رواية وحدة شغف الحلقة الحادية والعشرون 21 بقلم ندى

 رواية وحدة شغف الحلقة الحادية والعشرون 21 بقلم ندى

رواية وحدة شغف الحلقة الحادية والعشرون 21 بقلم ندى

رواية وحدة شغف الحلقة الحادية والعشرون 21 بقلم ندى

بصت شغف لاحمد كل هدومه غرقانة دم وقامت بفزع وخوف عليه ونست رجليها وتعبها 

حاولت تتحرك بس وقعت بعد اول كام خطوة .

قرب منها احمد بسرعة يسندها بعيون مشوشة و عدم اتزان حركاته .

شغف بدموع – احمد انت ايه اللي عمل فيك ،تعال..

وقع أحمد مغمي عليه 

شغف بصوت عالي تنادي – شهد ، شهد الحقيني 

صحت شهد بفزع وجريت علي اوضتهم بقلق و سندت احمد مع شغف ونام علي السرير .

شهد بقلق = اكيد كان في مهمة 

شغف – طب اتصلي بالدكتور بسرعة رقم المستشفي في ورق تحت جانب التليفون 

شهد اتصلت بالدكتور يجي واديتله العنوان 

بدأت شغف تقف ببطئ حاسه مش قادرة تمشي زي الاول بس عالاقل كام خطوة وهي ساندة علي اي حاجة تمسك فيها افضل من اي حاجة .

جابت ماية وحاولت تمسح الدم برقة ودموعها نازلة بخوف مش عارفة فيه ايه .

حاولت تقلعه التيشرت واخيرا قلعتهوله ومسحت باقي الجروح الموجودة في أماكن في جسمه متفرقة و غطته كويس وباحكام 

دخل الدكتور و خيط الجرح اللي في دماغه وكتب كذا دوا .

شغف – طب هو هيفوق امتي 

الدكتور = لا هو بكرة الصبح هيفوق بس هو تعب كدة لان بذل جهد كبير غير الإرهاق اللي ظاهر عليه .

شغف – طب يعني هو كويس ولا اوديه مستشفي احسن انا بصراحة اتوترت معرفتش اتصرف غير اني اجيب حضرتك هنا 

الدكتور باطمئنان = ملهوش لزوم هو بس ينتظم في مواعيد العلاج وبالنسبة لباقي  جسمه كتبتله علي مرهم هيقلل من الكدمات دي كلها واكليه كويس .. استأذن انا بقي 

وصلت شهد الدكتور للباب ورجعت مبتسمة 

شغف بصتلها باستغراب – انتي فرحانة في اخوكي ولا ايه 

شهد كشرت وبعدها ضحكت بصوت عالي = والله ابدا بس انتوا جننتوني انتي وهو بتكابروا معرفش ليه وبتعاندوا عالفاضي .. تقدري تقوليلي لو انتي مش بتحبيه فعلا ازاي قدرتي تنسي وجعك ورجلك وقومتي اتحركتي … انا هاروح انام ولما يصحي قوليلي . 

خرجت شهد وشغف قاعدة سرحانه في احمد وكل اللحظات اللي مرت بيها معاه وقد ايه هي حاسه بأمان معاه فضلت جانبه تعمله كمدات تخفف من وجعه وتمشي شوية في الاوضة تعود رجليها عالمشي اكتر  لحد ما الساعة بقت 10 .. لبست و خرجت 

خبطت علي باب شهد وفتحتلها- شغف انتي رايحة فين عالصبح كدة 

شغف = هاروح اجيب الدوا بتاع احمد اكيد اي صيدليه فتحت دلوقتي ، بس كنت هقولك خليكي جنب احمد لحد ما اجي 

شهد – استني هاروح انا انتي زمان رجلك لسه وجعاكي 

شغف = لا كويسه الحمدلله اني بدأت امشي حتي لو ببطئ بس بمشي متقلقيش مش هتأخر . 

——-

شهد فونها رن وكانت منة صاحبتها

-ايوة يا قمر

=ايه ايوة دي اسمها صباح الفل يا منون اما انتي صاحبة عرة صحيح 

ضحكت شهد – صباح الفل والياسمين كمان ياستي 

منة = صوتك مش عاجبني 

شهد- مفيش بس منمتش كويس احمد جيه تعبان جدا الصبح بدري و الدكتور جيه وكدة 

منة بقلق = احمد ماله يابنتي ما كان كويس 

شهد-شكلها مهمة جديدة بقي 

منة = طب اقفلي انا جايلك 

شهد- هتسافري تاني مش لسه كنتي عندي من كان يوم امك هتفرمك 

منة = هحاول اقنعها و بعدين سفر ايه ده هم ساعتين تقريبا 

شهد – طيب ياحببتي خلي بالك من نفسك 

———– 

رجعت شغف بتعب للبيت وجابت علاج احمد ووطلعت لقيته لسه نايم، نزلت تاني دخلت المطبخ وبدأت تعمله اكل .

