رواية وحدة شغف الحلقة العاشرة 10 بقلم ندى

 رواية وحدة شغف الحلقة العاشرة 10 بقلم ندى

رواية وحدة شغف الحلقة العاشرة 10 بقلم ندى

رواية وحدة شغف الحلقة العاشرة 10 بقلم ندى

احمد قرب منها شوية وقال – اه شيف قمر جدا 

شغف اتخضت جدا وعلي وشك انها تصرخ…. احمد بحركة سريعة حط ايده علي شفايفها وايده التانية محاصراها .. ششششش اسكتي 

شغف خدودها احمرت جدا من قربه ليها .. 

احمد – انا عايز ادوق اكل شيف شغف ولا عندك مانع 

هزت شغف دماغها ب لا .. حاولت تشيل ايده معرفتش 

كمل هو بمشاكسة – دوقيني وهسيبك يا حلوة 

شغف مدت ليه المعلقة وايدها بترتعش ودموعها بدأت تتجمع في عيونها السماوية 

احمد باستمتاع بطعم الاكل – ده انتي طلعتي شيف بجد بقي مش اي كلام .

احمد مش عارف ايه اللي عمله ده هو حبها ولا مجرد اعجاب .. بص لعيونها وايده بدأت تلين شوية عليها

زقته شغف فاجأة وجريت علي اوضتها .. دخلت فضلت تلف في الاوضة .. شوية تقعد عالسرير وشوية تقف وشوية تمشي رايحة جاية بتوتر .. بصت علي نفسها في المراية .. يالهوي انا ازاي فضلت واقفة كدة قدامه ابتسمت وسط دموعها الرقيقة الخفيفة و زعلت فاجاة تاني وبتفكير..يارب سامحني انا مكنتش اعرف انه جاي نسيت البس هدومي و الطرحة كمان .. استغفر الله العظيم .. اكيد كام شهد وهي مقالتليش ..ربنا يسامحك يا شهد بجد .

احمد دخل لشهد لقاها بتذاكر .. 

-احمد عامل ايه .. انت جيت امتي 

=لسه جاي من شوية …اخبار المذاكرة ايه

-الحمدلله ماشية .. انت اكلت ولا لسه 

=لسه انا قولت اجي اكل معاكوا او ناكل برة وكمان كنت عايز اسالك .. شغف قالت حاجة جديدة او لقيتي حاجة ولا لا 

-لقيت ورق معاها في شنطتها تبع ورثها وورق كتير كدة تاني مفهمتش منه حاجة بس ملحقتش اقراه لانها رجعت من برة بسرعة .

=تمام جدا حاولي تصوريه بموبايلك .

– تمام حاضر .. بقولك شغف عملت الاكل يلا غير هدومك لحد ما نجهز الاكل .

……

شهد دخلت لشغف – شغف انتي قاعدة كدة ليه مالك 

شغف بدموع =شهد انتي عارفة اني سمعت كلامك وقعدت براحتي في بيتك بالعافية عشان مزعلكيش بس ليه مقولتليش ان احمد جاي .. يرضيكي يشوفني كدة يعني .. مش هعرف اخرج بعد اللي حصل 

شهد بعدم فهم -مش فاهمه  حاجة بس هو مقاليش اساسا شكله نسي .. لسه شايفاه دلوقتي اساسا والله ومكلمنيش  والله اكيد مش هنسي اقولك يعني.. هو حصل حاجة ضايقتك .

شغف باحراج = ولا حاجة خلاص .. روحي انتي جهزي الاكل وكُلي هو الاكل استوي اساسا انا  هنام مش عايزة اكل 

شهد – خلاص انا كمان مش هاكل .. علفكرة احنا مأكلناش  حاجة من الصبح.. قومي بطلي رخامة 

شغف = مليش نفس بجد مش هاكل 

شهد – طاييييب مااااشي انتي اللي هنجيبه لنفسك 

خرجت شهد لاحمد ..

-احمد شغف مأكلتش حاجة من الصبح ومش عايزة تاكل وبتقول مليش نفس .. هو انت ضايقتها او حاجة 

احمد بابتسامة خفيفة و بمكر =لا ابدا هي اتفاجات اني جيب بس .. خشي قوليلها احمد عايزك لو مخرجتش هدخلها.

شهد بمرح – فوريييييرة 

….

شهد -شغف أحمد عايزك برة ولو مخرجتيش هيدخلك 

قفزت شغف ووقفت علي السرير بخضة = لا بالله عليكي متخليهوش يجي .. انا قولتلك مش عايزة اكل 

شهد- لا مينفعش يا تيجي تاكلي او هيدخلك بقي هنا 

شغف باستسلام= طيب خلاص هلبس واجي 

شهد بابتسامة – اشطا انا قربت اجهز السفرة 

عدي اليوم باحراج شغف و بمشاكسة احمد لها 

صحت شغف الفجر وصلت وقعدت في البلكونة كالعادة 

في نفسها .. انا لازم انهي اللي بيحصل ده انا بريئة ومظلومة  والمفروض مبقاش خايفة كدة .. احمد سكت ليه لما عرف اني متهمة في قضية قتل ..حاجة غريبة فعلا ..المهم دلوقتي انا بفكر اروح لعمي واهدده…. لا ممكن يموتني بسهولة او يسلمني…سكتت شغف داخلها لثواني وبتفكر وخطر علي بالها خطة وقررت تنفيذها . 

