رواية العاشق والبريئة الفصل الخامس عشر 15 بقلم الملاك الصامت

رواية العاشق والبريئة الجزء الخامس عشر

رواية العاشق والبريئة البارت الخامس عشر

رواية العاشق والبريئة الحلقة الخامسة عشر

سيلا خرجت من الحمام وسيف اول ماشافها اتصدم من اللي واقفه قدامه دي
كانت سيلا لابسه بيجامه كبيره خالص عليها وطويله وعليها سبونج بوب وعامله شعرها كعكتين مبعثرين وكان شكلها مضحك و طفولي جدا
سيف بصدمه من هيئتها قال لها / ايه ده انتي مين اومال فين سيلا
سيلا بدلع مصطنع / في ايه ياحبيبي انا سيلا
سيف بحسره على نفسه / كان عندك حق وربنا ياعمي لما قولت دي هتهبلك واهو من اول نص ساعه جواز وعملت كده اومال لو كملنا يومين هتعمل ايه اكيد هتشل ده بالتأكيد..
سيلا واقفه و بتحاول تكتم ضحكتها بالعافيه بس عند اخر جمله قالها وانفجرت في الضحك
سيلا بضحك / اه لو شوفت منظرك عامل ازاي وانت قاعد بتولول كده يالهوي هموت ههههههه
سيف بغيظ / ماهو كله منك ومن جنانك في واحده تلبس كده وكمان ليلة فرحها
سيلا بتحدي / علشان تعرف تتريق عليا كويس وقال ايه متخافش ياعمي أنا هعرف اسيطر عليها كويس وكانت تقلد صوته بطريقه مضحكه مما جعل سيف يغتاظ اكتر منها وقال لها
سيف بغيظ / والله ابوكي اللي اتكلم الاول يعني شوفتي محدش طايقك خالص
سيلا بغضب / ليه هو أنا زيك
سيف / تقصدي ايه بكلامك ده
سيلا بستفزاز / زي مافهمت كده بالظبط
سيف بخبث / طيب ماشي أنا رايح انام تصبحي على خير
سيلا باستغراب وقالت لنفسها / هو ازاي استسلم كده واكملت بغرور اكيد خاف مني علشان كده هرب الجبان
ولسه هتمشي بإتجاه المطبخ الذي يقع بداخل الجناح لقيت اللى بيسحبها من خصرها بتبص لقيته سيف
سيلا بدهشه / ايه ده انت بتعمل ايه مش كنت هتنام
سيف بخبث / أنام واسيب حقي وده ينفع برضو
سيلا بردح / حق ايه يا ابو حق انت اوعى كده سيبني أنا جعانه وعايزه اكل ماكلتش من الصبح
سيف بخبث / طيب ما أنا كمان ميت من الجوع وهموت واكل
سيلا بعدم فهم / طب ماتروح تاكل أنا مالي ومالك
سيف بخبث / لأ ماهو انتي اللي هتأكليني
سيلا باستغراب / أن.. وملحقتش تكمل كلامها وكان سيف ملت*هم شفا*يفها بقبلة مليئه بالحب والشوق وكانت في منتهى الرقه مما اذابها وهي بين دراعيه ابتعد عنها عندما شعر بحاجتها للهواء
سيلا بخجل شديد / ايه اللى انت عملته ده
سيف بحب / ششش أنا عايزك تنسى الدنيا خالص ومتفكريش في غيري وبس واقترب منها وذهبوا معا الى عالم خاص بيهم هما فقط عالم مليئ بالحب والعشق الخالص ولا يزعجهم احد……
♡♡♡♡♡♡♡♡♡♡♡♡♡♡♡♡♡♡♡♡♡♡♡..
بعد مرور شهر
كان ادم حول كل اوراق ملاك لى جامعة القاهره ولكنه لم يكن يسمح لها بالخروج بسبب خوفه الشديد عليها من الزعيم لانه يعرف انها نقطة ضعفه الوحيده وايضا لم يعترف معتز بعد عن مكانه ولكن ملاك كانت تصر عليه وتترجاه بأن ياركها تذهب الى الجامعه واتضطر ان يوافق لكي لاتحزن منه ولكن مع حراسه شديده للغايه وكان ايضا يوصلها كل يوم ويأتي لى يأخذها.
اما عن سيف وسيلا فهما كانو يقضون شهر عسلهم في سعاده ولكن مع بعض مقالب سيلا في سيف واغتياظ سيف الشديد ولكنه كان يحب هذا كثيرا وخصوصا عندما تتحدث معه وتقضي معظم وقتها معه واعترافه لها بحبه واعترافها ايضا.
