اسكريبت ماذا بعد الفصل الاول 1 بقلم أمل محمد
 |
| اسكريبت ماذا بعد الفصل الاول 1 بقلم أمل محمد |
اسكريبت ماذا بعد الفصل الاول 1 بقلم أمل محمد
قاعدين ع الكوشة في القاعة المفروض ان النهاردة يوم خطوبتننا بس هو بيبتسم في وش كله الا انا !! بيضحك ويهزر مع كله الا انا !! بيبص حولين نفسه الا انا !!
بصتله وانا بحاول افهم ليه خطبني وهو هيعاملني كدا !!
طب ليه لما ايجا يتقدم كان منشكح اوي لدرجة قولت انه عارفني من قبلها !!
نديت عليه وانا بجد زهقت من القاعدة كدا : مالك
لف اخيرا وبصلي فقولت بخنقة حاسة اني هعيط خلاص : انا عايزة اروح بعد اذنك
ما كلفش نفسه حتى يرد عليا فهز راسه بماشي وقام واتكلم شوية مع الناس وبعدين خرجنا في عربيته روحني البيت وهو روح
هو مش مثلا نطلع نتعشى في مكان ولا انا مش محسوبة من ضمن البنات اللي بتفرح في يوم زي دا
دا حتى ما كلمنيش فون ولا حتى بعت رسالة تبرير لأي حاجة..هه دا بينه مغصوب..بس انا مش بفرض نفسي على حد
مسكت الفون وبعتله رسالة ” واضح اوي ان الموضوع خنقك ايه رأيك نلغيه خالص “
بصيت للفون بتركيز وقلبي بيدق خايفة اوي من رده ومش عارفة ليه
قلبي وقف لما بعت ” اتمنيت الموضوع قبلك بس مش بإيدي” وبعدين بعت ايمشون “????”
