رواية يومياتي الفصل الثالث 3 بقلم ألاء عاطف
رواية يومياتي الجزء الثالث
رواية يومياتي البارت الثالث
رواية يومياتي الحلقة الثالثة
تاني يوم ……
صحيت الصبح على صوت ماما وكان جسمى مكسر وعينى وارمة من كتر العياط
ايمان: اي يا حبيبتي مالك واي ده عينك وارمة كده ليه
سلمى : لا مفيش شوية ارهاق وتعب وانا امبارح سهرت اقراء فى الرواية
ايمان : ازاي مش كتبك اتبلت امبارح
اتوترت ساعتها بس لحقت نفسي وقلت .. من التلفون يا ماما
ايمان : اه تمام شوفتى قولتلك التلفون وحش للعينين شوفتى عينك ورمت اهو عشان تبقى تسمعى كلامى
سلمى: خلاص يا ست الكل 😂 هسمع كلامك بعد كده
ايمان: طيب يلا عشان الفطار جاهز
سلمى: ومصحتنيش ليه اساعدك يا ماما
ايمان : عيب عليكى يا بت هو انا عجزت ومحتاجة مساعدتك دنا فيا صحة قد عشرة زيك
سلمى: ماشي يا ست الكل 😂 يلا بينا نشوف عملتيلنا اي على الفطار
يوسف : يا عم خلصت الاكل كله
كريم : وانت مالك يا بارد يا سقعان
يوسف : مش هنلاقى حاجة ناكلها كفاية طفاسة
كريم : طب بس ناولنى طبق المخلل اللى عندك ده وبعدين نتفاهم
يوسف : اه يا رب صبرنى على المتخلف ده
كريم : بتقول حاجة يااخ
يوسف : اه وانت مالك
كريم : طيب ماشي مش هرد عليك
يوسف : طب كنت استنى ماما وسلمى
كريم: قصدك الجاموسة اللى نايمة من امبارح
يوسف : متقولش عليها كده
كريم: لا هقول براحتى
يوسف: يخربيت عنادك محدش يقدر عليك غير ياسمين
يوسف قال كده فى لحظة دخولى انا وماما على السفرة سمعته وسكتنا كلنا وقعدنا نبص ل يوسف
اي فى اي انتو مفكرين انى صدقت الكلام اللى اتقال على ياسمين ومعوتش هجيب سيرتها لا ونزلت دموعه من غير ما يحس
هى وحشتنى اوى
كلنا سكتنا واتبدلت ملامح وشنا وخيم الصمت على البيت كله
قاطعت الصمت ده وبدات اتكلم قولت
اي يا جماعه فى اي الاكل هيبرد وشكل الاستاذ كريم كالعادة خلص الاكل يلا ناكل سوا لقمة حلوة ده حتى ماما هى اللى عانلة الاكل
يوسف وكريم فى صوت واحد: اكيد وعشان كده هناكل
سلمى :نعممم بتقولو اي قصدكو ان اكلى وحش
يوسف وكريم فى صوت واحد: اه
ايمان : خلاص يا ولاد كلو بالهنا والشفا
خلصنا الاكل وكل واحد راح يشوف مصلحته يوسف وكريم فى الشركة بتاعتنا وماما راحت لبابا وانا من جوايا كنت عارفة انا المفروض اعمل اي واي هى مهمتى
رجعت الاوضة بتاعة ياسمين وكنت عاوزة اقرا رسالة بس افتكرت انها قالت كل اسبوع رسالة
فقررت اعمل حاجة تانية يمكن فيها خطر بس لازم اعملها …
موظفه الاستقبال : اهلا بحضرتك يا فندم اساعد حضرتك ازاي
سلمى: انا كنت عاوزة اقدم على الاختبار
موظفه الاستقبال: متاكدة يا فندم الاختبار ليه شروط اهمها الخبرة
سلمى: اكيد
موظفة الاستقبال : وفى تعديل عليه
سلمى : اي هو
موظفه الاستقبال لازم تكونى بتعرفى تلعبى فنون قتال يعنى كاراتيه جودو تايكوندو اي حاجه من دى
ابتسمت وافتكرت ان ياسمين اختى كانت بتودينى عشان اتدرب على التايكوندو عشان اعرف ادافع عن نفسي وافتكرت جمله قالتهالى …. يا سلمى انتى هتحتاجى ده وليه سبب فى المستقبل بس هتعرفى ….. معقولة هى كانت عارفة انى هقدم على الاختبار ده واروح المكان اللى هى كانت بتدرب فيه فى وسط التفكير ده قاطعنى صوت الموظفة