خلصت وجهزت ادويته والاكل وطلعت 

فضلت جانبه و الفون بتاعه رن لقت صاحبه عمر ردت 

-الو 

عمر= الو مدام شغف اخبارك ايه ممكن اكلم احمد ضروري 

شغف – الحمدلله ، بس هو نايم دلوقتي 

عمر باستغراب = طب هو كويس بعد المهمة بتاعت امبارح ما خلصت ملحقتش اشوفه ومشي سافر علطول 

شغف بانبهار ومتفاجأة بتصرف احمد – هو .. اصل هو جيه فعلا الصبح بدري بس كان تعبان جدا بصراحة وجبت الدكتور اطمن هو نايم شوية ولما يصحي هقوله يكلمك 

عمر بقلق – طب انا هاجي اشوفه النهاردة 

شغف = تمام تنور اي وقت .بس متقلقش هو كويس 

عمر – تمام متشكر . سلام

———– 

عُدي – مالك يابني وشك قلب ليه كدة احمد كويس ؟ 

عمر = قوم يابني نروحله شكله تعبان فعلا انا شكيت انه اتصاب ومشي بسرعة كمان مقابلنيش بعد ما خلصنا 

عُدي بقلق ووقف – طب هو فين في البيت ولا في المستشفي 

عمر = في البيت .. يلا بسرعة لسه قدامنا سفر 

عُدي جري مع عمر بسرعة للعربية وفي طريقهم لاحمد. 

——–

بدأ احمد يصحي بوجع من كتر الكدمات اللي جسمه 

شغف قربت منه بسرعة وسعادة انه فاق – انت كويس ، حمدلله عالسلامة 

احمد بابتسامة = الله يسلمك بس هو ايه اللي حصل 

شغف – مفيش خاالص بس كل ده عشان كدبت عليا 

احمد بيفكر = انا كدبت عليكي امتي

شغف بدأت تسنده عشان يقعد شوية – قولتلي عندك شغل وبتاع و اتاري مهمة صعبة وجايلي متشلفط

ضحك احمد = متشلفط 

شغف – استني خد الدوا ده الاول قبل اي حاجة عشان تاكل 

احمد= مليش نفس بجد 

شغف باصرار- هتاكل يعني هتأكل ولا هتخلي اللي عمل الاكل يزعل بقي ده عامله عشانك مخصوص 

احمد = ومين بقي اللي عمل الاكل … انا ممكن اكل في حالة واحدة بس 

-اي هي 

=ان الشيف القمر بتاعتي انا هي اللي تطبخ ساعتها اكل لو شبعان حتي 

ضحكت شغف وقالت بثقة – طبعا مفيش احلي من اكلي اساسا .. هيييح يعني هتأكل 

اتفاجئ احمد = لا مش مصدق انك انتي اللي عامله الاكل لا 

شغف وقفت بثقة وجابت الصينية اللي عليها الاكل – تيراااا انا اللي عاملة كل الاكل ده بس لو مش جعان هاكله لوحدي بقي 

صدم احمد من مشيها ببساطة قدامه= خدي هنا بس ، انتي بتمشي ، امتي ده انا نايم من امتي 

شغف ضحكت – من كام ساعة بس ، خوفنا عليك عمل معجزات .

شدها احمد ليه وحضنها= مبسوط انك خفيتي مع اني مقصدش اخوفك بس 

شغف بعدت حطت ايدها علي شفايفه- مبسش ولا حاجة الحمدلله اني مشيت تاني عشان اقدر اخد بالي منك يا احمد

مسك احمد ايدها اللي شفايفه وباسها بكل حنية = ربنا يخليكي ليا يا قلب احمد 

خبطت شهد ودخلت بفرحة ونطت علي السرير جانب أخوها: حمدلله عالسلامة ياسطا …وبصت لشغف .. سيبيني انام بقي شوية اخيرا اطمنتي علي البيه بتاعك 

احمد بهزار= وانتي سايبة كل البيت وجايه تتخمدي هنا 

شهد: الله مش اخويا واوضه اخويا واختي يعني براحتي

شغف ضحكت وقالت = انا هنزل اجيب العصير عشان نسيته وجايه 

خرجت شغف احمد بص لشهد بصة معناها انها تقوله علي كل حاجة حصلت

شهد بغرور:  هتدفع كام 

احمد ضربها بخفة علي دماغها = عيلة مادية انطقي قبل ما شغف تيجي اخلصي 

شهد : مفيش بس لقيتك قدامي مرمي عالارض وشغل بتحاول تقومك و مسحت الدم اللي كان مالي وشك و وجابت الدكتور و فضلت جانبك طول الوقت مظنش انها نامت اساسا من امبارح و خرجت جابتلك الدوا وعملتلك اكل … متدلع انت عالاخر 

