رواية حكاية زينة الفصل الثاني عشر 12 بقلم سلمى تامر
 |
| رواية حكاية زينة الفصل الثاني عشر 12 بقلم سلمى تامر |
رواية حكاية زينة الفصل الثاني عشر 12 بقلم سلمى تامر
(حلقة خاصة بمناسبة العيد)
ادهم:العيد فرحه
خالد:ياااسلااام
انس:وأجمل فرحه
مؤمن:ياعبسلااام
زينه بضحك:العيد فرحه واجمل فرحه يجمع شمل قريب وبعيد
خالد:سعد نبيه
زينه:سعدنا بيها
مؤمن:بيخليها
ادهم:بيخليها
انس:سعدنا بيها بيخليها زكرى جميلة لبعد العيد
كلهم:اهلا اهلا بالعيد مرحب مرحب بالعيد هيه هيه هيه
كنان وتايجر جابوا ادوات التنضيف
وحطوهم قدامهم
كنان بإبتسامه:اوعوا يرجاله فرحة ان العيد بكرة تنسيكم تنضيفة كل سنه
تايجر:بصوا بقا..انس للستاير..وخالد للحمام..ومؤمن للسجاد ..وكنان:هينضف الارضيه
خالد:وانت ياعنيا؟
تايجر:انا هشرف عليكم
انس:وزين
تايجر بص لزينه بحب:لأ زين ده ميعملش حاجه
خالد لأنس:معلش اصله لسه حامل جديد والدكتور نبه عليه انه ميتحركش يختي
مؤمن: مشاء الله اللي جابلك يخليلك مبروك يا ام زين
خالد:الله يبارك فيكي يختي وعقبالكم يااارب لولولولوي
ادهم بملل:خلصتم؟! يلا بقا
كله انتشر فشغل البيت وشغلوا اغاني
خالد وهو بيمسح الحمام:انا مش مبينالو انا ناويالو على اي..اه ياضهري يانا ياما..ساكته ومستحليفالو ومش قايلالو ساكته ليه
انس من بره:خلاص ياشيرين عبوهاب عرفنا
بعد ساعتين كلهم اتجمعوا وقعدوا عالكنب بتعب
تايجر :يخربيت شغل البيت اي ده؟!الله يكون فعون البنات والله ده اصعب من تمرينات الشرطه
كنان بتعب:فعلا ده الموضوع صعب جدا انا ضهري اتقسم
خالد:انا وقعت ١٨٠مره واحتمال رجلى تكون اتكسرت
مؤمن:انا جالي الغضروف
زينه بصتلهم بسخريه وضحكت فالخباثه لأنها متعوده تعمل شغل اكتر من كده بكتيييير
ادهم:طب احنا كده نسينا اهم حاجه
الشباب:اي هي
ادهم:هدوم العيد
غيروا هدومهم كلهم ونزلوا يشتروا هدوم العيد
**
في المحل
خالد:بقولك اي ياخويا شوفلي كده مقاس اكبر الواد بغل زي منتا شايف
الشاب:ياكابتن وعهد ربنا المقاس مظبوط عليه بالمللي
خالد:ياخويا انا عايزه واسع علشان يقضي بيه السنين الجايه
مؤمن:ياماما ده مظبوط وانا عايزه
خالد:بس ياولد ايش فهمك انت
الشاب :ماما اي وواد اي انتوا مجانين ولا اي امشي ياض انت وهو بره
**
عند ادهم وانس وكنان
ادهم لكنان وانس:اي رأيكم فالبنطلون ده؟
البياع:علطلاق تحفه وهياكل منك حته ده آخر قطعه
انس:طب التيشرت ده؟
البياع:ده مستورد ياباشا مش من هنا ده
كنان بصله :طب ياعم ناخد راحتنا طيب!
