رواية منقذي البارت العشرون 20 بقلم ياسمينا

????في صباح يوم جديد????

الكل قام بدري علشان مش متعودين علي بيت وبيحاولو يتعودو عليه ونجمه قامت من بدري تنطف الاوضه الي قاعده فيها وبعدين اتفاجأت بلي بيحضنها من ضهرها

نجمه بأبتسامه : صباح الخير يادومه

فهد بضيق : دومه اه

نجمه بضحك: فهد

فهد بضيق: لا خيالو

نجمه : خلاص متزعلش ايه الي يرضيك طيب

فهد بغيره : انا بغير وهو مش سيبني في حالي عمال يقولي انا بقعد معاها اكتر دا بتصحه من نوم تشوفني انا اول واحد ومش عارف ايه اينعم مش فاكر طفولتنا بس لا مينفعش بعد مالقيتك يجي الزقه ده يخدك مني

نجمه خرجت من حضنو ومسكت خدودو زاي زمان وقالت: اخويا الغيور طيب ايه رأيك انهارده هقضيه كلو معاك

فهد بسعاده: بس مش هتشوفي ادهم

نجمه : تؤ تؤ مش هشوفو

فهد مسك ايد نجمه وقال : طب يلا

فهد ونجمه خرجو برا الاوضه كانو بيحطو الفطار علي سفره كبيره

ادهم: عصافير الحب رايحين فين

فهد بابتسامه : رايحين في داهيه خليك في نفسك انت

نجمه : انا وفهد هنقضي اليوم كلو معا بعض مش عايزين إزعاج بقا

فهد بضحك : بحبك يابنتي والله

ادهم : قصدك عليا انا طيب مفيش خروووج يانجمه

فهد : طب في خروج ياادهم ولو جدع وقفني يلا

ادهم وهو بيمثل الحزن : يعني دي رغبتك انك تسبيني يانجمه

نجمه بصت لفهد وفهد بصلها بغضب

نجمه : لحظه بس هصلحو وهجي فورا

فهد بضيق : طيب بس انجزي عايزين نمشي

نجمه راحت لي ادهم اما اموش قربت من فهد

فهد: احم هنبدأ مرشح النكد

اموش بابتسامه : ابدا والله انا فرحانه انك هتقعد معاها شويه

فهد بأيتسامه : بجد

اموش : اه والله لأنها اصلا وحشاك من زمان اوي ومجتش فرصه تقعدو معا بعض

فهد : بجد عندك حق انتي بتفهميني اوووي كدا ازاي

اموش بضحك : ايه يافهودي مش أنا مراتك

فهد مسك أيدها وحطها علي قلبو وقال

فهد : تعرفي انتي هنا جوا قلبي بظبط

اموش : ولو طلعت

فهد : همووت

اموش حطت ايده علي بوقو : اوع تقولها بعد شر عنك

فهد بخبث: لو موت هتزعلي

اموش وعنيها بدأت تدمع:مجرد فكره قتلتني تخيل تبقا حقيقه هتلقيني وراك بجد هموت من غيرك

فهد : بعد شر عنك انا جمبك متخافيش حتي بعد مااموت انا هفضل جمبك

اموش بضيق : بس بقا موت ايه وكلام فارغ ايه أنا هروح اعملك انت ونجمه سندوتشات

فهد بأبتسامه :روحي

أما عند نجمه نجمه قربت من ادهم

ادهم بضيق: متلمسنيش متقربليش متكلمنيش

نجمه بضحك: مالك ياسوسو زعلانه

ادهم : اه ياحبيبتي والله جوزي سيبني وراح معا غيري

نجمه : اوووبا لا انتي لازم تطلقي بقا علي كدا

ادهم : تصدقي صح يلا غوري وانتيييي طال

نجمه بزعيق : وانتي اييييييه

ادهم بخوف مصتنع: ايه يانجمه هو انتي اتحولتي ولا ايه

نجمه بأبتسامه : مهو انت الي عايز تطلقني

ادهم : ازاي هتسبيني انا القمر وتمشي معا ده

نجمه قربت منو وحضنتو وقالت

نجمه: عايزه اقولك حاجه بس متزعلش مني هو انت اه قمر بس فهد احلا بكتير

ادهم بغضب: قووومي من جمبي

نجمه بضحك : بس

ادهم : قوووومي من جمبي بقولك

نجمه قربت منو وبستو

نجمه : اهو بوستك علشان ترضه وكمان انا مش عبيطه انت عايز تقعد معا نور علشان تتفقو علي الي جاي وتصفو قلبكم لبعض ف هسبكم بيراحتكم

