رواية كانسر الفصل الثالث عشر 13 بقلم آية السيد
 |
| رواية كانسر الفصل الثالث عشر 13 بقلم آية السيد |
رواية كانسر الفصل الثالث عشر 13 بقلم آية السيد
في الجامعه
قطع كلام فايزة لما حد حط ايده علي كتفها
فايزة لفت وشها ناحيه الشخص دا واتصدمت
فايزة بصدمه /انتي؟؟؟؟؟؟
الشخص /ايوة يا فايزة انا
فايزة شالت ايدها بعصبيه وبصت لأسر اللي واقف ومش فاهم حاجه
فايزة /أسر انا هدخل الجامعه وانت تقدر تمشي
أسر بصلها وبص للست اللي واقفه جنبها بعدم فهم وفايزة فهمت نظراته المتسائله
فايزة /بعدين يا أسر عن اذنك
فايزة جيت تمشي بس حست بوجع في رجلها
أسر راح ناحيتها بخوف /فايزة تعالي اروحك انتي مش قادره تمشي
الست بدموع /مالك يا بنتي ورجلك مالها ولسه هتلمسها بس فايزة بعدت بعصبيه
فايزة بعصبيه /دلوقتي افتكرتي اني بنتك واني بتوجع دلوقتي جايه تمثلي دور الام لا برافوا عليكي بجد ابدعتي
الست بالم ودموع /فايزة انا…
فايزة بعياط /انتي ايه ها انتي ايه جاوبيني فيه ام تسيب بنتها وتتجوز بعد جوزها ما مات بسنه وكل دا ليه عشان الفلوس ….. اتجوزتي صاحب بابا…. ردي عليا فيه ام بتعمل كده . وتسيب بنتها وهي لسه في اللفه ومتسالش عنها ردي عليا عارفه كان ايه احساسي لما كنت بشوف طفل صغير مع أمه عارفه كان ايه الوجع اللي بحس بيه وانا عايشه يتيمه من غير ام ولا أب عارفه كلام الناس اللي سمعته ووجعني بسببك…. بسببك اضطرينا ننقل مكان تاني ونبعد عن كل الناس ونسكن في مكان محدش يعرفنا فيه بقينا عايشين في كابه وحزن وكله بسببك…. جايه الوقتي وعامله انك خايفه عليا… فايزة بالم /متقلقيش عليا يا سهير هانم انا كويسه وبخير ووجودك بالنسبه ليا زي عدمه فالاحسن حضرتك متحاوليش تتكلمي معايا ولا ليكي اي علاقه بيا لان انا امي ماتت
فايزة لأسر /أسر بعد اذنك يلا نمشي
أسر بايماءه /يلا
أسر وفايزة ركبوا العربيه ومشوا وفايزة سندت دماغها علي الشباك وأطلقت العنان لدموعها
أسر ساق العربيه ووصل قدام البحر
فايزة بصت حواليها باستغراب /ليه جيت هنا
أسر /انزلي
فايزة استغربت بس نزلت
أسر خدها وراحوا في كافيه علي البحر
أسر /ممكن تفهميني
فايزة عيطت اكتر
أسر /طيب اهدي بالله عليكي ولو مش حابه تحكي خلاص مش عاوز اعرف
فايزة مسحت دموعها /لا لازم تعرف عشان تبقا عارف انت هتتجوز مين وايه حقيقه أهلها
أسر /لا رد
فايزة /انا والدي ووالدتي يبقوا ولاد عم واتجوزوا بناءا علي رغبه جدي والدي الله يرحمه كان بيحبها اوي وبيعشق التراب اللي بتمشي عليه اما هي فلا… تيتيه قالتي انها كانت دايما بتعمل تصرفات مش كويسه عشان يطلقها ويسيبها بس هو كان بيتحمل ويعدي عشان بيحبها ولما حملت فيا كانت عاوزة تنزله لولا ساتر ربنا ولحقوها في آخر لحظه والجنين منزلش
فضلت كده طول فتره الحمل بتحاول تتخلص من الجنين باي طريقه حتي لو هتاذي نفسها
والدي قبل ولادتي بفتره كان تعب جدا بس انه كان داخل في صفقه مع صاحبه دا وهو نصب عليه وسرق فلوسو ووالدي تقريبا كان شبهه مفلس وحالته مكنتش بتتحسن
اتوفي بعد ما انا اتولدت بشهرين وبعدها باقل من سنه هي اتجوزت واحد تاني وكان صاحب والدي وقالت إنها مش هتستحمل تعيش في مستوي اقل من اللي كانت عايشه فيه
وأكملت بدموع /اتجوزته وسابتني ولأن الكل كان عارف باللي هي عملته كلام الناس مخلصش وفضلت بعاني منه لغايه ما جدتي اخدتني وجينا هنا في مكان لا حد يعرفنا ولا نعرف حد
