رواية لولاهم لم أصبح خائنة الفصل العاشر 10 بقلم نورهان هاني
 |
| رواية لولاهم لم أصبح خائنة الفصل العاشر 10 بقلم نورهان هاني |
رواية لولاهم لم أصبح خائنة الفصل العاشر 10 بقلم نورهان هاني
عمر: برضو مش هتاكلي يا موج!
_…..
عمر_بزعيق : لحد امتي هتفضلي كده يا موج؟
_لحد ما قلبي يخف يا عمر..
عمر: موج انا عارف إنك تعبانه وإن اللي حصل مش سهل عليكي، بس إنتِ كدا هتقتلي نفسك، حاولي تنسي يا موج وتكملي حياتك، حياتك اللي قبل ما تبقي غاليه عندك فهي غاليه عندي.
_طب ليه، ليه عمل في قلبي كده، يا تري قلبي يستاهل كل القسوة ديه يا عمر!
عمر: قلبك ميستاهلش نور يا موج، قلبك مش شبه قلبه، ولما قلبك يعرف حقيقة ده هيخف صدقيني هيخف.
_هو قلبي ممكن يخون يا عمر!
عمر: قلبك والخيانه طريقين عكس بعض ولا ينفع يتقابلوا قلبك يستحيل يكون شبهم يا موج، قلبك رغم سوادهم لسه أبيض.
_أتمني يا عمر أتمني.
عمر: برضو مش هتاكلي!
_معلش يا عمر ماليش نفس.
“ليت الزمان يعود يوماً ما، ليت أبي يحبني، ليت أمي لم تمت، ليتني بجانبهم وهم بجانبي، ليت الحب يُشتري”
~دموعي جفت من بكي سنيني اللي فاتت مبقاش عندي دموع تاني أبكيها.
=ممكن أدخل.
_ألتفت للصوت_ وكانت وعد
_لا
وعد: انا قولت كدا برضو ياريت بقي لو كوباية عصير هتكون كملت.
_ بالله ما فيقالك يا وعد.
وعد: إنما مقولتيش مين القمر اللي برا ده ها ها
_…
وعد: هاااااااااااا
_ماتيجي جوا ودني احسن يا وعد
وعد: لا الجو هنا أحلي
_ضحكتيني وانا مش عايزة أضحك، اعمل انا اي دلوقتي بقي
وعد: تعرفيني علي القمر اللي برا ده ها
_ برا يا وعد وخدي الباب في إيدك
وعد: هو ميستاهلكيش يا موج.
_هو مين!
وعد: اللي قلبك لسه مستنيه.
_إنتِ فكراني زعلانه عشانه وكدا يعني لا خالص انا مكنتش بحبه اصلاً ده انا…ده انا فرحناله جداً
وعد: اومال دموعك ديه إيه!
_دموعي_ آه دموعي ديه دموع الفرحه يا وعد.
وعد: طب عيني في عينك كدا
_مش قادرة مش قادرة، ايوا لسه مستنياه يا وعد لسه مش قادرة انساه تعبانه منه اوي قلبي واجعني بسبب حبه اللي محفور جوايا، هتصدقيني لو قولتلك إني مش عارفه أتخطي وجعي يا وعد أنا كل مابص في مرايه أشوف
كسرة قلبي كنتي بتقوليلي إن قلبي زي اسمي فاكرة
وعد: طبعا فاكرة يا موج قلبك شبه اسمك مع كل موجه جديدة بتتكون حكاية جديدة زي ما الموجه بتغسل الشط كمان قلبك هيغسل جروحك صدقيني يا موج كل الحكايه شوية وقت
_مش صح يا وعد موج مجرد اسم لأن لسه قلبي مجروح، قلبي كان دايماً بيقولي إن هو البحر اللي الموج جزء منه كان هو بحري يا وعد ازاي البحر قدر يسيب موجته يمكن قلبي هو اللي غلط في أختيار البحر لموجته بس حبي عُمره ماكدب يا وعد..
~واترميت في حضنها زي الطفلة الصغيرة وبكيت بكل وجع الدنيا، قلبي كان محروق من الوجع، كنت ماسكه فيها وكإني بترجاها إن هي كمان متمشيش.
وعد: بس بس إهدي انا معاكي
_قلبي قلبي يا وعد واجعني اوي، إزاي يا وعد محبنيش، طب ليه وعدني ليه يا وعد
وعد: هو اللي خسر يا موج هو اللي خسرك
_معقوله كلهم اللي خسروا مش يمكن انا الخسارة مش المكسب، وبخسارتي كسبوا
وعد: لا مش ممكن يا موج، لإني كسبانه بوجودك.
_انا بحبك اوي يا وعد اوي
وعد: ووعد كمان بتحبك
ها بقي مش هتعرفيني عليه
_حاضر حاضر
_عمر يا عمر يااا عمرررررر
عمر: إيه بتزعقي ليه ودني هيجرالها حاجة بسببك.