اما عن باقي العائله كانو يعيشون في راحه ومحبه بينهم جميعا ولكن حسام لايزال في حيره من امره ولا يعرف اي واحد من احفاده هو الشي*طان ولكن هل ستدوم هذه الحيره ولن يعرف من هو
_________________♡♡♡♡____________________
في صباح يوم جديد استيقظت ملاكنا على صوت المنبه وكانت الساعه تشير الى الثامنه فزعت عندما رأت الساعه وقعدت تهز في ادم علشان يصحى
ملاك بصوت عالي نسبيا / ادم اصحى بسرعه يلا يا ادم اصحى اددم
صحى ادم مفزوع من نومته الهادئه على صوتها ونظر لها باستغراب وايضا بعض الغضب وقال لها
ادم / ايه في ايه صوتك عالى كده ليه
ملاك باستعجال وعفويه / اخلص يلا قوم انت لسه هترغي
ادم باستغراب اكبر / ارغي انتي جيبتي الكلام ده منين
ملاك ببراءة / سمعت بنت بتقول كده في الجامعه
ادم / اهو شوفتي ادي اللى بناخده من الجامعه
ملاك باستعجال / قوم بس ونبي الساعه تمانيه وانا عندي محاضره الساعه تسعه وهتأخر اوي عليها انت لسه قاعد كده ليه قوم يلا بقا هتأخر
ادم بتأفف / حاضر حاضر هقوم اهو أنا عارف كان مالي ومال الجواز ما أنا كنت مرتاح
ملاك بغضب / بتقول ايه سمعني تاني كده
ادم بتراجع / بقول ثواني وهجهز علطول ياروحي
ملاك / اه اصلي سمعت غلط
ادم بغيظ / ابقى ركبي سماعه المره الجايه علشان تسمعي المره الجايه
ملاك بغيظ / نينيني طب قوم يلا اتأخرت
ادم / خلاص قومت اهو
دخلت ملاك تلبس وسابته هو بغيظه وبيتحسر على نفسه
ادم بحسره / كان مالي ومال الجواز بس ياربي لأ أنا اتبهدلت خالص والله اما اقوم البس احسن تيجي تاكولني
وقام يلبس هو كمان بعد ربع ساعه كانت ملاك جهزت وادت فرضها وادم كمان كان جهز واول ما شاف ملاك كالعاده انبهر من جمالها وتضايق ان هناك الكثيرون سيروها بهذا الجمال ولكن حاول التحكم بنفسه فهي كانت ترتدي ثياب محتشمه.
واخذها ونزلو الى الاسفل القو الصباح على الجميع ومن ثم خرجو من القصر وذهبوا الى الجامعه وقبل ان تنزل ملاك اوقفها ادم عندما جذبها من خصرها وهمس امام شفت*يها
ادم بهمس رجولي جذاب/ مش هتودعيني الاول ياملاكي
تاهت الاخرى بين يديها وقبل ان تتكلم كان الته*م شفتيها في قب*له عاشقه وابتعد عنها بعد دقائق عندما شعر بحاجتها الى الهواء.
