رواية نعمة (العالم الآخر) الفصل الحادي والعشرون 21 بقلم حمادة زهران

رواية نعمة (العالم الآخر) الجزء الحادي والعشرون

رواية نعمة (العالم الآخر) البارت الحادي والعشرون

رواية نعمة (العالم الآخر) الحلقة الحادية والعشرون

جنه قالت هى كانت حامل………
انا اتشليت مكانى……
وقفت مكانى مش عارفه اتحرك اتشليت…….. قولت لهدى فى دماغى عايزه افهم…….
هدى بصت لجنه علشان تقول كل حاجه…….. امها قالت خير يا ست الكل عيالى مالهم……. قولت اصبراى اخد نفسي…….
قالت معلش حقك عليه بس والله غصب عني عيالى حياتهم ادمرت……..
قولت لعله خير ان شاء الله هي بنتك فين……. قالت جوه بس مش عارفه مالها مش عايزه تقابلك……….
قولت طيب سبيها برحتها دلوقتي ممكن تعملي ينسون……..
قالت اه طبعا تحت امرك…….
الشاب قاعد قدامى هو وأبوه………
اتوصلت مع جنه وورتنى كل حاجه وانا بجد فى موقف مش حلو خالص………
اول مره اتعرض لحاجه زى دى………
اقول لأهلها ازاى طيب………
امها دخلت ومعاها الينسون كنت بحاول اكسب وقت علشان افكر هتصرف ازاي………
هدى وجنه وعبد الجبار واقفين مستنين يشوفوا هتصرف ازاي……….
وابنى الصغير معايا………
كنت بجد خايفه من الموقف ومش عارفه اعمل ايه………
الام قالت فجأة ألحقي يا ست هانم بنتى بتلبس وعايزه تنزل من البيت مش عايزه تشوفك……..
قولت دخلينى عندها وقبل ما ادخل قولت لأمها بينى وبينك اوقفي ورا الباب…….. واسمعى الكلام اللي هيحصل علشان انا مهما قولت انتى مش هتصدقى لزم تسمعي بنفسك…….
قالت خير يا ست الكل وقعتي قلبي……
قولت انتي هتسمعي بنفسك…….
سبت ابنى بره ودخلت وامها فعلا وقفت ورا الباب……..
اول ما دخلت البنت قالت لو سمحتي اطلعي بره………انا ضحكت……..
قالت هو انا بضحك……….
قولت اه والله ضحكتيني اوى وكذابه اوى انتي بنت قليلة أدب……….
قالت هو انتي مجنونه ولا ايه يا ست انتى….
قولت اخرسى علشان متتفضحيش انتى يا بنت انتى فاكره نفسك بتضحكي على مين ده انا من قبل ما اجيلك وانا عارفه انك كذابه……
قالت لا والله ازاى بقى……..
قولت اسألى مايكل ال انتى ماشيه معاه ولا اقولك اللي كنتي حامل منه………
أنتي واحده واطيه بتحبي واحد مسيحي لا وكمان كنتى حامل منه………
قالت بس بس ابوس ايدك هديكي اللي انتي عايزاه وبتقلع السلسله والخاتم……..
قولت منك لله امها دخلت وهى منهاره وبتقول ازاي ازاى يا بنتى حرام عليكى ليه كده حسبى الله ونعم الوكيل……..
قولت اسكتي ابنك لو عرف هيقتلها…….
البنت قالت لأمها ايه في ايه هو انتى هتعمليهم عليه……….
البنت فعلا كانت قليلة الادب والام للأسف كانت ضعيفه وانا لاول مره اتعمل اتعامل بقلب ام……..
لما واجهت البنت كان عندها بجاحه غير عادية وكانت بتزعق لأمها…….
في الوقت دا مقدرتش اسيطر علي مشاعر الام جوايا………
ما انا برضوا ام زيها………
مسكت البنت ضربتها قلم نيمتها علي السرير جايه تقوم وهي بتصرخ رذعتها القلم التاني………
قامت تجري على مكنة الخياطه واخدت المقص وهجمت بيه على صدرى نحيت القلب………
