رواية ياسين الفصل الأول 1 بقلم إيمان حسين

رواية ياسين البارت الأول

رواية ياسين الجزء الأول

رواية ياسين الحلقة الأولى

ياسين شاب في سن 21سنه أمه ست عاجوزه بتصحيه علشان يروح شغله .
وابوه متوفي من وهو صغير .
ياسين:صباح الخير يااحلي ام في العالم .
نهله:صباح النور ياحبيبي يلا علشان تفطر .
ياسين قام واح الحمام واتوضا وصلي وطلع فطر وراح الشغل.
ياسين:يالا ياحبيبتي عايزه حاجه.
نهله:لا ياحبيبي عايزه سلامتك.
ياسين:باس علي ايدها وطلع.
خديجه بنت في سن 18سنه ابوها صعب التعامل دائما كاسر بخاطرها وبيحبطها وكل ما يلاقيها قاعده بتذاكر يضحك ويقولها يعني هتتطلعي ايه اخرك بيت جوزك دي لو اتجوزتي أصلا وهي بتسكت وامها هي ال بتوسيها وتقولها معلش يابنتي استحملي وطبعا امها بتقولها كده علشان هي متقدرش تعارض ولا تقوله حاجه علشان بيضربها وبالمناسبه خديجه في ثانويه عامه ونفسها تتطلع مهندسه وتاخد امها واخواتها الصغيرين من ابوها وتتطلع من الحاره ال ساكنه فيها
في يوم وهي طالعه من البيت رايحه عند صاحبتها (اروي)ال دائما جدعه معاها وبطبطب عليها علشان يذاكروا سوا
خديجه:انا ممكن اجي في يوم واكون مرتاحه وانا وامي واخواتي وبعيده عن ابويا .
اروي:ممكن ياحبيبتي وانشاء الله ربنا هيعوضك خير .
وبدأوا يذاكروا ومحسوش بنفسهم فالوقت أتأخر .
خديجه :يالهوي انا اتاخرت ولو ابويا شافني هيطين عيشتي يلا سلام يااروي .
اروي :سلام اوصلك ؟
خديجه : لا ياحبيبتي خليكي سلام .
هي وماشيه كان في اولاد وسكرانين فاول لما شافوها ابتسموا ابتسامه كلها شر وهي اول ما شافتهم خافت وحاولت ماتبينش خوفها بس هما قربوا منا وقعوا الشنطه منا وقالولها ايه ياحلوه ماشيه لوحدك ليه .خديجه ابعد لو سمحت انا عايزه امشي الولاد تمشي فين دي انتي مطوله معانا وقرب واحد منهم وهي صرخت
ياسين ماشي وراجع من شغله وسمع صوت صريخ فجري عليها علشان يلحقها مسكهم وضربهم ضربه محترمه بس في واحد منهم طلع مطوه وعوره بيها في دراعه وهي اول لما شافت الدم صرخت وهمن هربوا .
خديجه قربت منه وقالتله انا اسفه انت كويس انت بتنزف جامد.
ياسين:انتي ايه ال مطلعك بالليل كده .
خديجه:كنت عند وحده صحبتي بنذاكر.
ياسين :يعني مينفعش تذاكروا الا بالليل قالها وهو بيربط في دراعه .
خديجه :انا اسفه .
ياسين :طب يالا تعالي اوصلك .
خديجه:لا انا همشي لوحدي .
ياسين :بضحك من شويه كنتي بتصرخي .
خديجه:بخوف ايوه صح .
ياسين :ضحك علي تصرفاتها افتكرتي .
خديجه :بتضحك علي ايه .
ياسين لا ولا حاجه .
هي وماشيه افتكرت ابوها لو شافها دلوقتي فعيطت .
ياسين :بتعيطي ليه دلوقت .
خديجه :اصل ابويا لو شافني دلوقتي هيضربني .
ياسين:ليه؟
خديجه:علشان أنا أتأخر زي ما انت عارف وهو ما هيصدق علشان بيكرهني .
ياسين:وبيكرهك ليه ؟
خديجه:مش عارفه من انا وصغيره وهو مش بيحبني.
ياسين:طب يالا وصلنا هو دا بيتك.
خديجه:ايوه متشكره واسفه علي ال حصل .
ياسين :ياشيخه متشكره علي ايه دي شكت دبوس وضحك دا انتي المفروض توديني المستشفى بس يلا تمام انا هتصرف .
ياسين:اياكي تتاخري بره البيت تاني .
خديجه:في نفسها هو بيكلمني كده ليه هو يعرفني .
ياسين استني لحد ما اتاكد انها طلعت البيت ومشي .
خديجه بتتسحب علشان ابوها ميشوفهاش بس لحسن حظها 😂😂كان قاعد واول ما شافته اتخضيت