وظلت تبكي بشده
أسر /طيب ممكن تهدي بالله عليكي اهدي وكل حاجه هتتصلح
_____________________________
في المستشفى
محمود دخل مكتب ياسين من غير ما يخبط زي العاده
ياسين /يا بني نفسي قبل ما اموت اشوفك بتخبط علي الباب
محمود بمرح /بعد الشر عليك يا قلبي
ياسين برفعه حاجب/ولا انا مش مطمنلك
محمود /ليه بس دا انا حتي طيب وغلبان وكيوته خالص
ياسين /نعم يا اخويا ودا من أمته دا ان شاء الله
محمود /تصدق انا غلطان اني مصاحب بني آدم حقود زيك
ياسين /اطلع من دماغي يا محمود انا فيه حاجات محتاج اعرفها اهم من كل الكلام دا
محمود بعدم فهم /حاجات ايه؟؟
ياسين /البنت اللي قابلتها عاوز اعرف ايه سبب مجيتها المستشفى انا عارف انها حاجه متخصنيش بس الحاله اللي كانت خارجه بيها من المستشفى مكنتش مطمناني
محمود /طب ما انا عارف
ياسين بصدمه /عارف!!!
محمود /ايوة وعرفت كانت عند مين كمان
ياسين قام من مكانه وراح ناحيه محمود /طيب قولي
محمود بسخريه/ناس بتاع مصلحتها
ياسين /أنجز يا محمود
محمود /طب يا عم اهدي هي اسمها حور وهي مريضه كانسر ومتابعه مع نورهان
ياسين بصدمه /ايه؟؟؟
محمود /زي ما بقوىك والنهارده كانت أول جلسه كيماوي ليها
ياسين /يعني يعني هي مريضه كانسر
محمود /ايوة… وبعدين انت لسه شاغل بالك بيها ليه انا مش فاهم يا بني دي متجوزة
ياسين /انا مش شاغل بالي بيها ولا حاجه دا مجرد فضول
محمود /اتمني فضولك ينتهي بقا وتشوف اللي بتحبك بجد وبتتمنالك الرضا ترضي دا تقريبا في ايام الجامعه وحتي دلوقتي الكل لاحظ انها بتحبك والبعيد جبله
ياسين /يا محمود افهمني نورهان بالنسبه ليا مش اكتر من اخت وصديقه ومش قادر اشوفها غير كده مش قادر احبها وعمري ما شوفتها حبيبتي… انا معاك انها دايما مهتمه بيا وبشوف نظرة الحب في عنيها بس بجد مش قادر ومينفعش تجرحها
محمود /بس…
ياسين وهو يتجه ناحيه الباب /مفيش بس يا محمود انا رايح اشوف المرضي
ياسين فتح الباب واتصدم لما لقي نورهان واقفه علي الباب وبتعيط
ياسين /انا…
نورهان مسحت دموعها بحده /انا اسفه جدا علي تطفلي دا واسفه علي كل حاجه وانا هبعد عن حياتك خالص عن اذنك
نورهان سابته وياسين وقف يلعن نفسه علي كل كلمه قالها
محمود بصله بحزن وياسين سابه ومشي
_______________________________
عدا شهرين
والكيماوي بدا يأثر علي حور وشعرها ابتدا يقع وجسمها خس خالص بس قله الاكل وبقت ضعيفه جدا وبترفض تخرج من الاوضه
ايمان خبطت عليها ودخلت
ايمان /مالك بره يا حور وعاوزك تقابليه
حور بنفي/مش عاوزه اقابل حد خليه يمشي ويطلقني بقا كفايه عذاب
ايمان /يا بنتي مالك بيحبك وعاوزك
حور بدموع /مالك حب حور السليمه مش دي دي مش حور دي بواقي منها مش اكتر انتي مش شايفه شكلي شعري وقع وجسمي اتغير وتحت عيوني اسود هو هيحب دي ازاي
ايمان لسه هتتكلم سمعت صوت مالك
مالك /لا انا حبيت حور في كل حالاتها وحبيت قلبها وطبيتها ودول مستحيل يتغيروا
حور خبت نفسها تحت البطانية ورافضه تخليه يشوفها
حور بدموع وزعيق /اخرج بره وسبني… ف… في حالي بقا سبني وطلقني وابعد عني وعن مرضي انا منفعكش يا م.. مالك سبني
مالك بص لايمان وهي خرجت وقفلت الباب
مالك قرب من حور ببطء وقعد جنبها وشد الباطنيه من عليها بهدوء.
