رواية وماذا بعد ذلك الفصل الثاني 2 بقلم جنى هاني
رواية وماذا بعد ذلك الجزء الثاني
رواية وماذا بعد ذلك البارت الثاني
رواية وماذا بعد ذلك الحلقة الثانية
ا انت بتعمل اي في اوضتي في الوقت ده
-انا بطمن عليكي كان شكلك تعبان
-جاي تطمن عليا في اوضتي وفي الوقت والله لو سمحت اطلع برا
-انا زي أبوكي انتي فكرتي اي
-اطلع برا بقولك
خرج برا الأوضه وانا قفلت الباب وقعدت وراه انهارت من العياط حطيت ايدي علي قلبي وباخد نفسي بصعوبه مسكت تليفوني واتصلت بسيليا علاطول
– ا الو ياسيليا ا ا أنا مش كويسه
-ليله مال صوتك في اي
-صحيت لقيته قدامي في السرير
-هو تانيييي انتي ازاي مش بتقولي لخالتك
-هو هو ابويا ياسيليا
-ليله ده مش ابوكي ياليله
-انا مش عارفه اعمل اي انا مليش حد انا
قفلت مع سيليا وفضلت قاعده ورا الباب مش قادره انام وعماله اعيط وافتكر ماما
____________________________
في صباح يوم جديد
صحيت علي صوت خالتو ولقيت جوز خالتو محمد وراها
-ليله انتي نايمه في الأرض كده لي
بصيتله وبصيت لخالتو
-مش عارفه ياخالتو أنا صحيت لقيتني هنا
لقيت عمو محمد بيقاطعني في الكلام
-تخيلي ياخديجه دخلت عشان اطمن علي ليله امبارح اتخضت مني
-لا ياحبيبي تتخض لي ده انت اللي مربيها صح ياليله ولا اي
بصتلها وانا دماغي عماله تفكر مش عارفه أنا ظلماه ولا في اي بالظبط خالتو عادت الجمله تاني
-ليله مش بتردي لي
-اه ياخالتو طبعا ..هو ياسين صحي
-اه ياحببتي صحي قومي يلا عشان تفطري
-لا ياخالتو مش قادره انا هلبس وهنزل عشان عمر كلمني وهننزل نذاكر شويه مع بعض الحاجات اللي فاتتني عشان الامتحانات قربت
– طب ياحببتي خدي بالك من نفسك الواد عمر ده شكله ابن حلال
بصتلها بكسوف
-هو من ناحية ابن حلال ف هو ابن حلال فعلا
_____________________________
لبست ونزلت كان بقالي فتره مش متحمسه لحاجة كده بس من بعد وفاة ماما مكنش حد بيعرف يخرجني من حالتي دي غير عمر وهو اللي اقنعني انزل الجامعه..نزلت لقيت عمر واقفلي بالعربيه قدام البيت
-اي الحلاوه دي
-انا؟ طب يلا هتودينا علي فين عايزين مكان هادي عشان نعرف نركز
-متقلقيش هوديكي مكان هادي المهم انتي عامله اي الفتره دي مبسوطه عند خالتك
-هو أنا ليا مكان غير ده
-انا من ساعة ماعرفتك عايز أسألك سؤال بس خايف يدايقك
-واي هو السؤال
-باباكي؟!
-احنا مش هنتاخر صح عشان خالتو متقلقش
عمر حس اني مش حابه ارد ف قفل علي الموضوع
-متقلقيش خالتو مطمنه طول مانتي معايا
قاطع كلامنا تليفون من ياسين
-اي ياياسو عامل اي نزلت انهارده روحت مع عمر
-اه ماهي ماما قالتلي هتتاخرو؟
-لا ياحبيبي مش هنتاخر انت فين كده
-انا في الشغل اي رايك اخلص واجي اخدك أنا نروح سوا
-عمر ياسين هيجي ياخدني تمام
عمر باصلي بنظره غريبه لا أنا هوصلك مفيش داعي يجي ياخدك
-طب ياسين خلاص عمر هيجبني اقفل دلوقت وهكلمك وانا مروحه
قفلت مع ياسين
-انت اتدايقت؟
-لا بس انا واخدك معايا ف انا هرجعك
سكتنا شويه
-واضح أن ياسين بيهتم بيكي اوي مش كده
-اه فعلا هو اخويا الكبير يعتبر مليش غيره هو وخالتو من بعد ماما وكمان احنا متربين مع بعض علاطول
-اخوكي!
-اه اخويا طبعا
-طب يلا احنا وصلنا
قديت اليوم مع عمر وذاكرنا حاجات كتير من اللي فاتتني حاولنا نلم كتير عشان دي اخر سنه كلية هندسه ومش عايزه اضيعها خصوصا ان ماما كانت دايما بتفكرني أن أهم حاجه دراستي
دخلت الشقه بتعب لقيتهم متجمعين بياكلو
-حببتي انتي تعالي يلا كلي
-لا ياخالتو أنا هخش انام علاطول عشان عندي جامعه بكره أنا كلت مع عمر
لقيت عمو محمد قاطع كلامنا
-هو عمر ده مضمون يعني تعرفيه
-اه طبعا ده شخص كويس جدا ..
لقيت خالتو بتتكلم
-اه يامحمد ده محترم اوي ده مسابش ليله يوم من ساعة وفاة مريم اختي وبعدين سيب البت تنام عشان تعبانه
قاطعت كلامهم
-خالتو انتي لقيتي المفتاح بتاع اوضتي
-اه ياحببتي لقيته وانا بروق عندك جوا
-ماشي تصبحو علي خير
دخلت اوضتي كنت حاسه اني مبسوطه اوي كنت حاسه اني مش برتاح بس غير فعلا مع عمر بحس براحه غير كل الناس معاه نمت وصحيت تاني يوم عشان اروح الجامعه
____________________________
في الجامعه
-اي ياستي سي عمر خدك مني
-لا ياسيليا ياروح قلبي مقدرش هو بس كان ناقصني حاجات كتير وانتي عارفه عمر دحيح الدفعه بقي
-اتبسطو امبارح طب
-عادي يعني
-عادي اه طب يلا عشان منتاخرش علي المحاضره
دخلنا المدرج لقيت عمر واقف مع فرح اكتر بنت مش بطيقها ولا بطيقني اول لما شافني سابها وجيه عليا
-ليله عامله اي
رديت عليه بلا مبالاه
-كويسه ياعمر الحمد لله..يلا ياسيليا تعالي نروح نقعد
خدت سيليا وروحنا قعدنا
-انتي اتعاملتي معاه لي كده يابنتي مش انتو كنتو لسه مع بعض امبارح
– عادي ياسيليا حسيت مره واحده مش حابه اتكلم معاه كده كده كل الرجاله زي بعض كلهم صنف واحد
-ليله متخلطيش الأمور ببعض وبعدين هو كان واقف مع فرح عادي اكيد هي اللي نادلته ممكن محتاجه منه ملازم أو حاجه وبعدين انتو مفيش بينكو حاجه عشان تغيري
بصتلها وعيني دمعت
عمر بيحبها!
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية وماذا بعد ذلك)