موظفه الاستقبال: يا آنسة اي انتى معايا
سلمى: اه اسفة سرحت شوية
موظفه الاستقبال: حضرتك بتعرفى تلعبى اي حاجة من فنون القتال دى ؟
سلمى: بلعب تايكوندو
موظفه الاستقبال: تمام حضرتك المفروض تشرفينا بكرا فى مكتب المخابرات اللى بيقوده الرائد حسام ومعادك النهاردة الساعة 9 مساءاً
سلمى تمام هكون هناك على الساعة 9
موظفه الاستقبال :تمام ي فندم
سلمى: تمام … ورحت قافلة
اه اه انا قررت اروح التدريب بتاع ياسمين كان عندى امل انى هكتشف حاجة هناك وكان عندى فضول اعرف المكان اللى كانت بتروحه وممكن تفضل فيه لوقت متاخر وكانت عاطياله كل وقتها وروحها واللى يمكن حصلها كل ده بسببه
الساعة 9……
انا روحت هناك بحجة انى رايحة ل نورهان صحبتى عشان عيانة
مع ان خروجى من البيت كان صعب انا طبعا مرضتش اقولهم عشان مش هيوافقو
اهلا … ممكن اعرف فين مكتب الرائد حسام
مجهول١ : وحضرتك مين يا شاطرة
سلمى : وحضرتك مين عشان تسالنى انا مين
مجهول ٢ : انتى مجنونة ده يبقى …
مجهول١ ششش اسكت ، انتى شكلك لسانك طويل
سلمى : لا حضرتك اللى استفزتنى انما انا من جوايا مؤدبة
مجهول١ ضحك ضحكة عالية : اه اه واي كمان
مجهول٢ من زمان مشوفتش ضحكتك يا حسام باشا
انا اتصدمت ساعتها واتحرجت واحمريت ف بعضى
ه.و هو حضرتك الرائد حسام 🙂
حسام وهو بيضحك .. ايوا انا 😂
والله والله انا مكانش قصدى انا اسفة اللى ما يجهلك يعرفك قصدى اللى ما يعرفك يجهلك انا اسفة
حسام : خلاص خلاص اهدى هتموتى من التوتر اهدى خالص هو انا هاكلك
انا الرائد حسام وده المساعد بتاعى سيف وانتى بقا اسمك اي
اسمى سلمى سلمى اسامة الشعراوى
حسام بصدمة اسامة الشعراوى صاحب اكبر مجموعة شركات asl
انتى اخت ياسمين
سلمى: ايوا
حسام ويا ترى انتى شاطرة زيها فى الشغل وكده
اه انا زيها انا وهي كنا بنشتغل فى شركة بابا اللى هيا الشركة الاولى وانا عندى نفس خبرتها فى الشغل
بس انتى شكلك لسة صغيرة
لا مش صغيرة انا لسة بدرس فى الجامعة بس انا اشتغلت مع ياسمين تلات سنين واتعلمت منها كل حاجة وسافرت ف كورسات برة مصر وجبت فيها جوايز انا هفيدكو ارجوك خلينى هنا انا عاوزة اعرف الحقيقة
حسام : تمام واحنا كمان عاوزين نعرف حقيقة اختفاء ياسمين بس هى جابتلنا معلومات عن منظمة ألفا ( alfa ) وعن الكلب الجاسوس
سليم وانتى من النهاردة اعتبرى نفسك اشتغلتى معانا بس لازم تتخطى الاختبار الاول تعالى بكرا عشان تدخلى الاختبار ده
يا فندم يا فندم هجوم هجوم على المكتب يا فندم
حسام : هما اختارو الوقت اللى المكتب فيه ضعيف النهاردة عدد العساكر والحراسة قليل اوى
حسام : يلااااا كله يجهز
سلمى: ينهار اسود ينهار اسود هموت وانا لسة معرفتش حاجة ده ايه الحظ ده بس يا ربى بس لا لازم اتشجع زى ما علمتنى ياسمين
حسام : اي خايفة …
سلمى: لا مستحيل..
وفجاة ضرب النار اشتغل سلمى :اااه خلى بالك يا حسااام .
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية يومياتي)