حور قاومته في الأول لكن هو قدر يشدها
شدها وشافها بجسمها الهزيل وشعرها اللي وقع وملامحها اللي الكيماوي غيرها
مالك عيونه دمعت وخصوصا انها بقالها فتره بترفض انه يبقا موجود معاها في الجلسه
حور بعياط /شوفت بقا هتتجوز واحده بالمنظر دا بقيت عامله شبه الولد و..
مالك مسبهاش تكمل كلامها وشدها لحضنه وضمها ليه اكتر
وحور حاولت تبعده بس هو مبعدش وفضل حاضنها وهي استسلمت لحضنه وعيطت اكتر
حور بضعف /خ… خليك…. ا… ا. ا. ا. وعي تمشي انا خااايفه
مالك بحنبه ودموعها بتنزل علي حبيبته/هششششش اهدي مش همشي مستحيل اسيبك بس عشان خاطري اهدي بالله عليكي يا حور اهدي
حور بعياط /انا تعبانه اوي يا م… مالك….. حاسه اني هموت
مالك /هششششش سلامتك من الوجع يا روحي… هيعدي يا قلبي والله كل حاجه هتعدي وتبقي كويسه بس انتي اهدي انا جنبك ومستحيل اسيبك
حور مسكت فيه اكتر /ع… عاوزة ا… انام
مالك /حاضر يا قلبي
مالك عدلها في السرير ونام جنبها وشدها لحضنه وضمها ليه اكتر
مالك /نامي يا قلب مالك….. انا جنبك يا عمري متخافيش
______________________________
بعد مرور شهرين كمان
حور بدأت تتحسن مع العلاج ومالك جنبها دايما وبيدعمها ومتخلاش عنها والكل جنبها وبسشجعها وبيقويها
ومع الأسف شعرها كان وقع وجسمها بقا ضعيف جدا وبقا فيه هالات سودا تحت عنيها
ووالده فايزة دايما بتحاول تتكلم معاها بس هي رافضه دا نهائي
نورهان بقت بتتجنب ياسين كليا ومعدتش بترضي تتعامل معاه ولو اضطرت انها تتكلم معاه بيبقا في الشغل فقط
دايما بتظهر انها متجهلاه بس غظبا عنها لسه بتحبه
ياسين اللي بقت مشاعره متلخبطه وحاسس انه متدايق من تجنب نورهان له وحاول انه يتكلم معاها ويعتذر بس هي رافضه اي كلام معاه
_____________________
في منزل عائله الصواف
ايمان /يلا يا حور مالك مستني عشان تروحوا المستشفى
حور بخوف /حاضر يا ماما
ايمان /مالك يا بنتي
حور /قلقانه اوي وخايفه من التحاليل وخايفه مكنش خفيت وارجع تاني لنفس الدوامه
ايمان حاولت تهديها /اهدي يا بنتي وظني في ربك خير وان شاء الله كله هيعدي وتبقي خفيتي
حور /يا رب يا ماما ادعيلي
ايمان /ربنا يشفيكي ويعافيكي ي قلبي يا رب ويجبر بخاطرك قادر يا كريم…. يلا بقا مالك مستني من بدري
حور /حاضر
حور خرجت ومالك راح ناحيتها وحضنها وهي اتكسفت
مالك بحب /جاهزة يا روحي
حور هزت راسها بايوة
مالك /يلا
وراحوا الاتنين المستشفى عشان حور تعمل التحاليل اللازمه
______________________________
في المستشفى
في مكتب الدكتورة نورهان الباب خبط ونورهان اذنت للي بيخبط انه يدخل
ياسين /ممكن بقا اتكلم معاكي بقالك 4 شهور متجنباني ومتجنبه اي كلام معايا
نورهان /اسفه جدا يا دكتور بس انا عندي حالات ومعنديش وقت اتكلم مع حضرتك وكمان مش عاوزة اضايقك ولا اتطفل علي حياتك ولا محتاجه شفقه حضرتك
ياسين /بس انا…..