انا واقفه ثابته وعندي احساس ويقين انه مش هيحصلي حاجه………
هدي راحت لفت ايدها بالمقص لورا……..
امها بتعافر تاخد منها المقص……..
واناوقفت وايدي جنبي وهي ايدها متنيه وبتعافر وبتصرخ وتقول سبيني سبيني……..
ابوها واخوها بيخبطوا عايزين يدخلوا…….
قولت متقلقوش هي بس اللي عليها حضر علشان كدا هايجه علينا……..
اضطريت اكذب عليهم…….
البنت فضلت تصرخ من لوحت ايديها سبيني سبيني………
قولتلها انا ايدي جمبي معملتش حاجه وريني بقى انتي كنتي عايزه تموتيني ازاي………
انتي يا بتاعه انتي مفكره نفسك ايه……..
انتي عايزه تأذيني انا يا زباله يعديمة الربايه……..
حرام اقولك انتي متربتيش اكيد امك تعبت فيكي وربتك بس انتي ربنا سلط عليكي نفسك وشطانك…….
ليه عملتي كده……..
طبعاً ابوها بيخبط امها قالت طيب سيبي ايدين بنتي طيب خليهم يسبوها……….
خليت هدى تسيب ايدها اللي فيها المقص…… وبمجرد ما سابتها هدى حاولت تضربني بالمقص الضربه جات في وش امها……….
والست فضلت تنزف………
في اللحظة دي الاب دخل هو وابنه لما سمعوا صرخت الام………..
وانا كنت مسكها من شعرها وهدى وجنه مثبتينها على الارض………
اخوها اول ما شاف أمه انهار من الغضب والعصبيه………
فضل يضرب فى أخته ويقول انتى عايزه تموتي امك والست……..
الاب فى ايه يا بنتى…….
قولت اللي عليها حضر بس ابنك لازم يطلع بره عشان ميتعبش اكتر………
قال لابنه اطلع بره زي ما الست قالت………
وفعلا طلع……..
ابني شاف كل ده وكان بيبكى وقال ماما يلا بينا من هنا………
قولت حبيبى متخفش انا مخلفه رجاله مش عيال اقعد بره واستنانى ومتقلقش علي ماما……….
قفلت الباب وقولت للأب اسمع يا حج مفيش عندك غير البنت والولد فأسمعني كويس……..
قال خير يا بنتى طمنيني……….
قولت بنتك وابنك مفهمش حاجه………
قال ازاى طيب واللي بيحصل ده كله ايه……..
قولت ده كله من تأليف بنتك……..
قال ازاي……..
قولت زى ما بقولك كده………
بنتك تعرف واحد مسيحي وبتحبه وغلطت معاه………
وكانت بتعمل كل ده علشان تدارى على عملتها……….
قال ازاى والعفاريت وأخوها……….
قولت هي من كتر اللي كانت بتعمله والصراخ خلت اخوها يتوهم………
هو كويس بس بقى بيتهيئلوا من كتر عمايل اخته………..
بنتك يا حج كانت حامل ولسه مسقته…….
وانا كنت عارفه بس خفت احكي…….
محدش فيكم كان هيصدق علشان كده انا خليت مراتك تسمع من بنتها بنفسها……….
بص لمراته قالت حصل………..
قولت بص يا حج انت لازم تنتبه لى بنتك كويس…….
ولازم تحل الموضوع ده بالعقل…….
ابنك لو عرف هيقtلها وهتخسر عيالك الاتنين……….
انا عن نفسي شايفه انك تحل مع بنتك……..
وابنك انا هفهموا أن ده كان مس وخلاص بقيت كويسه……..
وهقوله أن هو كان مأذي من أخته بس خلاص بقي كويس………
الرجل فضل يبكي كتير اوى وقال مش عارف اقولك ايه……..
قولت ولا يهمك كل حاجه هتكون كويسه أن شاء الله……….
طلعت لأبنى والشاب…….
ابنى جري عليا وحضنى……..
الشاب قال هو فى ايه……..
قولت مفيش حاجه اختك بس كنت تعبانه اوي والحاجه اللي عليها كانت تعباك انت كمان بس خلاص انتوا بقيتوا زي الفل…..