ادهم بأبتسامه : بحب زوجه ذكيه ولي واثقه من نفسها

نجمه وهي ماسكه خدودو: طبعا أنا وثقه انك بتحبني ف عادي وكمان حطالك كامرات أول كاميرا اسمها قمر وتانيه اموش

ادهم بضيق : ماشي بس شيلي ايدك انا مش طفل

فهد من بعيد : هنقضي طول اليوم رغي

نجمه : لا جايه اهو سلام ياادهومتي

ادهم بأبتسامه: خلي بالك من نفسك

نجمه : اوك وانت كمان

فهد ونجمه طلعو برا البيت لقوه الحاره الشعبيه مليانه ناس كتير

نجمه: تصدق وفيها ناس كتير شكلها احلا

فهد : عندك حق يلا اركبي العربيه

فهد ونجمه ركبو العربيه وتحركو أما ادم كان لسا نايم كان متوقع أن قمر هتجي تصحيه زاي كل يوم وضايق اوي من فكرة أنها مش هتنام جمبو وضايق اكتر لما مجتش تصحتو زياد دخل عليه بسرعه

زياد : الحق مرااااتك

ادم بلهفه : مالها

زياد بضحك : بتتخانق معا بتاع الطماطم

ادم بصدمه : ايييييه

ادم قام بسرعه ونزل لي قمر وكان وراه زياد

قدام البيت كانت قمر واسما واقفين عند بتاع الطماطم

قمر بضيق : ياعمي بقولك انا جبتها الاسبوع الي فات ب5 ونص ازاي بقت 10

الشخص : من الاسبوع الي فااات يعني اكيد غليت

اسما بهمس : مش انتي قولتي انكم عايشين في قصر اشعرفك بقا أنها ب 5 ونص

قمر بسخرية : اه مهو كان واحد بيبع جمب قصر بتاعنا طماطم

اسما : امممم

قمر : ها قولت ايه اوع تفكرني مبفهمش في الحاجات دي

ادم جاه من وراها

ادم : يخربيتك بتعملي ايه

قمر : بجيب طماطم لسلطه

ادم بسخرية : لا بجد

قمر : عايزني ادفع في طماطم دي 10 جنيه

ادم بغضب : ماتدفعي 100 هو انتي معكيش مثلا

قمر بضيق : مهو لازم نتقلم علي عشتنا جديده

زياد : احنا يومين تلاته وهنمشي

قمر : اي كان

ادم طلع فلوس وداها لرجل مسك ايد قمر بغضب

ادم : يلا ندخل

قمر بضيق : بس انا وعدت احمد ابن ام احمد العب معه كوره

ادم : ميين ده وعرفتيه امتا احنا لسا جاين امبارح

اسما : اصل احنا صحين من بدري واخدنا لفه

ادم : لا والله

اسما : اه وعرفنا ام فاروق الي بتبيع الحمه والله ست بلميون راجل وجدعه

قمر : وكمان عمو حسن بيبيع كل حاجه

زياد : هو انتو ازاي تخرجو من غير ماتقولونا

اسما : قمر هي الي أصرت

زياد : انتو بقتو صحاب

اسما : اهااا جداااا

فاجأه قرب منهم طفل وقال

احمد : يلا ياقمر علشان نلعب

قمر : ظبط كل حاجه ياحوده

احمد : كلو كلو بقا تمام

قمر : يلا يااسما ولي هيكسب هياخد بوكس فيه شكولاته كتيررررررررررررررررررر

احمد : اشطا يلا ا

ادم وزياد كانو واقفين مصدومين وقمر واسما راحو يلعبو معا الاطفال كوره في شارع

