رواية ليل الفصل السادس عشر 16 بقلم ياسمين خالد
 |
| رواية ليل الفصل السادس عشر 16 بقلم ياسمين خالد |
رواية ليل الفصل السادس عشر 16 بقلم ياسمين خالد
_فؤاد بيشيل”عم علي” من علي الارض وبكل غِل بيضربه بالقلم” رد مين اللي وراك مين اللي قالك اقتل اخويا!!
_ ممدوح بيه سعيد.
“ماجد وفؤاد ف نفس واحد..ممدوح..عمي”:!!!!!!!
_” بيقول وهو بيعيط عياط هستيري”أيوه هو.. هو السبب..
=” ماجد بتلعثُم فـِ الكلام” إ إز إزاي عمي ممدوح يعمل كد كده!! “بعصبيه هستيريه” إنت كداب
_”عم علي بيبص فـ عيونه بـغِل وبيتنفس نَفس مسموع.. أيوه هو.. هو إللي أقتل أبوك
= فؤاد بـ إنهيار: إزاي!!!.. إزاي أخويا هيعمل كده إزاي هيقولك إقتلوا هيستفاد إيه إنت كداب
_ماجد رد مسرعاً: أيوه كداب عم ممدوح أكتر حد كان بيودني بعد أبويا أنا واخواتي الولاد، وكل يوم بيطمن علينا هيستفاد إيه!
_”عم علي بيضحك ب إستهزاء وبيسقف”لأ عاش بجد.. فضل يتصل بيكم عشان يبعد التهمه عنو.. كل اللي عاوز اعرفوا يابيه قبل م انطق حرف مين إللي عرفكم اني انا إللي قتلتهُ!
-كنت متصور وانت بتقتل أبويا،وحق لا اله الا الله انا ماهسكت
=”علامات الخوف زادت علي ملامحه، وشه بقي شاحب الدموع قلت لكن مازالت عروق عينه الحمرا ظاهره ضَم علي إيدو جامد.. “
_____________
فلاش باك
_________________
_ ياممدوح بيه إبنك ضحك علي بنتي وقالها هيتجوزها
=”ممدوح ب إستهزاء “سَند ضهروا علي الكُرسي ” لأ ياراجل طب وانا ف ايدي إيه أعملوا! أتحايل علي إبني عشان يتجوز بنتك! الناس تقول عليا إيه أنا وإبني إبن ممدوح بيه عُمده البلد إتجوز بنت الغفير إللي شغال عندوا!
_”عَم علي بيوطي ف الأرض.. “بيتبت علي بُندقيته بـ غل.” يابيه عارف والله إننا مش من مستواك “بنبره تهديد” .. وإني كان ممكن أقتله ومحدش كان هيلومني دفاع عن شرف بنتي اللي كانت نايمه ف المطبخ وهجم عليها زي الأسد إللي فَجع فريستهُ.. لكن أنا إبن أصول ولجأتلك إنت تقول لإبنك يتجوز بنتي يـ إما..
_”بيقوم وبيخبط إيدو علي المكتب ” يـ إما إيه ياعلي!
= ياإما هتشوف إبنك ف كفنه.
_ “فكر لمده دقيقه”.. طب أنا عندي حَل.. هيراضيك وهيراضيني أوي.
= قول يابيه أنا سامعك.
_ فرغلي أخويا عضو مجلش الشعب.
= مالهُ يابيه ده راجل مفيش زيو ف الدنيا كلها.
_” بيرفع حاجبيه وبغِل”طب ياسيدي عرفنا، هخليك تشتغل عندو
= وده هيريحني ف إيه!
_ خد لحد أخر الكلام.
= تمام سامعك يابيه
= وبعد فتره لحد مايثق فيك هتقتله.
_”بفجعه” أقتله.. انا اقتله ليه.. هو عمل ايه!!
=”بيقوم من علي الكرسي وبيلف حوالين عم علي وإتكلم ببرود ” ولو إنك ملكش حق إنك تعرف وعليك تنفذ وبس.. إلا إني هقولك
_ لأ يابيه حقي.. ده قتل، وهقتل راجل معمليش أي حاجة مقابل إيه أصلًا.
= “بنفاذ صبر” قولتلك قبل كده خد أخر الكلام.. إنت هتقتل فرغلي أخويا مقابل إني أقنع سعد إبني يتجوز بنتك، وأنا أترشح ف إنتخابات مجلس الشعب وأخد المنصب بدل أخويا وأخد الشعبيه وحب الناس ده كله بداله.
_ “بيضيق عينه وبيقول بمكر” وأنا إيه يضمنلي إنك تخلي إبنك يتجوز بنتي!
= إللي يضمنلك انك قبل م تنفذ موضوع القتل، هيتعمل لبنتك أحلي فرح وأحلي ليله.. بس بشرط.
_ ايه هو!
= هتمضي شيك علي بياض
_ ده ليه!
= وأنا إيش ضمني بعد م تستر بنتك، متقتلش أخويا!
