رواية البنات بتحب مين الحلقة الثانية عشر 12 كاملة
 |
| رواية البنات بتحب مين الحلقة الثانية عشر 12 كاملة |
رواية البنات بتحب مين الحلقة الثانية عشر 12 كاملة
حاتم بيقفل السكه مع منى وبيفكر هيقول ايه لصحابه احمد وابرهيم
وبعدين بياخد قرار جوهري محوري مهم وقال وموسيقى جيم اوف ثرونز الحماسيه شغاله ف مشهد سلو موشن
اصاحبي الي قضيت معاهم اجمل سنين عمري
الي شافو معايا ايام عمرها ما هتكرر
اصاحبي عزوتي الي ياما بيكنا سوا وضحكنا سوا…
بس دا ميمنعش يعني…اني اشوف نفسي برضو????….
اتصل حاتم ب احمد
احمد لما شاف رقم حاتم بيكلمه ف وقت متاخر قلق ورد على طول
– ايه ياحاتم خير انت كويس
-لا يا احمد مش كويس
– ايه خير مالك ف ايه؟!
– احمد…احنا اصحاب بقالنا اد ايه
– يااااااااه كتير اوي…بس مش فاكر ليه يعني؟!
– أحمد انت بتحبني صح
– ف ايه يلا ماتظبط نفسك انت فاكرني منى ؟!!!
– أحمد لو انا قولتلك انا نفسي….نفسي….نفسي فيك …
– هيهيهي تعال اخطبني من اهلي…
– طب لو قولتلك اني نفسي ف منى بجد
– ااااه…طب ما تقول ان الحوار على منى ايه لازمتها الدخله دي يارفاعي؟!
– اصل انا مسافر بكره شرم
وراح قافل السكه على طول قبل ما احمد يتنرفز عليه
– الحمد لله ملحقش يعترض…او يوافق ????
احمد اتصل مره بحاتم…حاتم مردش
مره كمان…برضو حاتم مردش
مره كمان…حاتم قال ف سره
– لا كفايه بجى الرجل هخسره للابد ولا ايه..مسك الموبيل ورد عليه
– بقى ياعر* مسافر بكره شرم من غيرنا
– يعني انت موافق
– يابني هو انا مراتك همنعك!!!
– اشطه بالحلابسه كلم الواد ابراهيم وجهز معاه
– تفتكر منى هتوافق اصلا ان كلنا نجي معاها
– لا طبعا…بس هنيجي برضو عافيه
حاتم بيقفل السكه معاه وبيجهز الشطنه وكلهم بيستنو عند نفس المكان الي قالهم عليهم حاتم
ومنى بتيجي بعربيتها وهيا مظبطه نفسها على سنجه عشره
ابراهيم بيغمز لحاتم وبيقوله ف ودنه
– يابن المحظوظه يافوزي….
حاتم بيضربه بالكوع ف جنبه عشان يقعد ساكت
منى بتيجي بتسلم عليهم وبتقولهم
– ياااااه معقوله كلكم جاين بنفسكم تودعو حاتم عشان مسافر شرم!!!
احمد بيميل على ودن حاتم
– انت مقولتلهاش ولا ايه ؟!
حاتم بيبتسم لاحمد ابتسامه صفرا معناها اسكت خالص دلوقت وبيلف ناحيه منى وبيقولها
– ايه احلى حاجه ف السفر يامنى
– ااااااااا…
– اللمه مش كدا
– اااا مش عارفه بس اااا……
– وهما جاين معنا عشان احنا بنحب ايه…
– اللمه ؟!
– طب ما انتي عارفه كل حاجه اهو يانونا اومال سايبنا واقفين ليه!!..
يلا يارجاله عربيه اخوكم..بيتكم ومطرحكم…
منى بتبص لحاتم بصه معناها انت هتستهبل؟!
حاتم وهو بيشيل الشنط عشان يحطها ف شنطه العربيه بيميل على ودنها وبيقولها
– بس وحياه ابوكي ايه رايك ف المفاجاءه دي
– دا انا هاكلك تلاتين قلم على وشك
– طب خليهم واحد وتلاتين
-اشمعنى يعني
– عشان بيفكرني بتاريخ ميلادك ياعسل
بتمصص شفايفها قبل ما تقوله
– سم
– انا مش مصدق نفسي اني مسافر مع القمر دا مره واحده
– تومه خلص الشنط ويلا عشان نروح مانتاخرش مستنياك ف العربيه
وبعد ما مشيت حاتم قال ف نفسه بطريقه اللمبي
– الحمد لله نسيت موضوع اصحابي…
ركبو العربيه هما ورا وهو ركب جنبها…وطبعا كعاده منى شغلت اغاني قديمه لام كلثوم وعبد الحليم…
لسه ابراهيم هيعترض ويقولها ماتشغلي مهرجانات ياحاجه ايه جو ابيض واسود دا الي عملاه!!
حاتم لف ناحيتهم وقالهم معلش هيا طبيعتها كدا….استحملوها ….
طبعا من كتر الزهق ابراهيم واحمد نامو وفضلت منى وحاتم طول الطريق…وكالعاده
حاتم دايما سرحان ف عيون منى…عايش ف احلام اليقظة مع منى ف خياله..
قصص كتيره ف بيعشها ف خياله مع منى…كلام كتير وأحاسيس عاوز يقوله ليها
لحد ما صوتها فوقه مع العالم الي كان عايش فيه…
– ايه ياتومه وصلت لحد فين ؟!
ابتسم حاتم ليها قبل ما يقولها…
– انا وصلت لحد عينيكي
– مالهم عينيا
– عينيكي دي احلى عيون شوفتها ف الدنيا
– يابكاش…اتعلمت البكش ياتومه من مين
– عارفه يامنى…انا نفسي بس أفضل ابص ف عينيكي ومعملش حاجه تانيه ف حياتي
– بس كدا ياسيدي…ماشي…
منى بتركن العربيه على جنب وبتبص ناحيه حاتم….او بالاصح ناحيه عيون حاتم وهيا بتقوله
– ادي ياسيدي عينيا بص فيهم براحتك…
لكن ف اللحظه الي بصت فيها منى لعيون حاتم وعيون حاتم بصت ناحيه منى….
حاتم حس بقشعريره بتمر ف جسمه….وهيا كمان حست برعشه غريبه ف جسمها لما بصت ف عينيه…
سرحت ف لون عيون حاتم….فضلت سرحانه ف عيونه…اول مره بتحس ب احساس دا….تنحت مش عارفه تقول ايه او تعمل ايه…لحد ما فيه صوت من ورا قطع كل دا وهو بيقول
– حاتم هو احنا وقفنا ليه حصل حاجه؟!
بص حاتم ومنى وراهم ناحيه الصوت…كان ابراهيم الي قالهم ب استغراب
– ف ايه ياجماعه مالكم مبرقين ليا ليه ؟!!!
حاتم انت كويس….منى انتي كويسه ؟!!!
حاتم بيقوله ف سره…
– طب اعملك بوستر على الاسفلت دلوقت ولا اعمل فيك ايه ؟!
منى قالت ف سرها
– ف ايه يامنى مالك؟!!..انتي اتهبلتي صح؟!…
حاتم دا زي اخوكي وبس…ماشي!!!!
وبعدها بشويه وهما ف الطريق منى سألت نفسها سؤال…
هو انا معقوله اكون بحب حاتم…طب فرغلي؟!!!!!
يتبع..
لقراءة الحلقة الثالثة عشر : اضغط هنا
لقراءة باقي حلقات الرواية : اضغط هنا
نرشح لك أيضاً رواية حكايات عروسة للكاتبة آية موسى