زياد : هو انت متاكد انك اتجوزت ست مش طفله

ادم : لا والله مش متأكد خالص

زياد بضحك : اه بس والله كيوت

ادم بضيق : ماتلم نفسك كيوت ايه

زياد بضحك : والله عسل

ادم بغضب : زياد متخلنيش اتعصب عليك

زياد بضحك : طيب

قمر كانت بتلعب معا الاطفال وهي مبسوطه أما اسما كانت أول مره تشوف الجو ده وكانت مبسوطه بيه اوي حست بلأمان حست انها ضيعت حياتها في الشرب والبس والخروجات محستش أنها عاشت طفولتها زاي اي طفل

قمر شاطت الكوره وجت في وش ادم الي كان واقف قدامها

قمر : اووبس

ادم بغضب : انتي حماره

قمر بغيظ : ايوا حماره علشان متجوزه حمار

زياد بضحك : ممكن تهدو

اسما : ياحرم وشك بقا احمر من ضربه

قمر : يستاهل حد قالو يقف قدامي حمار بقا نعمل ايه

ادم بصلها بغضب وهي خافت منو وجريت جوا بيت وادم جري وراها

زياد : مش مفروض نجري وراهم

اسما : وراهم ايه ياعم تعال ناخد لفه علشان حبيت الحاره دي اوي

زياد : يلا

_____________________________________

????في اوضه نور????

نور كانت قاعده بتفكر في ادهم وفي حياتها جديده وهتعمل ايه فيها وبعدين سمعت الباب بيخبط

نور : مين

ادهم : انا ادهم

نور بتوتر : ها عايز ايه

ادهم : افتحي طيب ولا ادخل انا

نور قامت وفتحت الباب وادهم دخل

ادهم : الصراحه مش حاسس انك نور

نور : علشان غيرت شكلي ف مش هتعرفني

ادهم : حتي شخصيتك اتغيرت

نور : اه جداااا

ادهم : تمام يانور انا جاي انهارده علشان عايزك تساعديني

نور : انا عايزه اطلع برا حياتك لوسمحت

ادهم : بس انتي طلعتي فعلا انتي بنسبالي بنت عمتي وبس

نور بحزن : يعني نسيت حب عمرنا بسهوله

ادهم : تعرفي يانور انا حبيبتك من كل قلبي ببقا احب اشوفك دايما في أي مكان بروحو كنت بحب اخدك معايا لما كنا اطفال مامتك ولا حست بيكي لما كبرتي لانك دايما كنتي معايا كنتي تنامي معايا كنت بذاكرلك كنت بعملك شعرك وكنت كمان بخترلك لبسك واول ما اتكلمتي قولتي اسم ادهم مقولتيش ماما ولا بابا حبي ليكي كان كبير

نور بحزن : وبعدين

ادهم : ولا قبلين الحب الكبيره ده بقا لي نجمه + بقا حبي ليها يعني انا بقت احبها حبين حب العمر والحب التاني

نور بحزن : حقك تسبني انا عارفه ونجمه تستاهل

ادهم بحب : نجمه كانت عوض تعرفي أنها مش بتشك فيا حتي لو شافتني في حضن واحده غيرها يعني أنا لو قومت دلوقتي وحضنتك وهي دخلت علينا صدقيني ولا هتضايق هاجي تقولي ايه الي حصل ونتفاهم

نور : انا فاهمه اني كنت لازم اعمل كدا ومش هنكر اني انانيه في حبي بس ده ميمنعش اني كنت بحبك