احمد بسعادة علي كلامها = خليكي متغاظة كدة قومي اعمليلي شاي قومي اتحركي 

شهد: مش هقوم 

احمد= طب هي مشت امتي طيب 

شهد : مش عارفة انا لقيتها بتمشي فاجأة كدة يمكن من الخضة مثلا 

احمد ابتسم وسكت 

قامت شهد  وخارجة : انا همشي بمزاجي علي فكرة والبت منة جاية خلي بالك اكيد هتقرفك 

احمد ضحك عليها وفضل سرحان في شغف وخوفها عليه وحب انه يطلع عينها عشان يتأكد انها بتحبه 

دخلت شغف لاحمد واحمد بياكل وبعدها حط المعلقة

-ها بقي كل يلا لازم تخلصه كله 

احمد بكدب =مش قادر اكل … بحس ايدي تقيلة كدة مش عارفة ارفعها كل شوية.

سكتت شغف شوية وبعدها مسكت المعلقة وبدأت تأكله وهو فضل باصصلها طول الوقت مشالش عينيه من عليها وده زود توترها 

———

نام احمد شوية بعد الاكل ، قامت شغف دخلت اخدت شاور ولبست بنطلون اسود برامودا التيشرت لونه أزرق بحملات رفيعة ضيق شوية وفردت شعرها الأسود وخرجت وقفت قدام الدولاب تجيب الاسدال بتاعها 

احمد  شافها وحب يشاكسها قام ولف ايده حواليها – ايه الجمال ده 

شغف بفزع وتوتر = عاااااا  احمد .. فجعتني.  انت ايه اللي صحاك قصدي قومت ليه انت لسه تعبان 

احمد واخدها في حضنه – هو اللي يشوفك يحس بتعب بردو 

شغف بتوتر = طب ابعد بقي خليني اجيب الاسدال عايزة اصلي 

احمد –  مش هيطير الاسدال يعني 

شغف = طب وسع بقي علفكرة صاحبك جاي كمان شوية خليني البس بقي 

احمد وقربها منه اكتر – عادي صاحبي يستني بردو مش هيطير مع الاسدال 

شغف بتوتر اكتر وخدودها بقت طماطم من قربه ليها ومقدرتش تتكلم اكتر 

شالها احمد ولسه هيتكلم الباب خبط 

قال بخنقة – يخربيتك ياشهد مش وقتك خالص … وقال بصوت عالي – ثواني 

وقرب من شغف وباسها بعد شوية نزلها وقال – هتجننيني ياشيخة معرفش انا صابر عليكي ازاي كل ده 

فتح الباب لشهد وقال بحدة – خير 

شهد : صحابك تحت الدادة فتحتلهم وقاعدين  مستنينك 

احمد – طيب جاي 

——–

شغف ضحكت عليه وكتمت ضحكتها ولبست الاسدال ونزلت معاه وكذالك شهد لبست هدومها ونزلت 

عمر وعُدي سلموا علي احمد 

عمر – كدة تمشي حتي من غير ما تقولي اي حاجة 

احمد= انا حر وبعدين عادي كان لازم امشي 

عمر بهزار – يا ساتر يعني انا خايف عليك وانت تقولي انا حر .

عُدي – صاحبي ميتخافش عليه انا وانت اكتر ناس عارفينه لما بيعوز حاجة بيعملها 

شهد كانت بتتجاهل نظرات عمر ليها وحست بخجل لانها عارفة انه بيحبها بعد اعترافه ليها ومش عارفة تتكلم 

شغف – شهد تعالي معايا المطبخ شوية 

دخلوا المطبخ اجهزوا عصير وحاجات حلوة والباب خبط 

احمد – معلش يا عمر افتح الباب 

عُدي = خليك انت وهو انا خارج اجيب الفون من العربية وهفتح 

فتح عُدي الباب و صدم فاجأة فكان قدامه بنوتة قصيرة بالنسباله جدا خدودها ورديه عيون عسلي ورموش طويلة  وشعراية متمردة خارجة من طرحتها وماسكه شنطتها بشكل طفولي قدامها ولافة ايديها حواليها .

