رواية حماتي ملاك الفصل العشرون 20 بقلم هايدي محمد
 |
| رواية حماتي ملاك الفصل العشرون 20 بقلم هايدي محمد |
رواية حماتي ملاك الفصل العشرون 20 بقلم هايدي محمد
أم رتيبة بصوت مسموع : أما نشوف نسب الغراب هايجيبوا إيه
همسة ببرود : جبت أو ماجبتش لنفسي
أم رتيبة بلوى الشفايف وبصوت واطي مسموع : جابوكى من عند الحانوتى يابعيدة
همسة : يارب ياطنط ويكون فيا الصحة وأنا بشيل نعشك
سامح : ليه يا أمى دايما بتعملى كدا … ليه دايما مصرة تجرحى في الناس وتقللى قيمتهم ليه كدا عاوزه توصلي لإيه
تسكت أم رتيبة أما همسة وأهلها يمشوا بعد مايخلصوا العفش
ويفضل سامح وأم رتيبة وريحانة
سامح : تعرفي يا أمى أنا لو ضامن إنى لو اتجوزت بنت أختك ى هتسيبيها في حالها هى كمان كنت عملت كدا
لكنى شايفك إنتى اللى اختارتى ريحانة لممدوح وشايفك بتعامليها ازاى رغم كدا
ريحانة : يا سامح إهدى كل حاجة تتحل بالهداوة مش كدا
أم رتيبة : وانتى إيش حشرك ياحشرية يا أبرد من التلاجة صحيح اللى اختشوا ماتوا دايرة تتسرمح في بيوت الناس كل شويه وتجرى على أهل خمسة شويه وتلف معاها شويه كمان وسايبة الخروف في البيت و…
سامح : انتى عايزة ايه .. الكل يكرهك ؟!! بتعملى كدا ليه ماتشوفي جارتك أم عبد الله بتتعامل مع مرات ابنها ازاى والكل بيحبها ليه ماتتعلميش منها
أم رتيبة : اهء اهئ اهئ انت بتعاملنى كدا ليه لو ابن حرام ماهتقولى كدا ياخسارة تعبي فيكوا
ريحانة : والله ياطنط انتى كويسه وكلنا بنحبك بس تبطلى الاندفاع الزيادة ده والله هتبقي
أم رتيبة : ايش حشرك انتى تخرسي خالص لأولع فيكي
سامح : خلاص اهدى ياريحانة فيش فايدة من الكلام معاها أنا زهقت
ريحانة : طول بالك يا سامح شوية عن كدا عموما انا هسيبكوا دلوقتى عشان ألحق اروح تصبحوا على خير
سامح : وانتى من أهله يا ريحانة
أم رتيبة : إلهى لا تصطبحي ولا تتمسي يا ريحة … يختي ريحة إيه المعفنة دى يلا حظوظ يامكت كتين الروس ياما صبايا يختها منحوس عيني عليكي يارتيبة يا بنتى
صبيه وزى العسل
سامحنى يارب على الكد بدة كنت قعدت عليها فطستها من وهى صغيرة لما لاقيتها شبه حماتى كدا يللا نصيب
أما أطلع أريح جسمي شويه أحسن تعبت من كتر النقير مع كل الناس الوحشة اللى حواليا والله ماعدت عارفه الوحشين كتروا أوى كدا ليه في الزمن دة وكلهم بيتكاتروا عليا كمنى غلبانه
يروح سامح مع أمه يناموا وتانى يوم الصبح يبدأ يوم جديد
خشخشخشخشخشخششش كروك كروك
خشششششششخشخشخششخخ كروك كروك
صوت حد بينطق بيقول الكلام ده كان أول حاجة سمعتها ميادة وهى لسه بتصحى من النوم
( أعوذ بالله من الشيطان الرجيم ) في إيه
الدنيا مضلمة تماما وصوت نكش على السرير … أول ماتفتح عينيها تشوف حاجه كلها شعر قدامها
خشخشخشخشخشخششخشخشخشخشخخشخ كرررروك
أااااااااااااااااااااه … انصرف انصرف انصرف
صرخت بيها ميادة عشان تلاقي الشعر بيتفتح قدامها .. دراعات بتخرج من وسط الشعر الكتير
ميادة تقوم جرى تخبط في كتلة الشعر
وهى بتصرخ
تسمع صوت ضحكتها
همسة : هههههههههههههههههههههههههههههههههههههههههههه مالك خوافة اوى كدا
ترجع همسة شعرها لورا بعد ماكانت قلباه ومضلمة الأوضة
ميادة : عليا النعمة أبت ما سايباكى
ميادة تجرى ورا همسة اللى بتصرخ الحقونى هايقبضوا عليا
ميادة تمسك المخدة وتقول : سسددد سدد سدد
جووووووووووووووووووووون
ترمى المخدة اللى تخبط في ضهر همسة وتقع على الأرض
ميادة تنط فوقها جوووووووووووووون جوووووووووووووووون يا ميادة يا حريف ياللى عاوزلك ساندويتش بلوبيف
ميادة تزغزغ همسة وهمسة ترد عليها ويغرقوا هما الاتنين في هستيريا ضحك متواصلة
ميادة : لما انتى شاطرة وبتعملى مقالب كدا بتطلعيهاش عليهم ليه
همسة : مين قال كدا … ده انا حتى عندى مقلب لبوظة الإخص اللى ماتتسمى دى
ميادة : مين العقربة الكبيرة ولا الحرباية الصغيرة
همسة : خلينا في الحربايه … العقربة هابقي أطلعهم عليها بعدين مش دلوقتى
ميادة : ياخوفي عليكي منها دى مرا سو
همسة :فشر مش أنا ياماما واحدة زى دى أبلعها من غير ملح
المهم ناوليني تليفونى أكلم ريحانة ندبر للمقلب ده سوى
ميادة : خدى أهو ربنا يستر بس
…..