ملاك بخجل شديد / انت مش هتبطل قلة ادب
ادم بخبث / وهو فيه احلى من قلة الادب ياروحي
عدلت ملاك من هيئتها قبل ان تنزل وهي تنظر اليه بغيظ
مما فعله وقالت له
ملاك / امتى بقى تبطل قلة ادبك دي مش عارفه والله
ادم بضحك شديد / معلش بقى ياحبيبتي استحملي
ملاك باستعجال / لولا اني مستعجله دلوقتي كنت هخليك تكره قلة الادب واللى اخترع قلة الادب دي يلا بقى سلام
ادم بضحك / سلام يامجنونه
دخلت ملاك الى الكليه وخلفها مجموعه كبيره من الحرس ودخلت الى المدرج ولكن كان الدكتور دخل قبلها وكان يبدو عليه دكتور جديد اول مادخلت هو قالها
الدكتور بعصبيه / انتي ازاي تدخلي بعدي اتفضلي بره
ملاك برقه / أنا اسفه يادكتور بس دي اول مره اتأخر فيها ومعادتش هتتكرر تاني
الدكتور / طيب اتفضلي وتاني مره مش هتدخلي محضراتي تاني لو اتأخرتي
كادت ملاك ان تدلف وورأها الحرس ولكن اوقفها الدكتور مره اخرى
الدكتور فارس / انتو رايحين فين انتو كمان
كبير الحرس / احنا حرس الهانم
فارس / ممنوع دخول المدرج اصلا واتفضلو بره
كبير الحرس / احنا معانا اذن من رئيس الجامعه نقدر ندخل
فارس بغيظ / ادخلو اما نشوف اخرتها
دخلو وجلست ملاك بجانب فتاة جميله وكانت محجبه وتوزعو الحرس حول المدرج
الفتاة بأبتسامه جميله / هاي أنا ندى وانتي
ملاك بابتسامه / اهلا أنا ملاك
ندى / اتشرفت بمعرفتك ياقمر
ملاك بطيبه / أنا اكتر
قاطع كلامهم الدكتور وهو يقول
الدكتور / احم انا الدكتور فارس المهدي وانا اللي هدرسلكم مادة ***** مكان الدكتور احمد ممكن كل واحد يعرفني بنفسه
وابتدى الكل يعرف بنفسه وجيه عند ملاك وندى وسأل ملاك
ملاك / انا ملاك السيوفي
فارس بدهشه / انتي حفيدة حسام السيوفي
ملاك باستغراب / اه هو حضرتك تعرفو
فارس / هو فيه حد في مصر ميعرفش عيلة السيوفي ع العموم اتشرفت بيكي ووجه نظره الى ندى وجد فتاة في غاية في الجمال ترتدي حجاب عكس كل الفتيات الموجودين وسرح في جمالها الرقيق ولكنه فاق سريعا من شروده وانتي اسمك ايه
ندى بارتباك / ا.ا. انا ندى النويري
فارس / انتي اخت رعد النويري صح
ندى / ايوه
فارس / تمام اتفضلي
وبدء يشرحلهم بمنتهى البساطه وكان كل دقيقه ينظر الى ندى دون ان يراه احد وهي كانت تكتب ورأه المحاضره هي وملاك وفهمو منه كثيرا وبعد ساعتين انتهت المحاضره وبدأت محاضره اخرى واخرى لحد ماخلصو خالص
خرجت ملاك بصحبتها ندى يتوجهون الى كافتيريا الجامعه
جلسو وظلو يتحدثون ويتعرفون على بعضهم اكتر وملاك احبت ندى كثيرا وكذالك ندى ايضا وعرفت انها متزوجه من ادم وبعد قليل رن هاتف ملاك برقم ادم فعلمت انه اتى لكي يأخذها وذهبت هي وندى وكان اخوها ايضا اتى ليأخذها
ذهبت ملاك الى ادم ودخلت في حضنه وهو شدد على احتضانها وقال لها
ادم بعشق / وحشتيني ياملاكي
ملاك / وانت كمان تعالى اعرفك على صاحبتي
واخذته من يده قبل ان يفهم من هي هذه الفتاة
ملاك / ندى ده ادم ادم دي ندى صاحبتي
ادم / اهلا ووسهلا
ندى / اهلا بيك وده رعد اخويا
رعد / ايه ده ادم باشا هنا عاش من شافك يا راجل
ادم / رعد حبيبي واحشني والله
ملاك باستغراب / ايه ده هو انتو تعرفو بعض
ادم / ايوه ياحبيبتي رعد شريك معايا في الشركه اللي في تركيا
ملاك بفرحه / يعني هقدر اشوف ندى في اي وقت صح
ندى بسعاده / صح ياروحي
فارس كان خارج بره الجامعه وشافهم واتجه اليهم
فارس / رعد باشا اهلا بيك
نظر رعد خلفه / يخربيتك فارس عامل ايه واحشني والله ايه اللي جايبك هنا
فارس وهو يحتضنه / وانت كمان واحشني والله… وبعدين أنا هنا دكتور في الكليه دي
ووجه كلامه الى ادم / اهلا بيك يا ادم باشا
