رواية يمنى والياس الفصل الحادي عشر 11 بقلم زهرة الربيع
رواية يمنى والياس الجزء الحادي عشر
رواية يمنى والياس البارت الحادي عشر
رواية يمنى والياس الحلقة الحادية عشر
منير حاول يهدى وقال…انا هقولك تقوليلو ايه المهم تهدي علشان نعرف نتصرف ولا انتي عيزاه يعرف الي حصل
تسنيم جريت عليه وقالت لا وانبي ابوس ايدك مش عيزاه يعرف حاجه وانبي ابويا تعبان مش هيستحمل وانا مليش غير الياس مش عيزاه يكرهني وانبي
منير قال ..طيب خلاص اهدي انا هتصرف بصي هحاول اشغل التلفون بتاعك وتكلميه وتقوليلو زي ما هقولك بالظبط تمام
تسنيم قالت بسرعه ..تمام..تمام الي تقول عليه
وفعلا بقى يحاول يشغل التلفون وشرحلها تقولو ايه لحد ما اشتغل وتسنيم كلمت الياس واول ما رنت كان قرب يوصل الجامعه ورد بسرعه وقال…ايوه يا تسنيم انتي فين يا حببتي
تسنيم حاولت تخلي صوتها طبيعي وقالت..ايوه يا الياس انا بخير يا حبيبي وعند صاحبتي بنذاكر
الياس وقف العربيه وقال… يعني انتي مش في الجامعه
تسنيم قالت… لا يا حبيبي كنت هروح وبعدين سما صاحبتي جايبه مدرسه خصوصي هتشرح الماده واصرت عليا احضرها معاها كنت هقولك والله بس تلفوني فصل شحن وكنت بشحنو
الياس قال باستغراب وغضب..وكنتي عند معتز بتعملي ايه
تسنيم ارتبكت وبصت لمنير بدموع ومنير شاورلها براسو بمعنى تكمل ومتقلقش
تسنيم قالت …اه معتز…اصل انا كنت طالعه عند صاحبتي في نفس العماره لان كتابها معايا وانا ونازله قابلني معتز وقلي انك جوه واول ما دخلت بقى يخوفني ويضايقني واول ما لقاني كلمتك بقى يعتزر ويقول انو كان بيهزر بس وسابني مشيت هو ده الي حصل
الياس قال بغضب… يعني ايه الكلام ده هو مالو بيكي اصلا
تسنيم قالت بضحك…هو كان بيهزر يا حبيبي …اختك الي هبله اول ما دخلت خفت وقلقتك معلش
الياس قال ولا يهمك المهم انك بخير..هو كان شاكك في كلامها بس حمد ربو انها بخير قال.. طب خلصي بسرعه وعايز اشوفك
تسنيم بلعت ريقها بتوتر وقالت..حاضر سلام دلوقتي الحصه هتبتدي
الياس قفل وهو مستغرب الموقف كلو وحاسس ان فيه حاجه غريبه رن لمنير وقال…ايوه يا منير انا كلمت تسنيم وهيه كويسه بس عايز اقابل اخوك قلبي مش مطمني حاسس ان فيه حاجه غلط
منير قال ..والله يا الياس انت موهوم معتز اخويا وانا عارفه بيدايق اي بنت ويفضل يخوفها من غير سبب هيه بس تسنيم حساسه شويه وعلى العموم انا اول ما اعرف مكانو هخليك تكلمو اصلو بيخرج يسهر كتير وبياخد باليومين بره البيت