_ كلمتي سيف علي رقبتي يابيه
=”بيخبط علي إيدو وبيضحك بـ إستهزاء “.. لأ السيف ده هيتحط علي رقبتك لو فكرت بس تخلف وعدك.. وبعدين يعني أكيد مش هأذيك بالشيك ده هيتقطع أول مَ تنفذ وتقتل أخويا.
_ طب وهو عملك إيه.
= أظن انه ميخصكش، قتله مقابل جواز بنتك.. وبعدين دي هتبقي حرم سعد إبن ممدوح بيه سعيد يعني أي بنت تتمني تكون مكانها.
_ جواز بنتي قصاد قتل روح!
= ده إللي عندي.
_ يابيه فكر ف أخرتك الدنيا دي فانيه
=” بيضحك بـ سُخريه” هو مش إنت كنت هتقتل إبني من شويه وبتهددني!
_ بس ده دفاع عن شرفي.
= ف النهايه قتل.. فكر ياعم علي ورد عليا قبل م اتكلم مع سعد إبني..
“بعد تفكير دام لـ إسبوع وافق عم علي”
_ ها.. مردتش عليا يعني
= هروح أشتغل إمتي عندو يابيه!
_”ممدوح بنبره إنتصار” عفارم عليك ياعم علي كنت عارف إنك هتوافق.
= إتكلمت مع إبنك!
_ اه طبعاً.. ووافق بعد معاناه بس ولا يهمك.
= معاناه!
_ بهزر معاك ياعم علي انا اتكلمت معاه واقنعتوا
______________
فلاش باك.
_________________
_بص ياسعد ياإبني طول عمري بقول عليك إنت دراعي اليمين غير سمير بتاع أمه ده..وطول عمري بقول انك فاهمني وعمرك م كسرتلي كلمه
= طبعا ياحَج اتفضل اؤمر
_ أنا عرفت إنك غلط مع سميه بنت عمك علي..
=”بتوتر وربكه فـ الكلام” أ أنـ أنا معملتش حاجه.
_ لأ عملت وغلط مع البت وإستغليت انها نايمه، وعلي فكره عمك علي كان هيقتلك بس انا منعته
= طب منعته ازاي!
_ قولتله انه يقتل عمك فرغلي
=”علامات الخضه والذهول كانت علي ملامحه”.. طب إزاي طيب وإيه العلاقه مش فاهم!
_ مقابل قتل عمك فرغلي هتتجوز بنته، انا اتعين ف مجلس الشعب وهو المستفاد انه يستر بنته.
= يعني انت تدبسني عشان مصلحتك
_”نظرات الشر بانت فِ عيونه ” مصلحتي!!! وأدبسك! يعني ياواطي ياعديم المسؤليه غلط مع البنت ومش عاوز تتجوزها وتقول دبستني عشان مصلحتك! مصلحتي ف اني اخد مجلس الشعب وان انت متتقتلش مقابل جوازك لبنته.. وكمان هكتبلك البيت الغربي وهجيبلك عربيه عاوز ايه تاني.
= ماشي ياحَج أنا موافق، بس أنا هتجوزها ولا كإني إتجوزتها وهعيش حياتي وهسهر براحتي أنا حُر تمام.
_ إعمل إللي إنت عايزوا
=”بنبره فيها مَكّر ” ماشي يابويا.
___________
вacĸ
________
_الفرح إمتي طيب!
= وقت مَ إنت عايز ياعم علي.
_ تمام إتفقنا..يبقي علي أخر الإسبوع هنعمل الفرح وانا بنتي جاهزه من مجاميعوا.
_ بـ إستهزاء” وانت لحقت جهزتها إمتي.
= هي إللي حيلتنا يابيه وكان أي قرش معانا أنا وأمها بنجيبلها بيه جهاز ليها من صغرها..ومكنتش أتمني إني أرميها لإبنك..
_ ليه ان شاء الله مالوا إبني
= العفو يابيه،بس للاسف بنتي عارفه ربنا وبتصلي وبتصوم ومش بالغنى والفقر بس بنتي مكنتش تستاهل تبقي مع واحد سُكري وبتاع لمؤاخذه ف الكلمه يعني بتاع ستات.
_ إنت كده بتغلط وكسرت القواعد اللي بينا وانا مسمحلكش.
=” بقله حيله”.. ولا تسمحلي بقي يابيه مش هتفرق
“بعد مرور من الوقت..وخيبه الأمل ظهرت علي ملامح عم علي ومراته وبنته..ونفسها المكسوره إنها مكنتش تتمني شخص زي ده يبقي جوزها،وعم علي إللي كان حلمه يشوف بنته مع عريسها عشان يطمن عليها لكن وجود سعد ف حياه بنته قلقه اكتر ده غير الذنب الكبير إللي هيعملوا وهو قتل شخص مالهوش ذنب بس عشان خاطر بنته الهم زاد جواه ولكنه كان مُضطر..
_________________
“вacĸ”.