ادم / باشا ايه بقى ياعم عايز تعرفني انك اول مره تشوفني يعني
فارس بغيظ / انت دايما مفسد كده
ادم وهو ينظر له نظرات ذات مغزى / شكلك نسيت ايام زمان
فارس بتراجع / لا وعلى ايه الطيب احسن
واكمل باستغراب بس انت مقولتليش انت بتعمل ايه هنا اه صح نسيت ان الانسه ملاك بنت عمك
ادم / المدام ملاك
فارس باستغراب / مدام هي متجوزه
ادم / ايوه طبعا انت واقف مع جوزها اهو
فارس باستغراب / وهو فين ده ليكونش سليم لأ بس رعد متجوز دي كانت چيلان قتل*ته اومال مين مفيش غيرك واكمل بصدمه يعني انت جوزها حد يقرصني ياجماعه
ادم / لأ صدق ياخويا أنا جوزها
فارس بحسره / اه ياني عيني عليك يا فارس يا بن ام فارس الكل اتجوز معاداك هتعنس ياحبيبي
ضحك الكل عليه وبالاخص ندى وملاك اللى انفجرو من الضحك عليه
فارس شاف ندى وهي بتضحك وقال بتوهان وهو ينظر اليها / بس شكلي خلاص هتجوز قريب اوي
خجلت ندى بشده من كلامه لانه كان ينظر لها
ووجد من يمسكها من ثيابه
رعد بغضب / سمعني تاني كده بتقول ايه
فارس / ياعم مش بقول حاجه بس بفكر اتجوز انا كمان واخش دنيا ايه مش عايزني افرح
رعد بخبث لانه فهم مقصده / لا طبعا ياصاحبي ده انا اتمنالك الخير من كل قلبي بس ياترى العروسه هتوافق
فارس بثقه وتحدي / هتوافق اكيد هتوافق يلا بقى همش أنا علشان عندي شغل مهم
رعد / تمام مع السلامه
ادم / طيب هنمشي احنا بقى علشان سيلا وسيف هيرجعو النهارده من شهر العسل
رعد / اوك مع السلامه
وذهب كل شخص الى بيته وصل ادم وملاك امام القصر ودلفو الى الداخل
وجدو الجميع يجلس معادا الجد الذي كان بغرفته القو التحيه عليهم وصعدو لكي يبدلو ثيابهم وينزلو للغداء
بعد قليل نزلو الى الاسفل وجلسو جميعا وكان لا يتبقى على موعد وصول سيف وسيلا سوا نصف ساعة
مر الوقت وسمعو صوت صراخ سيلا وهي تقول
سيلا بصوت عالي جدا / يا اهل البيت أنا جيت انتو ياقوم احنا جينا
ادم / ايه ياختي صوتك عالي كده ليه محسساني إنك ملكه ووصلتي
سيلا بضحك / ايه ياعم مش برحب بنفسي
سيف بغيظ / وهو انتي ناقصه ترحيب ده انتي فرجتي باريس كلها علينا
سيلا / اسكت انت مش فاهم حاجه خالص اللي حصل ده دليل على حب النااس
مايا / واضح ياسيلا حب النااس ده اهلك نفسهم مش طايقينك
سيلا / بقى كده يامامي وأنا اللي قولت اول ما اوصل هتاخدني في حضنها وتقعد تعيط وتقول وحشتيني يابنتي
مايا / لا ياختي أنا كنت مرتاحه اوي من غير وجودك
سيلا بحزن مصطنع / يخساره يعني محدش هيرحب بقا ولا يستقبلني
/ لأ ازاي ده انتي بيهم كلهم ومحدش يرحب بيكي
سيلا بفرح / جدو حبيبي وحشتني اوي
حسام بحنان / حبيبة جدو انتي اكتر ياحبيبتي
ملاك بزعل طفولي / بقا كده ياجدو يعني انت بتحب سيلا اكتر مني
حسام بحنان / لأ طبعا ياحبيبتي انتو كلكو عندي زي بعض بالظبط.
ملاك / حبيبي ياجدو ربنا يخليك لينا يارب
ادم بغيره وصوت منخفض لى ملاك / حبيبك هنشوف الموضوع ده بعدين بس في الجناح علشان اعرف مين اللى حبيبك
ملاك ببراءة / انت طبعا اللى حبيبي يادومي
ادم / ثبتيني ثبتيني اما اشوفك هتفضلي شجاعه كده ولا هتقلبي فرخه مبلوله اما نطلع
ملاك بهمس / ماشي لما نشوف
سيف قاطع حديثهم / ايه ياجماعه مش هنتغدى ولا أنا ميت من الجوع
سيليا / حاضر ياحبيبي خمس دقايق والاكل يكون جاهز تعالي معايا يا مايا نشوف لو جهز ولا لسه وذهبوا الى المطبخ لكي يرو اذا جهز الطعام ام لا
جلسو هما ينتظرون طعام الغداء فرن هاتف حسام برقم يعرفه هو جيدا واخذه وذهب الى غرفة المكتب وفتح الهاتف وتكلم
حسام / هاا عرفت مين هو
الشخص / …………
حسام بصدمه ودهشه / مش معقول لا اكيد الكلام ده غلط