رواية يمنى والياس الفصل التاسع عشر 19 بقلم زهرة الربيع
رواية يمنى والياس الجزء التاسع عشر
رواية يمنى والياس البارت التاسع عشر
رواية يمنى والياس الحلقة التاسعة عشر
الياس ابتسم وقال انا لسه مستهبلتش ومعملتش حاجه بس هعمل وهستهبل كمان وقرب عليها جامد ويمنى بقت ترجع لورا وقالت بتوتر..انت..انت عايز ايه ..ابعد عني ..احسنلك تبعد و
بس سكتت فجأه لما الياس شدها عليه بقوه وفضل يبصلها بنظرات مش مفهومه وقال..وحشتيني…وحشتيني قوي
يمنى بصتلو باستغراب شديد والياس قال…متستغربيش كده انتي فعلا وحشاني مع اني مش مبسوط بكده ولا مبسوط بحبي ليكي اصلا بس مشتاقلك اوي مشتاق لكل حاجه فيكي ومش قادر على قلبي تعبني اوي اليومين الي فاتو
يمنى كانت بتبصلو بعشق وكانت نفسها تقولو انها بتحس نفس احساسو لسه هتكلم الياس قال ..مع انك متستاهليش ربع الحب ده ولا ربع الهفه والشوق والتعب انتي متستهليش حاجه ابدا ..وزقها بقوه وبعد عنها وهو بيحاول يسيطر على نفسو وميضعفش قدامها
يمنى نزلت دموعها وغمضت عنيها بألم اتنهدت وحاولت تبان اقوى وقالت..تمام..اخيرا اتفقنا علي حاجه..ده الي بحاول افهمهولك انا مستاهلش انك تحبني كده ومستهلش تتعب علشاني ولا تتأذي بسببي ..خلينا ننسى الفتره الي قضيناها سوا وطلقني وانا متأكده انك هتنساني قريب اوي انت بس متعود عليا و
بس الياس مسكها من دراعها بقوه وقال بغضب..لا ده مش تعود ..انا مش مراهق علشان معرفش انا عايز ايه انا متأكد من مشاعري انا بحبك وهفضل احبك دي حاجه مش بمزاجك تنهيها زي ما عايزه تنهي اي امل بنا
يمنى حاولت تكلمو قالت… اسمعني يا الياس انا
بس الياس قاطعها وقال..انا مش عايز اتناقش معاكي كتير وعايزك تسمعي الي هقولو كويس انتي من انهارده مش في القصر مفيش حاجه هتجيلك انتي وقاعده مكانك هتعملي حاجتك بنفسك هتغسلي بنفسك وتطبخي كمان وتشوفي شغل البيت مع تسنيم والكلام هنا يتسمع من غير نقاش فاهمه
يمنى برقت بشده وقالت..اعمل ايه..انا عمري ما عملت حاجه من الي بتقولها دي مش هقدر
الياس قال بسخريه لا هتقدري يا روحي وهتتعلمي بس لسه عندك فرصه لو عايزه من بكره ارجعك القصر وتعيشي براحتك تتكلمي دغري وتجاوبيني على اسألتي ايه الي حصل لما سبتك قدام السنيما… وفي المستشفى لما قولتيلي رجع وشفتو كنتي تقصدي مين وايه الي خلاكي تاخدي الموقف ده ..كل الاسأله دي هتجاوبي عليها ده لو عايزه ترجعي يمنى هانم ..غير كده بقى هتفضلي هنا زي الخدم الي بتديهم قد مرتبي الي مش عاجبك .ومشي وسابها واقفه مكانها بحزن وخوف ومش عارفه تعمل ايه
في القصر كان معتز بيكلم مروان وحكالو كل الي حصل وهو مضايق ومتعصب جدا وهيطق حرفيا قال..زي ما سمعت كل حاجه باظت اخدها قدامنا ومقدرناش نعمل حاجه
مروان قال بغضب…الود ده مش هيجبها لبر انا قولتلك نقتلو ونخلص
معتز قال بسرعه…بقولك ايه انا مش ناقص غباء انا قولتلك مش عايز د.م انت فاكر لو قتلناه هنخلص ده جدي اول واحد هنلاقيه في وشنا ده غير يمنى انا عايز اراضيها واكسبها علشان نتجوز مش اخليها تشك فيا
مروان قال بضيق…طيب طيب خلاص انا هتصرف قولتلي الولد ده ساكن فين