ادهم : عارف المهم سيبك من كل ده كل واحد مشي في طريقو وهيكمل فيه

نور : طيب انت عايزني في ايه

ادهم : في موضوع مهم وسري اووي

نور بتركز : ايه هو

ادهم : بصي ياستي………

وادهم بدأ يقولها الموضوع وهي بصتلو بصدمه

____________________________________

عند نجمه فهد وداها لجنينه الي بتحبها ولي كانو بيتجمعو فيها وهما صغيرين

نجمه بصدمه : انت ازاي عرفت المكان ده

فهد بضحك : ماما هي الي قالتلي وكمان عملك مفاجاه بصي قدامك

نجمه بصت قدامها لقت شخص مدلها ضهرو وكان ماسك معه بلوووونات كتير وورد

نجمه : مين ده

الشخص لف وبص ليها وقال : انا جيت نورت بيت

نجمه بسعاده : حاااازم

حازم : اه حااااازم وحشتك صح مش محتاجه تقولي انا عارف

نجمه : والله وحشتني موت

حازم : طب مالك بعيده كدا ليه متقربي يابنتي احضنيني

فهد : لا مهو جوزها مانع عليها الاحضان حتي انا مش بيرضه

حازم وهو بيقرب من نجمه وحضنها : بلا جوزها بلا بتاع دانا اخوها

نجمه بضحك : لو سمعك هيقتلك

حازم : بت مش انا قولتلك متجوزيش انتي محجوزه ليا

نجمه : كان علي عيني بس غدرو بيا ياخوويا

فهد : انا خليت حازم ينزل مصر علشان انتي عارفه انا هحدد معا جبل معاد الشحنه وهخليها انهارده الفجر وكلنا هنروح مكان التسليم حتي اموش ف حازم هيقعد معاكم علي مانرجع

حازم بسخرية : يعني اموش الست هتروح وأنا هقعد شوفتي الزمن

فهد بضيق : دي ظابط

حازم : اوووبا مراتك ظابط شكلنا وهنبقا صحاب

فهد بغضب : نعم ياخويا

حازم بضحك : اهده بس كدا انا هروح اظبطلكم المكان وانتو خدو لفه وتعالولي علي مطعم الي هناك ده

نجمه : ماشي يازوما

حازم مشي وفهد مسك ايد اختو وفضلو يتمشون

فهد : انا لو حصلي حاجه انتي لازم تبقي قويه و

نجمه قطعتو بغضب : بص يافهد علشان تبقا فاهم انت لو حصلك حاجه انا هجي وراك تمام

فهد بغضب : قصدك ايه

نجمه : قصدي اني مش هسيبك تروح مني تاني فاهم ولو روحت مش هسامحك ابدا

فهد بحزن : طيب اهدي

نجمه بدوموع : متروحش لي جبل ليه تروح خلي ادهم يقبض عليه وخلاص

فهد : لازم اروح

نجمه بغضب : وافرض مرجعتش

فهد بأبتسامه : هرجع

نجمه بدموع : متاكد

فهد : اه متأكد

نجمه : ولو مرجعتش هعمل ايه سعتها

فهد بضحك : ابقي موتيني تاني

نجمه بغضب : بعد شر عنك

فهد : طيب مش عايزين نتكلم كتير عايزين نلعب وبس

نجمه : اممم هنلعب ايه

فهد : تعالي وارويكي

فهد خد نجمه ومشي بيها لغيت لما وصل لي كوخ شكلو راقي وحلو خدها ودخلها جوا الكوخ نجمه بصت قدامها لقت فيه هدايا كتير اووووي وكمان صوره ليها هي وفهد كبيره ومتعلقه