…..عند عمر وزمايله في الشغل

عمر -احنا عرفنا كدة يعتبر كل مكان الزفت ده بيروحه.. والبضاعة اللي جاية دي عايزين نعرف هيوديها فين 

=هيدخلها ازاي بسهولة كدة اساسا

عمر – ده قاتل يابني بيقتل اي حد يقف قصاده وطبعا مفيش دليل لان رجالته اللي بتقتل و هوب بيختفوا بعدها … المهم دلوقتي اننا مراقبين كل حاجة خاصة بيه ،نهايته قربت اوي 

…..

بعد يومين 

شهد بتراقب تصرفات شغف اللي بقت غريبة جدا 

دخلت شهد علي شغف مرة واحدة لقيتها بتقرا ورق كتير كدة 

شهد – شغف ايه الورق ده كله 

شغف بتوتر و بتجمع الورق = ورق بتاعي عادي كنت بشوف حاجة بس 

شهد _ هو ده حاجة مهمة يعني ممكن تلاقي حاجة منهم تثبت برائتك مثلا 

شغف بحيرة = مش عارفة بس اهو هقرا كل يوم كام ورقة كدة يمكن افهم ده بتاع ايه 

شهد – هو الورق ده جبتيه منين 

شغف = لما جيت اهرب اخده معايا .. الحاج يحيي كان بيشيل اي ورق مهم عندي في خزنة اوضتي.. خوفت اسيبه حد يرميه ولا حاجة اكيد هلاقي طرف خيط لبرائتي 

شهد- طب شيلي الورق بس وتعالي نقعد سوا عامله كوبيتين نسكافيه انما ايه زي الفل ..كفاية كدة انتي بقالك ساعتين في الاوضة 

شغف وشهد قعدوا بيتكلموا

شهد- متقلقيش ربنا مش بيظلم جد صدقيني 

شغف بابتسامة = ربنا يستر .. قوليلي بقي انتي بتحبي تقعدي في البلكونة كتير كدة من زمان ولا لما قلبك مال 

شهد بتوتر – شغف بطلي تحرجيني بقي ..  علفكرة هو كان بيوديني المدرسة وانا صغيرة وبيساعدني جدا كمان في مذاكرتي .. وكان بيفسحني كتير يعني خطف قلبي من زمان .. معرفش بقلق عليه لما مش بلاقي اي نور والع عنده في الشقة .. لما بلاقي انوار باينة كدة بطمن انه كويس 

شغف باستغراب = بتقلقي عليه ليه يابنتي هو حد قالك انه هيتخطف او هيهرب ويسيب بيته يعني اللي عايش فيه سنين 

شهد – لااااا بس يعني عشاااان هو معندهوش اهل او اخوات يعني .. ف بقلق بس مش اكتر 

شغف = اها فهمت ..بقولك هو احمد ليه مش قلقان مثلا لاني هربانة وكدة وانتوا يعتبر مخبيني هنا 

شهد بتوتر مش عارفة ترد – مش عارفة بصراحة هو مقاليش حاجة .. وعموما ممكن يكون مصدقك انك بريئة مثلا فسكت . 

دخل احمد البيت بهدؤ تام مفكر ان شغف وشهد ناموا وبيقلع  الجزمة بتاعته سمع شغف ????‍♀️ بدأ يقرب براحة ويسمع كلامهم بابتسامة واسعة وقلبه فعلا مع شغف . 

شغف بتوتر – شهد هو يعني .. احمد .. متجوزش ليه لحد دلوقتي او ااا او يعني مش مرتبط .. وكملت بتسرع .. انا اسفة مش قصدي اتدخل انا بس 

شهد بضحك  = يابنتي في ايه براحة عادي انتي خوفتي ليه كدة 

لا مش متجوز يعني ملقاش اللي تخطف قلبه لسه ..وبغمز..  بس  شكله هيلاقيها قريب 

توردت خدود شغف – قصدك ايه 

شهد وانفجرت من الضحك = قصدي اللي ظاهر ده ..ومسكت خدود شغف بخفة .. اينعم انا اصغر منك بس مش هبلة ، احم انتي قلبك مال ولا ايه 

شوفتي اللي بطلعيه عليا هطلعه عليكي

شغف مش عارفة تفكر ولا تضحك ولا تعمل ايه في الموقف اللي حطت نفسها فيه ده …

شغف قامت بمشاعر متلغبطة – انا مفيش حاجة من  اللي بتقوليها دي هتحصل .. شهد انا بسأل سؤال عادي بس انتي رخمة اوي بجد .. انا غلطانة اني خرجت من الاوضة اقعد معاكي 

دخل احمد ليهم لقي شغف خارجة ورايحة لاوضتها وخبطت فيه وشهقت بصوت عالي ومسكها احمد من ايديها وبص في عيونها اللي بتخطفه دي وقال موجه كلامه لشهد اللي قاعدة مبتسمة = مزعلة الشيف بتاعتنا ليه قصدي مزعلة شغف ليه ????

شهد بصت لشغف بمكر – اصل شغف كانت بتسأل يعني سؤال كدة ..

يتبع..

لقراءة الحلقة الحادية عشر : اضغط هنا 

لقراءة باقي حلقات الرواية : اضغط هنا