…..
أم رتيبة : بعد ماصحيت وجابت العيش زى كل يوم قعدت على الكنبة تربع رجليها وتقول لنفسها
هعمل فيكي إيه النهاردة يا بوظ الإخص .. هعمل فيكي إيه ياريحة الفسيخ .. هعمل فيكي إيه يا بوظ النسناس
شويه تمسك تليفونها وتتصل على ممدوح
ممدوح : ازيك ياما
أم رتيبة : أمك إيه يادلدول مراتك ياخبيتى التقيلة اللى جبتها
ممدوح : ده إيه الدخلة دى ياما حصل ايه
أم رتيبة : حصل إيه … يا واد ماهى خلاص ركبت اللجام ودلدلت كمان
ممدوح : في إيه ياما
أم رتيبة : إيه اللى يخلى بنت المبعترة بتعتك دى تروح بيت ناس غرب متعرفهمش وتنزل تتصرمح مع واحد متعرفوش وفوق ده كله ترد عليا وتشتمنى أنا وأختك وتقول الكلمة كلمتى والشورة شورتى
هو فعلا كلمتها لإنك دلدول قدامها مش قادر تلم المبعترة دى
ممدوح : بنت ال…. عليا النعمة لأربيها
أم رتيبة : لا لا عيب الكلام ده يطلع لو حد سمعه هايقول عليك مش راجل ويطلع شكلك وحش وانت عارف اكسر لمراتك ضلع يطلع 100 غيره
ممدوح : عارف ياما عارف
أم رتيبة : ربنا يخليك ليا يامندوح يابنى ويبعد عنك ولاد الحرام
ممدوح : حاضر ياما
أم رتيبة : لازم تبقي شخصيتك أقوى من كدا مع مراتك فاهم
ممدوح : مفهوم يا أما
أم رتيبة : انت تطلع عليها دلوقتى وتعلمها الأدب ولو بجحت ولا عملت أى حاجة تجيلي تقولى على طول
ممدوح : من غير ماتقولى ياما
أم رتيبة : يللا سلام
ممدوح : سلام
……
ريحانة بتكلم همسة على التليفون وتلاقي جوزها على الانتظار
ريحانة : يابنت الإيه دماغك دى سم والله
همسة : عارفه .. أهم حاجة عارفه هتعملى إيه
ريحانة : مفهوم مفهوم يا وزتى
ريحانة تلاقي جوزها على الانتظار
ريحانة : ثوانى ياهمسة هرد على جوزى
تعلق مكالمة همسة وترد على ممدوح
ريحانة : الو يا ممدوح
ممدوح : يابنت ال…. عليا النعمة ل…. وأهخليكي ……
ريحانة ببكاء : إيه في ايه حصل إيه
ممدوح : بقي تروحي بيت أهل همسة من غير إذن وفوق ده كله تشتمى أمى وأختى عليا النعمة ل … وأخلكي …
ويقفل السكة في وشها
ريحانة : يالهوى يالهوى يا لهوى
همسة اللى المكالمة رجعت لها تلقائيا بعد ماممدوح قفل وتسمعها بتلطم
همسة : في ايه مالك
ريحانة : ممدوح أمه كلمته وسخنته عليا وزمانه جايلى في الطريق دلوقتى والشر هيطق من عينيه
همسة : طيب بصي أنا هجيلك دلوقتى
ريحانة : هتعملى إيه
همسة : اسمعى منى بس اعملى اللى هقولك عليه بالمللى أول ما ييجي لو وصلك هو الأول تنسيش تبعتيلي عنوانك في رسالة عشان لسة معرفش بيتك
ريحانة : قوليلي الأول إيه في دماغك
……
في بيت همسة بعد ما ىتخلص المكالمة
همسة : بت
ميادة : ايه مالك
همسة : بوظ الإخص سخنت ممدوح على ريحانة يللا اجهزى بسرعه رايحينلهم
مسادة : نعم ما بالراحة علينا ياعم زكى شان إنتى هتعملى إيه يعنى
همسة : البسي بسرعه يللا مالكيش فيه تعالى معايا