معتز قال بقرف…في حاره معفنه كده انا عارف العنوان لما كنت بقابل اختو كنت بجيبها من هناك
مروان قال…تمام انت ابعتلي العنوان وسيب الباقي عليا
معتز قال بخوف…طب انت هتعمل ايه يعني اوعي تجبلنا مصيبه انا عارفك
مروان قال بشر.. لا متقلقش انا هنهي الموضوع لانو طول قوي ومن غير مصايب
عند الياس كان قاعد مع بباه وجات تسنيم واول ما فتح لها قالت..انت ايه الي عملتو ده بقى بتاخد البنت من بيت اهلها بالعافيه
الياس قال..طب خدي نفسك الاول هو منير لحق بشرك
تسنيم قالت بتوتر..منير لا طبعا انا مش بقابل منير خالص
الياس قال بضحك…اه فعلا مش بتقابليه خالص امال مين الي قلك اني جبت يمنى تكونشي امي الله يرحمها
تسنيم قعدت وحست بغبائها قالت بسرعه..متغيرش الموضوع انت ازاي تعمل كده احنا نقصين مشاكل
الياس لسه هيرد طلعت يمنى وقالت …قوليلو يا تسنيم عقليه اصل البيه مش سامع لحد خالص
الياس مردش وجاب اكل وبقى يحطو عل الطربيزه بلامبالاه وقال كانو مش سامعها ..يلا يابابا علشان تتغدى هو الاكل مش قد كده بس الي بعرف اعملو اصل زي ما انت عارف تسنيم في الجامعه ومفيش ستات في البيت كلنا رجاله في بعض
يمنى اتغاظت لانها عارفه انو بيلقح عليها وتسنيم كانت عايزه تضحك بس مسكت نفسها وقالت..انا هروح اغير واجي
بعد شويه كانو قاعدين بياكلو سوا الا يمنى الي رفضت انها تاكل كانت قاعده بعيد شويه بتلعب بالتليفون
الياس كان بياكل وبيظهر انو مش مهتم بس كان زعلان جدا انها مأكلتش
تسنيم قالت..احم بابا اهل منير هيجو بكره من السفر وجايين علشان يتقدمو رسمي ويحددو الفرح
يمنى قعدت بفرحه وقالت..ايه عمي جاي
تسنيم قالت ..اه منير قال كده
يمنى قالت بفرحه..ياااه ده بقالو كتير مجاش
الياس قال…طيب وهيجو هنا امتى علشان اكون موجود في استقبالهم
تسنيم قالت..بكره بالليل ان شاء الله هيكونو هنا
محمد قال..تمام بكره بالليل معاد مناسب حتى انت هتكون جيت من شغلك يا الياس
يمنى قالت بفرحه حاولت تداريها…ليه هوانت..هترجع الشركه تاني
الياس كان بياكل ومش بيبصلها قال…لا ..انا قدمت في شركه تانيه واتقبلت
يمنى ادايقت بس حاولت متبينش قالت..مبروك وشركه ايه بقى يعني يمكن اكون اعرف اصحابها اوصيهم عليك
الياس ابتسم وقال..لا شكرا كتر خيرك ..صحابها يعرفوني انا ومش محتاجين توصيه
يمنى قالت..امممم ومين يا تري الي يعرفوك دول
الياس قال… شركة ازياء لواحده اسمها لميس نصر وهشتغل في الاداره كمان
يمنى برقت بشده وقالت…لميس..لميس الي كانت ..الي كانت عندنا في الشركه مش كده
الياس قال..عليكي نور هيه..هغسل ايدي يا بابا واجي اعملكم الشاي
تسنيم قالت..لا انت عملت الغدا انا هعمل الشاي روح ارتاح وانا هجبلك احلى كبايه
الياس ابتسم وقال ماشي يا عروسه ولو اني مش عايز اتعود على الدلع ده
الياس راح يغسل ايده ويمنى راحت وراه وهيه هتموت من الغيظ قالت..انت هتشتغل مع الي اسمها لميس دي
الياس قال..ايوه الست كتر خيرها اول ما اتصلت عليها افتكرتني و وافقت حتى من غير ما تعمل انترفيو
يمنى قالت بغيظ…وتعملك ليه انت بنسبالها مش محتاج انترفيو .. واكيد هتفتكرك هو انت مش واخد بالك هيه عايزه منك ايه
