رواية وماذا بعد ذلك الفصل السادس 6 بقلم جنى هاني
رواية وماذا بعد ذلك الجزء السادس
رواية وماذا بعد ذلك البارت السادس
رواية وماذا بعد ذلك الحلقة السادسة
-متعرفيش حاجه عن عمر؟ وحشني اوي !
-انتي لسه بتفكري فيه؟
-مش قادره بعد كل اللي حصل في اليوم هخش انام عشان اقدر اصحي للشغل بكره
-طب تعالي يلا نخش سوا ننام
-شكرا انك بيتي معايا النهارده
-احنا اخوات مش هبطل اقولك كده
____________________________
صباح تاني يوم
سيليا راحت علي شغلها وانا وصلت الشركه
-صباح الخير يا ليله
-صباح الخير النور يامالك
-وشك شكله مش بيقول خير انتي كويسه
-اه كويسه لي
-شكلك مش بيقول كده
مسك ايدي وقالي
-بس عموما انا معاكي لو عايزه تتكلمي في اي حاجه أنا موجود
بصتله شويه وسكت لقيت مره واحده عمر جاي علينا بصيت باستغراب شديد وسحبت ايدي من ايد مالك بسرعه فضلت واقفه باصه لعمر اللي باصصلي باستغراب هو كمان قطع صمتنا ده مالك
-كويس انك جيت ياعمر متاخرتش دي بقي ليله اللي كنت بقولك هعرفك عليها وهتعملو شغل كويس اوي مع بعض ليله اعرفك عمر صديقي وهيشتغل معانا من النهارده علي المشروع الجديد
-عمر!
-انتو تعرفو بعض ياليله ولا اي
-اه ده عمر كان زميلي في الجامعه
عمري بصلي وقالي
-عاش من شافك ياليله
قاطع كلامنا مالك
-انا واثق أن شغلكو هيبقي حلو اووي مع بعض وهنكسر الدنيا أن شاء الله بالمشروع الجديد. هتقعد ياعمر مع ليله مؤقتا في المكتب بتاعها لحد لما المكتب بتاعك يخلص
-هيقعد معايا أنا في المكتب
-اه ياليله معاكي يلا بقي اسيبكو عشان كل واحد يشوف شغله وخدي عمر معاكي علي المكتب
مالك مشي وسابنا وانا وقفت بصيت لعمر شويه متنحه ومش عارفه اي الصدف الغريبه اللي بتحصلي دي
-هتفضلي واقفه كتير ورانا شغل كتير
خدته ووريته المكتب وطول اليوم قاعده ببص عليه مش عارفه اركز في شغلي وحاسه اني عايزه اخده بالحضن واقوله كنت واحشني اوي
خلص اليوم وعمر متجاهلني تماما
مالك طلبني أنا وعمر عشان نتناقش في المشروع الجديد واضطرينا اننا نخلص شغل متاخر خلصنا شغل وكنا خلاص طالعين عشان نمشي
-ليله استني انتي هتمشي لوحدك في الوقت ده
-اه عادي يامالك أنا هاخد اوبر
-لا اوبر اي انا هوصلك طبعا
عمر كان واقف بيبص علينا
-لا لا أنا هروح علاطول متقلقش
-مقلقش لا هقلقك طبعا
مسكني من ايدي ومشي بيا عليا العربيه ركبني
-عمر نتقابل بكره بقي ان شاء الله أنا همشي أنا وليله
مشيت أنا ومالك بالعربيه وكانت انظاري علي عمر اللي كان مشلش عينه اللي كلها غيره من علينا
في الطريق
-انتي عايشه انتي وباباكي واخواتك
-لا أنا معنديش اخوات
-عايشه مع باباكي بس
-لا برضه من بعد ماما عيشت مع خالتو وبعدين انتقلت للعيشه لوحدي
-لوحدك
-اه لوحدي
حاولت أتوه في الكلام
-انت تعرف عمر من بدري
-عمر صديق طفولتي
-اه عمر شخص كويس اوي مش كده
-اه كويس اوي علي فكره كنت دايما بحكيله عنك وعن شطارتك كان متحمس اوي للشغل معاكي بس حسيتك لما شوفتيه كان فيكي حاجه غريبه..هو انتو كان فيه بينكو مشكله؟
-احنا؟لا خالص هو بس من ساعة الجامعه مشوفناش بعض
وصلنا وكنت نازله من العربيه لقيت نفسي بدوخ وفجاه وقعت علي الارض.
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية وماذا بعد ذلك)