__________________
ومرت الأيام وجيت إشتغلت هنا ف الڤيلا وكانت كل خطوه ف حياه فرغلي بيه بعرف بيها ممدوح بيه، كان كل يوم بيحسن علاقته مع فرغلي بيه عشان ميشكش أبدًا فِ، خطوه فرغلي بيه كانت بتهز الڤيلا كلها الكل كان بيحترمه لما عاشرته كان صعبان أوي عليا قتلهُ.. لكن كل يوم كنت بتراجع فيه عن قتله كان ممدوح بيه بيفكرني بوصل الأمانه إللي عليا
_” ماجد وعيونه كلها مليانه دموع”: بس انت بدل م كنت تقتله كنت روح وقوله وإشتكيله وهو كان هيلاقي حَل
= فكرت كتير بس ممدوح بيه كإنه كان بيقرا أفكاري واليوم إللي كنت داخل لفرغلي بيه وأحكيله إتصل وقالي لو يعني الشيطان قالك روح إعترف لأخويا انت اللي هتخسر لانه مش هيصدقك وساعتها انا هروح واوريلوا الشيك اللي علي بياض وأقوله بعد م جوزت بنته.. بنته طلعت حراميه وسرقت وهو قالي هشتغل وهسدد اللي بنتي سرقته وانا بردو سامحت بنته عشان مفضحهاش واديته فرصه ومشيتوا من عندي وخليتوا يشتغل عندك عشان يسدد اللي عليه ولما لقاني ماسك عليه شيك قال يتبلىٰ عليا، وشويه شحتفه مني أخويا هيصدقني وهيرميك انت ف الشارع وهبهدلك بنتك ده غير حبسك بالشيك ده، انا مش بهددك لسمح الله انا بس بوعيك..
ساعتها إتراجعت وعرفت إني مش قدوا كنت كل يوم أسمع بنتي تتصل بيا بتعيط وبتقولي بيضربني وبيبهدلني وكنت بقولها استحملي بكره يتغير.. اتصلت ب ممدوح بيه وقولتله لو ابنك مبطلش اهانه ف بنتي مش هنفذ حاجه.. وبعدها ابنه بطل يقرب ناحيه بنتي وجيه اليوم اللي قتلت فيه فرغلي بيه.
________________
ғlaѕн вacĸ
_________________
“كان مجهز السكينه ف جيب الجلابيه من جوا.. وكان الوقت بليل بس هو كان كل يوم بيتمشي كإنه بيستجمع أفكاره ف حل كل مشكله كانت بتجيلوا. ”
كان وقتها فرغلي سعيد بيتمشي ف الجنينه وجاله مكالمه ف التليفون ومن الواضح انها كانت ست غلبانه عاوزه تجهز بنتها قعد يسرح ويمشي ف الجنينه لحد م وقف تحت الشجره ف اليوم ده عم علي إتصل ب ممدوح سعيد وقاله انه هينفذ، وقتها ممدوح كان بيراقب عم علي بواسطه واحد من رجالته من غير ماعم علي ياخد بالهُ ولما كان بيراقبه ولقىٰ عم علي واقف تحت الشجره وبيتكلم مع فرغلي عرف انه هينفذ ممدوح أمر الراجل ده ب انه يصوروا عشان هيستغل الڤيديو ده ف يوم من الأيام..
الحوار إللي دار كـ التالي.
_إيه ياعم علي مالك، عيونك مدمعه كده ليه!
= قلبي موجوع أوي يافرغلي بيه.
_ ليه بس ياراجل ياطيب.
= محدش طيب ف الزمن ده غيرك، وكل اللي بيطعنوك ف ضهرك هنا اقرب الناس ليك.
_ تقصد إيه ياعم علي!
= اقصد إن الجوابات اللي كانت بتجيلك دي وبتهددك كانت من اخوك ممدوح بيه سعيد.
_”بيضحك وكإنه مش مستوعب إللي بيسمعه”.. طب ياراجل قول كلام غير ده
=مش قولتلك مفيش حد غيرك طيب ف الزمن ده، كان بيهددك عشان تسيب المنصب ده وهو اللي ياخد كل حاجه وبيكلمك وبيحب فيك وبيعمل نفسه بيشجعك عشان متحسش بغدر من ناحيتهُ
_ وانت جاي تقولي ده دلوقتي ليه ياعم علي.. ياريتك ماقولت حاجه،وبتعيط عشاني ليه اللي معاه ربنا عمروا م يخاف ابدا
= لازم اقولك كل حاجه قبل م اقتلك.. دموعي دي دموع كسره نفس ووجع قلب هقتل الراجل اللي بيساعد الغلابه عشان مضطر ل ده.
_ مضطر، وتقتلني! طب ليه ياعم علي انا عملت ايه!
=”بيزيد عياطه” عشان انت مكانك مش ف الدنيا.. انت عايش وسط غابه القريب منك وحَش وإنت فريسته عايز يلتهمك وأنا مُجبر علي ده عشان بنتي، بنتي اللي ابن اخوك كسر عيني وخلاني اروح انا اللي اطلب ان ابنه يتجوز بنتي والمقابل روحك.
_اااه ياعم علي.. ياريتك قتلتني من غير ماتعرفني كل ده.
= عايزك تسامحني
_”بيضحك ب سخريه” لو انا سامحتك ربنا هيسامحك!
= مش عارف، والله ماعارف
_ أنا خصيمك أمام الله إنت وأخويا.. لينا لقاء يجمعنا بين يدي الله.. أشهد أن لا إله إلا الله وأن مُحمَّد رسول اللّه.