البياع:براحتك ياباشا انت صاحب محل مش زبون
**
تايجر اخد زينه وراحوا محل حريمي
زينه لتايجر بضحك:استنى يامجنون رايح فين ده محل بناتي
تايجر بإبتسامه:هجيبلك هدوم العيد
زينه:بس انا فنظر الناس ولد
تايجر: عادي كأننا هنجيب لأختنا
واخدها ودخلوا المحل نقلها فستان جميل بلون اللاڤندر
وطلعوا من المحل واخدها جبلها چيلاتي وفسحها وفالآخر دخلوا محل رجالي وزينه نقيتله طقم جميل وشيك
**
عند خالد ومؤمن
خالد للكاشير:كده نقينا بنطلونين واربع تيشرتات وقميصين ب١٢٠جنيه
الكاشير بغضب:نعم؟؟١٢٠جنيه ليه
خالد: احنا زباين قديمه وصحاب محل متكسفناش
الكاشير:احنا لسه فاتحين المحل ده امبارح اصلا
خالد:احنا اول مرة نجيلك متكسفناش
البياع :مشيهم ياحسين وحياة امك حتى لو ببلاش دول جوز مجانين وجننوني من الصبح معاهم
خالد:شوفت
حاسبوا وطلعوا من المحل واتقابلوا مع زينه وتايجر وادهم وكنان وانس
واتفقوا يروحوا للحلاق
اخر اليوم روحوا البيت وفضلوا سهرانين لحد صلاة العيد
:الله اكبر الله اكبر الله اكبر ولله الحمد
الله اكبر الله اكبر الله اكبرولله الحمد
نزلوا الشباب السته يصلوا صلاة العيد
خالد وهو ماشي للجامع:كل سنه وانت طيب ياعم حسن..كل سنه وانتي طيبه يا ام عبير والعيد الجاي تبقي مجوزاها بقا لحسن دي عنست..كل سنه وانت طيب ياعم سعد ليا عندك نص جنيه باقي الاندومي هعدي عليك بعد الصلاه اخده..كل سنه وانتي طيبه يابت ياهدير نضفتي اهو يامعفنه
مؤمن بإستغراب:مين دول يابني وعرفتهم منين؟
تايجر:اراهنك انه ميعرفهمش واول مره يشوفهم
خالد:بت يانهى خطوبتك بكره ولا بعده
نهى:خطوبة اي ياواد ياخالد مخلاص فركشنا
خالد:ليه يختي كفانا الشر؟
نهى:الحمار زعل اني بكلم خمسه غيروا وقال عليا خاينه وهما زي اخواتي
خالد بتأثر:شوف الواطي..ربنا يعوضك باللي احسن منه يانهى يختي
كنان بزهول:يخربيتك ده طلع عارفهم بجد
ادهم:يلا نصلي علشان هتشل
الشباب صلوا صلاة العيد وسط الناس والبهجه والفرحه مليت قلوبهم
وبعد الصلاه روحوا عالبيت ناموا شويه وصحوا علشان يخرجوا
ادهم:ها ياشباب هنروح فين
زينه بسعاده:يلا عالملاهي
خالد ومؤمن:اه والنبي يلا
ادهم:اشطا هوديكم واحده جامده بس استحملوا اللعب اللي فيها
**
بعد ساعه وصلوا الملاهي وانطلقوا
مؤمن بفرحه زي الاطفال المتخلفين:هيه هيه
خالد بحزم:خليك جنبي ياواد انت وامسك فإيدي علشان متوهش
تايجر: انتوا اليومين دول عايشين فدور الام وبنتها صح
كنان:اه مهما اطلقوا خلاص
زينه:انا عايزة اركب المرجيحه دي
تايجر بحنان:بس دي صعبه عليك اوي يازين
زينه بصتله بزعل وسكتت
تايجر بإبتسامه على طفولتها وهمسلها:خلاص هتركبيها بس بشرط
زينه بصتله بإبتسامه:اي هو؟
تايجر:هركب معاكي
زينه وافقت بإبتسامه وطلعوا مع بعض المرجيحه
الشباب قرروا يدخلوا بيت العفاريت
**
جوه بيت العفاريت
كان المكان كله ضلمه والنور بيظهر على اشكال مرعبه بس
خالد بصراخ:عااااا بيمسك بيمسك
ادهم وهو ميت من الضحك:هو ايه ده اللي بيمسك
خالد بصراخ:حاجه بتمسكني وربنا عااا اوعو
انس مسكه من ودانه بمشاغبه وضحك
خالد بصراخ:عااا لاااا
كنان بضحك:اااه هموت اومال كنت عامل ميت دكر فبعض ومصمم ندخل ليه
مؤمن بصراخ:ااااه شعراااااي
خالد:سبوه ياولاد ال****
كنان بضحك:اهم رجعوا ش**ذ تاني
**
عند تايجر وزينه
نزلوا من المرجيحه وزينه فرحانه
زينه بسعاده:اول مره اخرج واتبسط كده..الخروجه معاك مختلفه
تايجر بإبتسامه وحب:مش الخروجه بس اللي هتبقى مختلفه معايا يازينه..انا هخلي ايامك كلها سعاده وفرحه ياحبيبتي
زينه بحب:انا بحبك اوي ياعبدالرحمن..بتمنى كل عيد نبقى مع بعض ومفيش حاجه تفرقنا ابدا
تايجر بإبتسامه:مفيش حاجه هتفرقنا عن بعض ابدا ياحبيبتي غير موتي
زينه بلهفه :بعد الشر عليك ياحبيبي
تايجر مسك ايديها وباسها برقه وحنان:كل عيد وانتي معايا وفحياتي يازينه..والعيد الجاي نيجي المكان ده ومعانا ابننا
زينه بصتله بإبتسامه وخجل وسكتت ودعت من جواها ان ده يحصل
