رواية الخادمة والأمير الفصل الأول 1 بقلم محمود حماد
 |
| رواية الخادمة والأمير الفصل الأول 1 بقلم محمود حماد |
رواية الخادمة والأمير الفصل الأول 1 بقلم محمود حماد
آيه_والله يا بابا صدقني مش انا مش انا اللي في الصور دي
بابا بقلم نازل على وش آيه_اه طبعا لازم تكدبي اتفو على اخلاقك خليتي وشي يبقى في الارض
آيه_افهمني والله ما انا والصوره فوتوشوب واللي بتقوله مش صح
بابا_وكمان بتكدبي مرات ابوكي خساره فيكي اللقمه
اطلعي برا برااااااا
آيه_بتطردي وانا مش عامله حاجه حسبى الله ونعم الوكيل فيكي حرام عليكي
مرات الأب_هه تستاهلي جتک نيله غوري في داهيه
آيه_مليكه الحقيني
مليكه_اي يا آيه مالک وماله صوتک
آيه_بابا طردني من البيت
مليكه_يلهويي وانتي فين دلوقتي ومعاكي حد ولا لا
آيه بعياط_في الشارع ومش عارفه هروح فين
مليكه_طب اهدي أهدي خليكي مكانگ وانا هجيلک بالعربيه
آيه_بسرعه يا مليكه مستنياكي
..(بعد مرور ربع ساعه)..
مليكه_آيه حبيبتي اهدي اهدي كل حاجه هتبقى كويسه
آيه بعياط شديد_انا مظلومه يا مليكه ومش انا اللي في الصور لا
مليكه_طيب اركبي ولما نوصل تعرفيني ايه اللي حصل
..(بعد الوصول لمنزل مليكه)..
مليكه_يلا يا آيه عشان ناكل مع بعض
آيه_مليش نفس
مليكه_لا مش هاكل غير بيكي
آيه_مش جعانه كولي انتي وانا لو جوعت هبقى آكل
مليكه_طب خلاص وانا كمان مش هاكل مع اني كنت صايمه وهموت من الجوع
آيه_لا كولي يلا عشان ميجيلكيش هبوط
مليكه_وفيها اي طب ما انتي مش هتاكلي
آيه_لا خلاص يلا هناكل سوا مع بعض
مليكه_ايوه كده يلا بسم الله الرحمن الرحيم
..(بعد إنتهاء الأكل)..
آيه_انا تعبانه نفسيا يا مليكه اوي
مليكه_انا عاوزة افتح الموضوع معاكي بس خايفه لتزعلي بس يلا احكيلي في اي
آيه_مرات أبويا
مليكه_مالها الغراب دي عملت اي
آيه_جايب صور معمولها فوتوشوب مع راجل وصور مش كويسه وحاطه وشي عليها
مليكه_يا نهااار اسود هي الست دي مش طبيعيه
آيه_مش طبيعيه دي قليله عليها
مليكه_طب وبعدين
آيه_قالت لبابا وبابا كالعاده مش بيستنى لما يسمع زي كل مره
مليكه_عمل اي المرادي! اللي ف وشگ ده منه
آيه_انتي عرفاه فضل يضرب فيا لحد ما وشي اتنفخ
مليكه_بجد حرام عليه المفروض يكون جمبك بعد مامتک الله يرحمها
آيه بدموع_ههه ماما اي بقا بعد اللي بيعملوا ده ماما الله يرحمها لو كانت موجوده مكنتش تسمع ل ده كله يحصل
مليكه_طيب اهدي وأدعيلها بالرحمه وربنا يرحمها وتقابليها في الجنه أن شاء الله
آيه_يارب يا مليكه يارب
مليكه_يارب يحبيبتي
آيه_مليكه انا عاوزه ادور على شغل من بكره
مليكه_شغل اي لا يا آيه انتي اديكي قاعده معايا ومش هتحتاجي لشغل انتي معايا واحنا اخوات
آيه_عارفه والله بس مش هينفع لازم اشتغل واجيب قرش بعرقي
مليكه_لا لا بلاش وكل حاجه انتي عاوزاها هجبهالک ولو عوزتي لبس اهو الدولاب نقي اللي انتي عوزاه وهيكون بتاعك
آيه_عارفه ان من غيرک مكنتش هلاقي بيت اتفتحلي ولا حد خدني في حضنه زيك ربنا يكرمگ في حياتک
مليكه_يارب يا قلبي
آيه_بس برضوا انا عاوزه اشتغل ممكن تشوفيلي شغل عشان ارتاح بالله عليكي
مليكه_يربي انتي مصممه لي، طيب خلاص استني في واحده صحبتي اتعرفت عليها شغاله في القصر بتاع الملک خالد وبتجيب فرص يعني مثلا اشراف على الشغل هناك وكده استني هكلمها
آيه_طيب موافقه رني عليها دلوقتي وأسأليها
مليكه_الو يا رحمه
رحمه_الو يا مليكه عامله اي
مليكه_الحمدلله يحبيبتي بخير انتي عامله اي
رحمه_الحمدلله اهو في الشغل
مليكه_ربنا معاكي اهو انا برن عليكي عشان كده
رحمه_خير قولي محتاجه حاجه بخصوص الشغل
مليكه_اه واحده صحبتي بدور على شغل ممكن تشوفيلها مكان معاكي
رحمه_والله يا مليكه كان في مكان لواحده مشرفه زيي بس الكلام ده من يومين وفي واحده جات واخدته
مليكه_يربي طب مفيش اي شغل تاني يكون كويس
رحمه_هو اه في بس..
مليكه_بس اي يا رحمه
رحمه_بصي من كام يوم الخدامه بتاع الأمير خالد مشوها عشان مكنتش كويسه
مليكه_اه وبعدين
رحمه_فهو كده محتاجين واحده تكون نضيفه وقد المسؤليه وتكون خدامه الأمير خالد
مليكه_انتي بتهزري اي اللي انتي بتقولي ده لا طبعا دا لصحبتي
آيه_انا موافقه يا مليكه هبدأ من بكره…..؟؟
يتبع..
لقراءة الفصل الثاني : اضغط هنا
لقراءة باقي فصول الرواية : اضغط هنا
نرشح لك أيضاً رواية المسمومة للكاتبة كوكي سامح