فهد : انا غبت عنك 12 سنه يبقا ليكي 12 هديه

نجمه بسعاده : طب يلا وريني الهدايا

فهد جاب اول هديه ونجمه خدتها وفتحتها لقيت فيها صوره ليها ولي ادهم يوم فرحهم

نجمه : تجنن يافهد

فهد بابتسامه : شوفي تانيه

نجمه فتحت الهديه تانيه لقت وطفيها فستان لونو احمر لونها المفضل

نجمه بضحك : تعرف ده حبيتو اكتر من صور

فهد بضحك : تعال ياادهم اسمعها

فهد ادها الهديه التالته فتحتها لقت فيها صوره ليها هي قمر نجمه حضنت صوره جامد

نجمه بسعاده : بجد كدا كتير

فهد : انا عارف انك بتحبها اوي

نجمه : ايوا اكتر واحده بحبها

فهد بضحك : اغير بقا

نجمه : طبعا غير دي منافس قوي دي مش بس صحبتي دي توأمي

فهد اده لي نجمه باقي الهدايا وبدأت تفتحهم كان منهم شوكلاتات وكاميرا

فهد : فاضل اخر هديتين

نجمه بحماس : ايه هما

فهد : الهديه الاول عباره عن صور لينا احنا سته يوم فرحنا انا عارف انك بتحبي ذكريات وبتحتفظي بيها

نجمه: فعلا طب وتانيه

فهد مسك البوكس وفتحو وطلع منو سلسلتين

فهد : سلسله ليكي وفيها صورتي وسلسله ليا وفيها صورتك

نجمه بسعاده : طب لبسهالي

فهد قرب من نجمه ولبسهالها وهي بصت لي صوره لقتها صورة يوسف ومش فهد وبعدين هي ليستو سلسلتو

فهد :يارب اكون قدرت افرحك شويه

نجمه قامت وحضنتو وقالت : انت سبب سعادتي اصلا خليك جمبي وكلو هيبقا تمام

فهد بحزن : انشاء الله يلا نروح نتغدا شكل زفت ابن خالتك ده اكل الاكل كلو

نجمه بضحك : يلاا هو كوخ ده بتعنا صح

فهد : يس كلو ملكك

نجمه : امم اوك لمانكون عايزين نقعد لوحدنا نجي انا وانت هنا

فهد : انشاء الله

نجمه مسكت ايدو وطلعو برا كوخ وراحو مطعم لقو حازم مظبطلهم الاكل

حازم : كل ده كنتو فين موت من جوع

فهد : وانت مالك ها

حازم : لا ياجو انت مكنتش كدا وانت صغير دانت كنت بتعشقيني

فهد بسخرية : لا كنت غبي

نجمه : هشششش خلونا ناكول

بدأو ياكلو ويهزرو وكانو مبسوطين جدااا

????نتعرف علي حازم????

حازم : عندو 32 سنه دكتور بيحب شغلو جدا وكمل دراستو برا وهو ابن خالة نجمه كان دايما بيكلم نجمه ويطمن عليها معتبرها أختو وبنتو وكان صاحب فهد من طفوله شخصيه دمها خفيف ووسم????????

______________________________________

عند زياد هو واسما كانو بيتمشو

زياد : تعالي نسأل بعض اسئله سريعه اوك

اسما : اوك

زياد : ايه الي جبتيه في جبل

اسما : حبو ليا كنت بحسبو بيحبني حب كبير وانت ليه متجوزتش بعد مراتك

زياد: علشان محبتش غيرها قوليلي لسا بتحبي جبل

اسما : لا بكرهو وانت ممكن تجوز نور لأنها شبه مراتك

زياد : تؤ نور كانت مرات صحبي ومستحيل افكر فيها هتعملي ايه في حياتك الي جايه

اسما بحماس : بعد مايقبضو علي جبل هشتغل معا قمر لاني نفسي ابقا مصممة أزياء زايها انت مزعلتش لما نور خدت وش مراتك

زياد : اكيد زعلت بس هي مكنتش عايزه وشها ويامن نفسو يشوف مامتو كان متعلق بيها اوي ف لقتها فرصه انتي ليه كنت خايفه عليا

اسما بتوتر : اي شخص كنت هخاف عليه كدا عادي يعني

زياد بخبث : يعني مش معجبه

اسما : مستحيل

زياد : بس انا معجب

اسما بصتلو بصدمه : ها

زياد بأبتسامه : لا ولا حاجه

زياد مشي من قدامها وقال في سرو : لما تتطلقي من الحيوان ده سعتها هقولك كل حاجه في قلبي

اسما مشيت وراه وهي بتفكر في كلامو ومعقول يكون بيحبها طيب معقول هي هتقدر تعيش قصة حب تانيه ……………

______________________________________

????في سجن ????