الياس دخل الاوضه وقال والله انا ميهمنيش هيه عايزه ايه المهم انا عايز ايه وحاليا انا محتاج لشغل وهيه عرضها جميل جدا ومغري
يمنى بصتلو وقالت بغضب..مغري ازاي يعني
الياس ضحك وقال..عادي عرض الشغل يعني
يمنى قالت بغيظ امم عرض الشغل واتنهدت وقالت..بص يا الياس انا ممكن اساعدك لو مش عايز تشتغل في الشركه معايا تمام انا اشوفلك اي شركه انت تشاور عليها واخليك تشتغل هناك وبلاش تروح للبتاعه دي
الياس بصلها وقرب عليها وقال..ليه
يمنى بقت ترجع لورا وقالت بتوتر من قربو ..هو.. هو ايه الي ليه
الياس قال..ليه مش عيزاني اشتغل معاها خايفه منها
يمنى لزقت في الحيط وقالت بتوتر اكبر…وهخاف .من ايه
الياس قرب اكتر وبقى يبص في عنيها وقال…خايفه عليا..غيرانه منها مش كده
يمنى قالت…لا..انا..انا..احم..وانا هغير ليه
الياس قرب من شفايفها وقال بهمس ..يمكن علشان بتحبيني مثلا
يمنى غمضت عيونها ونفسها ذاد وقالت بهمس..لا..لامش بحبك…مش بحبك ابدا..ابدا…انا..انا بكرهك..بكرهك اوي ونزلت دموعها بغزاره
الياس بعد عنها شويه وهو مستغرب دموعها وحط اديه على خدودها وقال…طب بتعيطي ليه..طيب..طب خلاص انا اسف انا والله …
بس سكت لما فاجأتو يمنى وحضنتو وبقت تبكي بشده
الياس ضمها ليه بقوه كان محتاج الحضن ده اكتر منها بقى يحضنها ويشدد من حضنو ليها وهو مغمض وحاسس باحلى شعور رغم كل الي بتعمله معاه لاكن قربها بيداويه
فضلو فتره بيحضنو بعض بقوه كانها اخر لحظه بينهم بس قطع لحظتهم صوت خبط على الباب يمنى بعدت عن الياس بسرعه وخضه والياس مسح على وشو بضيق وقال بنرفزه مين
تسنيم قالت..انا يا الياس عملتلك الشاي
الياس قال بغيظ…الشاي ..وبص ليمنى وقال..اول مره اطلب شاي بعد الاكل..بس هيه اقدار مش اكتر
يمنى ضحكت والياس فتح الباب وخد منها الشاي وقال …متقضيهاش تليفونات وافتحيلك كتاب مش هتيجي في الامتحان تقوليلهم اصلي كنت مخطوبه
تسنيم قالت بارتباك ..انا ..انا مش بكلمو ابدا يا الياس ده بس امبارح كلموتو علشان ..
الياس قال..بس بس انتي تكلميه براحتك بس نذاكر شويه تمام
تسنيم ابتسمت وقالت …تمام
الياس دخل وفضل مع يمنى الي كانت مكسوفه من الي حصل وفضلت تتحاشاه طول اليوم
باليل الياس طلب بيتزا ليمنى لانها طول اليوم مأكلتش لانها رفضت تتغدى ورفضت تتعشا كمان
يمنى كانت خدت شور ودخلت الاوضه لقت الاكل على الكمود ابتسمت لما عرفت ان الياس الي جابو ليها وكانت جعانه جدا قعدت واكلت من غير حتى ما تسألو
الياس كان واقف في البلكون وبيكلم حامد جد يمنى
قال..والله في عنيا يا جدي وانا اسف على الي عملتو اكيد حضرتك عرفت اني مرفعتش قضيه ولا حاجه بس والله ما لقيت طريقه معاها غير كده مش مدياني فرصه افهم منها عملت كده ليه
حامد قال..انا مش زعلان ابدا يا ابني وكمان وصيت المحامي علشان هيه اكيد هتكلمو . المهم يجي بنتيجه
الياس قال.. يا رب يا جدي انا متأكد انها مخبيه عني حاجه يا رب يطلع كده ومطلعش انا الي موهوم
حامد قال ..لا مش من اولها هتيأس انا متأكد انها بتحبك زي ما انت بتحبها بس انت عارف ظروفها
الياس اتنهد وقال..عارف ان شاء الله خير طيب انا هقفل يا جدي اصلها جايه عليا
يمنى قالت..كنت بتكلم مين
الياس …لا ده. واحد صاحبي