الياس بقى يحاول يصدقهم وقال تمام يا منير انا هروح الشركه لاني مشيت من غير ما استأذن وهبقى اقابل تسنيم وان شاء الله يكون كلامك صح وكمل بغضب..والا والله لابيتو في تربتو انهارده وقفل
منير قعد بحزن هو مكنش حابب يكدب بالطريقه دي بس من وجهة نظرو ان كده افضل للكل
تسنيم قربت منو وقالت بخوف…ها صدقنا
منير بصلها وقال…تقريبا بس لسه شاكك لازم لما يقابلك انهارده متغلطيش
بس تسنيم قالت…انهارده …ازي اققابلو انهارده وانا وشي كده وازاي هروح بحالتي دي اصلا
منير قال متخافيش انا هحلها هنشتري هدوم تلبسيها والياس مشافش هدومك الي خرجتي بيها مش هيعرف انك غيرتي وابوكي لو سأل قوليلو انك وقعتي وكان فيه ميه وصاحبتك الي كنتي عندها ادتك الهدوم دي وبالنسبه لوشك مش باين غير الجرح البسيط الي عند شفايفك قوليلهم انك اتخبطي في اي حاجه
تسنيم قعدت وقالت بدموع..انا هكدب كل ده على الياس وبابا
منير بصلها وابتسم بسخريه وقال…وانتي مكنتيش بتكدبي لما كنتي تخرجي تقابليه من وراهم وانهارده لما جيتي بيتو مكدبتيش
تسنيم بقت تبكي وقالت ببكا وانهيار…حبيتو…الواطي الاناني ملقاش وسيله غيري لاخويا وانا صدقتو بغبائي حبيتو قوي قلي تعالي هديكي ورق تبلغي بيه عن يمني اصل رجلي مكسوره ومش هعرف اجبهولك وانا زي الهبله صدقتو مكنتش اتخيل ان كل ده كدب وانو عايز يقضي على اخويا بيا يارتني مت قبل ما اعيش الي عشتو يارتني مت ومتكسرتش كده وبقت تبكي بشده والم ودموع مبتخلصش
بقلمب..زهرة الربيع
منير اتأثر جدا بدموعها ونزلت دموعو وحاسس قلبو بينزف كل الي حصل كوم ولما بتقول حبتو كوم تاني قرب منها وقعد عند رجلها ومسك اديها وقال…بعد الشر متقوليش كده..كلنا بنغلط يا تسنيم وعلشان كده بنتعلم وبنقوى خلاص متبكيش كفايه مش قادر اشوف دموعك
تسنيم بصتلو باستغراب ودموع وبقت تفتكر كام مره حذرها من معتز كام مره قلها انو معجب بيها وعايز يتجوزها وكانت تصدو وتعاملو بكره وكأنو عدوها ازاي انهارده بيساعدها كده ازاي خايف عليها ومش عايز يشوف دموعها حطت ايدها على وشو وقالت..انا اسفه…اسفه قوي يا منير …اسفه سامحني
منير بصلها بحب ودموع وقال انا مزعلتش منك ابدا كفايه دموع بقى ووقف ومسح دموعو وحاول يقوى وقال. بابتسامه مصتنعه… المهم دلوقتي نكمل الي بديناه يلا علشان كلها ساعه والياس يخلص ويطلب يشوفك
تسنيم قامت بالعافيه ومشيت معاه وهيه مضايقه من نفسها وجواها نار وكره لمعتز قالت في نفسها هدفعك التمن غالي يا معتز هخليك تندم مش هتصدق ان الصغيره الي كسرت قلبها تعمل فيك كده ومشيت مع منير وراحت تشتري هدوم ليها