“بيطعنوا خمس طعنات ويدخلوا الڤيلا..وبيعمل نفسه نايم وبعد مرور الوقت بيسمع صوت صريخ من الخَدم بيرددوا فرغلي بيه اتقتل..”
________________
“вacĸ”
_________________
_”بنبره إنتقام” ده كل اللي حصل يابيه، انا مستعد اخد عقابي، بس لو عاوزين تاخدوا حقكم ميبقاش مني لوحدي.
_فؤاد وماجد بَصوا ليه بنظرات كلها غِل..
_”فؤاد بلغه كلها إنتقام “متخافش مش هتاخد العقاب لوحدك إنتو الإتنين هيتلف حواليكم حَبل المشنقه.
_” بلغه كلها لا مبالاه ” وانا موافق يابيه.
“أسيل بتقفل الفيديو وبتقرب عليهم”
_لازم نعمل خطه علي عمي ممدوح.
_ مؤمن: انا كمان ده رأيي لإنه شخص مش سهل إطلاقـًا.
=ماجد: عندك خطه ياأسيل!
_للأسف لا، بس لو فكرنا سوا أكيد هنلاقي.
= مؤمن: بس أنا عندي خطه!
_ ف نفس واحد كلهم م عدا عم علي.
_ها قول!
=”مؤمن وهو ينظر لـ عم علي”..أكيد طبعا عرفت ياعم علي إنه عاوز ينتقم منك ويخلص منك خصوصا انه بعت الفلاشه دي ف وقت نزول ماجد مصر مش كده!
= أيوه يابشمهندس عارف
_ تمام..متعرفش عنه اي معلومه كده ولا كده..مثلا بيتاجر ف سلاح ف ممنوعات كده يعني!
=لأ عارف يابشمهندس..بيشتغل ف كل حاجه وخصوصًا بعد م بقي عضو ف مجلس الشعب ومعاه حصانه بقي بيستغل ده ف تهريب البودره والتجاره ف السلاح.
_حلو اوي اوي كده، إحنا هنلعب عليه وبنفس إسلوبه،هتروحوا كلكم وكإنكم رايحين زياره وتقضوا يومين عندو وكمان عم علي هيروح معاكم بما انه الغفير بتاعكم..هتحاولوا تحطولهُ كاميرات فِ كل حته إللي هي النانو الصغيره بقي عن طريق بنتك سميه او الخدم اللي ف البيت وتكونوا حَرصين جدا..هتحاولوا علي قد م تقدروا تطولوا ف المده وتحاولوا تجمعوا معلومات عنه بصوت وصوره وتزودوا كاميرات ف كل الزوايا خصوصًا ف الاوضه إللي بيقعد فيها،وبعدها عم علي هيجي دوروا إللي هقولكم عليه بس بعد م تنفذوا ده الأول..إتفقنا!
= اتفقنا.
_ “ماجد بيقرب علي عم علي وبنظره مَكر” بس تفتكر لو إنت إللي لعبت بديلك هنعمل فيك ايه! الفيديو اللي اتصور كله ب اعترافك ده هيروح للبوليس وشكلك هيبقي وحش اوي اوي ب انك انت الشرير لوحدك ف الحدوته دي قدام بنتك ومراتك وخصوصا ان عمي ممدوح هيستغل النقطه دي ويكرهه بنتك فيك،وساعتها ابنه سعد مش بعيد يطلقها ولا يمرمطها ويشغلها خدامه عندو.
=متقلقش،كرهي ليه مخليني عاوز انتقم منه أكتر منكم.
فؤاد: يبقي إتفقنا،جهز نفسك وخلي مراتك تجهز وجهز هدومك واحنا هدومنا جاهزه وهنسافر علي بليل..
_ ماشي يابيه.
_ماجد: هات تليفونك ياعم علي.
“بيدهوله،وعم علي بيمشي علي اوضته”
= مؤمن:لازم بردو تخلوا بالكم وتبقوا حريصين علي إنه ميهربش ولا يستخدم اي وسيله تاني يعرف بيها الحوار اللي دار ده لممدوح..بس علي ما أعتقد هو عاوز ينتقم لانه مكنش عاوز يعمل كده وعمل كده ب الإجبار.
_ ماجد: عندك حق يا بشمهندس،عمتا هنروح بليل وهنشوف..وهنزل الاول اشتري الكاميرات واول م نوصل هنتابع معاك أول ب أول.
=مؤمن: وأنا تحت أمرك،وربنا يصبركم والحمدلله عرفتوا الحقيقه
_ الحمدلله..اسيل ابعتي الفيديو لمؤمن ولـِ باباكي إحتياطي بردو.
= حاضر،بتبعتلهم..بعد مرور وقت مؤمن بيروح البيت..وماجد نزل إشتري كاميرات وف طريقهُ للقريه إللي عايش فيها عمهُ ممدوح..
_________________
“فـِ بيت ليل ومؤمن.”
_بس ياستي ده كل إللي حصل ف الڤيديو اللي وريتهولك وكل كلامك يعتبر صح.