يمنى بصتلو وقالت..انت عرفت منين اني بحب البيتزا
الياس قال..انا معرفش انك بتحبيها بس قولت اجبلك حاجه تتناسب مع وضعك المرموق
يمنى اتنهدت وقالت…بص يا الياس انا عارفه انك ذكي وان كل الي انا قولتو مش داخل دماغك ومعاك حق فيه انا فعلا مش عايزه نطلق علشان مستواك ولا علشان بحب حد تاني ولا ايى حاجه من الي قلتها بس السبب مش هقدر اقولك عليه ارجوك بقى احترم رغبتي وطلقني لو بتحبني زي ما بتقول طلقني وخلينا صحاب احسن ليك وليا
الياس اتنهد وقال…انا مش عارف اذا كان ده احسن ليكي اولا بس اكيد مش احسن ليا عن اذنك انا تعبان وعايز انام
الياس دخل ويمنى دخلت وراه وقالت بغضب..طب متزعلش بقى لو رفعت عليك قضية طلاق مدام مش راضي تطلق وبترفع عليا قضيه كمان يبقى استحمل
الياس نام على السرير من غير ما حتى يرد عليها
يمنى اتغاظت جدا قالت..طب انا هنام فين
الياس بردو مردش عليها قالت بغيظ اكبر..انا مش بكلمك هنام على الارض يعني
الياس قال..وليه الارض السرير واسع
يمنى قالت بغضب..لا طبعا مستحيل انام جمبك
الياس قال بملل ..ليه هكالك مثلا
يمنى قالت.. انا قولت مش هنام جمبك يعني مش هنام و
الياس قال بزهق…بقولك ايه انا مش فايقلك تعبان وعايز انام هتنامي زي الشاطره نامي مش عايزه روحي نامي على الارض احنا هنا معندناش كنبه انام عليها نامي انهارده وبكره هدخل واحده من الي بره معلش اضغطي على نفسك انهارده قال يعني انا الي هموت وانام جمبك
يمنى اتنرفزت منو جدا بس كانت عايزه تنام فنامت جمبو على طرف السرير واول ما غمضت عنيها راحت في النوم لانها كانت تعبانه جدا
الياس بصلها واستغرب انها نامت بسرعه كده فضل يتأملها بعشق وقال…هعرف مالك يا يمنى اكيد هعرف ونام وهو بيفكر فيها
في صباح يوم جديد الياس صحي بدري زي العاده ويمنى لسه نايمه فضل يتأمل في ملامحها البريئه والف سؤال بيدور في دماغو اتنهد وقام خد شور وطلع لقا تسنيم وبباه بيتكلمو قال ..صباح الخير
محمد قال..صباح النور يا ابني
تسنيم قالت..بقولك كويس انك صحيت انزل جيب الفطار بقى لاني مش قادره انزل
الياس ضحك وقال طب ردي الصباح حتي
تسنيم قالت…بعدين ..بعدين.. الحكمه بتقول لا صباح على معده فاضيه يلا على ما جهزت الطباق تيجي
الياس ضحك وقال..حكمه مفيده برضو يلا دقيقه وجاي
الياس نزل وجاب الفطار وهو بيقطع الشارع وجات عربيه كبيره باقصى سرعه ناحيته وهو مش واخد بالو الياس بيبص وكانت هتخبطو لاكن حد زقو بسرعه وهو بيقول..حاسسسسسب
الياس والشخص ده وقعو على الارض والياس كان مخضوض قوي ومستغرب ازاي العربيه دي طلعت فجأه قام وقوم الشخص الي انقذو وقال شكرا..شكرا بجد انا مكنتش واخد بالي خالص مش عارف العربيه دي طلعت منين
الشخص ابتسم وقال..ولا يهمك المهم انك كويس
الياس قال..انا تمام الحمد لله بس هدومك باظت بسببي انا اسف بجد اتفضل انا شقتي قريبه تنضف هدومك مش هنعطلك
الشخص قال..انا خايف انا الي اعطلك
الياس لا ابدا مفيش عطله اتفضل معايا يا.اه صحيح..انا اسمي الياس حضرتك اسمك ايه
الشخص ابتسم وقال ..مروان..اسمي مروان الدالي😈
ايوه هو 🤫🤫🤫🤫🤫
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية يمنى والياس)
