رواية يوم زفافي الفصل العشرون 20 بقلم مريم الشهاوي

رواية يوم زفافي الجزء العشرون

رواية يوم زفافي البارت العشرون

رواية يوم زفافي الحلقة العشرون

منى بعياط/حضرتك الي بلغت على عماد
عم منعم ابتسملها ومسح دموعها/بتعيطي ليه يا قلب ابوكي…. دا احنا هناخد مكافأة خمسه وعشرين الف
منى بعياط/مش عاوزة فلوس….. مش عاوزة حاجه انا عاوزة عماد
عم منعم /هعتبر الي امك قالتهولي دا مسمعتوش… انت تنسي عماد دا خالص عماد مين دا الي بتحبيه يا بنتي… انت شايفة ان عماد دا يناسبلك…
منى /يا بابا ارجوك…. طب سيبني طيب اروح ادافع عنه واقول…
عم منعم بحدة/اخرسي يا منى…. انت عايزاني اخسرك تاني انت والبني ادم دا خلاص… خليه يترمي في السجن وياخد جزاءه
منى/بس عماد مش وحش…. الدنيا هي الي كانت وحشه معاه
عم منعم/ومين الدنيا كانت فتحاله ايديها يا حبيبتي ما كلنا الدنيا حاطه علينا وبنقول الحمد لله… اطلعي علبيت يلا وانا هروح علشغل
باس راسها /ومتعيطيش يا حبيبتي اوعدك وانا جاي هجبلك شوكلاته من الي بتحبيها ااااد كده
مشي وهي طلعت لمامتها فوق
سعاد/عملتي اي في الامتحان يا روحي
منى دخلت من باب الشقة وعينيها ووشها محمرين من كتر العياط…
سعاد جريت عليها لما شافتها بتعيط/بسم الله مالك يا حبيبتي
منى /عماد قابلني بعد الامتحان وبابا بلغ عنه الشرطة عشان ياخد المكافأة…
سعاد حضنتها بخوف/طب اهدي طيب بطلي عياط يا حبيبتي قلبي واجعني من كتر عياطك
منى بعياط/انا بحبه يا ماما….. ليه مش قادرين تتقبلو فكرة اني بحب عماد….انا سمعت كلام بابا الصبح لما قالي لو عماد قابلك ابقي انهي معاه حواركوا وانسيه خالص واحترمت كلمته وفعلا روحت قولتله الكلام دا وانا قلبي موجوع لكن بابا كان مدبرها وراقبني وبلغ عن عماد ليه بتعملوا فيه كده هو ميستاهلش كل دا
سعاد/يا حبيبتي دا مجرم ولازم يتعاقب وانت عارفة مكانه ومخبياه فكانت دي الطريقة الوحيدة عشان يتمسك والا كان اذى بنات تانيه… ابوكي عمل الصح… يلا يا قلب امك ادخلي اوضتك واهدي كدا يا روحي
منى راحت الاوضة ونامت علسرير وابتدت تعيط بقهرة وهي بتفتكر شكله ودموعه وصدمته فيها هو اكيد كرهها وافتكر انها السبب بس يا عماد لو تسمعني… لو تديني فرصة تانيه اشرحلك… بس لو تعرف انا بحبك قد اي؟
فريدة بصدمة /انت يا ابتسام… طب ازاي…. دا انا بعتبرك بنتي… ازاي يطلع منك كل دا
فوزية /اعملي الي انت عاوزاه فيها ياختي… انا موافقة بس تكوني مرضية
فريدة عيطت/انت عارفة ان هشام كان هيمو ت لولا ستر ربنا…. ليه كده عامله عمل لنورا!… صحيح انت بتحبي هشام ونفسك يبقى ليكي… بس مش كده… تتجهي للطريق دا ازاي
هود بصدمة /بقا كل دا عشان هشام….! شيطانك وصلك انك تعملي عمل لواحدة حامل وحملها جيه بعد مده طويلة وتكسري فرحتها بالشكل دا… انت اي يا شيخه
ابتسام بعياط/كل واحد بيفكر في نفسه وبس…. وبالنسباله ابتسام دي اعوذ بالله منها… لكن عمركوا فكرتوا انا واجهت اي….. اه انا بحقد على نورا لانها اخدت هشام مني…. وهشام طول الوقت معتبرني زي اخته وانا كنت طول حياتي حاطه امل اننا نتجوز… وبعد ما اتجوز هو ست نورا بقيت بعافر عشان اخليه يطلقها وانتهزت فرصة انها مبتخلفش وبقينا انا وانت يا خالتو نخطط سوا ازاي نبعدهم ولا نسيتي…. انت بس عشان ابنك الي اتأذي انما لو نورا اتأذت زي مانا مخططه كنت زمانك عادي ومعملتيش كل دا بقلم مريم الشهاوي
