رواية أحببت مريض منفصم الجزء 2 البارت الرابع 4 بقلم مريم سمير
 |
| رواية أحببت مريض منفصم الجزء 2 البارت الرابع 4 بقلم مريم سمير |
رواية أحببت مريض منفصم الجزء 2 البارت الرابع 4 بقلم مريم سمير
وقفنا وفضلت انا ومحمد نبص لبعضنا
متجوزة طور اه والله طور بس على كبير شويه، اى يبت انتى مراتى دى انت بتشقطنى يغبي! اى شغل المراهقين دا، دا انا مش هحلك والله اصبر عليا
_مراتك مين يا احمد!
نزل من العربيه، لا كده احيه وكملت والله، لا مش يطير بالعربيه او يقول بعاكس تؤتؤ ينزل من العربيه عادى بمنتهى البرود الأعصاب إلى في العالم حقيقي بكرهك ربنا يديم عدم القبول بينا يحبي، بس البدلة قمر مين اخترهالك بالله!
=سلمى، انا مش هقدر اخبي عليكى اكتر من كده
هيعترف هيعترف من غير ولا قلم حتى، هيبعنى هيبعنى الواطى، واى اكتر من كده؟ احمد انت مكملتش 8 ساعات متظطش، اى النافورة في الأداء دى
=مريم مراتى
_انا يبنى!!
=أنا اسف بس اكيد عارفه ان كل شئ قسمه ونصيب، وأننا صحاب اوى واخوات مهما حصل
_الف مبروك يمريم
*مريم مين! انا اعرفك يبنى!
=خلاص يمريم سلمى عقلها اكبر من كده
*يبنى مش قولتلك يكأنى موظفه عاديه لو قالت دلوقتي انها واسطة يعنى وهى فعلا واسطة، مكنتش اقعد في البيت واطبخ احسن
=لا ابوس ايدك دا انا اترحمت والله
*احمد الله
=زعلانة يسلمى!
_يبنى عادى، انت بنسبالى صاحبي الوحيد وبس، مش عارفه باباك وبابايا كانوا عاوزين يجوزونا ازاى!
_اى دا انتى مش متجوزة
*ششش محمد اخرس
_احترمينى شويه الله يحرقك
..
_هه، طب اى رايكم اعزمكم على الغدا، وبالنسبه لمريم فتروح البيت تطبخ أكلها الجميل براحتها
=اسم المطعم اى يعسل!
ركبنا العربيه وبجد مكنتش اتوقع رد فعلها كان رد فعلها لطيف جدا زيها كده، اتجوزها محمد طيب واقول مكنش قصدي ولا اعمل اى في القمر دا، يجماعة بجد انا بنت وكده؟
قعدنا في مطعم وطلبنا اكل
_انا قايمة اعدل مكياجى
=مريم انتى مش حاطة مكياج اصلا
_محمد مش معقول كل شويه اقولك أخرس، هقوم احط مكياج ارتحت
..
_وانا قايم اعدل البدلة
=احمد البدلة معدولة
_لا حاسس انها مش معدولة يسلمى
قومت انا واحمد احنا ماسكين نفسنا من الضحك، الواد طلع بيفهمنى والله، دا انا حبيبي ربنا يكمله بعقله والله، سبناهم لوحدهم عشان لهيب الحب يشتعل بدل مولع فيهم هما الاتنين واحمد وكوثر مش معقول انا زهقت
_احمم، مش عوزاك زعلان منى
=مفيش حاجة والله يسلمى عادى
_كويس، هما اتأخروا لى؟
=سلمى هنا لسه موصلوش لآخر الطرقه
_اه صح انت صح
=ممكن اسأل سؤال رخم؟
_لاء
=طب ممكن اسأل سؤال ارخم
_هو لو رخم اووى يعنى فقول
=انتى مش مخطوبه بجد؟
_بالله مش مخطوبه
=احمم، اصل يعنى انتى حلوة اوى ف استغربت
_نصيب
=شوف إلى سابت كل الكلام ومخدش بالها من حلوة اوى، خدى بالك من الكلام
_منا لو خدت هتلاقي قلم نازل على وشك
=اى الوقاحة إلى انا فيها دى، متخديش بالك من الكلام خالص بعد كده سامعة!
_هه
جيت انا واحمد في نفس الوقت يجماعة متحسوسنيش اننا متفقين مع بعض ازعل والله
_ها هتسمعوا عيالكم اى!
=نعم؟
_طلبتوا اى يسلمى؟
=زيكم ما احنا طلبنا سوا
محمد مش ناصح الا يقعد مبلم كده بتهيقلي المحاولات باءت بالفشل وهولع فيه مش هزار
كلنا وروحنا سلمى الأول ونزلت من العربيه
_انت يلا مش عارف تشقط المزة
=لاحظى انك بتتكلمى عن بنت عمي
_بس يلا، مهى مراته
*لا وواثقه من نفسها خد بالك
=اه خد والله
_اى يبنى، متكلمتوش لى
=عشان لو اتكلمت كنت هلاقي قلم على وشي وكرامتى هتحتاج مقشه ومكنتش هعرف ألمها منين ولا منين والله
_وه! دى طلعت مش رقيقه وكده
=لا خالص
_كويس تعحبنى
=ايه!!
وصلنا خبيتنا إلى هو محمد واضحة يعنى وروحت انا وهو إلى هو أحمد واضحة بردو مش حوار
_اليوم كان متعب اوى
=مريم انتى معملتش حاجة!
