها وسام بحزن
” اصلها خايفه ل خالها و مراته ياخدوها من هنا
ابتسمت لها مدام عزه وتحدثت بحنان
” ياخدوكي ازاي ياحبيبتي وانتي مفكره جوزك هيسكتلهم
رفعت إيمان وجهها وهي تبكي وتحدثت اليها بقلق
” هو أدم عمل معاهم ايه
ردت عليها مدام عزه وهي تبتسم
” عرفهم انك مراته وشافوا قسيمة الجواز ولما اتأكدوا انك مراته فعلا شكرونا ووصوا أدم عليكي ومشيو
ابتسمت لها إيمان بسعاده
نظرت لها مدام عزه وتحدثت بمشاكسه
” انزلي يلا شوفي جوزك تحت عايز يشوفك قبل ما يمشي
ابتسمت إيمان بساعده واتجهت سريعا الي الأسفل
كان أدم يجلس وهو يفكر كيف يعوضها عن كل ما عاشته مع هؤلاء الذي تأكد بعد ان تحدث معهم اليوم انهم لا يعرفون للرحمه طريق وعلم بأن من المؤكد ان حبيبته عاشت معهم ايام صعبه كثيره وعليه تعويضها عن كل هذه الايام
دخلت ايمان وهي تبتسم له بهدوء ويظهر عليها أثر البكاء
وقف أدم وابتسم لها بعشق وفتح لها ذراعيه يدعوها للدخول الي احضانه حتى يشعرها انه معها وسوف يكون امانها وحمايتها لأخر العمر
اسرعت إيمان اليه والقت نفسها بحضنه وبكت وهو يضمها وكأنه يعلم انها كانت تحتاج ان تشعر بالامان في هذا الوقت
تحدث اليها أدم وهي بداخل حضنه
” حبيبتي انتي بتبكي ليه دلوقتي ماتقلقيش انا معاكي
ردت عليه إيمان بحزن
” انا كنت خايفه اوي يا أدم كنت خايفه يبعدوني عنك وارجع لهم تاني
ابتسم أدم ونظر الي وجهها وتحدث بتأكيد
” حبيبتي انتي مراتي وميقدروش يبعدوكي عني…. ومستحيل أسمح لحد ان يزعل القمر بتاعي
ابتسمت له إيمان بسعاده وسألته ماذا حدث بينهم
ابتسم لها أدم واخبرها بما اخبرتها به مدام عزه
ابتسمت إيمان بسعاده وتحدثت بحماس
” ربنا يخليك ليا
ابتسم لها أدم وتحدث اليها بعشق
” ويخليكي ليا حبيبتي….انتي اغلى حاجه في حياتي
ابتسمت له إيمان بعشق
اقترب منها أدم حتى يقبلها ولكنه ابتعد سريعا وتحدث اليها بمرح
” ولا بلاش لتفهميني غلط تاني
نظرت له إيمان بخجل…..ثم نظرت له بقلق ومسكت يده عندما سمعت صوت جرس الباب
ابتسم لها أدم وطمئنها وذهب هو ليفتح الباب
وجد ملك تقف أمامه وخلفها فارس
ابتسم لهم أدم وتحدث الي ملك بمرح
” كنت فين يا هانم مع الأستاذ دا لحد دلوقتي
نظرت له ملك و ردت عليه بمرح هي الاخرى
” انت الا بتعمل ايه هنا دلوقتي
ابتسم لها أدم وقبل ان يتحدث
خرجت إيمان عندما سمعت صوت ملك وبكت عندما رأتها وارتمت بحضنها وهي تبكي
نظرت ملك ل أدم بصدمه
ونظر له فارس بعدم فهم وتحدث اليه بصدمه هو الاخر
فارس: انت عملت ايه الله يخربيتك
رفع أدم يده للاعلى وتحدث بطريقه مضحكه
” طبعا لو حلفت دلوقتي اني معملتلهاش حاجه وانها مش بتبكي بسببي مش هتصدقوني
نظرت ملك الي إيمان وتحدثت اليها بهدوء
” حبيبتي مالك ايه الا حصل
تحدثت إيمان وهي تبكي
” خالي و مراته يا ملك جوم هنا وكانوا عايزين ياخدوني