سامر كان قاعد معا المساجين وكان قرفان منهم قرب واحد منو وقالو

الشخص :انت هتاخد الحبوب دي وبعد شويه هتتعب هينقلوك للمسشفي وجبل باشا بيسلم عليك

الشخص بعد عنو وسامر فهم خطة جبل وفعلا خد الحبوب وبعد ربع ساعه كان بيصرخ من الالم العساكر دخلو شافوه ولقوه تعبان جدا وفعلا امرو انو يروح المستشفي وهما لطرقهم لمستشفي هجم عليهم رجالة جبل وقتلو كل الي كانو في عربيه الإسعاف وخدو سامر وهربوو وبعد نص ساعه وصلو قصر جبل وسامر كان فرحان جدااا دخلو القصر وكان مستنيهم جبل

سامر : انا متشكر انك ساعدتني بجد

جبل : كل حاجه وليها تمن هات كل الادله الي تخص فهد

سامر : عنيا هجبهم

جبل بغضب : قولي هما فين

سامر بخوف : انا دفنهم في تربه عنوانها …….

جبل : سمعت العنوان ايه

واحد من رجالة جبل : اه ياباشا

جبل: يلا روح هاتهم

الشخص مشي وجبل بص لي سامر

جبل : عندك اوضه فوق اطلع خدلك شاور ونزلي

سامر : طيب

سامر طلع وجبل ابتسم بخبث أما زياد كان واقف قدام قصر جبل ولفت نظرو واحد من رجالة جبل كان بيجري بسرعه علي عربيتو زياد جري عليه

زياد : هو فيه ايه

الشخص : مفيش سبني دلوقتي

الشخص ركب عربيتو وتحرك وزياد دخل القصر لقه جبل قاعد

جبل بغموض : عرفت حاجه عن اسما

زياد بثقه : لا انا روحت نمت

جبل : تمام

وبعدين جبل سمع صوت رساله جت علي تلفون وكان فيها معاد الشحنه وطبعا الي بعتها فهد جبل بص لي زياد وقالو

جبل : جهز نفسك بعد الفجر هنسلم الشحنه

زياد : تمام انا جاهز

جبل مسك تلفونو ورن علي شخص الي راح يجيب الادله

جبل : ها لقتهم

الشخص : اه ياباشا

جبل : تمام ودي الادله للبوليس

جبل قفل تلفون

جبل : تعال ورايا

زياد راح وراه وهو مش فاهم حاجه وطلعو اوضة سامر وسامر كان في الحمام جبل جاب الحبل بتاعو وزياد كان مستغرب جبل دخل الحمام وسامر كان لسا هيقلع هدومو بس اتفاجأه من جبل الي جاه وره وحط الحبل علي رقبتو وخنقو زياد اول ما شاف كدا أنصدم سامر كان بيطلع في روح وبعد معافره وقع ومات …….

جبل بص لي زياد : جهز نفسك الفجر هنتحرك وشيل الزباله دي من هنا

جبل مشي وزياد بص علي سامر وقال ياتره انت مين وايه الي بيحصل …

______________________________________

????في القسم ????

ادهم وادم واموش كانو معا مهيب وبيحطو الخطه وبعدين انضم ليهم فهد بعد ما وصل حازم ونجمه البيت

مهيب : بص يا فهد متخفش احنا هتبقا في ضهرك وفي كل مكان وهنهجم فورا بعد ماتستلمو الشحنه

فهد : تمام بس انا مش خايف

اموش جت وحضنت كتفو وقالت : ايوا عارفين علشان جوزي بطل

فهد بأبتسامه : واوعدكم ان احنا هنخلص من فهد

ادهم : احنا هنبقا جمبك دايما

ادم : وفي ضهرك

فهد بضحك : كفايه محن بقا خلاص فهمت انكم بتحبوني

مهيب : ربنا معاكم ياولاد يلا أجهزو

ادهم راح وجهز العساكر وفهمهم الخطه وادم كان معه أما فهد كان طول الوقت قلبو مقبوض واموش كانت حاسه بيه وكانت قاعده جمبو وماسكه ايدو لانها كانت خايفه عليه فهد طلع تلفون ورن علي نجمه وهي ردت فورا