= الحمدلله إنهم عرفوا الحقيقه ياحبيبي، وخطتك كانت حلوه أوي براڤو عليك.
_عَجبتك يعني!
= أه شاطور.
_”بيغمزلها” طب هي عائشه فين!
= طب إيه يستدعي غمزتك ف سؤال عائشه!
_ يعني إنتي وحشتيني.
= وإنت كمان وحشتني
_ طب هي فين بقي.!
“صوت جاي من عند البلكونه”
“عائشه طالعه وباين علي ملامحها الغل.. بص يابابي شعر أنس.
_” علامات الذهول علي وشهم”
..
ليل: عملتي إيه فِ الواد!
= وقعتوا علي الارض وشديت شعروا يامامي.
_مؤمن: ليه كده بس ياعائشه
= يابابي ماهو بيعصبني ومش عارف يخليني ابقي شاطره زي نور صاحبتي وعمال يتريق عليا..
“مؤمن بيروح للبلكونه، بيشوف أنس وهو واقع علي الارض”.
مؤمن وهو بيضحك ضربتك ياموكوس
” أنس وهو بيتألم..”أه ياعمو والله عضتني وشدت شعري.
_تستاهل اكيد عصبتها.
= والله بقولها إنتي ياأوزعه مش راضيه تفهمي ليه ياغبيه ده الحمار اللي ف الشارع بيفهم عنك وعينك ماتشوف إلا النور إتعضيت وإتقل بياا اااه يادراعي.
_ والله تستاهل تعالي أنا هكمل عليك انا بنتي حماره.. “بينادي ع عائشه” تعالي نضربه يلا..
“عائشه بتجيب مسدس المايه بتاعها، خد يابابي”
“انس وهو بيستنجد بـ ليل ياعمتو تعالي إلحقيني..”
_ “ليل بتجري علي صوت أنس” يالهوي إبني حبيبي هيبرد يامؤمن اخص عليكوا.
= بيقول ان عائشه مبتفهمش والحمار بيفهم عنها.
_ وإيه الجديد طالعه لأبوها.. “ليل بتمسك انس وبيجروا علي برا” .. إجري ياأنس لو مسكونا هنتنفخ
“بيدخلوا اوضه الاطفال ويقفلوا الباب”
_ شاطر يابابي.
= ياخوافين قفلتوا ليه باب الأوضة
_”ليل من جوا الاوضه” انتو بتتحاموا بس بـ مسدسات المايه بتاعتكم دي.
=اه بنتحامي فيها إطلعي بقي ياليل.
_ لأ..
_”أنس بيضيق عينهُ.. عمتو ليل ف مسدس مايه اهو.
= ايه ده برافو عليك ياأنس، بس مفهوش مايه..
_ لا فِ ازاه ع التسريحه اهي..
= بس دول حبه صغيرين.
_ م هو احلي حاجه..
= مؤمن من برا الاوضه “سامعكم بتعملوا خطه انا عارف لو عملتوا اي خداع انتو اللي هتتنفخوا..” بيتكلم بصوت خافت”يلا ياعائشه نملىٰ مسدسات المايه..
_يلا يابابي..
“علي الجهه الاخري”.
_ازاي احلي حاجه!
= هقولهم اني عامل بيبي ف المسدس وهخبي ازازه المايه وهما هيخافوا ف يستسلموا.
_ يانهار ابيض عليك.
= عيب عليكي تعالي بقي اقفي ورايا.
_ حاضر.
” أنس بيخرج وموجهه مسدس المايه علي وشهم وبيعلي صوته.. انا معايا مسدس مايه وبما ان مفيش مايه ف عملت بيبي ها هتعلنوا الانسحاب ولا تتغرقوا!
_ مؤمن بصدمه الكلام ده بجد ياانس.
_اه ياعمو بجد وادخل فتش الاوضه لو ف مايه.
= ياابن الجزمه
_ عائشه بعصبيه: لا يابابي متستسلمش.
_انس:والله يازِبله إنتي هغرقك هخليكي تتنقعي ف ديتول لمده اسبوع.
= يعع يامعفن والله انت بارد ووحش وهقول لعمو يوسف عليك.
_قوليلهُ، ها هتستسلموا ولا لأ؟
=”بقله حيله”.. خلاص هنستسلم ياعائشه.
_يعني انس ابو شنب هيكسب يابابي.
= معلش هنحلقهوله.
_ “بنبره غل” والله ياانس هربيك.
= يلا روحوا فضوا مسدسات المايه واي حركه غدر هرشكوا بالمسدس.
“مؤمن وعائشه بيفضوا مسدسات المايه..
_هات بقي المسدسات دي.
” بيدوهالهُ”
“-خدي ياعمتو شيليها ف الاوضه واقفلي الباب بالمفتاح وخلي المفتاح معاكي.
= حاضر، ليل بتسمع كلامه..
= مؤمن برفعه حاجب” تعالي هنا ياض انت عملت حمام قدام ليل ازاي.
_ والله دي مايه ياعمي.
= مايه ده انا والله هنفخك..
“بيكملوا هزار”..
ليل: طب خلاص بعد الفرهده دي هناكل..
_ طب عامله اكل ايه ياست ليل.