الياس رجع الشركه وهو بيفكر في كلام تسنيم وحاسس فيه حاجه غلط قعد على مكتبو من غير ما يدخل عند يمنى فضل قاعد بيفكر وقطع تفكيره صوت واحد من الموظفين بيقول بصوت عالي قاصد يسمعو….اه ياض يا خالد لو المديره القمر دي تحن علينا وتقعدنا عندها بالسعات زي ما بتحن على غيرنا
خالد رد عليه وقال…لا مهو انت متنفعش معاها يا شريف بخلقتك دي هيه بتنقي الحلوين بس وبقو يضحكو بصوت عالي ومستفز
الياس ضم اديه بغضب وبقى يا خد نفسو ويحاول يهدى وقال..يارب..يارب صبرني وبقى يكمل الورق الي قدامو كأنو مش سامعهم بس رجع قال …يعني لازم يكون شكلي حلو يعني علشان تقعدني في حضنها اليوم كلو .الا صحيح يا خالد واحده زي دي حضنها عامل ازاي
خالد قال…اكيد ملبن دي كلها ملبن… وهنا الياس اتقدم عليهم بغضب اعمي بقى يضربهم بشده وعنف ومسك الي اسمو خالد ده بشراسه وبقى يقول بغضب…انت بتقول ايه يا حيوان..وديني لاربك انت وهو وفضل يضرب فيهم روقهم يعنى خالد كان واقع على الارض بينزف من بقو والياس ماسك شريف وبيضربو بعنف وهنا يمنى خرجت بعد ما علي قلها ان الياس بيضرب الموظفين
الياس كان مكمل عليه بس يمنى قالت بغضب ..الياس
الياس زقو بقوه وقعو على الارض وقال بضيق…نعم
يمنى قالت بغضب مكبوت…حصلني على المكتب ودخلت الياس بصلهم بحده وهما كانو بيحاولو يقومو بخوف وراح ورا يمنى
يمنى قالت بغضب…ايه الهمجيه الي كنت عاملها بره دي ايه فاكر نفسك في الشارع انت ايه حكايتك انهارده
الياس قال بضيق…كانو بيتكلمو علينا و
بس يمنى قاطعتو بغضب وقالت..انت قلتلي قبل كده انهم بيتكلمو علينا وانا قولتلك سبهم يتكلمو ايه هنفضل كل الي يقول كلمه نضربو قبل كده ضربت يوسف هنا علشان كام كلمه وشفت حصلك ايه بعدها ودلوقتي عامل مشاكل مع الموظفين و
بس قاطعها الياس وقال بزعيق وعصبيه..بس بقى بس..انا مش قادر اكتر من كده كل يوم بيقولو عليكي كلام زي الزفت وبيقولو ان فيه بنا حاجه علشان كده بتسبيني معاكي في المكتب وبيوصفوكي ويعاكسوكي قدامي عنيهم هتطلع عليكي وانتي طالعه وانتي داخله انا مش قادر استحمل مش قادر ملعون ابو الشغل على الفلوس الي تخليني اسمع واسكت انا خلاص هطق وقعد على الكرسي بغضب شديد
يمنى فهمت انو غيران عليها من اعجاب الموظفين وكلامهم عليها ابتسمت وحست بسعاده مش عارفه سببها بس تظاهرت بالجمود وقالت…وانت ايه الي يضايقك اذا بيعاكسوني او بيتكلمو عليا دي حاجه المفروض تدايقني انا انت تضايق ليه
الياس بصلها بغضب وقرب عليها ومسكها من دراعها بقوه وقال بعصبيه…بدايق لانك مراتي..بدايق لاني مش بطيق اشوفك حلوه في عيون حد غيري… بدايق لاني..