فريدة/اخرسي يا بجحه صحيح كنت بساعدك انك تلفتي نظره وتخليه يتجوزك بس عمري ما اقبل اني ااذي نورا وانا ااذيها ليه اصلا اه بضايقها بالكلام شوية بس ااذيها واعملها عمل ليه كل دا هي عملتلك اي
ابتسام/معملتش حاجه بس هي مجرد شخص قدامي الكل بيحبها واخوها بيحبها وجوزها وباقت حامل وعمتها بتعاملها زي بنتها وبتخاف عليها وكويسة في الشغل ومتعمله وشاطرة ولسه واخدة جايزة من سنه احسن دكتورة جراحة شاطرة …. كل دا عندها ومش عندي…. انا بنام معيطة كل يوم بسببها وبشوف صورها علانستا والفيس دايما فرحانه دايما دايما
هود بوجع/اانت بجد طلعتي ترعبي…. انا حقيقي قرفت منك يا ابتسام… ازاي السواد دا كله جواكي….
سابها ومشي وهي بصت للأمل الاخير الي كان في حياتها اختفى للأسف وبصتلهم/ااهو هود مشي وامي كمان هتمشي واخويا وابويا وخالتي كلكوا هتمشوا وتدوني ضهركوا محدش حس بيا محدش احتواني ولا حاول يقولي مالك يا ابتسام
فريدة مشيت هي وفوزية ومتبقاش غير ابتسام في الحمام وقفت قدام المراية وباقت بتعيط بانهيار وبصت لنفسها في المراية/هو انا وحشه اوي كده….
يامن راح لاخته يتطمن عليها /اي يا حبيبتي عامله اي النهاردة
نورا/الحمد لله… بس عاوزة اشوف هشام
يامن/اوديكي انا لهشام
ناهد/يا واد انت محتاج الي يسندك انا هسندها تقعد عالكرسي واوديها خليك مرتاح انت
يامن/لا انا جاي معاكوا عشان اتطمن عليه برضو انتو
راحوا كلهم لاوضة هشام ولاقوا فريدة بتعيط وفيروز بتطبطب عليها وحسوا ان فيه قلق
ناهد/خير يا جماعة
فريدة بصت لناهد ورجعت تبص لنورا وراحتلها وطت علأرض لمستواها علكرسي
فريدة ابتسمت/عامله اي يا نورا
نورا كانت مستغربه بس ابتسمت بحب/انا الحمد لله يا حماتي جايه اتطمن على هشام
فريدة/اه اه تعالي يا حبيبتي
ناهد بصت ليامن باستعجاب ويامن ابتسم
نورا دخلت على هشام حبيبها نور عينيها قلبها الي متقدرش تعيش منغيره
وباقت بتعيط من منظره كان عنده كسور كتير في جسمه ووشه ملفوف بشاش على دماغة ونايم
نورا قربت منه ولمست وشه بايديها/وحشتني اوي يا هشام… قوم بسرعة
فوزية ابتسمتلها/هيقوم يا حبيبتي وهيبقى احسن من الاول ادعيله بس…
فريدة/اهتمي بنفسك وبصحتك يا نورا هشام مش موجود بس انا موجودة لو احتاجتيني في اي حاجه
نورا ابتسمتلها وحبت التغير دا وبصت لاخوها/شكرا لحضرتك بس يامن مش هيخليني محتاجه حاجه
يامن ابتسملها وبص لفريدة/خير يا طنط حضرتك كنت بتعيطي بره في حاجه الدكتور قالك على هشام حاجه
فريدة/لا لا… انا كويسه وهشام كويس… زعلانه بس على حالته
ناهد /ربنا يقومه بالسلامه
كلهم قالوا يارب ويامن رجع الاوضة بتاعت نورا هو وناهد
نورا/اومال فين فرح
يامن/مش عارف تلاقيها في الحمام
ناهد/انا لسه راجعة منه وملقتش حد
يامن /جايه جايه
هود كان واقف برا المستشفى ولقى ابتسام بتنادي عليه
هود/امشي يا ابتسام مش عاوز اشوفك
ابتسام/بالله انا املي فيك انت…. ارجوك حاو لانك….
