رواية كرهتك فعشقتك الفصل الحادي والعشرون 21 بقلم ريهام جمال

فجاءه سمعت صوت الباب بيفتح ويقفل فعرفت انو جيه طلعت اجري فتحت باب البيت لقيتو قاعد ع الكرسي سرحان مش واخد بالو مني وكان شكلو مبهدل كانو طالع م عركه حطيت ايدي علي كتفو راح باصصلي لقيت عنيه حمره عرفت انو كان بيعيط 

بسمله:زين انت انت كويس

زين بصلها بسخريه:اهه جداا

بسمله:زين انا….

زين:مش عايز اسمع حاجه وروحي علي اوضك يلا

بسمله:لا لازم تسمعني انا عيزه اعرف كل حاجه سبب رفضك للعلاج و سبب مرضك دا اساساا

زين وهو بيحاول يتمالك اعصابو: قولتلك قبل كدا ملكيش حق تدخلي ف اموري

بسمله بعصبيه: لا ليا حق ونص كمان انا مراتك عارف يعني اي مراتك يعني من حقي اعرف كل صغيره وكبيره عنك يعني انت اللي ملكش حق تخبي عني انت فااااهم

زين بصلها باستغراب وصدمه من جراءتها

كملت كلامها:انت مش عارف الرعب الانا عيشه فيه بسببك خايفه اعمل اي حركه غلط او تطلع كلمع مني متعجبكش لاحسن تتعصب وتأذيني متعرفش الاذي الكنت بتعملو لما بتتعصب لياا متعرفش كنت بعاني ازاي مش يوم معرفتكككك 

زين بصلها بهدوء ومتكلمش وهي قامت متعصبه علي اوضتها عشان حست انها ممكن تقول كلام غلط فضلت قعده علي السرير تعيط بانيهار لان حست ان حياتها هتبقا جحيم الايام الجيه وأنها عايشه مش شخص هو شخصيا ميقدرش يتوقع تصرفاتو

فجاءه الباب فتح ودخل زين وقعد جنبها ع السرير وقال:عيزه تعرفي رافض العلاج ليي عيزه تعرفي سبب مرضي تمام هقولك

Flash Back

ف قصر كبير باين عليه غني الساكن فيه دخلت وقفت قدامو عربيه اخر موديل نزلت منو وحده اقل ما يقال عنها ملكه جمال مشت بعصبية ناحيه القصر

ولقتو قاعد ع كرسي بغرورو المعتاد وحاطت رجل علي رجل وبيبصلها بالامبالاه قالت بعصبيه:مختفي فين الفتره الفاتت بقالي فتره بدور عليك وقلولي مساااافر….مسافر فين من غير متقولي 

بصلها ببرود وقلها: مسافر فين شئ ميخصكيش هو عشان قضيت  معاكي كام يوم هتفكري نفسك حاجه

بصتلو بعصبيه: انتي مش عارف انت بتكلم ميين انا…

قاطع كلمها:انتي النسيتي انتي بتكلمي مين انا احمد الالفي مدير شركات الالفي م اغني اغنياء البلد دييي ومش وحده زيك الهتعلي صوتهاا علياا فاهمه

هيي بنبره كلها تحدي:مشي يااحمد يالفي كنت جيه جيه اقولك حاجه عموماا السنه الانت اختفيتي فيها دي حصل فيها حاجات كتيير جدااا احب اقولك انك بقيت بابي

احمد بصلها باستغراب:بابي

هي:اهه يابيبي جبتلك نونو وضحكت ضحكه مستفزه ونادت علي الخدام بتاعها عشان يجيبو دخل وف ايدو طفل صغير عندو حوالي سنه

هي:اعرفك علي زين الالفي ابنك

احمد بعصبيه:وانا ضمني انو ابني

هي بكل هدوء:مش متأكد اعملو تحليلDNAواتاكد بنفسك

احمد وهو بيحاول يتمالك اعصابو:يعني انتي عايزه اي دلوقتي

هي: تتجوزني وتكتب لابنك نص املاكك

احمد بعصبية:انتي جيه تحققي احلامك هنا ولا ايييي مستحيل داا يحصل 

هيي:مالك يبيبي دا م عشاني دا لاجل ابنك ولا يرضيكي الناس تشاور عليه وتقول ابن حرام اهو دا حتي عيبه ف حقك 