= افرد بس الترابيزه ف البلكونه وحط عليها جرايد.
= حاضر..
” بيعمل كده بمساعده أنس “..
ليل بطلع الاكل علي الترابيزه..
_مؤمن بـ إنبهار”: بتهزري رنجه وفسيخ وبصل اللله.. كان نفسي اوي فيها.
= عارفه..
_ طب يلا هاتي العيش وتعالي بسرعه.
=عائشه: يامامي مش هعرف أكل السمك ده.
_ حمرتلك بطاطس يالمضه انتي.
= اوكييييه.
” بياكلوا “.
_ اااه مش قادر ياليل.
= بالهنا والشفا ياحبيبي
_ نحبس بقي بـ كوبايه شاي.. وادي النعناع الفريش ف الجو الممتع ده
= عيني حاضر قوم إغسل إيدك وأنا هلم الأكل وشغل الكاتيل وتعالي أقعد وانا هعمل الشاي.
_ طب إستني انا هساعدك الاول.
” بتبتسم” ماشي ياحبيبي..
“بيلموا الأكل سوا وبيقعدوا ف البلكونه مع الشاي بالنعناع والمُقرمشات واللب”..
مع سماع سوره البقره بصوت الشيخ” عبد الباسط عبد الصمد”
_ليل: مفيش أجمل من اكله حلوه وقاعده حلوه وسط ناس بتحبهم.
= عائشه بمشاكسه: اه يامامي بس انس مش بحبه.
_ لا بتحبيه
= لا مش بحبه.
_ ولا انا بحبك علي فكره.
= “لا بتحبني ياكذاب.
_ لا مش بحبك.
” مؤمن وانس وليل خدوا بالهم ان ملامح عائشه اتغيرت وزعلت لما سمعت انس ولاول مره بيقولها مش بحبك..
_أنس كان قصدوا يعاندها: يالهوي بقي ياعمتو ليل النهارده شوفت بنت ف الدرس قالتلي بحبك وحلوه اوي كانت شبه عائشه بس انا بقي مسكتش قولتلها انا كمان بحبك وهجيبلك كل الحاجه الحلوه اللي كنت بجيبها لعائشه، وخلاص مش هحب عائشه
_ ياخبر ابيض ياأنس ليه كده ده عائشه بتحبك.
=”مَدت بؤها وإتشحتفت بالعياط”..
ليل قامت حضنتها، خلاص طيب بتعيطي ليه.
_ عشان هيجيبلها حاجه حلوه وانا لا.
=انس: لا خلاص هي وحشه وهجيبلك انتي بس، بس متعيطيش ها.
“بتمسح دموعها” ..
_بس بشرط تذاكري وتكوني شاطره وانا هجيبلك كل حاجه ها.
= ماشي
_طب يلا انا حفظتك سوره ايه امبارح.
_سوره “بتفكر ف اسمها”..
= انس بيحاول يساعدها الـشـ!!! ها كملي
_ اه افتكرت الشرح صح!
= برافوا عليكي قوليها بقي.
_حاضر
” بسم الله الرحمن الرحيم “
أَلَمْ نَشْرَحْ لَكَ صَدْرَكَ وَوَضَعْنَا عَنْكَ وِزْرَكَ الَّذِي أَنْقَضَ ظَهْرَكَ وَرَفَعْنَا لَكَ ذِكْرَكَ فَإِنَّ مَعَ الْعُسْرِ يُسْرًا إِنَّ مَعَ الْعُسْرِ يُسْرًا فَإِذَا فَرَغْتَ فَانْصَبْ وَإِلَىٰ رَبِّكَ فَارْغَبْ.
“كلهم بيسقفولها”
_ليل: برافوا عليكي ياعائشه.. شاطر ياانس ربنا يباركلك يابني يارب..
= يارب ياعمتو “بيقوم يبوس راسها”.
تصبحوا علي خير..
_ وإنت من أهل الخير ياحبيبي..
” بعد مرور الوقت “..
بيروحوا يناموا..
________________
” علي الجهه الاخري بدايه اليوم.”
_____________
_بيخرجوا برا لكن خطوات ندى إبتدت تتقل لما شافت حسام واقف مع بنت ماسكه إيدو..جمب العربيه الدموع اتجمعت ف عينها وجيه المشهد قصاد عينيها بتاع إسلام وصاحبتها ف الكافيه..بتغيب عن الوعي..
سهيله بتصرخ..ندى..
“حسام بصدمه بيبص إتجاهه صوت سهيله..
_ندي!!!
” بيجري عليها وبيحاولوا يسندوها علي كرسي.. بيحاولوا يفوقوها..
“إبتدت تفتح عينيها وشايفه الدنيا مزغلله.. سامعه صوت حسام.. حاسه بتُقل ف دماغها وف جسمها بتحاول تقوم.. صوت انفاسها مسموع.. بعد اذنك ياسهيله خليه يمشي لحد بس م افوق واقوم امشي..
_ ممكن ياحسام تمشي.