نجمه بلهفه : فهد

فهد : عامله ايه

نجمه بدموع : خايفه

فهد بهدوء : متخافيش انا جمبك دايما

نجمه : هترجع صح

فهد : هرجع

نجمه : ولو مرجعتش

فهد : خلي بالك من ماما انا بحبك وبحبها اوووي اوووي

نجمه بضيق : بقولك لو مرجعتش

فهد : لازم اقفل سلام يانجمه

فهد قفل تلفون واموش بصتلو بغضب

اموش : ولو مرجعتش

فهد : هرجع

اموش : انا هبقا جمبك ومش هيحصلك حاجه طول مانا معاك

فهد ابتسملها وسكت

______________________________________

عند نجمه كانت قاعده معا حازم وقمر واسما

نجمه بخوف : لا انا مش مطمنه

قمر : اهدي ياحبيبتي مامتك لو عرفت أن انهارده معاد التسليم هتتعب وهتقلق

نجمه بدموع : انا عايزه اروحلو ولله ما هسيبو حازم انت اكيد عارف مكان تسليم

حازم بكذب : معرفش

نجمه بغضب : وحياة اغله حاجه عندك لتقولي هو فين

حازم : نجمه افهمي مينفعش

اسما : اهدي يا نجمه هرجعو بسلامه صدقيني

نجمه بدموع : انتي اكتر واحده عارفه جبل يعني اكيد هيأذيهم حازم قولي هو فين

حازم : معرفش

نجمه بصتلو بغضب ودخلت المطبخ وجابت سكينه

كلهم بصلها بصدمه

نجمه بدموع : والله لو ماقولتلي هما فين لموت نفسي الموت عندي ارحم من اني استنه كل ده

قمر بخوف : اهدي ونبي قولها العنوان بقا

حازم بغضب : يوووه طيب العنوان …..

نجمه رمت السكينه وطلعت برا بيت وركبت العربيه اسما وقمر طلعو وراها وركبو معاها حازم حاول يوقفها

نجمه بغضب : ياتركب معايا بتمشي

حازم ركب معاها وهي اتحركت بلعربيه …

_____________________________________

عند ادهم كانو جاهزين علشان يتحركو وفهد ركب عربيه لوحدو وهما كانو وراه وبعد نص ساعه وصلو للمكان وطبعا ادهم بعد شويه عن المكان بس كان مستعد وبعد 5 دقايق جبل وصل هو ورجالتو ومعاهم زياد فهد لبس قناع لونو اسود علشان جبل ميعرفهوش وطلع برا عربيتو وجبل وقف قدامو

جبل : انت شريكي في البضاعه دي صح

فهد كان معه ورقه وكتب فيها : متكلمش كتير خليك ساكت

جبل بغضب : نعم وانت مين وليه مغطي وشك وليه مش بتكلم

فهد كتب : لأن مش حابب اتكلم معاك كلها 5 دقايق ويجو ييسلمولنا البضاعه وانت هتاخد نصيبك وانا كمان وخلصنا

زياد أعجب بذكاء فهد وطرقتو الي كلها ثقه

جبل بص لي فهد بغضب وسكت عند ادهم تلفونو رن وكان مهيب

ادهم : الو يافندم

مهيب : عندي ورق هنا يخص فهد اقبض علي فهد معاهم

ادهم بصدمه : نعمم

مهيب : اعمل الي قولتلك عليه عندي ادله هنا ضدو ولازم تقبض عليه

مهيب قفل تلفون معا ادهم وادهم مكنش مستوعب الي بيحصل

وبعد 5 دقايق كانت عربيه كبيره قربت منهم وكان فيها البضاعه وفي شخص نزل منها

الشخص : انت جبل وانت عامر

جبل بص لي فهد وقال : اسمك عامر

فهد في سرو : غبي معندوش عقل

فهد كتب في ورقه : عايزين نشوف البضاعه بعنينا

الشخص : اتفضل

وفعلا جبل وفهد قربو من العربيه وشافو البضاعه وفي لحظه دي هجم عليهم ادهم ومسكو جبل وهو متلبس اخيرااا