احمد:ماشي هتحوزك لكن نص املاكي دي انسيهها

هي بمكر:ومالو تعديها

بعدها باسبوع كان فرحهم واتجوزو

احمد: طول ماانا هنا مش عايز اشوفك ولا اشوف ابنك قدامي

هي: ع اساس يعني هي اشوفك اوي وبصتلو باستخفاف

اتعصب ومشي وسبها عدت الايام وكان ابو زين رافض يشوفو ويعترف بيه ومامتو كانت مش مهتمه بيه نهائي كانت كل يوم تخرج مترجعش غير اخر النهار 

بعد 4سنين

زين بصوت طفولي:مامي مامي ممكن تساعدني ف الواجب بلييز

مانتو بزهق: اووف ابعد عني مش فاضيالك انا شوف الدادا رئيفه تحل معاك

زين بزعل:بث انا كنت عيزك انتي 

مامتو بعصبيه: ابعد عني بقااا يااخي هو انت وباباك بكرهكوو 

طلع يجري علي اوضو يعيط لحد مانام م كتر العياط

بليل جه بابها وكان متعصب جدا

زين :بابي جه بابي جه هيييي

احمد: ابعد م وشي يابن ال****وراح ضربو علي وشو جامد

وهكذا عدت ايام زين بين تطنيش مامتو وضرب باباه 

في يوم م الايام زين جه م المدرسه طلع اوضو وهو معدي سمع صوت ف اوضة اهلو كان صوت راجل غريب راح يبص لقي شخص غريب مع مامتو لكن هو مهتمش وجري علي اوضتو 

بليل احمد جه م الشغل زين جري عليه بابي عايز اقولك حاجه

احمد:اوووف عايز اي انجز

زين:انا شوفت النهارده حاجه ف اوضه مامي

احمد بصلو باستغراب واهتمام:شوفت ايي انطق

زين بخوف:شوفت عمو غريب ف الاوضة معاها 

احمد سمع كدا وعنيه احمرت م العصبيه وطلع يجري ع اوضتها

زين خاف وفضل فمكانو

فجاءه سمع صوت صراخ مامتو وزعيق باباه طلع يشوف في اي طلع شاف اسوء منظر فحياتو شاف بابه ماسك السكينه وضرب بيها مامتو لحد ماماتت لقي باباه بصلو وعنيه حمرا طلع يجري علي اوضتو وقفل الباب وقعد يعيط

تاني يوم جه البوليس وقبض علي باباه واخدو جثه مامتو بعدها اهلها عملو ليعا عزا وبعدين باباه طلع عشان كان قتل بغرض الدفاع ع  الشرف وهو دخل فحاله صدمه واكتئاب شديد حاولو معاه أطباء كتار يطلعوه م الحاله لكن مقدروش وبعدين بدء يظهر عليه اعراض انفصام الشخصية 

بااااااك

زين:شفت كل دا بعيني وانا طفل عندو 6سنين شفت مامتي بتموت وانا السبب انا القتلتها انا السبب ف كل البيحصل كنت بشوف نظره الكره في عين بابا كان بينادي عليا بابن حرام كان شيفني عار ليه كانو بيقولو عليا مجنون عشان يروح لدكاتره نفسين(بدء يعيط يانهيار)انا مش مجنون يبسمله انا مش مجنون

بسمله جنبو بتعيط راحت اخدتو فحضنها:عرفه عرفه انك مش مجنون وملكش ذنب ف كل محدش بيختار اهلو محدش بيختار اتولد ازاي وفين كلو م ذنبك (بتصتلو وابتسمت)هتتعالج وهتبقا احسن ووعيزاك تنسي كل دا هنبدء م الاول سوا وكلو هيبقا تمام صدقني

زين بصوت مهزوز م العياط:اوعديني تفضلي جنبي

بسمله:اوعدك افضل معاك لحد متتعالج

زين:لحد متتعالج؟؟

بسمله باضطراب:اهه لما تتعالج وبعديها اكيد

زين:وعد؟

بسمله:وعد… ويلا هششش عيزه انام 

زين بصلها جامد:تصبحي علي خير

بسمله:وانت م اهلو

طلع وسبها وبسمله فضلت باصه علي الباب وقالت:اسفه سامحني

وبعديها ناامت …. 

يتبع..