رفع أدم صوته وتحدث بمرح
” الحمدلله ظهر الحق وطلعت برائه
نظر له فارس وتحدث اليه وهو يضحك كثيرا عليه
” طب يلا نمشي بسرعه قبل ما ملك هي كمان تندمج معها وتبكي قصادها ويلموا علينا الناس
خرج أدم معه واتجه كل واحدا منهم الي سيارته وذهبوا بها
اخذت ملك إيمان معها الي الداخل وجلست بجانبها وبدأت إيمان تحكي لها ما حدث من وقت ما جاء خالها وزوجته حتى هذه اللحظه
_____________________________
عند محطة القطار جلس خال ايمان وزوجته في انتظار القطار المتجه الي بلدهم ونظر خال إيمان الي زوجته وتحدث اليها بغضب
” ما كانش ينفع الا انتي عملتيه دا…انتي خلتيني مش قادر ارفع وشي في وش جوز إيمان
ردت عليه زوجته بقوة
” ليه يا خويا هي إيمان دي مش ياما صرفنا عليها….. وبعدين انت شوفت جوزها شكله معاه فلوس كتير دا كتبلنا المبلغ الا احنا طلبنا من غير ما يفكر……ومفيهاش حاجه يعني لما ينوبنا من الحب جانب ما بنت اختك هتعيش في العز دا كله لوحدها
نظر خال إيمان امامه باستسلام وتحدث بانفعال
” هو القطر دا هيتأخر ولا ايه انا تعبت
نظرت له زوجته وتحدثت بحده
” انا مش عارفه لازمته ايه القطر ما كنا خدنا عربيه خصوصي توصلنا علي الاقل هنقعد مرتحين بدل القطر وبهدلته
رد عليها زوجها بغضب
” عربيه خصوصي انتي عارفه العربيه الخصوصي دا هتاخد كام
ردت عليه زوجته وهي ترفع الشيك الذي كتبه لهم أدم أمام عينيه وتحدثت بحماس
” تاخد زي ما تاخد احنا معانا نشتري بدل العربيه اتنين
نظر زوجها لها وتحدث بتأكيد
” عندك حق يلا بينا ناخد عربيه عشان نوصل البلد قبل الصبح عشان لما النهار يطلع نروح نصرف الشيك دا
ابتسمت له زوجته وتحدثت بجشع
” ايوا كدا خلينا نعيش بقى
وذهبوا معا الي احدى السيارات واتفقوا مع السائق علي توصيلهم وانطلق بيهم الي طريق بلدهم
وفي منتصف الطريق غفى السائق قليلا وهو يقود السياره وفي لحظه…. تصادمت السياره بسيارة اخرى علي نفس الطريق الذي حدث عليه حادث والد إيمان و والدتها والذي ادا الي وفاتهم
تجمع الحشود حولهم وهم يحاولون اخراج من بالسياراتين وتواصلوا سريعا مع الشرطه والاسعاف….وهم يحاولون انقاذ اي احد منهم واخرجوا خال إيمان من السيارة بصعوبه كبيره وكانوا يحاولون اخراج زوجته….. وعند اخراج زوجة خال إيمان ظهرت ورقه صغيره وقعت علي الأرض غارقه بالدماء ودهسها الحشود بأقدامهم وهم يخرجون زوجة خال ايمان من السياره وما كانت هذه الورقه الا هذا الشيك الذي اخذه خال إيمان وزوجته من أدم وكان بالنسبه لهم ثمن رعايتهم للفتاه اليتيمه ولكنهم كانوا لا يعلمون انه ثمن حياتهم الذي بارك الله لهم فيها عندما اكفلوا يتيماً
يتبع…
لقراءة الفصل الخامس والعشرون : اضغط هنا
لقراءة باقي فصول الرواية : اضغط هنا
نرشح لك أيضاً رواية حماتي للكاتبة ليان محمد