ميادة تخش تلبس وهمسة تتصل بسامح
همسة : ألو
سامح : يالهوى هو في كدا .. حد يلحقنى ياناس حد يدينى قلمين حد يقولى إن البنت اللى بكلمها دى حقيقية مش ثري دي
همسة : يالهوى انت هتمثل عليا ياعم انت وتاكل عقلى بسويتين المحن دول
سامح : محن اخص في واحدة تقول لخطبها محن
همسة : معلش انت عارفنى طول عمرى دبش وسنجولة على وزن جنتولة أزومل
سامح : أزومل كمان … قرى واعترفي انتى جايه منين
همسة : جاية من بطن أمى عندك مانع
سامح : لا أكابتن غز وعور ولا يهمك يابرنس
همسة : لا لا لا اللى يقدرنى في عينيا أشيله .. واللى يكدرنى على قفاه وأديله
سامح : سلام سلام بصي أنا هقول للحج اللى عندك عمى ماعندناش ولاد للجواز هنا
همسة : هو دخول الحمام زى خروجة … بص يااه أنا هكتفك هنا وأجيب المأذون والشهود خلاص انت بقيت بتاعى ياسطا فتسكت بقي بدل ما أعمل معاك الجلاشة
سامح : سنة سودة عليا … بصي قوليلي كدا بهدوء واعتبريني أختك الصغيرة اللى مش بتخبي عنها حاجة دى
قوليلي بقي انتى اشتغلتى على توكتوك قبل كدا
همسة : لا هو انت متعرفش مش اشتغلت مع الخط زمان
سامح : يالطيف
همسة : أيوا كان بيخليني أسوق التوكتوك بتاعه وكنا بنروح نخطف الرجالة الوحشة اللى بترجع في جوازها دول تعرف حد منهم
سامح :يا نهار اسود ..احم ..احم قصدى كنت بسمع عنهم زمان في أفلام الرعب
همسة : أيوا هما دول كنا بناخدهم نعمل معاهم الجلاشة
سامح : ههههههههههههههههههههههه يخرب عقلك بحبك والله
همسة عاوزه تقوله وانا كمان بس لسانها مش قادر …رغم جرأتها إلا إنها خجولة أول ماابتدت تكلمه نسيت كل حاجة
نسيت ريحانة ونسيت ميادة وأم رتيبة وكل اللى حواليها وبقت مش قادرة تركز إلا معاه هو وبس
أما سامح حس بالحرج اللى هى فيه وقدر إنها مش قادرة تقولهاله هى كمان ورغم إنه عامل زى التايه في اصحرا والى هيموت ويرتوى بكلمة بحبك منها
إلا انه ماحبش يضغط عليها وخلاها براحتها وحب يطلعها من الحرج دة
سامح : كنتى بتكلميني في حاجة
….
سامح : همسة ألووو معايا
همسة سرحانه ومش عاوزه المكالمة دى تخلص … لكنها افتكرت ريحانة
همسة : اه كنت متصلة بيك أقولك إنى هروح لريحانه
سامح : في حاجة ولا إيه
همسة : تحكيله اللى حصل بسرعه
سامح : وبعدين بقي طب انتى هتعملى إيه أنا لازم آجى معاكي
همسة : لا خليك في شغلك هاقولك بعدين عاوزه أروح ألحقها دلوقتى
سامح : خليكي معايا عالتليفون لو فىة حاجة رنه واحده هابقي عندك على طول
همسة : ماشي …باي باي دلوقتى
تقفل همسة التليفون وتخد ميادة وتنزل بسرعه عشان تروح تلحق ريحانة
ياترى همسة هتوقفه ازاى
يتبع..
لقراءة الفصل الحادي والعشرون : اضغط هنا
لقراءة باقي فصول الرواية : اضغط هنا
نرشح لك أيضاً رواية وقعت أسيرة في حبك للكاتبة غفران