_الاه امال انا حاسه انى متعبه لى
كانت الايام بتمر والشغل احمد يكبر فيه اكتر واكتر وانا على طول فخورة بيه وعلى طول بشكر ربنا على واحد زيه، صاحب قبل حبيب، يمكن هو عصبي وغيور بس انا بجد عمرى مهلاقي احسن منه في الدنيا، اه صحيح نسيت اقولكم سلمى ومحمد بقوا صحاب، صحاب جامد وتقريبا كل واحد عارف كل حاجة عن التانى، يمكن سلمى كانت محتاجة لواحد جدع وطيب ودمه خفيف زى محمد ومحمد كان محتاج بنت جميلة ولطيفه وطيبه زي سلمى، بس هما مش شايفين بعض غير صحاب، ايوة صحاب وبس ألطم!
لغايه مجه اليوم، يمكن اسعد يوم في حياتى
دخلت الفلة
_كنتى فين؟
=فين حمدالله على السلامه!
_كنتى فين بقولك؟
=انت بتزعق لى؟
_عشان حضرتك سايبه البيت وسألت عليكى في الشغل قالت مشت وجايه دلوقتى المفروض احضنك يعنى!
=يريت والله
_كنتى فيه يبت انتى بدل مفقد اعصابي
=كنت عن الدكتور
_دكتور لي؟
=دكتور نسا وولادة
_نسا؟ اى علاقتك بالنسا يمريم
=شوف الظريف مش هرد عليك، ولادة ملفتتش نظرك
_ايوة يبنتى روحتى لى فين الاجابه
=اتمنى ابننا ميخدش غباءك والله اتمنى
_ابننا!
=انا حامل
_بجد والله؟
=والله حامل
_دا اسعد يوم في حياتى
=وانا كمان اه
_انا بحبك اوى والله
=وانا كمان اه
_يشيخة الله يحرق غباءك
=الله يكرمك خد بس رايح فين
طبعا استغليت حملي وعملت زى الخيارة المخلل وقاعدة اكل وبس، تانى يوم طبعا احمد قال لمحمد وسلمى طبعا هما جولى، طب والله خال وخالت عيالى بجد مش هزار
قعدنا بليل سوا إلى هو انا واحمد وسلمى ومحمد واضحة مش محتاجة كلام
_هنسمى البيبي لو بنت هنسميها جميلة ولو ولد عماد
=انت الى هتحمل يعنى! انا هسمى البنت حبيبة ولو ولد مؤمن
_جميلة او عماد
=حبيبه او مؤمن
_لا
=اه
*اهدوا بس بس، اي مش محترمين وجودي انا وسلمى، اى شغل العيال دا متختاروا اسم سوا
_لاء انا الى هحمل
=وانا إلى هصرف
_وانا ال هولد
=وانا إلى هدفع
*عجبك كده ابن عمك وبنت خالتى وشغلهم دا، طب بقولك اى نتجوز وتهخليكى تسمى العيال والله
ضحكت انا واحمد وسلمى احمرت يختى قمر عليكم والله
_احترموا تعبي
=مريم انتى لسه في الأسبوع الرابع!
_انا الى غلطانة انا الى مش بحسسم ب ألامى
*بوظوا اللحظة كمان، اخرسوا بقي، هة قولتى اى يسلمى
_اتجوزيه يسلمى دا غبي وممكن ينتحر وتشيلى ذنبه وتخشي جهنم هتخشي جهنم عشان كلب زي دا تخيلى!
*انتى كده بتصلحى الدنيا وكده
_الواد بيحبك وانتوا صحاب اوى احمدى ربنا انك عرفاه انا كنت اتجوزت على اساس عموعماد
=يبقي نسمى عماد يمريم
_أخرس يا احمد مش وقته ها قولتى اى يسلمى على فكرة مش هبقي عمتو الحربايه لا خالص
كانت سلمى حمرة اوى وبتضحك بكسوف
_ها موافقه؟
=موافقه يمحمد
_هات رقم عمك بسرعة يا احمد معلش
كانت الفرحة في عيونا احنا الأربعة وبجد انا فرحنالهم جدا، كانت خطوبته جميلة جميلة بفرحة محمد وضحكة سلمى جميلة ب وجودي طبعا انكروا بقي انكروا عوزاهم انكروا
مرت تسع شعور فيهم تقلبات الحمل الفترة إلى حبيت فيها احمد اكتر كان فعلا مستحملنى، كان بيسهر جمبي ومش بينام غير لما انام حتى لو الفجر كان بيقدر تعبي وبيحاول يفرحنى ب اى طريقه كان بيجبلى اى اكله غريبه بطلبها وفي الاخر تترمى في وشه لا بجد انا محظوظة بيه والله
جه يوم الولادة لأول مرة اشوف دموعه وخوفه عليا لأول مرة احس ان فعلا ممكن حد يحب حد كده! لا دا انا طلعت جامدة وخليته يقع ويبقي معجب مغرم مش عاوز غيري انا
تمت الولادة على خير الحمد لله طبعا يعنى سمينا عماد كنت قولت هسمى حاجة تانيه! لا طبعا دا اسم حمايا نور عينى دا
بجد البيت مش عاوز غير شويه حب يكبر فيه طفل بيحب باباه ومامته وتيجى اسعد اللحظات إلى تحكي فيها قصه حبكم أولادكم وفي الاخر تبصيله وتبتسمى وتقولى (بحبك يا احمد )
تمت..
جميله اويي يمرييم????????.