الياس بلع ريقه وسكت ويمنى قربت منو اكتر وقالت…لانك ايه..بتحبني مش كده
بقلمي…زهرة الربيع
الياس فضل باصصلها شويه وكان نفسو يقلها ان معاها حق وانو بيعشقها بس بعد عنها وودى وشو الناحيه التانيه وقال…انتي بتقولي ايه لا طبعا
يمنى ابتسمت ابتسامه جانبيه وقالت…ياريت كلامك يكون حقيقي يا الياس لاكن انا شايفه غير كده وبصت في عيونو وقالت شافه الحب في عنيك الحب مش بيستخبى انا حبيت قبلك واعرفو كويس
الياس حس بنغزه في قلبو لما قالت انها حبت قبل كده قال…يوسف مش كده
يمنى قالت بضيق..طبعا يوسف امال كنت هتجوزو ازاي ..عارف يا الياس لو اي راجل غيرك كنت اتمني يقع في حبي ويموت فيا كمان علشان اطلعو سابع سما واوقعو على جدور رقبتو واسمع صوت قلبو وهو بيتكسر ميت حته لاكن انت مش عارفه اعملها معاك
الياس قال باستغراب وحزن عليها ..ليه الغل ده يا يمنى كل ده علشان تجربه فاشله ازاي تنهي حياتك علشان موقف وحش حصلك
يمنى اتنهدت بالم وقالت..مكانتش مجرد تجريبه ولا مجرد موقف وحش يا الياس مش انا البنت الضعيفه الي حبيبها خانها فتعقدت من كل الرجاله الموضوع اوسخ من ان عقلك يتوقعو …على العموم مش بحب اتكلم في الموضوع ده قولتلك قبل كده وهعيد تاني انساني يا الياس اتعامل على اني فتره في حياتك وهتنتهي مهما طالت ..عن اذنك هطلع اشوف الي انت هببتو بره اققعد مع نفسك وراجع حسباتك انا متأكده انك ذكي ومش هتفضل طول عمرك تجري ورا سراب
يمنى خرجت وسابتو قاعد بحزن والم شديد بقى حاسس ان الحياه بتقف عندها ومش قادر يبعد مش قادر يتخيل اليوم الي هتقول فيه انها استغنت عنو حس بدموعو بتحرق عنيه زي الهب مبقاش قادر يمنعهم اكتر غمض عيونه بوجع ونزلت دموعو باستسلام
يمنى بقى اول ماخرجت من عندو الموظفين كلهم وقفو بس مقدرتش تكلم حد دخلت الحمام ومصدقت قفلت الباب وبقت تبكي بصوت مكتوم قالت…ليه يا الياس ليه..قولتلك ابعد انا مش عارفه اسيطر على قلبي معاك انت بذات لازم تبعد يا الياس لازم ..ومسحت دموعها ووقفت تبص لنفسها في المرايه وقالت..انتي قويه يا يمنى مفيش راجل يستاهل وخرجت من الحمام وملامح الغضب في عيونها وقفت قدام الموظفين وقالت بغضب…زميلكم بيقول ان انكم بتتكلمو عليا انا وهو الي قال كلمه يتفضل يتقدم خطوه
استنت شويه ومحدش اتقدم قالت تمام براحتكم..عم علي بكره تعلن عن وظايف شاغره والكل هنا مرفودين وكانت هتمشي بس واحده من الموظفين قالت…لا وانبي يا هانم انا هقول لحضرتك دول خالد وشريف كل يوم يفضلو يلقحو على الياس ويضايقوه
واحده تانيه قالت…اه والله يا هانم احنا ملناش ذمب
يمنى ابتسمت و قالت …ايوه كده الي يشوف غلط يقول عليه علشان ميروحش في الرجلين…خلاص يا عم علي شوف اتنين بس بدال الحلوين دول ولازم تعرفو انكم مش هتشتغلو في اي شركه تانيه..ابقو خلو لسانكم الطويل ينفعكم ولا روحو اشتغلو فواعليه بشهداتكم
وسابتهم ودخلت المكتب الياس اول ما شافها مسح دموعو ووقف وقال..احم..انا خلصت شغلي يا هانم..عايز استأذن من حضرتك اختي مستنياني
يمنى ابتسمت على طريقتو وقالت …تمام يا استاذ الياس تقدر تتفضل
الياس خرج وهو متغاظ من طريقتها ومشي وراح يقابل تسنيم وفعلا قابلها وحكتلو زي ما منير فهمها …الياس كان شاكك ان فيه حاجه غريبه بسبب ارتباكها وكل الي حصل لاكن مرضيش يضغط عليها ووصلها بيتهم
الياس كان راجع القصر وحس انو جعان نزل عند واحد بيبيع ساندوتشات عند بيتهم واخد ساندوتش..وكلو ولسه هيرمي ورقة الجرايد الي ملفوف فيها اتفاجأ بصورة يمنى على الجريده
بس المفاجأه الاكبر كانت الخبر الي تحت الصوره…القبض على يمنى الصياد حفيدة عيلة الصياد بتهمة قتل وووووو
يا عني عليك يا الياس 😭راح فيها ابن الناس 🙆♀️
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية يمنى والياس)
