رواية عدت للماضي الفصل الثاني 2 بقلم مريم سرور
رواية عدت للماضي الجزء الثاني
رواية عدت للماضي البارت الثاني
رواية عدت للماضي الحلقة الثانية
يلا يا مصطفي المعازيم مستنيه اتاخرت ليه؟!!!
بصيت ليها بخضه وقلبي بيدق ودموعي قربت تنزل معقوله حلم ؟!!!
روحتلها جري وانا بعيط
مروه ؟!!مروه انتي وحشتيني اوووي اوووي
ضحكت ..يا بكاش منا كنت قاعده معاك امبارح
حضنتها وانا بعيط انا مش مصدق انك حقيقي انا بحبك اوووي انا اسف والله اسف
مسكت وشي وقالت مصطفي انت كويس ؟!مالك يا حبيبي
مكنتش في وعيي بس قولتلها مشيتي ليهه انا قلبي بيوجعني من غيرك دمي محروق مش عارف انام ليهه مشيتي طب انتي عارفه انا كنت جاي وجايبلك العقد اللي كان نفسك فيه واتخانقنا عشانه وكنت جاي اصالحك بس انتي مشيتي…
مشيت ازاي بس يا مصطفي انا هنا اهو وبعدين عقد ايه اللي بتتكلم عليه؟؟!!!
احنا اتجوزنا وانني موتي وانا كنت متشاكل معاك وبعدين روحت لدكتور ووو
وبدات انهج وانا بكلمها مش قادر
مسكت وشي ومسحت دموعي وقالت هشششش متزعلش نفسك انا هنا انا عارفه انك متوتر بس متخافش مفيش حاجه من دي حصلت
ازاي ؟!!!
انا معاك اهو
طب اوعي تسيبيني
حاضر يا مصطفاي.
بحبك اوووي علي فكره
انا كمان يلا بقي
نزلت معاها الفرح اللي مكانش فيه حد غيري انا وهي العالم اللي رجعتله كنت انا وهي بس
مفيش حد كانت جميله كنت فرحان اووي رغم اني عارف انه مش حقيقي
نمت معاها وانا فرحان مروة رجعت رجعت ليا
صحيت لقيت نفسي عند الدكتور
مروه …مروه فين؟!!!!
اهدي بس مش قولتلك هتررجع
طب ليه رجعت هنا تاني ؟!
لا ده مفعولها فتره بس
طب طب انا عايز ارجع تاني
مينفعش
ليه
هتموت
مش مشكله انا عايزها.
فضلت اصرخ وقلبي بيوجعنني رجعني ليها رجعني تاني عشان خاطري بالله عليك
خدت حبايه تاني ورجعت صحيت لقيتها قاعده جمبي ومجهزه الفطار وبتضحكلي ضحكتها الرومانسيه اللي بتسحرني
خدتها في حضني وانا فرحان بس الغريب انها مكانتش بترد الحضن …..
انتي زعلانه مني ؟!!
لا يا قلبي وازعل منك ليه ؟!!
اومال ليه بعيده
انا هفضل بعيده يا مصطفاي
قلبي وجعني قصدك ايه ؟!!
مقصديش يا يا حبيبي ..ها هنروح الغردقه امتاا انا عايزه شهر عسل محلمش بيه
بس كده من عنيا
روحنا الغردقه وكالعاده مفيش حد انا وهي بس
كنت فرحان اوووي بوجودها
الموضوع اتكرر كتير بقيت اخد الحبايه ….وارجع ….وبعدين اخد حبايه تاني لغاية ما في مره خدت الحبايه ومعرفتش ارجع للعالم الاصلي ووصلت لليوم اللي انا وهي اتشاكلنا فيه
مصطفي ..انا نفسي في العقد ده
يتبع…
لقراءة الفصل التالي : اضغط هنا
الرواية كاملة اضغط على : (رواية عدت للماضي)
2 تعليقات