وقطع كلامه خبط علي الباب
نورهان /اتفضل
الباب اتفتح ودخل مالك وحور
مالك بابتسامه /السلام عليكم ازيك يا دكتورة ازيك يا دكتور ياسين
ياسين /الحمد لله عن اذنكم
نورهان وعليكم السلام /اتفضل يا استاذ مالك ازيك يا مدام حور
حور /الحمد لله
مالك /احنا جينا عشان تحاليل حور
نورهان /تمام اتفضلوا معايا
مالك وحور راحوا مع نورهان عشان التحاليل والاشاعات اللازمه
بعد مده
مالك /طيب هي هتبقا جاهزة أمته
نورهان /بعد اسبوع ان شاء الله تقدر تيجي تستلم النتيجه
مالك /تمام شكرا جدا لحضرتك عن اذنك
____________________________
في عربيه مالك
حور كانت خايفه وطول الطريق بتفرك في ايدها
مالك وقف العربيه وسحبها لحضنه وهي اتفجات بس فضلت في حضنه
مالك بحب /مالك يا حوري متوتره وبتفرك بايدك من ساعه ما خرجنا
حور بدموع /خايفه اوي يا مالك خايفه النتيجه تبقي زي ما هي وميكونش راح وارجع تاني لدوامه الكيماوي
مالك ضمها ليه اكتر وحاول يطمنها /طب ممكن تهدي اولا ان شاء الله كل حاجه هتبقى بخير وتبقي النتيجه كويسه جدا ومفيش فيها أي حاجه
حور بدموع /متسبنيش يا مالك عشان خاطري
مالك بعدها عن حضنه ومسح دموع وباس عيونها
مالك /انا معاكي دايما يا حوري ومستحيل اسيبك ابدا وبعدين هو فيه حد بيسيب روحه
حور هزت راسها بالنفس و حضنته تاني /انت احسن راجل في الدنيا دي كلها يا مالك وانا محظوظه عشان انت معايا
مالك بحب /انا اللي محظوظ عشان انتي معايا وجنبي يا حوري بحبك
حور /بعشقك يا مالكي
_______________________________
عدا اسبوع بدون اي أحداث
حور دايما بتدعي ربنا انه يشفيها والتحاليل والاشاعات تبقا كويسه
مالك /ايوة يا انجي ممكن تروحي المستشفى عشان تحاليل حور وهاتيهم الشركه وانتي جايه لاني مش عارف اروح بسبب الوفد اللي موجود في الشركه وحتي أسر صعب يخرج
انجي /تمام يا مالك هجيبها وهطمنك وان شاء الله خير
مالك بدعاء / يا رب يا انجي يا رب
انجي /متقلقش سلام
انجي قفلت مع مالك وراحت المستشفى عشان تحاليل حور
انجي كانت ماشيه في الممر وفجأه خبطت في حد
انجي بصت بصدمه لما لقت نفس الشخص بتاع المره اللي فاتت
انجي بعصبيه /انت تاني
محمود بمرح /دا انا شكلي عجبتك بجد بقا عشان تيجي تاني بس اتاخرتي شويه يعني اربع شهور كتير اوي اوي يعني
انجي بعصبيه /نعم انتي بتقول ايه
محمود /خلاص خلاص ممكن تديني رقم والدك وهبقا افكر اجي اتقدملك
انجي بعصبيه من بروده /انت اكيد مجنون ومحتاج تروح لدكتور نفسي
محمود بمرح /هو الحب كده يا عيني بيجنن
انجي /انت…
محمود بغمزة /حلو واتحب صح
انجي /انت بجد محتاج تروح الصرايا الصفرا وبسرعه لان يظهر حالتك خطيره اوي
انجي سابته ومشت ومحمود ضحك بمرح
محمود /شوفتك مرتين شقلبتي حالي يا اسمك ايه انتي
______________________________
انجي مشت وسابته وهي متضايقه بس ابتسمت لا ارداي لما افتكرت كلامه
انجي لنفسها /فوقي لنفسك يا انجي دا شكله مجنون اصلا
انجي للممرضه /لو سمحتي كان فيه تحاليل باسم حور الصواف
الممرضه /ثانيه واحده
انجي /اتفضلي
اللمرضه /ايوة وهي دي اتفضلي
انجي /ممكن اعرف ايه هي النتيجه
الممرضه/………………
انجي بصدمه /ايه؟؟؟؟..
يتبع…..
لقراءة الفصل الرابع عشر : اضغط هنا
لقراءة باقي فصول الرواية : اضغط هنا
نرشح لك أيضاً رواية جوازة غصب للكاتب عمرو خالد
