رواية حب بالصدفه الفصل الخامس 5 بقلم ملك ناصر
رواية حب بالصدفه الجزء الخامس
رواية حب بالصدفه البارت الخامس
رواية حب بالصدفه الحلقة الخامسة
بليل في قصر التهامي..
كانت ماشيه بتتسحب بليل وصلت للمطبخ فتحت النور بصت حوليها تتأكد من عدم وجود اي حد فتحت التلاجه كانت بدور على اي اكل بسبب جوعها الشديد تتفاجاه بصوت جاي من وراها..
: بتعملي ايه؟!
شهقت بفزع وبصت وراها لقتو واقف اودامها ومربع ايدو..
كنان: بتعملي ايه هنا في الوقت ده..
دارين بتوتر واحراج: ب. ب. كنت.. ا..
كنان قرب منها بابتسامه كنتي ايه..
دارين وهي بتبعد بتوتر: جعانه..
كنان: وانا كمان..
دارين وهي بتبص في عيونه: وانت كمان ايه؟!
كنان: جعان..
بعد عنها وفتح التلاجه..
كنان: عايزه تاكلي ايه..
دارين: مش عارفة اي حاجه.. انت بتعرف تعمل ايه..
كنان ببلاهه: انا مش بعرف اعمل حاجه..
دارين بضحك: ههههه بجد..
كنان سرح في ضحكتها: كتك القرف في حلاوتك..
دارين: ايه؟
كنان فاق من سرحانه: ها؟ ايه؟
كنان قرب من التلاجه وطلع بيض..
كنان: هقلي بيض..
دارين: بس انا مش بحبه..
كنان: بس انا بحبه..
دارين عقدت حاجبيها: والله؟!
كنان: ههههههه اعمل ايه يعنى مفيش غيره..
دارين: اممممم تيجي نطلب بيتزا..
كنان: بيتزا؟! في الوقت ده؟ لا لا مستحيل
««بعد نص ساعه»»
دارين وهي بتاكل بشراسه: امممم البيتزا حلوه اوي
كنان وهو بياكل بتلذذ: اممم عندك حق..
فجاه هما الاتنين بيسكتوا بصدمه لما يسمعوا صوت حد جي من وراهم..
كنان: لميس..
لميس بصوت عالي: انتوو بتعملوا ايه..
دارين جريت عليها وكتمت بوقها: شششش وطي صوتك..
كنان وهو بياكل: في ايه يا لي لي انتي داخله علينا دخله بوليس الاداب كده ليه..
دارين برقت عنيها بصدمه ولميس ضحكت..
لميس وهي بتقرب وتقعد جمب كنان: طب مش تقولولي اللي انتو جايبين بيتزا يا جودعان.. كانت بتقول كده وهي بتاكل..
كنان: تعالي يا دارين اقعدي وقفتي ليه..
دارين قعدت وقعدوا التلاته ياكلوا وهما بيضحكوا ويهزروا مع بعض لحد ما سمعوا اذان الفجر..
لميس: يااااه داحنا سهرنا اوي.. انا هدخل انام بقا..
كنان: اه انا كمان هنام الحق الساعتين دول..
دارين: استنوا انتو رايحين فين مش هتصلوا؟؟
كنان ولميس بصوا لبعض باحراج: انتي هتصلي؟؟
دارين: اه طبعا يالا نروح نتوضا ونيجي علشان نصلي سوا..
وفعلا راحوا التلاته واتوضوا وخرجوا وابتدا كنان يصلي بيهم..
»»»»»»»»»»»»»»»»»»»»»»
الصبح»»
صحيت دارين والابتسامه على وشها بسبب انها حلمت بمامتها وباباها.. دخلت اتوضت وصلت فرضها وبعدين خرجت ولبست بنطلون ابيض ضيق وتيشرت بنص كم وفرضت شعرها البني القصير على ضهرها وكانت جذابة ورقيقه جدا..
سمعت صوت جاي من تحت خرجت من اوضتها ونزلت..
اما تحت كان موجود اخت صفاء واولادها التلاته وباقي العيله..
دارين وهي نازله من على السلم: صباح الخير..
الكل وجه نظروه عليها..
حمزه صفر باعجاب: اوبا مين الصاروخ الارض جو دي..
كنان اول ما سمع حمزه بيقول كده بصلوا بغضب وكان نفسه يقوم يضر.بوا بالبوكس في وشو وطبعا اللي لاحظ ده شخص واحد بس..
لميس بغمزه لحمزه: مزه صح..
كنان بغضب: لمييس
دارين كانت بتسلم على الكل وبعدين قعدت..
صفاء: اعرفكم يا جماعه دارين باباها يبقا ابن اخو لؤى.. ودي يا دارين اختي ودول ولادها حمزه وتالا ولارا..
دارين هزت راسها بابتسامه..
ردت لارا بجرأ: ودارين دي بقا عايشه معاكوا هنا يا خالتو..
دارين بصت للارض باحراج..
لميس: اه يا قلب خالتك عايشة معانا هنا..
لارا بصتلها من فوق لتحت بقرف..
تالا بابتسامه بشوشة: ازيك يا دارين انا تالا اتشرفت بمعرفتك..
دارين بابتسامه: وانا اكتر..
اخت صفاء: وانتي عندك كام سنه يا حبيبتي..
دارين: سبعتاشر..
لارا بعدم اهتمام: طفله يعني..
لميس: اممم طفله وزي القمر يا لولو..
لارا بصتلها بغيظ بسبب انها كل ما تيجي تحرق دمها لميس تكيدها..
تالا: وانا عندي عشرين ولارا تؤامي يعني عشرين سنه برضو..
دارين ضحكت وحاولت تداري ضحكتها..
لارا: بتضحكي على ايه في حاجه تضحك..
مامتها: لارا..
دارين: اصلي انا عندي سبعتاشر وبتقوليلي طفله وانتي عندك عشرين يعني اكبر مني بتلت سنين بس..
صفاء علشان تهدي الجو: اطلعوا يابنات اقعدوا مع بعض فوق..
لميس قامت بحماس: اشطا يالا..
دارين طلعت معاهم وهي طالعه على السلم فجاه تلاقي رجل كعبلتها ووووووووو
تفتكروا مين اللي كان عايز يوقع دارين؟! ومين اللي لاحظ غيره كنان الشديده على دارين؟!
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية حب بالصدفه)
تعليق واحد