رواية ويأتيك العوض الذي تستحقه الفصل الثالث 3 بقلم سهيلة ياسر

رواية ويأتيك العوض الذي تستحقه البارت الثالث

رواية ويأتيك العوض الذي تستحقه الجزء الثالث

رواية ويأتيك العوض الذي تستحقه الحلقة الثالثة

” البارت التالت ”
“ويأتيك العوض الذي تستحقه ♥️🫂”
………………………………………………………….
مستقبل بنتي..
مراد : ازاي..
محمد بحزن : حياه كانت لسه يدوب 17 سنه واتقدملها عريس وهو كان كويس ومقتدر وكنا شايفينه محترم..ف عملنا خطوبه..بس هو كان هيسافر واصر انهم يتجوزوا قبل م يسافر وانا وافقت..بس هي مكانتش تمت السن القانوني..ف عملنا الجواز بعقد عرفي..بس كان اتفاقنا اول م هي تتم السن القانوني نسجل جوازهم في المحكمه..
بعد م تم الجواز قال انه السفر بتاعه اتلغي..قولنا بما ان اتكتب كتابهم نعمل فرح بقي وخلاص..
مراد بحزن على حياه: وبعدين..
محمد : بعد م تمت ال 18 بكام يوم رمي عليها يمين الطلاق و قالها ملكيش حاجه عندي..انا قولت مش عايزين حاجه منه..هدخلها كليه وتكمل تعليمها وخلاص..بس طلعت حامل..بس مكنتش متخيل انه يطلع بالحقاره دي ويرمي ابنه كده..انا قولت ل حياه اني هكلمه بس لما روحتله النهارده ملقيتهوش..
مراد بأندهاش : هرب!!!!
محمد بكسره : سافر..وساب بنتي وابنها اللي هويته لحد دلوقتي مجهوله..ومش عارف هواجهها ازااي..عشان كده عايز محامي يحلهاا..ياخد الفلوس اللي عايزها انا مش طالب منه غير يسجل الولد بس مش عايز اكتر من كده..
مراد بحزن : لا حول ولا قوه الا بالله..بس متقلقش ي عمي انا هكلم محامي و اقوله التفاصيل دي واشوف رأيه..متقلقش انا معاكوا..
محمد بأمل : تسلم ي ابني..اشرب الشاي بقي قبل م يبرد..
مراد بدأ يفكر في القصه اللي اتعرضتلها حياه وبص عليها وهي قاعده في الارض وحواليها زين وعمر جنبها وهي بتلعب معاهم وبيضحكوا بكل براءه..
…..
بعد اسبوع في الجامعه…
مراد : حياه تعالي عاوزك..
حياه : نعم ي دكتور..
مراد : انتي اي اللي جابك الكليه وسايبه ابنك كده..
حياه بابتسامه وجع : سايباه مع ماما..بس لازم اشوف الكليه عشان بعد كده اعرف اشتغل واصرف علي ابني..احنا خلاص ملناش الا بعض..
مراد بحزن : طيب تعالي معايا عاوزك شويه..
حياه : نعم
مراد : تعالي هنروح كافيه نشرب قهوه وهكلمك في موضوع مهم..يلا..
.وصلو الكافيه وقعدو
حياه : ادينا جينا وطلبنا قهوه.. اي الموضوع بقي..
مراد : انا كلمت المحامي في موضوع جوازك وكل اللي حصل..
حياه پصدمه_ انت عرفت منين حكايه جوازي..
ادم : باباكي حكالي كل حاجه عشان اشوفله محامي.. وانا شوفت محامي.. وقالي ان القضايا اللي من النوع ده حق البنت بيضيع لان مفيش حاجه قانونيه.. وهتتبهدلي..
حياه بدموع_ طب اعمل اي.. انا ابني لما يسألني علي ابوه هقوله اي.. ولا هسجله ازاي ويدخل مدرسه ويتعلم ويبقي ليه كياان.. هقوله مين ابوه!
مراد : انا.
حياه پصدمه_ اي!!!
مراد : بصي ي حياه انا زين ابني من وقت م والدته ماټت كانت حالته صعبه.. كان متعلق بيها اووي.. وبقا انطوائي وبيخاف من اقل حاجه وانا مكنتش عارف اساعده ازااي.. لحد م شافك وحاله اتبدل 180 درجه.. انتي محتاجه تنقذي ابنك وانا كمان محتاجك عشان ابني..
حياه بتوتر : بس.. بس..
مراد : فكري الاول كويس وردي عليا..
حياه : بس انا حتي لو وافقت بابا مش هيوافق..
مراد بابتسامه : لا مهو انا مكنتش هقعد معاكي كده لوحدنا واقولك كده من غير اذن والدك.. هو كان عارف من الاول ان ملهاش حل.. هاا قولتي اي!
حياه : بتفكير مش عارفه اخد قرار ممكن تسيبني افكر شويه..
مراد بابتسامه : خدي وقتك..
حياه روحت وهي بتفكر..ولقت موافقه اهلها اللي كانوا بيتعلقوا ب اي قشايه تنقذ بنتهم..
وبعدين دخلت اوضتها وكان ابنها نايم علي سريرهاا زي الملاك الصغير..قربت منه وباسته من خده وضمته ليها ونامت جنبه…
….
تاني يوم في الجامعه..
حياه بابتسامه وتوتر: اا..دكتور مراد
مراد ابتسملها : ازيك ي حياه ..
حياه : الحمد لله..انا كنت عايزه اقولك اني موافقه..بس عندي شرط..
مراد : اي هو..
حياه تكتب وصيه يعني بعد عمر طويل يعني ربنا يديك طوله العمر..ان كل م تملك يبقي ب إسم زين..زين بس..
مراد : بس..
حياه برجاء : لو سمحت هو ده شرطي الوحيد.
مراد بقله حيله: ماشي ي حياه موافق..بس ده مش ممكن يعمل مشكله للولاد بعد م يكبروا..
حياه : انا مش ناويه اخبي عن ابني اي حاجه ي دكتور مراد..
مراد بأعجاب: قرارك وهحترمه..
حياه بابتسامه : شكرا..
مراد : تمام هجيلكم البيت النهارده انا و والدتي..انا والدي مټوفي علفكره ومليش غير والدتي..
حياه : ربنا يخليهالك..تنورونا في اي وقت انا هبلغ بابا..
مراد : تمام..
حياه بابتسامه : بعد اذنك..
……………………
بعد شهر …
انهارده كان جواز حياه ومراد
مراد : احم.. اي رأيك في البيت..
حياه بابتسامه : جميل اوي.. اومال زين فين..
مراد : احم ماما اخدته يبات عندهاا عشان عرسان وكده..
حياه : بتوتر_ وماما اخدت عمر بردو..
مراد بضحك ومرح : طب اي!
حياه : بتوتر اي!
مراد : ادخلي غيري فستانك وتعالي نتعشي