هود/احاول اي يا ابتسام انت كنت هتنهي حياة شخصين في لمحت عين وتقولي حاول… احاول اتعاطف معاكي… ماشي يا ستي انا متعاطف معاكي من البداية…. بس مكنتش اتوقع انك هتعملي كدا او دماغك توديكي انك تعملي كدا
ابتسام بعياط/انا ندمانه والله ومش هعمل كدا تاني بس عايزاك جمبي خليك انت بس الي جمبي انا عرفت اني مش بجب هشام ودا كان اعجاب مش اكتر لاني شايفاه من طفولتي معايا فاتعلقت بيه وافتكرت ان دا حب لكن حتى لو كان حب فانا هتخلى عنه خالص لانه ميستهلش مني كل دا… انا وحشه وحقودة وكل حاجه… بس انا عايزة اتغير…. مش عايزة افضل في الدوامة دي…. انا خايفة من ربنا
هود/بعد اي…. دا اخويا يا ابتسام… انا مش هقدر اقدملك مساعدة او حتى اساعدك… اخويا دا روحي كلها…. وانت عارفة اني متعلق بيه والي اذاه يكون انت… انت يا ابتسام…. ازاي قدرتي تإذيه
ابتسام/مكانش قصدي ان هو الي يتإذي والله
هود زعق/ما دي المشكله انك فكرتي تإذي حد من اصله… يا ابتسام محدش هيقدر يسامحك على الي عملتيه غير ربك… لو ربنا سامحك هتلاقي الناس سامحتك لو غيرتي من نفسك هتلاقي الناس باقت تحبك ولو سمعتي لكلام ابوكي مش هيضربك وبطلتي تعاندي فاخوكي وتمشي كلمتك وتعتبريه راجلك مش هيرخم عليك انت بس وريلهم انك اتغيرتي واول تغير هو ان انت تغيري علاقتك بربنا الاول….
مشي وسابها وركب العربية وهي باقت واقفة مشوشه… كلامه فعلا صح…. لو اتغيرت الناس هتقبلني… كنت فين من زمان يا هود… دا انا كنت محتاجاك في حياتي اوي…
هود ركب العربية وبقى بيمشي في الطريق وبيفكر في ابتسام وبيدعي ربنا انها تتغير فعلا هو مش قادر يحبها بعد الي عملته وبرضو مش قادر يكرهها
وهو واقف في الاشارة شاف فرح مع رجالة في عربية
هود ركز جامد لحد ما لقاها فرح وفرح كانت بتبص يمين وشمال لحد ما عينيها جات على هود واول ما شافته برقتله وحاولت تفهمه انها مخطوفة وورتله ايديها المتربطين بقلم مريم الشهاوي
هود اتجنن وكان هينزل من العربية بس الاشارة فتحت والعربية مشيت من قدامه حاول يمشي وراها بس الطريق كان زحمة ودخلت في وسط العربيات بقا بيدور بعينيه علعربية لحد ما لقاها بعيد اوي عنه حاول يقرب منها واخد رقم العربية من ورا والطريق اتسد بسبب زحمة العربيات هود استغل الفرصة ونزل من عربيته ليهم بس كانوا حودوا في شارع تاني عشان الزحمة وغابوا عن عينه جري هود على عربيته وطلع موبايله يتصل بيامن
يامن /االو… اي يا هود
هود بينهج/فرح فين
يامن/فرح!…موجودة ف يالمستشفى معايا بس بتعمل حاجه برا وراجعه
هود/فرح مخطوفة يا يامن
يامن اتعدل من قعدته/اييي….