ادهم : نزل سلاحك خلاص انت خلاص وقعت ياجبل

ادم : وقعت ومحدش سما عليك

فهد شال القناع

فهد : مش قولتلك معندكش رحة الذكاء

جبل بصلو بصدمه ولسا مصوب سلاح عليهم

جبل بغضب : انا محدش هيكسب عليا ابداااا

جبل ضرب الرصاص نحية فهد ورصاصه جت نحية قلبو في لحظه دي نجمه وصلت وشافت فهد وهو مضروب بنار جريت عليه علشان تسندو قبل مايقع كل كان واقف مصدوم

ادهم بغضب : اضربو نار عليه

الكل بدأ يضرب نار وجبل استخبه برا عربيه وبدأ يضرب نار

عند فهد نجمه واموش سندوه علي عربيه

نجمه بدموع : فهد

فهد بوجع : هشش مش عايزكي تعيطي

نجمه بدموع : انت قولتلي انك هترجعلي

فهد بص لي اموش وقالها : فاكره لما سألتيني اني مش خايف اموت ومن قتل يقتل حتي لو بعد حين سعاتها قولتلك خايف اموت قبل مااشوف واقضي شويه وقت معا نجمه

اموش بغضب : بس اسكت خلاص انا هطلب الإسعاف

اموش جايه تقوم فهد مسك أيدها بتعب

فهد بتعب : استني

نجمه بدموع : طب خدني معاك انا مش هقدر اعيش مش هقدر

فاجأه جبل ظهر من وراهم

جبل : لا مهو هياخدك معه فعلا

فهد بتعب : مالكش دعوه بيها

جبل صوب المسدس علي نجمه بس في لحظه دي قمر وقفت قدامو

قمر بغضب : انا قمر مش هييييي اقتلني انا

جبل : نعم هتكدبي

نجمه وهي بتصرخ : اددددهم

جبل يغضب : مش هرحمكم

قمر مسكت ايد جبل وصوبت مسدس عليها : اقتلني انا اقتلني انا اقسم بالله انا قمر

جبل حاول يبعد قمر ويضرب نار علي نجمه بس قمر مسكت ايدو راح بصلها بغضب وضرب نار عليها

نجمه : لااااااااااااا

نجمه جريت علي قمر وبصتلها بصدمه كانت وقعه في الارض لا حول لها ولا قوه

نجمه بدموع : لاااااااا متسبنيش لااا كل ده حلم حلم وانا هصحه منو دلوقتي

اموش بصراخ : فهد لاااااااا

نجمه بصت جمبها

نجمه بدموع : بيهزرو معانا صح لا دول بيهزرو لا

نجمه قربت من اخوها واموش من اختها

نجمه فضلت تضرب فهد علي وشو

نجمه : اصحه متهزرش معايا الهزار ده لا ده حلم حلم والله حلم لاااااا

اموش بدموع : هو انا بعد ما لقيتك هتروحي مني لا مستحيل فووووقي لااااا

فاجأه ضرب النار وقف وقدرو يمسكو جبل وادهم وادم وزياد واسما راحو يشوفو فهد ونصدمو لما شافو فهد مضروب بنار ونجمه حضنه وبتعيط ادم اول ماشاف قمر مضروبه بنار واموش جمبها مقدرش يقف علي رجلو ونزل قعد في الارض وشالها من الأرض وحضنها

ادم: قمر ايه ده ازاي جتي هنا لييييه جتي ليبيه

اموش بدموع : الاتنين راحوو مني

نجمه وهي حضنه فهد : ده حلم حلم وهفوق منوو اكيد حلم اكيد فوووق بقا فووووق

الكل كان واقف في حالة صدمه وادهم قرب من فهد وشاف نبضو وقال بصدمه : ده مااات

نجمه بصراخ : لااااااااااااا

يتبع..