_حسام بعصبيه: مش همشي انا ماليش ذنب دي لمياء ياسهيله.. لمياء اللي دمرتني كانت ف النادي جوا وطالعه ومعاها واحد ولما لمحتني من بعيد ضحكت ب استهزاء والله انها السبب ف اللي كنت فيه وعادي عاشت حياتها وبعدين الله اعلم استاذنت منه قالتله ايه وجت فضلت واقفه معايا وقاعده بتدلع وتقول سامحني وكلام من ده ومره واحده مسكت ايدي حاولت اشدها سمعت صوتك بتصرخي.
= ندي بعياط: انت كذاب انتو كلكوا واحد.. انا فقدت الثقه ف نفسي وف كل الناس حرام عليكم بجد ده انا كنت لسه مفوقتش من الصدمه الاولي
_ انا مش زي حد.. ولا عمري وجعت بنت ولا جرحتها.. ولو انا وحش ومتغيرتش مش هجيب اختي عشان تتقدملك واخليها تعتذر بالنيابه عني انتي شايفه ان كلنا واحد وجهه نظرك تحترم بس بكره تعرفي الحقيقه، انا مش كده ولا عمري هكون كده انا بحبك ياندى
_ بس ونبي كفايه، ده انا شوفتها ماسكه ف ايدك
= انتي بتُعبدي إيه،ده انا بحلفلك! ما انا عارف انها اتنيلت مسكت ايدي، اكيد انا مش عيل عبيط همسك ايد واحده تانيه وانا عارف انك جوا انتي واختي وممكن تطلعي علي غفله بلاش هبل وبطلي تفكري تفكير مش منطقي.
_ندى ب انفعال: مفيش بنت هتتجرأ تمسك إيد ولد غير لما يكون هو مديها المساحه لكده.. لو انت خايف علي زعلي وخايف اشوفك كنت هتمشي وتسيبها.
_ لا ممشيتش وفضلت واقف بضحك علي كدبها.. وانتي بتقولي اني إديتها المساحه مش كده! لا بالعكس ف الوقت اللي مسكت ايدي فيه قالتلي انا شايفه سهيله قاعده مع بنت انت تعرفها.. قولتلها حد ميعرفش خطيبته.. اختي قاعده مع خطيبتي بتصلح مشكله بينا مسكت ايدي وقعدت تقولي انت كداب انت بتضحك علي نفسك انت محبتش غيري وكل الكلام الحلو ده..
رديت وقولتلها انتي مكنتيش حب انتي كنتي مجرد درس اتعلمت منه اعرف اختار بنت اصول تحافظ عليا وتبقي سندي وواقفه ف ضهري.
_ سهيله: حسام بيحبك ياندي وبجد مش مضطر يكذب عليكي
= عندك استعداد تجبهالي واسمع منها
_ انتي مقتنعه ب اللي بتقوليه! دي واحده لو طالت تهد حياتي كلها هتعملها وبعدين هتصدقي كلامها ومش هتصدقي كلامي للدرجادي.
_ انا تعبانه وبجد مفيش ف قلبي حته سليمه حرفياً تعبت، والله تعبت وجبت أخري انا خلاص مش مضطره اتجوز ولا عاوزه جواز لمجرد اهلي بيضغطوا عليا بكلام انتي اللي قدك متجوز ومعاه عيال، مش هنفرح بيكي، انتي مش عارف ايه.. “وقفت وبكل قوه” انا اسفه ياحسام انا همشي وكل شيء قسمه ونصيب.
_ بس انا مش هسيبك.
= انا مش معاك عشان تسيبني.
_ لا انتي معايا ومش مع غيري
=انا لا هبقي معاك ولا مع غيرك خلاص اتقفلت من الدنيا كلها.
_ طب انا عملت ايه عشان تاخديني ب ذنب غيري.
= الموقف لوحدوا كفيل يقفلني منك.
_يعني انتي بردو مش مصدقه.
= لا مش مصدقه، ياريت تسيبني ف حالي وارجوك احترم رغبتي ف البعد.
_قوليلها حاجه ياسهيله
= فكري ياندى، اخويا وانا عارفاه والله استحاله يوجعك مشوفتيش لهفته طول الليل عشان جايه اشوفك واعتذرلك ومستني رد فعلك.
_ وانا رد فعلي كنت هوافق انه يجي يتقدم بس خلاص حقيقي مش عايزاه ولا عايزه حد.
= بس انا هاجي واتقدملك ولو موافقتيش بمزاجك هيبقي غصب عنك.
_ مفيش حاجه اسمها غصب ده جواز مش حرب.
= لا ياندى هتبقي حرب بيني وبينك لو متجوزتكيش.
_بلاش تعند معايا ياحسام،وسيبني ف حالي.
=تعالي عشان اوصلك ياندي.. انتي تعبانه دلوقتي.
_ لا شكرا هطلب اوبر.
=”بعصبيه” صوتي مش عايزوا يعلىٰ اركبي مع سهيله يلا.
“بتركب وبيوصلها لحد البيت، بيجيبلها لبن وشكولاتات واكل”.
_كلي عشان ملحقناش ناكل سوا.
=مش عايزه.
_طب امسكي ياندى عشان احنا تحت بيتكم ومش عاوز انفعل.
” بتاخد منه الحاجه”.. “وهي طالعه ع السلم.”