هود/وربنا مخطوفة لقتها في العربية مع راجلين واخدت نمرة العربية
يامن /تمام تمام…. اطلع بنمرة العربية علقسم بلغ… دا عماد اتمسك النهاردة مين الي هيعملها تاني….
هود/يمكن ليه ناس مبلغهم لو اتمسك ياخدوا فرح رهينه
يامن قفل مع هود وهو متعصب ورن على سامح
سامح/لسه كنت هجيلك… اا
يامن/فرح اتخطفت
سامح بهذول/ازاي دا عماد ممسوك هنا
يامن~ما دا الي مجنني اكيد مخلي ناس تاخدها رهينه عشان يطلع منها
سامح/مين قالك
يامن/هود المحامي شافهم واخد نمرة العربية
سامح/خليه يجي فورا يقدمها.. هتساعدنا نلاقيها بسهولة….
يامن/انا هحاول اطلع
سامح/تطلع اي انت مكملتش ليلة
يامن~مينفعش اسيبها
سامح/سيبني انا اتولى الامر…. انت مينفعش تتحرك عشان الجرح… بطل جنان وثق فيا
يامن قفل معاه وعمتو دخلت عليه وهو عرفها الحوار.
ناهد/يادي فرح ومصايبها
يامن/مصايب اي بس يا عمتو هي الي واقعة في مصيبه…
ناهد/البنت تطلع من مصيبه تدخل في مصيبة تانيه هسميها فرح مصيبة يا بتجيب مصايب يا بتتحط فيها
يامن بحزن/هي يعني الي اختارت عماد يبقى في حياتها محدش فينا شايف الي هي شافته مفيش ست تستحمل الي حصلها فمحدش يحط لوم عليها هي للأسف غلطها الوحيد انها عرفت عماد وهي ملهاش دعوة بالغلط دا تعاطفنا معاها لازم يكون موجود دي ست ومغلوبة على امرها وكونها انها واقعة في مشكله او بتقع في مشاكل كتير دا يعني انها فقر او انها بتجلب مصايب
ناهد حست بالذنب من كلامه/فعلا معاك حق… هي اتظلمت كتير في حياتها ولازم نقدرها يمكن عصبيتها الزايدة سبب نفسي بسبب الي اتعرضتله المفروض منلومهاش على دا
اخر النهار منى قاعدة في اوضتها دماغها بتروح وتيجي على عماد
منى/انا لازم افهمه… لازم يعرف اني مش ذنب الي حصله…. لازم اثبتله اني بحبه ومسيبوش واستسلم واسيبه يتعذب قلبي مش هيسامحني لو سبته
مامتها كانت في المطبخ
منى/ماما… انا نازلة اجيب حاجه بسرعة وجايه
سعاد/حاجه اي يابت تعالي…. منى… يامنى
الباب اتقفل ومنى راحت علقسم
منى بنهجان لانها رايحة جري/لو سمحت…. عماد… عماد هنا
/عماد المجرم
منى /ايوة….. ممكن اشوفه
/ممنوع يا بنتي وبعدين دا خطر عليكي
منى بعياط/ونبي عايزة اشوفه خمس دقايق… عاوزة اقوله على حاجه مهمه….
/والله ممنوع حد يدخله خالص….
منى عيطت بشدة/ارجوك… ارجوك ونبي… خمس دقايق… خمس دقايق بس… انا ممكن اشوفه خمس دقايق… وفتشني انا مش معايا حاجه اديهاله جوا بس خمس دقايق
الظابط خلى ست تفتشها واخد الموبايل منها ومكنش معاها حاجه تاني
/خمس دقايق بس
منى/حاضر
منى دخلت لمكان عماد وكان في زنانه بعيدة وقاعد علأرض ضامم ركبه على صدرة
منى جريت عليه بلهفه /عماد… عماد
عماد شافها وقام وقف بغضب/جيتي ليه…..