قالت منة بنفخ – ما توسع يابني ساعة بكلمك عديني مش قادرة اقف يخربيت السفر و شهد في يوم واحد 

عُدي فاق من صدمته علي جمالها الطاغي – ايه الجمال ده .. هو فيه قمر بيسافر دلوقتي  

اتوترت منة وقالت بثقة تدراي كسوفها – مش انا جيت وسافرت

عُدي – اها 

منة – يبقي فيه قمر بيسافر دلوقتي .. عديني بقي وانت شبه الحيطة كدة 

فضل واقف متنح و باصصلها ف وطت منة و عدت من تحت دراعه 

عُدي ضحك عليها وقال – اوزعه بس مزة 

لفت منة ليه وضربته بشنطتها – قليل الادب … وجريت لجوة 

احمد- مالك يابت بتجري ليه

منة بتتكلم بسرعة = ابوحميد حمدلله عالسلامة ما نت زي البومب اهو اومال شهد بتقولي هتموت ليه 

خرجت شهد علي صوتها = يا كداااابة يا فشاااارة بعد الشر علي اخويا  حبيبي اللهي تموتي انتي 

منة شدت شهد بتوتر اول ما دخل عُدي وغمزلها – تعالي يا زفته جوة عايزاكي 

دخلوا المطبخ 

شغف – منة عاملة ايه 

منة بتوتر – مش كويسه 

شهد – مالك يا بت انطقي 

منة – فيه واحد قمر هنا اوي .. اه لو تشوفيه يا شهد كان بيعاكسني السافل بس مسبتش حقي ضربته 

شغف بابتسامة – ومين بقي السافل ده 

منة – الولا اللي برة مع اخوكي اللي دخل من شوية 

شغف وشهد في صوت واحد – عُدي 

منة ضحكت- باين كدة معرفش انتوا مالكوا 

شهد – ده صاحب احمد بس ملهوش في البنات والجو ده خالص انتي بتقولي عاكسك .. مش مصدقة 

شغف – ولا انا اصدق ده من كلام احمد بيقول انه مش عايز يتجوز ولا يحب حتي 

منة – والله ده اللي حصل طب لما اخرج برة هوريهولكوا هو فيه حد تاني هنا غير احمد وعمر 

شغف – عُدي كمان وبس محدس تاني جاي 

منة – يبقي هو اكيد هو اللي فتحلي الباب 

شهد بغمز – شكله وقع ولا ايه المرادي 

شغف بهزار – هو احنا التلاتة هنقع في 3 ظباط ايه الحظ ده مفيش دكتور مهندس اي حاجة مختلفة 

منة بسرحان – وماله الظباط قمر اوي والله 

ضربتها شهد علي دماغها وضحكت -فوقي يخربيتك . 

نفس اليوم بالليل شغف قلعت هدومها ولبست شورت وتيشرت من نفس اللون الاحمر ونامت 

دخل احمد اخد شاور وخرج لابس شورت اسود وبس كدة.

قرب منها وقال – شغف انتي نمتي

=لا هنام لسه .. قامت قعدت بسرعة وقالت بخوف .. محتاج حاجة او حاسس بحاجة 

شدها احمد ليه وقرب منها – ايه اللي لابساه ده 

شغف بعدم فهم = لابسه ايه يعني 

احمد بحب – يعني اول مرة تلبسي كدة بمزاجك قدامي 

شغف بتوتر =  لا عادي علفكرة يعني حبيت التغيير مش عشانك اساسا 

احمد ضحك – متأكدة 

شغف قالت مغيرة الموضوع = انا نسيت احطلك  المرهم 

قامت شغف وبدأت تحط المرهم علي الكدمات 

احمد بسعادة – شغفي 

ابتسمت شغف = امممم

– انتي منمتيش امبارح خالي صح 

= بتسأل ليه 

-عشان حاسس ده وحابب اتاكد 

سكتت شغف وقالت = انا خلصت حاول تنام علي بطنك بقي عشان ميتمسحش بسرعة 

=يعني افهم من كدة انك منمتيش.. شغف انا بحبك 

نامت شغف وفاجاة قرب منها ونام في حضنها 

شغف حست بسعادة غريبة ومشاعر جديدة وقلبها كان طاير من الفرحة 

——-

فات اسبوع واحمد وشغف قربوا من بعض جدا وعايشين في سعادة. 

عمر اتصل ب احمد 

احمد- اممممم خير عالصبح

عمر – اصحي يابا كل ده نوم 

احمد- أنجز فيه ايه 

عمر – انا هاجي النهاردة اطلب ايد شهد وهتجوزها يعني هتجوزها اخري بعد ما تخلص 3 ثانوي 

احمد- ما تحترم نفسك يلا 

عمر – صبرت كتير بجد وخلاص خلصت كل حاجة 

احمد- ما انت اللي متخلف وتفكيرك غبي ماشي تعال هستناك

يتبع..

لقراءة الحلقة الثانية والعشرون : اضغط هنا 

لقراءة باقي حلقات الرواية : اضغط هنا