_قولي لبابا ف عريس جايلي بكره، سلام..
“سابها ومشي من قبل م تتكلم، ابتسمت رغم زعلها من الموقف وطلعت دخلت اوضتها وغيرت هدومها..
_انا جعانه اوي، عادي يعني لما اكل م هو مش شايفني يعني مفيش كرامه ف الاكل.
” بتخلص اكل.. وبتلاقي باب الشقه بيتقفل “
_بابا انت جيت.
= لا لسه ف الشغل.
_ وحشتني يابكاش.
= وانتي كمان ياحبيبه بابا.
_ غير هدومك كده وعاوزاك ف حاجه.
=حاضر، مامتك جت من الشغل.
_ لا لسه.
=ماشي هغير وأجيلك.
“بيلبس البيچامه، وبيطلعلها ف الصاله”..
_ها قولي..
= ف عريس جاي بكره.
_ياسلام، ندى بنفسها جايه تقولي علي عريس انتي سخنه يابت.
=لا انا تمام.
_طب مين ده!
= عارف ساره صاحبتي
_اه طبعا.
=جوزها يوسف.
_ايييه!!! هتتجوزي جوز صاحبتك.. دي اخره تربيتي فيكي!
=بابا ايه الدراما دي سيبني اكمل.
_ بجد.. طب استني ارجع لوقاري تاني ها كملي.
= اللي كانت مراته الاولانيه سهيله.. اخوها بقي.
_ ايه اللفه دي، ده انا دوخت وانا قاعد.
= معلش خليها عليك.
_ طب ياستي يجي ينور.
_طب خلاص هروح اقوله.
= ايه!
=ايه!! لا اقصد هقول لسهيله تقوله..ولا اقولك انا بلغتك بس..لكن مش هبلغهم بحاجه عشان ابان تقيله وانت اعمل نفسك متعرفش حاجه اتفقنا يابوب
_ اتفقنا، طب قومي حضري اي اكل بقي.
= حاضر..
“بيعدي الوقت وندى قعدت تفكر مع نفسها”
_لا انا مش هقول لسهيله حاجه فعلا زي م قولت لبابا عشان اعمل نفسي لسه زعلانه بس عادي هلبس الطقم الجديد وعادي هروح الشغل وارجع كإني معرفش انه جاي واعمل نفسي انا وبابا وماما وناهد وكلنا اننا متفاجأين.
“قبل م بتنام بتحكي ل ساره تفاصيل يومها كله،ساره فرحت لفرحه ندى وحاولت تطمنها وقالتلها نامي وبلغيني بكره ب اي جديد هيحصل
________________
علي الجهه الاخري..
فؤاد واسيل وماجد وعم علي ومراته بيوصلوا القريه وبيرحب بيهم ممدوح بخبث طبعا..
بيطلعوا يستريحوا وبيبتدوا يراقبوا ممدوح وابنه سعد لانه نسخه منه.. راحوا هما الاتنين مشوار بالعربيه
وبمساعده بنته سميه ابتدوا يركبوا كاميرات ف كل الاوض اللي بيدخل فيها ممدوح ب استمرار وبما ان عادات وتقاليد البلد انهم بيناموا بدري ف كانت مرات ممدوح نايمه وسمير كمان نايم.. ف كانت الفرصه متاحه ليهم اكتر
_فؤاد: عايزين نتعامل بحرص شديد
= عم علي: تمام.. خير ان شاء الله.
ماجد بيوجهه كلامه ل سميه: وانتي ياسميه هتساعدينا كتير.. عاوزك علي قد م تقدري الفتره دي تكسبي سعد ف صفك وتخليه يثق فيكي تمام.
_هحاول.
=ماجد: بردو التغير ميبقاش مره واحده يعني يكون واحده واحده عشان ميلاحظش حاجه.
_حاضر، بس ليه ده كله هو ف ايه.
=عم علي إرتبك لكن نجح ف انه يسيطر علي إرتباكه ويداريه عشان بنته ومراته ميحسوش بحاجه: يابنتي انا عاوز اجيبلك حقك والبهاوات كتر خيرهم عاوزين يساعدوكي ف ان حقك يتجاب وكمان سعد وابوه بيتجاروا ف السلاح.
_بصدمه: في السلاح!!!!
= اه والله
_ ماشي يابابا،انتقامي ليه زاد اكتر.
______________
بعد مرور الوقت..
______
سعد بيدخل الاوضه بيلاقي سميه مستنياه.
_بتقرب عليه بدلال بتقلعله العمه وحشتني علي فكره.
_”بيرفع حاجبيه” ده بجد والله.
= اه، هو عيب اقول لجوزي وحشتني،مستغرب ليه!
_”بيضحك ب استهزاء وبيبُصلها بمكر.. لا بس حلوه الخطه اللي عملتوها دي “بيغمزلها”..
_سميه بفزع.. خطه،خطه ايه!!
يتبع..
لقراءة الفصل السابع عشر : اضغط هنا
لقراءة باقي فصول الرواية : اضغط هنا
نرشح لك أيضاً رواية وقعت أسيرة في حبك للكاتبة غفران