منى/جيت عشان اقولك اني مش هتخلى عنك… واني مش هقدر اسيبك… جيت عشان اطمنك اني جمبك
عماد ملامح وشه اتغيرت لكره وقال بغضب جواه/ومش خايفة مني…. مش خايفة انتقم منك والي عملتيه فيا
منى/لا مش خايفة… مش خايفة منك ولا عمري هخاف منك بقلم مريم الشهاوي
عماد مد ايده برا الزنزانه ومسكها من رقبتها بيخنقها/لا لازم تخافي…. عماد الكويس انت دفنتيه بايدك وبلعبتك الو سخه…. بتجرجريني كل دا عشان تاخدي حتة مكافأة انت وابوكي
منى باقت بتخبط على ايديه جامد ومش قادرة تاخد نفسها/ع.. عماد…. اس.. معني…
عماد لما حس انها ممكن تموت فعلا سابها وهي اترمت علأرض بتاخد نفسها بالعافية
عماد اتضايق انه عمل كده معاه اداها ضهره وزعق/امشي يا منى… امشي واطلعي من حياتي
منى بعياط/لا مش همشي الا لما تسمعني انا مظلمتكش ولا ضحكت عليك انا….
عماد بصلها وعينيه رغرغت بالدموع وبقا بيتكلم بوجع جواه/لا ظلمتني اما اتصنعتي الحب عليا ظلمتيني عارفة اي هو اكبر ظلم عملتيه فيا هو اني عمري في حياتي ما هصدق ان ممكن حد يحبني💔 (دموعه نزلت ومسحها بايده وكمل) انا بسببك مش هعرف اني اثق في حد من تاني بسببك هتخليني مثقش في اي ست تاني او احبها في يوم من الايام…. انت كسرتيني
خبط على قلبه جامد بايديه/كان قلبي ابتدى انه يدق بحبك لكنك كسرتيه….. كنت عاوزة تنتقمي…. وكنت بطمن نفسي ان اخيرا ربنا بعتك ليا وهتغير….. انت عارفة اي الخبر الحلو الي كنت محضرهولك…. اني هتغير عشانك… انا فعلا كنت هتغير…. ومكنش هيهمني اني اتعاقب واتسجن… بس هعمل دا عشانك… عشان انت تستحقي حد كويس…. وقولت اني هبقى انسان من اول وجديد وهنسى الماضي وانك هتقدري تحتويني وتنسيني كل حاجه وحشه مريت بيها… لكن انت… انت كنت بتخططي وتنفذي وانا نايم على وداني اتبسط من منظرك اما قابلتيني في المستشفى اتاري فرحتك مكنتش عشاني ولا حاجه دا عشان خطتك تمشي وسألتيني في الموبايل انت فين واهتميتي تعرفي مكاني عشان بس…. عشان بس تجيبي رجلي…. قعدتي تخدعيني بنظراتك…. وحبك… وانا انخدعت بيهم فعلا…. بس اقدر اقولك(سقف بايديه) برافو… لعبتيها انت وابوكي صح…. انا مش مصدق انك خدعتيني لحد اللحظة دي كنت بحاول الاقيلك مبررات عشان بس قلبي يرتاح
منى باقت بتعيط بقهرة من كلامه /سيبني اشرحلك… انت فاهم غلط
عماد بعصبيه/لا انا فاهم صح… انت اما اتفقتي يوميها انكو تمسكوني وتعرفوا طريقي قررتي تنهي كل حاجه بينا ودا الاثبات الوحيد ان كلامي صح وانك خدعتيني
منى بعياط/ااسمعني بس انا لسه بحبك يا عماد
عماد بصلها بغضب/وانا بقيت بكرهك… غوري من وشي انا مش طايق اشوف وشك تاني
/الخمس دقايق انتهوا
منى بصت لعماد نظرة اخير بضعف/عماد
عماد اداها ضهره وبص لفوق وعينيه بتنزل دموع وجع/امشي يا منى
منى جريت من قدامه ومنهارة من العياط طلعت برا القسم وباقت بتعيط بحرقة هي السبب… هي السبب….عماد اتغير للأسوأ وهي السبب….
بعد ساعات عاصي نزل اسكندرية ورن على واحد/جبتوها
/معانا من الصبح
عاصي/اسمع صوتها
/كلمي الباشا
فرح بعياط/سيبوني ارجوكم انا معملتش حاجه