_ وإيه يعني، انا ولا ودنك يا عمر
عمر: بقي ده سؤال
_ كان العشم برضو
عمر: ودني طبعاً
_ بقي كدا، صحيح نسيت أعرفك ديه وعد صاحبة عمري
وده بقي يا ستي عمر
عمر: اخت نور
_اه
عمر: صحيح يا موج عندي ليكي خبر، بس إمسكي نفسك
_لو وحش مش عايزه أعرفه
عمر: مش عارف
_مش عارف إيه
عمر: أصل تــ
_ انت لسه هتهته يا عمر قول
عمر: مرات أبوكي ماتت وعشيقها إتحبس وإنتِ الوريثه لأملاك أبوكي
_إ…إزاي حصل ده
عمر: إتضح إن مرات أبوكي كانت بتحط الدوا لأبوكي في الأكل ولما إكتشف ده سجل كل حاجة بالورقه والقلم مع الأدله وبعتها للبوليس ولما عبير وسليم أكتشفو ده قتلوه وكان كاتب الڤله والإراضي بإسم عبير وعشان سليم ياخد كل ده إتجوزها ومضاها علي تنازلات وقتلها بس البوليس عرف كل ده وإتسجن والباقي من أملاك أبوكي بقت من حقك
_مش قولتلك إن لكل خاين مصيره الخيانه كل واحد هيتخان بمقدار خيانته، انا فرحانه فرحانه اوي مش عشان هو وهي ماتو لا عشان داقو من نفس اللي داقت منه ماما، واكيد ربي مش هيسامحهم علي اللي عملوه في حقي
_ بس انا مش هاخد فلوسه مش عيزاها
عمر: اومال هتوديها فين
_ هتبرع بيها يا عمر
عمر: فكرة جميلة جدا
وعد: فعلاً فكرة حلوة اوي
_طب انا هنام، تصبحوا علي خير
•الدنيا ديه غريبه اوي، إزاي ممكن شخص يمتلك قساوة العالم كله في قلبه، إزاي ممكن حد يتخلي عن وعوده، إزاي ممكن إنسان يخذل إنسان يمكن لإنه مادقش من الكاس بس الأكيد إنه هيدوقه فـ يوم، إزاي ممكن يخونوا بعض، يا تري بيحسوا بإيه، يا تري الشعور بيكون وقتها بالذنب ولا بالحب، يا تري الحب مبرر للخيانه؟•
_نمت من تعب قلبي وروحي اللي بقت هلكانه.
_عمر انا نازله أتمشي شوية
عمر: طب أستني هاجي معاكي
_لا خليك انا حابه أكون لوحدي
عمر: متأكده!
_أكيد
“كنت ماشيه سرحانه لحد ما خبطت في حد
_انا اسفه جدا، نور
فضلت بصاله وانا بسأل نفسي ليه، لحد ما جميلة أتكلمت
جميلة: مش يلا يا حبيبي عشان منتأخرش ولا إيه
•مشيت بسرعه عشان مضعفش قدامه تاني، روحت الكورنيش قعدت قدام النيل فضلت سرحانه في جماله وإن رغم غسيل الست للمواعين جواه، والزباله اللي الناس بيرموها جواه وحاجات تاني كتير، مع ذلك مبنشوفش منه غير كل الحلو•
لحد ما لقيت حاجة بتقع علي رجلي، بصيت للبنت الصغيرة اللي قدامي وقولتلها هو إيه ده
=ده حظك
وابتسمتلي ومشيت، فتحت الورقه” إبتسم ولا تخضع لقبح العالم، فأنت جميل ولا يليق بك غير الجمال”
_إبتسمت لجمال الجملة، وقررت أتخطي وأنسي وأكمل في حياتي بس قبل ما أعمل كدا لازم أعمل حاجه تانيه.
°ومشيت علي بيت نور، وانا مقرره أنساه بس قبل ده كله لازم أعرف ليه؟، ولازم برضو أتخلي عن كل شئ يفكرني بيه، واريح قلبي، طلعت الأول البيت أجيب صندوق مراسيلي وانزل.
وعد: موج.. خير انتِ كويسه
_نور موجود!
وعد: آه موجود تعالي
نور: موج_ انا عارف إنك زعلانه من اللي حصل بس ممكن ننسي اللي فات ونرجع تاني أصحاب
_ بجد والله، للدرجه دي قلوب الناس رخيصه عندك، انا مش جايه عشان كدا انا جايه لحاجه تانيه
نور: حاجة إيه…
يتبع…….
لقراءة الفصل الحادي عشر : اضغط هنا
لقراءة باقي فصول الرواية : اضغط هنا
نرشح لك أيضاً رواية شظايا القدر للكاتبة فاطمة عيد
